6.3. Valutazzjoni tar-riskju tas-suq

Meta jivvalutaw il-qafas tal-ġestjoni tar-riskju tas-suq, l-awtoritajiet kompetenti għandhom jevalwaw inter alia l-konformità tal-istituzzjoni mal-atti legali ppubblikati separatament fuq is-sit web tal-EBA kif imsemmi fil-paragrafu 12.

F’dawn il-linji gwida, ir-referenzi għal “riskju tas-suq” se jinkludu r-riskji kollha li ġejjin, li għandhom jiġu vvalutati mill-awtoritajiet kompetenti:

• a. ir-riskju tas-suq li jirriżulta mill-pożizzjonijiet kollha li jidhru u li ma jidhrux fil-karta bilanċjali li huma soġġetti għal telf li jirriżulta minn movimenti fil-prezzijiet tas-suq, jiġifieri riskji f’pożizzjonijiet fil-portafoll tan-negozjar kif ukoll ir-riskju tal-kambju u tal-komoditajiet fil-portafoll mhux tan-negozjar;
• b. ir-riskju ta’ telf li jirriżulta mill-ammonti tas-CVA li jinbidlu bħala reazzjoni għall-bidliet fil-firxiet tal-kreditu tal-kontroparti u/jew fil-prezzijiet tas-suq, li jkollhom impatt fuq il-valur ġust tat-tranżazzjonijiet fid-derivattivi u, jekk applikabbli, tat-tranżazzjonijiet ta’ finanzjament tat-titoli (SFTs);
• c. ir-riskju marbut mal-valwazzjoni ta’ strumenti b’valur ġust fis-sens tal-Artikolu 105 tar-Regolament (UE) 575/2013.

L-awtoritajiet kompetenti jistgħu jwettqu analiżi inqas granulari għall-istituzzjonijiet li jissodisfaw il-kundizzjonijiet tal-portafoll tan-negozjar żgħir kif stabbilit fl-Artikolu 94 tar-Regolament (UE) 575/2013. Għal istituzzjonijiet bi skoperturi immaterjali, il-valutazzjoni għandha tiffoka fuq l-adegwatezza tal-ġestjoni tar-riskju u tal-istruttura ta’ governanza u fuq il-kwalità u l-effettività tas-sistemi u tal-kontrolli.

L-awtoritajiet kompetenti għandhom jieħdu inkunsiderazzjoni l-impatt tar-riskji tal-ESG fuq ir-riskju inerenti tas-suq kif ukoll l-adegwatezza tal-qafas ta’ ġestjoni tar-riskju tas-suq u l-kontrolli relatati mar-riskji tal-ESG, u jagħtu prijorità lir-riskji ambjentali.

6.3.2. Valutazzjoni tar-riskju tas-suq inerenti

Permezz tal-valutazzjoni tar-riskju tas-suq inerenti, l-awtoritajiet kompetenti għandhom jiddeterminaw il-fatturi ewlenin prinċipali tal-iskoperturi tar-riskju tal-istituzzjoni u jevalwaw ir-riskju tal-impatt prudenzjali sinifikanti fuq l-istituzzjoni. Sabiex jiżviluppaw fehim bħal dan, l-awtoritajiet kompetenti għandhom l-ewwel jidentifikaw ir-riskji tas-suq li l-istituzzjoni hija jew tista’ tkun esposta għalihom u jiffokaw l-attenzjoni tagħhom fuq is-sottokategoriji u l-fatturi ewlenin meqjusa l-aktar materjali għall-istituzzjoni.

Sabiex jappoġġaw din l-analiżi, l-awtoritajiet kompetenti għandhom jikkunsidraw, bħala minimu, il-prodotti, l-attivitajiet u l-linji operatorji tal-istituzzjoni. Għandhom iqabblu r-rekwiżiti ta’ fondi proprji għar-riskju tas-suq u tas-CVA u l-aġġustament addizzjonali tal-valwazzjoni mnaqqas mill-fondi proprji tal-istituzzjoni, mar-rekwiżiti totali ta’ fondi proprji. Fejn ikun rilevanti huma għandhom iqabblu l-kapital intern allokat għal dawk ir-riskji mill-istituzzjoni mal-kapital intern totali. Jistgħu jikkunsidraw ukoll il-piż relattiv tal-pożizzjonijiet ta’ riskju tas-suq fir-rigward tal-assi totali, il-piż relattiv tal-qligħ nett fuq il-pożizzjonijiet ta’ riskju tas-suq fir-rigward tal-introjtu operatorju totali u l-bidliet storiċi f’dawn iċ-ċifri u l-previżjonijiet. Barra minn hekk, għandhom jittieħdu inkunsiderazzjoni l-istrateġija tal-istituzzjoni fir-rigward tal-attivitajiet tas-suq u l-aptit għar-riskju relatat. Meta jikkunsidraw l-attivitajiet tas-suq, l-awtoritajiet kompetenti għandhom jirreferu għar-riskji msemmija fil-paragrafu 161 li jistgħu jinkludu l-portafoll tan-negozjar u dak mhux tan-negozjar.

Natura u kompożizzjoni ta’ attivitajiet ta’ riskju tal-istituzzjoni

L-ewwel pass fil-valutazzjoni tan-natura tar-riskju tas-suq inerenti ta’ istituzzjoni huwa li jiġu identifikati l-iskoperturi tagħha għar-riskju tas-suq b’mod konsistenti u komprensiv. L-awtoritajiet kompetenti għandhom jużaw mudelli ta’ rapportar regolatorju disponibbli, bħal COREP u FINREP, rapportar intern, għarfien miksub mill-valutazzjoni ta’ elementi oħra tal-SREP (bħall-BMA) jew attivitajiet superviżorji preċedenti, u paraguni mal-pari tal-istituzzjoni, fejn disponibbli.

L-awtoritajiet kompetenti għandhom jibbażaw il-valutazzjoni tagħhom primarjament fuq is-sorsi ta’ riskju l-aktar sinifikanti identifikati, u jevalwaw il-materjalità tagħhom għall-istituzzjoni minn perspettiva prudenzjali. Sabiex jivvalutaw in-natura tar-riskju tas-suq, l-awtoritajiet kompetenti għandhom jikkunsidraw tal-anqas is-sottokategoriji li ġejjin³⁰ :

• a. riskju taċ-ċaqliq fir-rata tal-imgħax (portafoll tan-negozjar);
• b. firxa tal-kreditu għal nuqqas ta’ titolizzazzjoni, firxa tal-kreditu għal titolizzazzjoni (portafoll tan-negozjar);
• c. riskju ta’ ekwità (portafoll tan-negozjar);
• d. riskju ta’ migrazzjoni (għal negozju soġġett għal imposta fuq riskju ta’ inadempjenza)³¹ ;
• e. riskju ta’ inadempjenza (għal negozju soġġett għal imposta fuq riskju ta’ inadempjenza);
• f. riskju tal-kambju, inkluż riskju ta’ traduzzjoni (kemm fil-portafoll tan-negozjar kif ukoll dak bankarju);
• g. riskju tal-komoditajiet (portafoll tan-negozjar u bankarju);
• h. riskju tas-CVA (portafoll tan-negozjar u bankarju);
• i. riskju ta’ valwazzjoni (strumenti b’valur ġust fil-portafolli tan-negozjar u mhux tan-negozjar).

³⁰ Jekk jogħġbok irreferi għall-Anness II għal diżaggregazzjoni mhux eżawrjenti tas-sottokategoriji tar-riskju tas-suq.

³¹ Ir-riskju ta’ migrazzjoni huwa ttrattat bħala parti mir-riskju ta’ firxiet tal-kreditu skont ir-Reviżjoni Fundamentali tal-Portafoll tan-Negozjar.

L-awtoritajiet kompetenti għandhom jikkunsidraw ukoll:

• a. il-kumplessità tal-prodotti finanzjarji (eż. prodotti vvalutati bl-użu ta’ tekniki ta’ valwazzjoni skont mudell, prodotti li jġorru riskji mhux delta u riskji ta’ bażi). L-awtorità kompetenti tista’ tivvaluta dan billi tuża bħala indikatur is-suppliment li jrriżulta mir-riskji residwi skont l-Artikolu 325u tar-Regolament 575/2013/UE;
• b. il-likwidità tal-iskopertura tal-istituzzjoni. L-awtorità kompetenti tista’ tagħmel dan billi tivvaluta jekk l-istituzzjoni hijiex esposta għal sottokategoriji b’perjodi ta’ likwidità għolja f’konformità mat-tabella 2 tal-Artikolu 325bd tar-Regolament 575/2013/UE;
• c. il-konċentrazzjoni tar-riskju tas-suq lejn ismijiet, setturi, ekonomiji, klassijiet ta’ riskju speċifiċi;
• d. l-użu ta’ operazzjonijiet speċifiċi tas-suq li r-riskju tagħhom jista’ ma jkunx irrappreżentat b’mod sħiħ mir-rekwiżiti ta’ fondi proprji tar-riskju tas-suq (eż. kummerċ ta’ frekwenza għolja).

Meta jkun xieraq, l-awtoritajiet kompetenti għandhom jikkunsidraw ukoll il-miżuri interni tar-riskju tal-istituzzjonijiet. Dawn jistgħu jinkludu l-VaR intern jew id-defiċit mistenni mhux użat fil-kalkoli tar-rekwiżiti ta’ fondi proprji jew sensittivitajiet tar-riskju tas-suq għal fatturi differenti tar-riskju u telf potenzjali.

L-awtoritajiet kompetenti għandhom jivvalutaw ukoll il-kapaċità tal-istituzzjoni li tifforma perspettiva komprensiva dwar il-grad tar-riskju ta’ konċentrazzjoni tas-suq li hi esposta għalih, minn skoperturi għal fattur ta’ riskju uniku jew minn skoperturi għal diversi fatturi ta’ riskju li huma korrelatati, u b’hekk jagħtu attenzjoni speċifika lill-konċentrazzjonijiet fi prodotti kumplessi u illikwidi. Għandhom jirrevedu l-valutazzjoni tad-ditta stess tal-konċentrazzjonijiet u l-pożizzjonijiet illikwidi. L-awtoritajiet kompetenti għandhom jirrikjedu li l-istituzzjonijiet inaqqsu l-iskopertura għal CCP partikolari f’każ ta’ riskju ta’ konċentrazzjoni eċċessiva, jew jallinjaw mill-ġdid l-iskoperturi fuq il-kontijiet tagħhom għall-ikklerjar f’konformità mal-Artikolu 7(a) tar-Regolament 648/2012.

Meta jiddeterminaw jekk il-P2R għandux jiġi impost għar-riskju tas-suq li għalih hija esposta l-istituzzjoni, f’konformità mal-paragrafu 300, l-awtoritajiet kompetenti għandhom jikkunsidraw jekk il-metodoloġija tal-Pilastru 1 tkoprix ir-riskju b’mod adegwat, filwaqt li jqisu li:

• a. l-istituzzjonijiet li jużaw l-approċċ standardizzat alternattiv huma meħtieġa skont il-Pilastru 1 li jikkalkulaw suppliment (suppliment ta’ riskju residwu) għar-riskji inerenti fi prodotti finanzjarji kumplessi li ma humiex inklużi biżżejjed fil-metodu bbażat fuq is-sensittività u fl-imposta fuq riskju ta’ inadempjenza;
• b. l-istituzzjonijiet li jużaw l-approċċ tal-mudell intern jew l-approċċ tal-mudell intern alternattiv huma meħtieġa jinkludu f’dawk il-mudelli interni r-riskji materjali kollha;
• c. il-ponderazzjonijiet tar-riskju previsti fl-approċċ standardizzat alternattiv, il-miżuri tad-defiċit mistenni msemmija fl-Artikolu 325bb tar-Regolament 575/2013/UE u l-miżuri tar-riskju tax-xenarju ta’ stress imsemmija fl-Artikolu 325bk tar-Regolament 575/2013/UE fl-approċċ tal-mudell intern alternattiv huma mfassla biex jipprovdu għal-likwidità tal-pożizzjonijiet f’konformità mal-perjodu ta’ likwidità msemmi fit-tabella 2 tal-Artikolu 325bd tar-Regolament 575/2013/UE.

L-awtoritajiet kompetenti għandhom jidentifikaw u janalizzaw, fir-rigward tal-pożizzjonijiet ta’ riskju tas-suq u l-arranġamenti ta’ governanza korrispondenti, kwalunkwe arranġament ta’ pprezzar ta’ trasferiment bejn istituzzjonijiet stabbiliti fl-Unjoni li huma parti minn grupp ta’ pajjiż terz u entitajiet oħra ta’ dak il-grupp stabbiliti barra mill-Unjoni u li ma humiex konsolidati mill-impriża omm tal-UE. L-analiżi għandha tinkludi:

• a. komponent kwantitattiv għall-identifikazzjoni tal-materjalità tal-arranġamenti tal-ipprezzar ta’ trasferiment fir-rigward tal-P&L totali tal-portafoll tan-negozjar u l-fondi proprji tal-istituzzjoni;
• b. komponent kwalitattiv biex jiġi vvalutat jekk l-effett ta’ dawn l-arranġamenti huwiex trasparenti għall-bord maniġerjali tal-istituzzjoni u huwiex rifless kif xieraq fil-governanza tal-ġestjoni tar-riskju;
• c. komponent kwalitattiv biex jiġi vvalutat kif l-arranġament tal-ipprezzar ta’ trasferiment jaffettwa d-deċiżjonijiet tan-negozju tal-istituzzjoni, inkluż kif id-dinamika tal-arranġament tal-ipprezzar ta’ trasferiment potenzjalment taffettwa d-deċiżjonijiet tal-uffiċċji tal-front office, u l-kunflitti ta’ interess potenzjali li l-arranġament jista’ joħloq.

L-awtoritajiet kompetenti għandhom jidentifikaw il-materjalità tal-ipprezzar ta’ trasferiment fil-kuntest tal-entrati fil-portafoll tan-negozjar billi jiffokaw fuq l-arranġamenti tal-ipprezzar ta’ trasferiment li jissodisfaw il-kundizzjonijiet li ġejjin:

• a. jinvolvu mill-inqas entità waħda tal-grupp li hija stabbilita barra mill-Unjoni u li għaliha l-ogħla livell ta’ konsolidazzjoni huwa barra mill-Unjoni;
• b. huma bbażati fuq metodu ta’ profitt minn tranżazzjoni (TPM) – jew kwalunkwe prattika simili li tkun ekonomikament ekwivalenti – li f’konformità miegħu l-profitti u t-telf relatati ma’ pożizzjonijiet li jappartjenu għal diversi entitajiet jiġu ddistribwiti mill-ġdid bejn dawk l-entitajiet fuq il-bażi tal-kontribuzzjoni marġinali “m” ta’ kull entità għall-metriċi ewlenin stabbiliti fl-arranġament ta’ pprezzar.

Għal istituzzjonijiet skont il-paragrafu 173, il-punt (a), fejn il-profitti u t-telf, riallokati bħala riżultat ta’ arranġamenti ta’pprezzar ta’ trasferiment ibbażati fuq metodi ta’ profitt tranżazzjonali, huma materjali (eż. jammontaw għal aktar minn 5% tal-P&L iġġenerat mill-istituzzjoni) u dan ir-riskju ma huwiex kopert jew ma huwiex kopert b’mod sħiħ mill-P1R, l-awtoritajiet kompetenti għandhom:

• a. jikkunsidraw dan ir-riskju għad-determinazzjoni tal-P2R;
• b. jikkunsidraw ir-riżultati tal-komponenti elenkati fil-paragrafu 172, bħall-materjalità tal-arranġamenti ta’ pprezzar ta’ trasferiment, fir-rigward tar-rekwiżiti tal-kapital għar-riskju tas-suq tal-portafoll li l-profitti u t-telf tiegħu jintużaw biex jiġi ddeterminat l-ammont li għandu jiġi trasferit lill-istituzzjoni kif ukoll id-dgħjufijiet potenzjali fl-arranġamenti ta’ governanza relatati;
• c. jiddeterminaw P2R li jkopru b’mod suffiċjenti r-riskji tas-suq mhux inklużi taħt P1R li jinħolqu taħt l-arranġament ta’ pprezzar ta’ trasferiment. Għal dak il-għan, l-awtoritajiet kompetenti jistgħu jużaw il-metodu ta’ kalkolu kif stabbilit fl-Anness V jew metodoloġija alternattiva li tipprovdi kejl preċiż tar-riskju mhux kopert fil-P1R u li tidentifika l-P2R konsegwenti, filwaqt li jqisu bħala referenza l-metodoloġija fl-Anness V.

Analiżi tal-profittabbiltà u ttestjar tal-istress

L-awtoritajiet kompetenti għandhom janalizzaw il-profittabbiltà storika, inkluża l-volatilità tal-profitti, tal-attivitajiet tas-suq biex jiksbu fehim aħjar tal-profil tar-riskju tal-istituzzjoni għar-riskju tas-suq. Din l-analiżi tista’ titwettaq kemm fil-livell tal-portafoll kif ukoll tiġi diżaggregata skont il-linja operatorja, il-klassi tal-assi jew id-desk skont il-materjalità u l-kumplessità tal-iskoperturi tal-istituzzjoni (kif jirriżulta mill-BMA jew minn għarfien superviżorju ieħor).

L-awtoritajiet kompetenti għandhom jagħmlu distinzjoni bejn id-dħul min-negozjar u mhux min-negozjar (bħal kummissjonijiet, tariffi tal-klijenti, eċċ.) fuq naħa waħda u l-profitti/it-telf realizzati u mhux realizzati min-naħa l-oħra.

Għal dawk il-klassijiet tal-assi u/jew skoperturi li jiġġeneraw profitti jew telf sinifikanti, l-awtoritajiet kompetenti għandhom jivvalutaw il-profittabbiltà meta mqabbla mal-livell ta’ riskju assunt mill-istituzzjoni (eż. VaR/qligħ nett fuq assi u obbligazzjonijiet finanzjarji miżmuma għan-negozju) biex jidentifikaw u janalizzaw inkonsistenzi possibbli. Fejn ikun possibbli, l-awtoritajiet kompetenti għandhom iqabblu ċ-ċifri tal-istituzzjoni mal-prestazzjoni storika tagħha u mal-pari tagħha.

L-awtoritajiet kompetenti għandhom jivvalutaw jekk l-istituzzjoni tkunx implimentat testijiet tal-istress adegwati li jikkomplementaw is-sistema ta’ kejl tar-riskju tagħha. Għal dan l-iskop, huma għandhom iqisu l-elementi li ġejjin:

• a. il-frekwenza tat-test tal-istress;
• b. jekk humiex identifikati motivaturi tar-riskju rilevanti (eż. illikwidità/disparità bejn il-prezzijiet, pożizzjonijiet ikkonċentrati, swieq b’direzzjoni waħda);
• c. is-suppożizzjonijiet sottostanti x-xenarju ta’ stress;
• d. l-użu intern ta’ eżiti tal-ittestjar tal-istress għall-ippjanar tal-kapital u l-istrateġiji tar-riskju tas-suq.

6.3.3. Valutazzjoni tal-qafas ta’ ġestjoni u kontroll tar-riskju tas-suq

Biex jinkiseb fehim adegwat tal-ġestjoni tar-riskju tas-suq, proporzjonat għall-profil tar-riskju tal-istituzzjoni, l-awtoritajiet kompetenti għandhom jirrevedu l-qafas ta’ ġestjoni u kontroll tar-riskju tal-istituzzjoni u l-adegwatezza tiegħu fir-rigward tal-iskoperturi għar-riskju inerenti. Għal din il-valutazzjoni, l-awtorità kompetenti għandha tuża l-paragrafi stabbiliti f’din it-taqsima, filwaqt li tisfrutta wkoll:

• a. l-eżitu tal-valutazzjoni ta’ elementi oħra tal-SREP (bħall-BMA u l-oqsma tal-governanza);
• b. l-eżitu tal-valutazzjoni msemmija fl-Artikolu 325c tar-Regolament 575/2013/UE għall-istituzzjonijiet li jużaw l-approċċ standardizzat alternattiv, u l-eżitu tal-valutazzjoni mwettqa f’konformità mar-Regolament Delegat (UE) 2024/1085, speċjalment fir-rigward tar-rekwiżiti msemmija fl-Artikoli 104b, 325bi, u 325bj tar-Regolament 575/2013/UE.

L-awtoritajiet kompetenti għandhom jivvalutaw ukoll il-politiki u l-proċeduri tal-istituzzjonijiet għall-allokazzjoni tal-pożizzjonijiet fil-portafoll tan-negozjar u fil-portafoll bankarju, kif deskritt fit-Titolu 1 tal-Kapitolu 3 tar-Regolament 575/2013/UE.

Strateġija tar-riskju tas-suq u aptit għar-riskju

L-awtoritajiet kompetenti għandhom jivvalutaw jekk l-istituzzjonijiet għandhomx aptit għar-riskju, strateġija u limiti sodi, ifformulati u ddokumentati b’mod ċar u approvati mill-korp maniġerjali tagħhom. Għal din il-valutazzjoni, fost fatturi oħrajn, l-awtoritajiet kompetenti għandhom iqisu r-rwol tal-korp maniġerjali fl-istabbiliment, l-approvazzjoni u r-reviżjoni tal-istrateġija u l-aptit għar-riskju, l-implimentazzjoni xierqa ta’ din l-istrateġija mill-korp maniġerjali kif ukoll l-adegwatezza tagħha għall-istituzzjoni minħabba l-mudell tan-negozju, l-aptit għar-riskju globali, l-ambjent tas-suq kurrenti u prospettiv u l-kundizzjoni finanzjarja tagħha.

Qafas organizzazzjonali u ta’ kontroll intern

L-awtoritajiet kompetenti għandhom jivvalutaw jekk l-istituzzjoni għandhiex qafas organizzattiv xieraq għall-identifikazzjoni, il-fehim, il-kejl, il-monitoraġġ u l-kontroll tar-riskju tas-suq, b’riżorsi umani u tekniċi suffiċjenti (kemm kwalitattivi kif ukoll kwantitattivi) biex twettaq il-kompiti meħtieġa. Għal din il-valutazzjoni, l-awtoritajiet kompetenti għandhom jieħdu inkunsiderazzjoni l-adegwatezza tal-linji ta’ responsabbiltà għat-teħid, il-monitoraġġ, ir-rapportar u l-kontroll tar-riskju tas-suq, il-kopertura tagħhom tal-istituzzjoni kollha, l-eżistenza ta’ separazzjoni ċara bejn il-front office u l-back office u bejn il-funzjonijiet ta’ teħid tar-riskju u ta’ kontroll, u l-ħiliet u l-kompetenza tal-persunal involut.

L-awtoritajiet kompetenti għandhom jivvalutaw jekk l-istituzzjoni għandhiex politiki u proċeduri ddefiniti b’mod ċar għall-identifikazzjoni, il-ġestjoni, il-kejl u l-kontroll tar-riskju tas-suq u jekk dawn humiex sodi u konsistenti mal-istrateġija tar-riskju tal-istituzzjoni u jkoprux in-negozji u l-proċessi prinċipali kollha. Dan jinkludi l-valutazzjoni ta’ jekk dawn il-politiki u l-proċeduri humiex ċarament formalizzati, komunikati u applikati b’mod konsistenti fl-istituzzjoni kollha.

B’mod partikolari, il-valutazzjoni għandha tkopri l-pożizzjonijiet li għandhom jiġu inklużi/esklużi mill-portafoll tan-negozjar għal skopijiet regolatorji, il-politiki dwar il-ħeġġijiet interni u l-proċeduri għal attivitajiet u/jew prodotti ġodda fis-suq.

L-awtoritajiet kompetenti għandhom jivvalutaw jekk l-istituzzjoni għandhiex qafas xieraq għall-identifikazzjoni, il-fehim u l-kejl tar-riskju tas-suq, f’konformità mad-daqs u l-kumplessità tal-istituzzjoni, u jekk dan il-qafas huwiex konformi mar-rekwiżiti minimi rilevanti f’konformità mal-qafas legali u regolatorju applikabbli.

L-awtoritajiet kompetenti għandhom jivvalutaw jekk l-istituzzjonijiet ikollhomx fis-seħħ qafas adegwat ta’ monitoraġġ u ta’ rapportar għar-riskji tas-suq li jiżgura li jkun hemm azzjoni fil-pront fil-livell xieraq tal-maniġment superjuri jew tal-korp maniġerjali tal-istituzzjoni fil-każ ta’ ksur. Is-sistema ta’ monitoraġġ għandha tinkludi indikaturi speċifiċi u skattaturi rilevanti biex jiġu pprovduti allerti effettivi ta’ twissija bikrija u għandha tinforma lill-korp maniġerjali u lill-maniġment superjuri dwar l-iskoperturi u l-miżuri kurrenti meta mqabbla mal-limiti tal-politika.

L-awtoritajiet kompetenti għandhom jivvalutaw jekk l-istituzzjoni għandhiex qafas ta’ kontroll u sistemi ta’ limitu sodi u komprensivi b’salvagwardji sodi biex timmitiga r-riskji tagħha f’konformità mal-istrateġija u l-aptit għar-riskju tagħha. Għal din il-valutazzjoni, l-awtoritajiet kompetenti għandhom jagħtu attenzjoni partikolari lill-ambitu adegwat kopert mill-funzjonijiet ta’ kontroll tal-istituzzjoni (inklużi l-entitajiet konsolidati, il-postijiet ġeografiċi u l-attivitajiet tas-suq kollha), lill-eżistenza ta’ limiti operattivi (inklużi limiti individwali fil-livell tad-desk jew tal-unità tan-negozju li għandhom jiġu mmonitorjati kuljum) u prattiki oħrajn immirati biex iżommu l-iskoperturi tar-riskju tas-suq fi ħdan livelli aċċettabbli għall-istituzzjoni f’konformità mal-aptit għar-riskju u l-limiti tagħha.

L-awtoritajiet kompetenti għandhom jivvalutaw ukoll jekk il-proċess ta’ validazzjoni interna huwiex sod u effettiv biex jikkontesta s-suppożizzjonijiet tal-mudell u biex jidentifika kwalunkwe nuqqas potenzjali fir-rigward tas-sistema ta’ ġestjoni tar-riskju tas-suq. Għal istituzzjonijiet li jadottaw approċċ intern biex jiddeterminaw ir-rekwiżiti minimi ta’ fondi proprji għar-riskju tas-suq, din il-valutazzjoni għandha tkun ibbażata – fejn disponibbli – fuq l-informazzjoni li tirriżulta mill-attivitajiet superviżjorji diġà mwettqa fuq mudelli interni (bħal spezzjonijiet fuq il-post).

L-awtoritajiet kompetenti għandhom jivvalutaw ukoll il-funzjonalità tal-funzjoni tal-awditjar intern f’termini ta’ adegwatezza, ambitu u frekwenza tal-awditjar intern fil-qafas tal-ġestjoni tar-riskju tas-suq. Dan għandu jinkludi r-reviżjoni tal-elementi prinċipali tal-qafas tal-ġestjoni, tal-kejl u tal-kontrolli tar-riskju fl-istituzzjoni kif ukoll l-aderenza għar-regolamenti esterni rilevanti jew il-politiki u l-proċeduri interni u kwalunkwe devjazzjoni minnhom.

6.3.4. Sommarju tas-sejbiet, punteġġ u miżuri superviżorji

Wara l-valutazzjoni ta’ hawn fuq, l-awtoritajiet kompetenti għandhom jiffurmaw perspettiva dwar ir-riskju tas-suq tal-istituzzjoni. Din il-perspettiva għandha tkun riflessa f’sommarju tas-sejbiet, akkumpanjat minn punteġġ tar-riskju bbażat fuq il-kunsiderazzjonijiet speċifikati fit-tabella 8. Meta, abbażi tal-materjalità ta’ ċerti sottokategoriji tar-riskju, l-awtorità kompetenti tiddeċiedi li tivvalutahom u tagħtihom punteġġ individwalment, il-gwida pprovduta f’din it-tabella għandha tiġi applikata, sa fejn ikun possibbli, b’analoġija. Tabella 8. Kunsiderazzjonijiet superviżorji biex jiġi assenjat punteġġ għar-riskju tas-suq Punteġġ Kunsiderazzjonijiet fir-tar- Perspettiva superviżorja rigward Kunsiderazzjonijiet tar-riskju inerenti fir- rigward ta’ ġestjoni u

riskju kontrolli adegwati

It-tabella hawn taħt tippreżenta lista mhux eżawrjenti ta’ miżuri superviżjorji li l-awtoritajiet kompetenti jistgħu jieħdu f’każ ta’ nuqqasijiet identifikati fil-qafas ta’ ġestjoni tar-riskju tas-suq tal-istituzzjoni. L-awtoritajiet kompetenti għandhom jiddeċiedu dwar it-tip ta’ miżura abbażi tal-effettività tagħha għan-nuqqas speċifiku identifikat. L-awtoritajiet kompetenti jistgħu japplikaw miżuri superviżorji oħra (inklużi miżuri kwantitattivi f’konformità mal-Artikolu 104(1)(a) tad-Direttiva 2013/36/UE) jew kombinazzjoni tagħhom jekk dawn jitqiesu aktar xierqa biex jindirizzaw in-nuqqasijiet identifikati.

Tabella 9. Miżuri superviżorji potenzjali u mhux eżawrjenti għar-riskju tas-suq Miżuri superviżorji potenzjali għall-awtoritajiet kompetenti f’konformità mal-Artikolu 104(1)(b), (d), (e), (f), (j), (l), (m), (n) tad-Direttiva 2013/36/UE – L-awtoritajiet kompetenti jistgħu jirrikjedu li l-istituzzjoni: A. ittejjeb il-kwalità u l-frekwenza tar-rapportar tar-riskju tas-suq lill-korp maniġerjali u lill-maniġment superjuri tal-istituzzjoni; B. ittejjeb il-prestazzjoni tal-approċċi interni tal-istituzzjoni, jew tal-kapaċità tagħha ta’ ttestjar retrospettiv jew ittestjar tal-istress; C. twettaq awditi interni aktar frekwenti u fil-fond tal-attività tas-suq; D. tillimita l-investimenti f’ċerti prodotti meta l-politiki u l-proċeduri tal-istituzzjoni ma jiżgurawx li r-riskju minn dawk il-prodotti se jkun kopert u kkontrollat b’mod adegwat; E. tiżvesti l-prodotti finanzjarji meta l-proċessi ta’ valwazzjoni tal-istituzzjoni ma jipproduċux valwazzjonijiet konservattivi li jikkonformaw mal-istandards tar-Regolament (UE) 575/2013; F. tnaqqas il-livell ta’ riskju inerenti tas-suq (eż. permezz ta’ ħħeġġjar jew bejgħ ta’ assi jew żieda ta’ derivattivi saldati permezz ta’ kontropartijiet ċentrali (CCPs)) meta jkunu nstabu nuqqasijiet sinifikanti fis-sistemi ta’ kejl jew ta’ kontroll tal-istituzzjoni; G. tippreżenta pjan biex gradwalment tnaqqas l-iskoperturi tagħha għal assi f’diffikultà u/jew pożizzjonijiet illikwidi.