4.2 Rioscaí ESG a shainaithint agus a thomhas

Mar chuid de na híoschaighdeáin chun rioscaí ESG a shainaithint agus a thomhas, ba cheart go n-áireofaí i nósanna imeachta inmheánacha na n institiúidí uirlisí agus modheolaíochtaí chun spreagaithe riosca ESG a mheas chomh maith lena gcainéil tarchurtha isteach sna ‑ catagóirí éagsúla riosca stuamachta agus na méadrachtaí riosca airgeadais a théann i bhfeidhm ar neamhchosaintí na hinstitiúide a mheas, le dearcadh réamhbhreathnaitheach ina measc.

D’fhonn sainaithint agus bainistiú cuí rioscaí ESG a áirithiú, ba cheart d’institiúidí an tionchar a d’fhéadfadh a bheith ag na rioscaí sin sa ghearrthéarma, sa mheántéarma agus san fhadtéarma a mheas. Ba cheart go gcuirfí san áireamh measúnú ábharthachta na n institiúidí, mar aon lena méid agus lena gcastacht, i leibhéal gráinneachta agus cruinnis na bpointí sonraí, ‑ na n uirlisí cainníochtaithe, na modhanna agus na dtáscairí arna n úsáid ag institiúidí agus ba

‑ ‑ 7 cheart go mbeadh siad go ginearálta ní b’airde don ghearrthéarma agus don mheántéarma. Ba cheart dearcthaí ama fadtéarmacha a mheas ó thaobh na cáilíochta de ar a laghad agus ba cheart go mbeidís mar thaca le measúnuithe straitéiseacha agus le cinnteoireacht.

Maidir le rioscaí comhshaoil, ba cheart go gcuirfí le nósanna imeachta agus modheolaíochtaí inmheánacha ar chumas institiúidí an méid seo a leanas a dhéanamh:

• a. rioscaí a bhaineann leis an aeráid a chainníochtú, amhail trí mheastachán a dhéanamh ar na dóchúlachtaí go dtarlóidh siad agus méid na dtionchar airgeadais a eascraíonn as fachtóirí a bhaineann leis an aeráid;
• b. tuiscint cheart a fháil ar na rioscaí airgeadais a d’fhéadfadh a bheith mar thoradh ar chineálacha eile rioscaí comhshaoil, amhail na rioscaí sin a eascraíonn as díghrádú an dúlra, lena n áirítear caillteanas na bithéagsúlachta agus caillteanas na seirbhísí éiceachórais, nó gníomhaíochtaí a mhí-ailíniú le gníomhaíochtaí atá dírithe ar ‑ thionchair dhiúltacha ar an dúlra a chosaint, a athbhunú, agus/nó a laghdú;
• c. eochairtháscairí riosca (KRInna) a bhunú lena gcumhdófar tréimhsí ama gearrthéarmacha agus meántéarmacha ar a laghad agus raon feidhme neamhchosaintí agus punann arna gcinneadh i gcomhréir le torthaí an mheasúnaithe ábharthachta.

Maidir le rioscaí sóisialta agus rialachais, i gcás ina bhfuil faisnéis chainníochtúil in easnamh ar dtús, ba cheart go bhforálfaí le nósanna imeachta inmheánacha na n institiúidí do mhodhanna a thosaíonn trí mheastóireacht cháilíochtúil a dhéanamh ar na tionchair a ‑ d’fhéadfadh a bheith ag na rioscaí sin ar oibríochtaí na hinstitiúide, agus ar na rioscaí airgeadais a d’fhéadfadh a bheith os comhair na hinstitiúide, agus ba cheart go bhforbróidís bearta cáilíochtúla agus cainníochtúla ní b’fhorbartha de réir a chéile. Ba cheart d’institiúidí a gcur chuige a fheabhsú de réir a chéile i gcomhréir le hinfhaighteacht rialála, le hinfhaighteacht, le hinfhaighteacht sonraí agus le dul chun cinn modheolaíochta.

Maidir leis na hidirghníomhaíochtaí idir na catagóirí éagsúla, faoi seach, de rioscaí comhshaoil, sóisialta agus rialachais, ba cheart go n áiritheofaí le nósanna imeachta inmheánacha na n institiúidí go ndéanfar measúnú ar gach catagóir riosca ar dtús agus a saintréithe sonracha ‑ á gcur san áireamh, sula mbreithneofar idirnaisc agus idirspleáchais fhéideartha i dtomhas na ‑ rioscaí sin.

4.2.2. Próisis sonraí

Ba cheart go bhforálfaí le nósanna imeachta inmheánacha na n institiúidí do chórais fhónta bainistithe faisnéise a chur chun feidhme chun na sonraí is gá chun tacú le measúnú ar rioscaí ‑ ESG, le bainistiú de rioscaí ESG agus le faireachán a dhéanamh ar rioscaí ESG a shainaithint, a bhailiú, a struchtúrú agus a anailísiú. Ba cheart córais den sórt sin a chur chun feidhme ar fud na hinstitiúide mar chuid den rialachas sonraí foriomlán agus den bhonneagar TF. Ba cheart d’institiúidí athbhreithniú rialta a dhéanamh ar a gcleachtais lena chinntiú go bhfanfaidh siad cothrom le dáta le forbairtí pobail (e.g. infhaighteacht mhéadaithe sonraí mar gheall ar thionscnaimh rialála) agus forbairtí sa mhargadh agus ba cheart socruithe a bheith i bhfeidhm acu chun cáilíocht sonraí a mheasúnú agus a fheabhsú.

Ba cheart go n áiritheofaí le nósanna imeachta inmheánacha na n institiúidí go mbaileoidh agus go n úsáidfidh institiúidí an fhaisnéis is gá chun measúnú, bainistiú agus faireachán a ‑ ‑ dhéanamh ar na rioscaí reatha agus réamhbhreathnaitheacha ESG a d’fhéadfaidís a bheith ‑ nochta dóibh trína gcontrapháirtithe, trí dhíriú ar shonraí ar leibhéal na gcliant agus na sócmhainní a bhailiú ar leibhéal gráinneach iomchuí.

Le nósanna imeachta inmheánacha na n institiúidí, ba cheart go bhforbrófaí na sonraí ESG atá ar fáil go hinmheánach agus go seachtrach araon, lena n áirítear trí athbhreithniú rialta a ‑ dhéanamh ar fhaisnéis inbhuanaitheachta arna nochtadh ag a gcontrapháirtithe agus trí úsáid ‑ a bhaint aisti, go háirithe i gcomhréir leis na Caighdeáin Eorpacha Tuairiscithe Inbhuanaitheachta arna bhforbairt faoi Threoir 2013/36/AE nó caighdeán tuairiscithe deonaí d’Fhiontair Bheaga agus Mheánmhéide neamhliostaithe (FBManna) de réir Theachtaireacht COM (2023) 535 maidir leis an bPacáiste Fóirithinte do FBManna⁹ .

⁹ COM (2023) 535 – Teachtaireacht ón gCoimisiún Eorpach chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún, Pacáiste Fóirithinte do FBManna (COM(2023) 535 final).

Ba cheart d’institiúidí a mheas cé na foinsí eile sonraí a thacódh go héifeachtach le measúnú, bainistiú agus faireachán a dhéanamh ar rioscaí ESG, amhail faisnéis a fhaightear trí rannpháirtíocht le cliaint agus le contrapháirtithe mar chuid de chaidrimh ghnó nua agus reatha, nó sonraí tríú páirtí. Nuair a úsáideann institiúidí seirbhísí de chuid soláthraithe tríú páirtí chun rochtain a fháil ar shonraí ESG, ba cheart d’institiúidí a chinntiú go bhfuil tuiscint leordhóthanach acu ar na foinsí, na sonraí agus na modheolaíochtaí a úsáideann soláthraithe sonraí, lena n áirítear na teorainneacha a d’fhéadfadh a bheith i gceist leo.

Sa chás nach ‑ leor cáilíocht nó infhaighteacht sonraí ar dtús chun freastal ar riachtanais

bainistithe riosca, ba cheart d’institiúidí na bearnaí sin agus na tionchair a d’fhéadfadh a bheith acu a mheas. Ba cheart d’institiúidí gníomhaíochtaí feabhsúcháin a ghlacadh agus a dhoiciméadú, lena n áirítear úsáid a bhaint as meastacháin nó as athróga ionadacha, e.g. bunaithe ar shaintréithe earnála agus/nó ar leibhéal réigiúnach agus, nuair is féidir, ‑ coigeartuithe a dhéanamh chun cuntas a thabhairt ar ghnéithe a bhaineann go sonrach le contrapháirtí. Ba cheart d’institiúidí iarracht a dhéanamh úsáid as meastachán agus as athróga ionadacha a laghdú le himeacht ama de réir mar a thagann feabhas ar infhaighteacht agus cáilíocht sonraí ESG.

I gcás contrapháirtithe móra corparáideacha mar a shainmhínítear iad in Airteagal 3(4) de Threoir 2013/36/AE, ba cheart d’institiúidí breithniú a dhéanamh ar na pointí sonraí seo a leanas a bhailiú nó a fháil, i gcás inarb infheidhme:

• a. Maidir le rioscaí comhshaoil:
• i. suíomh geografach na bpríomhshócmhainní (e.g. láithreáin táirgthe) agus nochtadh do ghuaiseacha comhshaoil (e.g. guaiseacha a bhaineann le teocht, guaiseacha a bhaineann leis an ngaoth, guaiseacha a bhaineann le huisce, guaiseacha a bhaineann le mais sholadach) ar an leibhéal gráinneachta is gá le haghaidh anailís riosca fhisiciúil iomchuí, agus infhaighteacht árachais;
• ii. astaíochtaí gás ceaptha teasa (GCT) atá ann faoi láthair agus, má tá siad ar fáil, de raon 1, 2 agus 3 atá spriocdhírithe i ndearbhluach agus, i gcás inarb ábhartha, i luach déine;
• iii. spleáchas ar bhreoslaí iontaise, i dtéarmaí ionchur ó fhachtóirí eacnamaíocha nó i dtéarmaí boinn ioncaim;
• iv. éileamh agus/nó tomhaltas fuinnimh agus uisce, i dtéarmaí ionchuir ó fhachtóirí eacnamaíocha nó i dtéarmaí boinn ioncaim;
• v. leibhéal na héifeachtúlachta fuinnimh le haghaidh neamhchosaintí ar eastát réadach agus cumas seirbhísithe fiachais an chontrapháirtí;
• vi. na héifeachtaí airgeadais reatha agus réamh-mheasta a bhaineann le rioscaí agus deiseanna comhshaoil ar staid airgeadais, feidhmíocht airgeadais agus sreafaí airgid an chontrapháirtí;
• vii. pleananna straitéiseacha a bhaineann le haistriú, lena n áirítear plean aistrithe le haghaidh maolú ar an athrú aeráide arna nochtadh i gcomhréir le hAirteagal 19a nó le ‑ hAirteagal 29a de Threoir (AE) 2022/2464, nuair atá siad ar fáil;
• b. Maidir le rioscaí sóisialta agus rialachais:
• i. ailíniú le Treoirlínte ECFE maidir le Fiontair Ilnáisiúnta, Prionsabail Threoracha na Náisiún Aontaithe maidir le Gnó agus Cearta an Duine agus Dearbhú na hEagraíochta Idirnáisiúnta Saothair maidir le Prionsabail Bhunúsacha agus Cearta Bunúsacha ag an Obair;
• ii. tionchair ábhartha dhiúltacha ar oibrithe dílse, ar oibrithe sa slabhra luacha, ar phobail lena mbaineann agus ar thomhaltóirí/úsáideoirí deiridh lena n áirítear faisnéis faoi iarrachtaí nó próisis díchill chuí chun tionchair den sórt sin a sheachaint agus a leigheas. ‑

Maidir le neamhchosaintí i leith cineálacha eile contrapháirtithe seachas corparáidí móra, ba cheart d’institiúidí an méid seo a leanas a dhéanamh:

• a. cinneadh a dhéanamh maidir leis na pointí sonraí is gá chun rioscaí ESG a shainaithint, a thomhas agus a bhainistiú, agus an liosta a chuirtear ar fáil i mír 28 mar thaca leis an measúnú sin á chur san áireamh;
• b. i gcás inar gá chun aghaidh a thabhairt ar bhearnaí sonraí, úsáid a bhaint as breithiúnas saineolaithe, as sonraí cáilíochtúla, as measúnuithe ar leibhéal punainne agus as athróga ionadacha i gcomhréir le mír 27.

4.2.3. Príomhghnéithe na modheolaíochtaí tagartha chun rioscaí ESG a shainaithint agus a thomhas

Ba cheart go bhforálfaí le nósanna imeachta inmheánacha na n institiúidí do mheascán de mhodheolaíochtaí measúnaithe riosca, lena n áirítear modheolaíochtaí atá bunaithe ar ‑ nochtadh, modheolaíochtaí atá bunaithe ar earnálacha, modheolaíochtaí atá bunaithe ar ‑ phunann agus modheolaíochtaí cásbhunaithe, mar a leagtar amach i míreanna 31 go 42. Ba cheart an meascán de mhodheolaíochtaí a chur le chéile ar bhealach lena gcuirtear ar chumas institiúidí measúnú cuimsitheach a dhéanamh ar rioscaí ESG thar gach tréimhse ábhartha. Go háirithe, ba cheart d’institiúidí úsáid a bhaint as modhanna atá bunaithe ar nochtadh ar a laghad chun léargas gearrthéarmach a fháil ar an gcaoi a bhfuil tionchar ar phróifíl riosca agus ar bhrabúsacht a gcontrapháirtithe ag rioscaí ESG, agus úsáid a bhaint as modhanna atá bunaithe ar earnáil, bunaithe ar phunann agus modhanna cásbhunaithe chun tacú leis an bpróiseas pleanála meántéarmach agus teorainneacha riosca agus inghlacthacht riosca a shainiú chun an institiúid a stiúradh i dtreo a cuspóirí straitéiseacha, agus measúnú a dhéanamh trí mhodhanna cásbhunaithe ar a n íogaireachtaí maidir le rioscaí ESG thar thréimhsí éagsúla lena n áirítear tréimhsí fadtéarmacha. ‑

• a. Modhanna atá bunaithe ‑ ar nochtadh

Ar leibhéal bunaithe ar neamhchosaint, i gcomhréir leis na forálacha i míreanna 126 agus 146 de Threoirlínte ÚBE maidir le tionscnamh agus faireachán iasachta, ba cheart nósanna imeachta inmheánacha a bheith i bhfeidhm ag institiúidí chun measúnú a dhéanamh ar neamhchosaint ghníomhaíochtaí agus phríomhshócmhainní a gcontrapháirtithe ar fhachtóirí ESG, go háirithe fachtóirí comhshaoil agus an tionchar atá ag athrú aeráide, agus oiriúnacht na ngníomhartha maolaithe. Chuige sin, ba cheart d’institiúidí a áirithiú go léireofaí fachtóirí ESG, go háirithe fachtóirí comhshaoil, i gceart ina nósanna imeachta inmheánacha um aicmiú riosca, go gcuirfí san áireamh iad sa mheasúnú foriomlán ar riosca mainneachtana iasachtaí agus, i gcás ina bhfuil údar leis de bharr a n ábharthachta, go mbeidís leabaithe sna táscairí riosca, sa scóráil creidmheasa inmheánach nó sna samhlacha rátála, agus sa luacháil ‑ comhthaobhachta chomh maith.

Maidir le measúnú a dhéanamh ar rioscaí comhshaoil ar leibhéal neamhchosanta, ba cheart go n áireofaí i nósanna imeachta inmheánacha na n institiúidí sraith fachtóirí riosca agus critéar lena ngabhtar spreagaithe riosca fisiceacha agus idirthréimhseacha araon. I gcás ‑ ‑ institiúidí móra, áirítear leis sin, i gcás inarb infheidhme, an méid seo a leanas ar a laghad:

• a) méid na leochaileachta do ghuaiseacha comhshaoil, agus suíomh geografach phríomhshócmhainní na gcontrapháirtithe agus na ráthóirí á gcur san áireamh, nó na comhthaobhachta fisiciúla a thacaíonn leis na neamhchosaintí á gcur san áireamh, agus breithniú á dhéanamh ar neamhchosaintí laistigh den chlár comhardaithe agus lasmuigh den chlár comhardaithe;
• b) méid na leochaileachta do rioscaí aistrithe, agus forbairtí teicneolaíocha ábhartha á gcur san áireamh, tionchar na rialachán comhshaoil is infheidhme nó atá le teacht a d’fhéadfadh difear a dhéanamh d’earnáil gníomhaíochta an chontrapháirtí, astaíochtaí GCT reatha agus más ann dóibh spriocdhírithe i dtéarmaí dearbhluacha agus, i gcás inarb ábhartha, luacha déine an chontrapháirtí, tionchar roghanna margaidh atá ag teacht chun cinn, agus leibhéal na héifeachtúlachta fuinnimh i gcás neamhchosaintí ar eastát réadach cónaithe nó tráchtála mar aon le cumas seirbhísithe fiachais na gcontrapháirtithe;
• c) neamhchosaint shamhail ghnó an chontrapháirtí agus/nó an tslabhra soláthair do shuaitheadh criticiúil mar gheall ar fhachtóirí comhshaoil amhail an tionchar ag caillteanas na bithéagsúlachta, strus uisce nó truailliú;
• d) neamhchosaint an chontrapháirtí ar rioscaí clú agus dlíthíochta agus cásanna dlíthíochta atá curtha i gcrích, ar feitheamh nó ar tí tarlú a bhaineann le saincheisteanna comhshaoil á gcur san áireamh;
• e) aibíocht (pleanáilte) nó struchtúr téarma na neamhchosanta nó na sócmhainne;
• f) fachtóirí maolaithe riosca, amhail cumhdach árachais phríobháidigh nó phoiblí, mar shampla bunaithe ar scéimeanna tubaiste náisiúnta is infheidhme nó ar chreataí comhchosúla, agus cumas an chontrapháirtí athléimneacht i gcoinne rioscaí aistrithe agus fisiceacha a áirithiú lena n áirítear trí phleanáil réamhbhreathnaitheach um aistriú. ‑

Sa chás nach bhfuil na sonraí is gá chun measúnú a dhéanamh ar chritéir áirithe ar fáil go fóill, amhail i gcás contrapháirtithe corparáideacha níos lú, ba cheart d’institiúidí na céimeanna a leagtar amach i míreanna 26, 27 agus 29 a leanúint.

Maidir le measúnú a dhéanamh ar rioscaí sóisialta agus rialachais ar leibhéal neamhchosanta, ba cheart d’institiúidí próisis díchill chuí a chur chun feidhme d’fhonn measúnú a dhéanamh ar na tionchair airgeadais a eascraíonn as fachtóirí sóisialta agus rialachais agus ar leochaileacht shamhail ghnó na gcontrapháirtithe d’fhachtóirí sóisialta agus rialachais, agus comhlíonadh na gcontrapháirtithe corparáideacha le caighdeáin shóisialta agus rialachais amhail na cinn a luaitear i mír 28 b(i) á chur san áireamh, chomh maith le neamhchosaint an chontrapháirtí ar riosca dlíthíochta arna spreagadh ag saincheisteanna sóisialta nó rialachais agus an reachtaíocht is infheidhme sa dlínse ina n oibríonn an contrapháirtí á cur san áireamh.

• b. Modhanna ailínithe punainne bunaithe ar ‑ earnáil agus ar phunann

Ba cheart go bhforálfaí le nósanna imeachta inmheánacha na n institiúidí do mhodheolaíochtaí bunaithe ar earnáil agus ar phunann, go háirithe léaráidí déine lena leagtar ‑ béim ar rioscaí ESG a bhaineann le (fo-)earnálacha eacnamaíocha aonair i gcairt nó ar chóras scálaithe dá dtagraítear i míreanna 127 agus 149 de Threoirlínte ÚBE maidir le tionscnamh agus faireachán iasachta. Ba cheart go gceadófaí le modheolaíochtaí institiúidí a bpunanna a mhapáil de réir spreagaithe riosca ESG agus aon chomhchruinniú a shainaithint i dtreo cineáil amháin nó ní ba mhó de rioscaí ESG.

Maidir le fachtóirí ESG nach bhfuil baint acu leis an aeráid, ba cheart d’institiúidí móra an méid seo a leanas a fhorbairt:

• a) modhanna chun earnálacha atá ag brath go mór ar sheirbhísí éiceachórais, nó a bhfuil tionchar suntasach acu orthu, a shainaithint, agus uirlisí chun an tionchar airgeadais atá ag an díghrádú dúlra a thomhas agus chun gníomhaíochtaí atá dírithe ar thionchair dhiúltacha ar an dúlra a chosaint, a athbhunú agus/nó a laghdú;
• b) cuir chuige maidir le tionchair dhearfacha nó dhíobhálacha a bpunann a thomhas maidir le Spriocanna Forbartha Inbhuanaithe na Náisiún Aontaithe a bhaint amach agus meastóireacht a dhéanamh ar rioscaí airgeadais gaolmhara a d’fhéadfadh tarlú.

Maidir le rioscaí a bhaineann leis an aeráid, ba cheart go bhforálfaí le nósanna imeachta inmheánacha na n institiúidí go n úsáidfí modheolaíocht ailínithe punainne amháin ar a laghad chun measúnú a dhéanamh ar bhonn earnála ar an méid ailínithe atá á dhéanamh ar ‑ ‑ phunanna na hinstitiúide le conairí a bhaineann leis an aeráid agus/nó le cásanna tagarmhairc. Ba cheart d’institiúidí breithniú a dhéanamh freisin ar mheasúnú a dhéanamh ar an ailíniú ar leibhéal contrapháirtí, e.g. trí dhéine astaíochtaí gás ceaptha teasa contrapháirtí ar leith a chur i gcomparáid le tagarmharc earnála is infheidhme.

Chun críocha mhír 37, ba cheart d’institiúidí cásanna a úsáid atá bunaithe ar an eolaíocht, atá ábhartha d’earnálacha gníomhaíochta eacnamaíche agus do shuíomh geografach a neamhchosaintí, atá cothrom le dáta agus a eascraíonn ó eagraíochtaí náisiúnta, de chuid an Aontais nó idirnáisiúnta amhail gníomhaireachtaí comhshaoil náisiúnta, Airmheán Comhpháirteach Taighde an Choimisiún Eorpaigh, an Ghníomhaireacht Idirnáisiúnta Fuinnimh, Líonra um Ghlasú an Chórais Airgeadais, an Painéal Idir-Rialtasach ar an Athrú Aeráide. Ba cheart go mbeadh conairí dícharbónaithe earnála comhsheasmhach leis an gcuspóir beartais is infheidhme, amhail cuspóir an Aontais astaíochtaí GCT glan-nialasacha a bhaint amach faoi 2050 agus astaíochtaí a laghdú 55 % faoi 2030 i gcomparáid le leibhéal 1990, nó le haon chuspóir náisiúnta i gcás inarb infheidhme.

Chun críocha mhír 37, ba cheart d’institiúidí raon feidhme iomchuí na measúnuithe ailínithe punainne a chinneadh chomh maith le méid sofaisticiúlachta na modheolaíochtaí a úsáidtear bunaithe ar shaintréithe a bpunann, ar thorthaí a measúnaithe ábharthachta agus ar a méid agus ar a gcastacht. Ba cheart d’institiúidí móra a bhfuil urrúis acu a thrádáiltear ar mhargadh rialáilte laistigh den Aontas liosta na n earnálacha atá ar áireamh i dTeimpléad 3 d’Iarscríbhinn I a ghabhann le Rialachán Cur Chun Feidhme (AE) 2022/2453 ón gCoimisiún a chur san áireamh¹⁰ . Féadfaidh SNCInna ‑ agus institiúidí neamh-mhóra eile samplaí

ionadaíocha neamhchosaintí ina bpunanna a úsáid chun measúnuithe ailínithe punainne a chur i gcrích.

¹⁰ Rialachán Cur Chun Feidhme (AE) 2022/2453 ón gCoimisiún an 30 Samhain 2022 lena leasaítear na caighdeáin theicniúla cur chun feidhme a leagtar síos i Rialachán Cur Chun Feidhme (AE) 2021/637 a mhéid a bhaineann le rioscaí comhshaoil, sóisialta agus rialachais a nochtadh (IO L 324,19.12.2022, lch. 1.).

Ba cheart d’institiúidí bunús a thabhairt lena roghanna modheolaíochta agus iad a dhoiciméadú, lena n áirítear an cás/na cásanna agus an bhonnbhliain a roghnú, na hearnálacha a roghnú agus, i gcás SNCInna agus institiúidí neamh-mhóra eile, sampla ‑ ionadaíoch neamhchosaintí a shainaithint, chomh maith le haon athrú suntasach modheolaíochta le himeacht ama. Nuair a bhíonn na sonraí is gá chun ailíniú a thomhas ar iarraidh, ba cheart d’institiúidí na céimeanna a leagtar amach i mír 26, i mír 27 agus i mír 29 a leanúint.

Ba cheart d’institiúidí breithniú a dhéanamh ar léargais a fuarthas ó mhodheolaíochtaí ailínithe punainne aeráide chun:

• a. measúnú agus faireachán a dhéanamh ar rioscaí aistrithe a bhaineann leis an aeráid a eascraíonn as mí-ailíniú contrapháirtithe agus/nó punann le cuspóirí agus conairí rialála AE, Ballstáit nó tríú tíre atá comhsheasmhach leis na spriocanna aeráide is infheidhme, agus rioscaí airgeadais gaolmhara a d’fhéadfadh tarlú;
• b. bonn eolais a thabhairt dá bpróiseas cinnteoireachta maidir lena n inghlacthacht riosca, a straitéis ghnó agus a bpleanáil aistrithe a fhoirmliú agus a chur chun feidhme, ‑ lena n áirítear maidir le tosaíocht a thabhairt do rannpháirtíocht le contrapháirtithe áirithe. ‑
• c. Modhanna cásbhunaithe

Chomh maith le modhanna ailínithe punainne atá bunaithe ar neamhchosaint, bunaithe ar earnáil agus bunaithe ar phunann, ba cheart go ndéanfaí foráil le nósanna imeachta inmheánacha na n institiúidí d’úsáid anailísí cásbhunaithe chun a n athléimneacht i gcoinne rioscaí ESG a thástáil, ag tosú le rioscaí a bhaineann leis an aeráid, i gcásanna éagsúla¹¹ . ‑ ‑

¹¹ Tabharfar aghaidh ar phointe d) den sainordú atá san áireamh in Airteagal 87a(5) de Threoir 2013/36/AE trí Threoirlínte comhlántacha ÚBE a fhorbairt maidir le hanailís cásbhunaithe chun athléimneacht institiúidí i leith fachtóirí comhshaoil, sóisialta agus rialachais a thástáil.