+REGOLAMENT (KE) 1221/2009 TAL-PARLAMENT EWROPEW U TAL-KUNSILL tal-25 ta’ Novembru 2009 dwar il-parteċipazzjoni volontarja ta’ organizzazzjonijiet fi skema Komunitarja ta’ ġestjoni u verifika ambjentali (EMAS) li jħassar ir-Regolament (KE) Nru 761/2001 u d-Deċiżjonijiet tal-Kummissjoni 2001/681/KE u 2006/193/KE
---+KAPITOLU I DISPOŻIZZJONIJIET ĠENERALI
------+Artikolu 1 Għan
------+Artikolu 2 Definizzjonijiet
---+KAPITOLU II REĠISTRAZZJONI TA’ ORGANIZZAZZJONIJIET
------+Artikolu 3 Determinazzjoni ta’ Korp Kompetenti
---------+Artikolu 3 1.
---------+Artikolu 3 2.
---------+Artikolu 3 3.
------+Artikolu 4 Tħejjija għar-reġistrazzjoni
---------+Artikolu 4 1.
---------+Artikolu 4 2.
---------+Artikolu 4 3.
---------+Artikolu 4 4.
---------+Artikolu 4 5.
------+Artikolu 5 Applikazzjoni għal reġistrazzjoni
---------+Artikolu 5 1.
---------+Artikolu 5 2.
---------+Artikolu 5 3.
---+KAPITOLU III OBBLIGI TA’ ORGANIZZAZZJONIJIET REĠISTRATI
------+Artikolu 6 Tiġdid tar-reġistrazzjoni fl-EMAS
---------+Artikolu 6 1.
---------+Artikolu 6 2.
---------+Artikolu 6 3.
------+Artikolu 7 Deroga għall-organizzazzjonijiet iż-żgħar
---------+Artikolu 7 1.
---------+Artikolu 7 2.
---------+Artikolu 7 3.
------+Artikolu 8 Bidliet sostanzjali
---------+Artikolu 8 1.
---------+Artikolu 8 2.
---------+Artikolu 8 3.
---------+Artikolu 8 4.
------+Artikolu 9 Verifika ambjentali interna
---------+Artikolu 9 1.
---------+Artikolu 9 2.
---------+Artikolu 9 3.
---------+Artikolu 9 4.
---------+Artikolu 9 5.
---------+Artikolu 9 6.
---------+Artikolu 9 7.
------+Artikolu 10 Użu tal-logo tal-EMAS
---------+Artikolu 10 1.
---------+Artikolu 10 2.
---------+Artikolu 10 3.
---------+Artikolu 10 4.
---------+Artikolu 10 5.
---+KAPITOLU IV REGOLI APPLIKABBLI GĦALL-KORPI KOMPETENTI
------+Artikolu 11 Ħatra u rwol tal-Korpi Kompetenti
---------+Artikolu 11 1.
---------+Artikolu 11 2.
---------+Artikolu 11 3.
---------+Artikolu 11 4.
---------+Artikolu 11 5.
------+Artikolu 12 Obbligi dwar il-proċess ta’ reġistrazzjoni
---------+Artikolu 12 1.
---------+Artikolu 12 2.
---------+Artikolu 12 3.
------+Artikolu 13 Reġistrazzjoni tal-organizzazzjonijiet
---------+Artikolu 13 1.
---------+Artikolu 13 2.
---------+Artikolu 13 3.
---------+Artikolu 13 4.
---------+Artikolu 13 5.
---------+Artikolu 13 6.
------+Artikolu 14 Tiġdid tar-reġistrazzjoni tal-organizzazzjonijiet;
---------+Artikolu 14 1.
---------+Artikolu 14 2.
------+Artikolu 15 Sospensjoni jew tneħħija ta’ organizzazzjonijiet mir-reġistru
---------+Artikolu 15 1.
---------+Artikolu 15 2.
---------+Artikolu 15 3.
---------+Artikolu 15 4.
---------+Artikolu 15 5.
---------+Artikolu 15 6.
---------+Artikolu 15 7.
---------+Artikolu 15 8.
---------+Artikolu 15 9.
---------+Artikolu 15 10.
------+Artikolu 16 Forum ta’ Korpi Kompetenti
---------+Artikolu 16 1.
---------+Artikolu 16 2.
---------+Artikolu 16 3.
---------+Artikolu 16 4.
------+Artikolu 17 Evalwazzjoni bejn il-pari ta’ Korpi Kompetenti
---------+Artikolu 17 1.
---------+Artikolu 17 2.
---------+Artikolu 17 3.
---------+Artikolu 17 4.
---------+Artikolu 17 5.
---+KAPITOLU V VERIFIKATURI AMBJENTALI
------+Artikolu 18 Kompiti tal-Verifikaturi ambjentali
---------+Artikolu 18 1.
---------+Artikolu 18 2.
---------+Artikolu 18 3.
---------+Artikolu 18 4.
---------+Artikolu 18 5.
---------+Artikolu 18 6.
---------+Artikolu 18 7.
------+Artikolu 19 Frekwenza tal-verifika
---------+Artikolu 19 1.
---------+Artikolu 19 2.
------+Artikolu 20 Rekwiżiti għall-verifikaturi ambjentali
---------+Artikolu 20 1.
---------+Artikolu 20 2.
---------+Artikolu 20 3.
---------+Artikolu 20 4.
---------+Artikolu 20 5.
---------+Artikolu 20 6.
---------+Artikolu 20 7.
---------+Artikolu 20 8.
------+Artikolu 21 Rekwiżiti addizzjonali għall-verifikaturi ambjentali li huma persuni fiżiċi u li jwettqu attivitajiet ta’ verifika u ta’ validazzjoni individwalment
------+Artikolu 22 Rekwiżiti addizzjonali għal verifikaturi ambjentali attivi f’pajjiżi terzi
---------+Artikolu 22 1.
---------+Artikolu 22 2.
---------+Artikolu 22 3.
------+Artikolu 23 Sorveljanza tal-verifikaturi ambjentali
---------+Artikolu 23 1.
---------+Artikolu 23 2.
---------+Artikolu 23 3.
---------+Artikolu 23 4.
---------+Artikolu 23 5.
---------+Artikolu 23 6.
---------+Artikolu 23 7.
---------+Artikolu 23 8.
------+Artikolu 24 Rekwiżiti addizzjonali għas-sorveljanza ta’ verifikaturi ambjentali attivi fi Stat Membru ieħor minbarra dak fejn tkun inħarġet l-akkreditazzjoni jew il-liċenzja
---------+Artikolu 24 1.
---------+Artikolu 24 2.
---------+Artikolu 24 3.
---------+Artikolu 24 4.
---------+Artikolu 24 5.
---------+Artikolu 24 6.
------+Artikolu 25 Kondizzjonijiet għat-twettiq ta’ verifika u validazzjoni
---------+Artikolu 25 1.
---------+Artikolu 25 2.
---------+Artikolu 25 3.
---------+Artikolu 25 4.
---------+Artikolu 25 5.
---------+Artikolu 25 6.
---------+Artikolu 25 7.
---------+Artikolu 25 8.
---------+Artikolu 25 9.
---------+Artikolu 25 10.
------+Artikolu 26 Verifika u validazzjoni ta’ organizzazzjonijiet żgħar
---------+Artikolu 26 1.
---------+Artikolu 26 2.
---------+Artikolu 26 3.
------+Artikolu 27 Kondizzjonijiet għal verifika u validazzjoni f’pajjiżi terzi
---------+Artikolu 27 1.
---------+Artikolu 27 2.
---------+Artikolu 27 3.
---+KAPITOLU VI KORPI TA’ AKKREDITAZZJONI U LIĊENZJAR
------+Artikolu 28 Operazzjoni ta’ Akkreditazzjoni u Liċenzjar
---------+Artikolu 28 1.
---------+Artikolu 28 2.
---------+Artikolu 28 3.
---------+Artikolu 28 4.
---------+Artikolu 28 5.
---------+Artikolu 28 6.
---------+Artikolu 28 7.
---------+Artikolu 28 8.
---------+Artikolu 28 9.
------+Artikolu 29 Sospensjoni u rtirar ta’ akkreditazzjoni jew liċenzja
---------+Artikolu 29 1.
---------+Artikolu 29 2.
---------+Artikolu 29 3.
---------+Artikolu 29 4.
------+Artikolu 30 Forum tal-Korpi ta’ Akkreditazzjoni u Liċenzjar
---------+Artikolu 30 1.
---------+Artikolu 30 2.
---------+Artikolu 30 3.
---------+Artikolu 30 4.
---------+Artikolu 30 5.
---------+Artikolu 30 6.
------+Artikolu 31 Evalwazzjoni bejn il-pari ta’ Korpi ta’ Akkreditazzjoni u Liċenzjar
---------+Artikolu 31 1.
---------+Artikolu 31 2.
---+KAPITOLU VII REGOLI APPLIKABBLI GĦALL-ISTATI MEMBRI
------+Artikolu 32 Assistenza għal organizzazzjonijiet rigward il-konformità mar-rekwiżiti ġuridiċi relatati mal-ambjent
---------+Artikolu 32 1.
---------+Artikolu 32 2.
---------+Artikolu 32 3.
---------+Artikolu 32 4.
---------+Artikolu 32 5.
------+Artikolu 33 Propozzjoni tal-EMAS
---------+Artikolu 33 1.
---------+Artikolu 33 2.
------+Artikolu 34 Informazzjoni
---------+Artikolu 34 1.
---------+Artikolu 34 2.
------+Artikolu 35 Attivitajiet ta’ promozzjoni
---------+Artikolu 35 1.
---------+Artikolu 35 2.
------+Artikolu 36 Promozzjoni tal-parteċipazzjoni ta’ organizzazzjonijiet żgħar
------+Artikolu 37 Approċċ ta’ cluster u ta’ pass-pass
---------+Artikolu 37 1.
---------+Artikolu 37 2.
---------+Artikolu 37 3.
------+Artikolu 38 L-EMAS u linji politiċi u strumenti oħra fil-Komunità
---------+Artikolu 38 1.
---------+Artikolu 38 2.
------+Artikolu 39 Miżati
---------+Artikolu 39 1.
---------+Artikolu 39 2.
------+Artikolu 40 Nuqqas ta’ konformità
---------+Artikolu 40 1.
---------+Artikolu 40 2.
------+Artikolu 41 Informazzjoni u rappurtar lill-Kummissjoni
---------+Artikolu 41 1.
---------+Artikolu 41 2.
---+KAPITOLU VIII REGOLI APPLIKABBLI GĦALL-KUMMISSJONI
------+Artikolu 42 Informazzjoni
---------+Artikolu 42 1.
---------+Artikolu 42 2.
------+Artikolu 43 Kollaborazzjoni u koordinazzjoni
---------+Artikolu 43 1.
---------+Artikolu 43 2.
------+Artikolu 44 Integrazzjoni tal-EMAS f’linji politiċi u strumenti oħra fil-Komunità
------+Artikolu 45 Relazzjoni ma’ sistemi oħra ta’ ġestjoni ambjentali
---------+Artikolu 45 1.
---------+Artikolu 45 2.
---------+Artikolu 45 3.
---------+Artikolu 45 4.
---------+Artikolu 45 5.
------+Artikolu 46 Żvilupp ta’ dokumenti ta’ referenza u gwidi
---------+Artikolu 46 1.
---------+Artikolu 46 2.
---------+Artikolu 46 3.
---------+Artikolu 46 4.
---------+Artikolu 46 5.
---------+Artikolu 46 6.
------+Artikolu 47 Rappurtar
---+KAPITOLU IX DISPOŻIZZJONIJIET FINALI
------+Artikolu 48 Emendar tal-Annessi
---------+Artikolu 48 1.
---------+Artikolu 48 2.
------+Artikolu 49 Preċedura ta’ Kumitat
---------+Artikolu 49 1.
---------+Artikolu 49 2.
---------+Artikolu 49 3.
------+Artikolu 50 Reviżjoni
------+Artikolu 51 Dispożizzjonijiet ta’ revoka u transizzjonali
---------+Artikolu 51 1.
---------+Artikolu 51 2.
---------+Artikolu 51 3.
------+Artikolu 52 Dħul fis-seħħ
---+ANNESS I
---+ANNESS II
---+ANNESS III
---+ANNESS IV
---+ANNESS V LOGO TAL-EMAS
---+ANNESS VI REKWIŻITI TA’ INFORMAZZJONI GĦAR-REĠISTRAZZJONI
---+ANNESS VII DIKJARAZZJONI TAL-VERIFIKATUR AMBJENTALI DWAR L-ATTIVITAJIET TA’ VERIFIKA U TA’ VALIDAZZJONI
---+ANNESS VIII TABELLA TA’ KORRELAZZJONI
 English - European Union - Environment -

REGOLAMENT (KE) 1221/2009 TAL-PARLAMENT EWROPEW U TAL-KUNSILL tal-25 ta’ Novembru 2009 dwar il-parteċipazzjoni volontarja ta’ organizzazzjonijiet fi skema Komunitarja ta’ ġestjoni u verifika ambjentali (EMAS) li jħassar ir-Regolament (KE) Nru 761/2001 u d-Deċiżjonijiet tal-Kummissjoni 2001/681/KE u 2006/193/KE

REGOLAMENT (KE) 1221/2009 TAL-PARLAMENT EWROPEW U TAL-KUNSILL

tal-25 ta’ Novembru 2009

dwar il-parteċipazzjoni volontarja ta’ organizzazzjonijiet fi skema Komunitarja ta’ ġestjoni u verifika ambjentali (EMAS) li jħassar ir-Regolament (KE) Nru 761/2001 u d-Deċiżjonijiet tal-Kummissjoni 2001/681/KE u 2006/193/KE

1. Ħarsa ġenerali

,
KAPITOLU I DISPOŻIZZJONIJIET ĠENERALI KAPITOLU I DISPOŻIZZJONIJIET ĠENERALI
KAPITOLU II REĠISTRAZZJONI TA’ ORGANIZZAZZJONIJIET KAPITOLU II REĠISTRAZZJONI TA’ ORGANIZZAZZJONIJIET
KAPITOLU III OBBLIGI TA’ ORGANIZZAZZJONIJIET REĠISTRATI KAPITOLU III OBBLIGI TA’ ORGANIZZAZZJONIJIET REĠISTRATI
KAPITOLU IV REGOLI APPLIKABBLI GĦALL-KORPI KOMPETENTI KAPITOLU IV REGOLI APPLIKABBLI GĦALL-KORPI KOMPETENTI
KAPITOLU V VERIFIKATURI AMBJENTALI KAPITOLU V VERIFIKATURI AMBJENTALI
KAPITOLU VI KORPI TA’ AKKREDITAZZJONI U LIĊENZJAR KAPITOLU VI KORPI TA’ AKKREDITAZZJONI U LIĊENZJAR
KAPITOLU VII REGOLI APPLIKABBLI GĦALL-ISTATI MEMBRI KAPITOLU VII REGOLI APPLIKABBLI GĦALL-ISTATI MEMBRI
KAPITOLU VIII REGOLI APPLIKABBLI GĦALL-KUMMISSJONI KAPITOLU VIII REGOLI APPLIKABBLI GĦALL-KUMMISSJONI
KAPITOLU IX DISPOŻIZZJONIJIET FINALI KAPITOLU IX DISPOŻIZZJONIJIET FINALI
ANNESS I

ANNESS I

REVIŻJONI AMBJENTALI

Ir-reviżjoni ambjentali għandha tkopri l-oqsma li ġejjin:

1.    Stabbiliment tal-kuntest organizzattiv

L-organizzazzjoni għandha tiddetermina dawk il-kwistjonijiet esterni u interni li jistgħu jaffettwaw b'mod pożittiv jew negattiv il-ħila tagħha li tikseb ir-riżultati mistennija tas-sistema ta' ġestjoni ambjentali tagħha.

Kwistjonijiet bħal dawn jinkludu kundizzjonijiet ambjentali rilevanti bħall-klima, il-kwalità tal-arja, il-kwalità tal-ilma, id-disponibbiltà tar-riżorsi naturali, il-bijodiversità.

Huma jistgħu jinkludu wkoll il-kundizzjonijiet li ġejjin, iżda mhumiex limitati għal dawn biss:

— 
kundizzjonijiet esterni (bħaċ-ċirkustanzi kulturali, soċjali, politiċi, legali, regolatorji, finanzjarji, teknoloġiċi, ekonomiċi, naturali u kompetittivi),
— 
kundizzjonijiet interni relatati mal-karatteristiċi tal-organizzazzjoni (bħall-attivitajiet, il-prodotti u s-servizzi, id-direzzjoni strateġika, il-kultura u l-kapaċitajiet tagħha).

2.    Identifikazzjoni tal-partijiet interessati u determinazzjoni tal-ħtiġijiet u l-aspettattivi rilevanti tagħhom.

L-organizzazzjoni għandha tiddetermina l-partijiet interessati li jkunu rilevanti għas-sistema tal-ġestjoni ambjentali, il-ħtiġijiet u l-aspettattivi rilevanti ta' dawk il-partijiet interessati u liema minn dawk il-ħtiġijiet u l-aspettattivi hija trid jew tagħżel li tikkonforma magħhom.

Jekk l-organizzazzjoni tiddeċiedi li tadotta jew taqbel volontarjament mal-ħtiġijiet jew l-aspettattivi rilevanti ta' partijiet interessati li ma jkunux koperti minn rekwiżiti legali, dawn isiru parti mill-obbligi ta' konformità tagħha.

3.    Identifikazzjoni tar-rekwiżiti ġuridiċi applikabbli relatati mal-ambjent

Minbarra l-istabbiliment ta' reġistru tar-rekwiżiti ġuridiċi applikabbli, l-organizzazzjoni għandha tindika wkoll kif tista' tiġi pprovduta l-evidenza li qed tikkonforma mar-rekwiżiti ġuridiċi differenti.

4.    Identifikazzjoni tal-aspetti ambjentali diretti u indiretti u stabbiliment ta' dawk li huma sinifikanti

L-organizzazzjoni għandha tidentifika l-aspetti ambjentali diretti u indiretti kollha b'impatt pożittiv jew negattiv fuq l-ambjent, ikkwalifikati u kkwantifikati kif xieraq, u tikkompila reġistru tal-aspetti ambjentali kollha identifikati. L-organizzazzjoni għandha tiddetermina wkoll liema minn dawk l-aspetti huma sinifikanti abbażi ta' kriterji stabbiliti skont il-punt 5 ta' dan l-Anness.

Meta jkunu qegħdin jidentifikaw l-aspetti ambjentali diretti u indiretti, huwa essenzjali li l-organizzazzjonijiet jikkunsidraw ukoll l-aspetti ambjentali assoċjati mal-attività ewlenija tagħhom. Inventarju limitat għall-aspetti ambjentali tas-sit u l-faċilitajiet ta' organizzazzjoni mhuwiex biżżejjed.

Meta tkun qiegħda tidentifika l-aspetti ambjentali diretti u indiretti tal-attivitajiet, il-prodotti u s-servizzi tagħha, l-organizzazzjoni għandha tadotta perspettiva taċ-ċiklu tal-ħajja, billi tqis l-istadji taċ-ċiklu tal-ħajja li hija tista' tikkontrolla jew tinfluwenza. Dawn l-istadji ġeneralment jinkludu l-akkwiżizzjoni tal-materja prima, ix-xiri u l-akkwist, id-disinn, il-produzzjoni, it-trasport, l-użu, it-trattament fi tmiem il-ħajja u r-rimi finali skont l-attività tal-organizzazzjoni.

4.1.    Aspetti ambjentali diretti

L-aspetti ambjentali diretti huma assoċjati ma' attivitajiet, prodotti u servizzi tal-organizzazzjoni nnifisha li fuqhom għandha l-kontroll dirett tal-ġestjoni.

L-organizzazzjonijiet kollha jridu jqisu l-aspetti diretti tal-operazzjonijiet tagħhom.

L-aspetti ambjentali diretti jinkludu, iżda mhumiex limitati għal

(1) 

l-emissjonijiet fl-arja;

(2) 

ir-rilaxx fl-ilma (inklużi l-infiltrazzjonijiet fl-ilma tal-pjan),

(3) 

il-produzzjoni, ir-riċiklaġġ, l-użu mill-ġdid, it-trasport u r-rimi ta' skart solidu u skart ieħor, b'mod partikolari l-iskart perikoluż;

(4) 

l-użu u l-kontaminazzjoni tal-art;

(5) 

l-użu tal-enerġija, ir-riżorsi naturali (inkluż l-ilma, il-fawna u l-flora) u l-materja prima;

(6) 

l-użu ta' addittivi u awżiljari kif ukoll prodotti semimanifatturati;

(7) 

kwistjonijiet lokali (il-ħsejjes, il-vibrazzjoni, l-irwejjaħ, it-trab, id-dehra viżiva, eċċ.).

Fl-identifikazzjoni tal-aspetti ambjentali, għandhom jiġu kkunsidrati wkoll dawn li ġejjin:

— 
ir-riskji ta' inċidenti ambjentali u sitwazzjonijiet oħra ta' emerġenza b'impatt ambjentali potenzjali (eż. inċidenti kimiċi) u sitwazzjonijiet abnormali potenzjali li jistgħu jwasslu għal impatt ambjentali potenzjali.
— 
kwistjonijiet tat-trasport għall-prodotti u s-servizz u għall-persunal li jivvjaġġa fuq xogħol tal-kumpanija

4.2.    Aspetti ambjentali indiretti

Aspetti ambjentali indiretti jistgħu jirriżultaw mill-interazzjoni ta' organizzazzjoni ma' partijiet terzi, li jistgħu jiġu influwenzati sa livell raġonevoli mill-organizzazzjoni.

Dawn jinkludu, iżda mhumiex limitati għal:

(1) 

kwistjonijiet relatati maċ-ċiklu tal-ħajja tal-prodotti u s-servizzi (l-akkwiżizzjoni tal-materja prima, id-disinn, ix-xiri u l-akkwist, il-produzzjoni, it-trasport, it-trattament fi tmiem il-ħajja u r-rimi finali);

(2) 

l-investimenti kapitali, l-għoti ta' self u s-servizzi tal-assigurazzjoni;

(3) 

swieq ġodda;

(4) 

l-għażla u l-kompożizzjoni tas-servizzi (eż. it-trasport jew il-kummerċ tal-forniment tal-ikel);

(5) 

deċiżjonijiet amministrattivi u ta' ppjanar;

(6) 

il-kompożizzjoni ta' firxiet ta' prodotti;

(7) 

il-prestazzjoni u l-prattiċi ambjentali tal-kuntratturi, is-sottokuntratturi, il-fornituri u s-sottofornituri.

L-organizzazzjonijiet iridu jkunu kapaċi juru li l-aspetti ambjentali sinifikanti u l-impatti assoċjati ma' dawn l-aspetti jiġu indirizzati fis-sistema ta' ġestjoni.

L-organizzazzjoni għandha tagħmel l-almu tagħha sabiex tassigura illi l-fornituri u dawk li jaġixxu f'isem l-organizzazzjoni jikkonformaw mal-politika ambjentali tal-organizzazzjoni fl-ambitu tal-attivitajiet imwettqa għall-kuntratt.

Organizzazzjoni għandha tikkunsidra kemm jista' jkollha influwenza fuq dawk l-aspetti ambjentali indiretti, u liema miżuri tista' tieħu biex tnaqqas l-impatt ambjentali jew biex iżżid il-benefiċċju ambjentali.

5.    Valutazzjoni tas-sinifikat tal-aspetti ambjentali

Organizzazzjoni għandha tiddefinixxi l-kriterji sabiex tivvaluta s-sinifikat tal-aspetti ambjentali tal-attivitajiet, il-prodotti u s-servizzi tagħha u tapplikahom sabiex tistabbilixxi liema aspetti ambjentali jkollhom impatt ambjentali sinifikanti minn perspettiva taċ-ċiklu tal-ħajja.

Il-kriterji żviluppati minn organizzazzjoni għandhom iqisu l-leġiżlazzjoni tal-Unjoni u għandhom ikunu komprensivi, jistgħu jiġu ċċekkjati b'mod indipendenti, jistgħu jiġu riprodotti u magħmula disponibbli għall-pubbliku.

Meta tkun qiegħda tistabbilixxi dawn il-kriterji, organizzazzjoni għandha tikkunsidra l-elementi li ġejjin:

(1) 

il-ħsara jew il-benefiċċju potenzjali għall-ambjent, inkluża l-bijodiversità

(2) 

il-kundizzjoni tal-ambjent (bħall-fraġilità tal-ambjent lokali, reġjonali jew globali);

(3) 

id-daqs, l-għadd, il-frekwenza u r-riversibbiltà tal-aspett jew tal-impatt;

(4) 

l-eżistenza u r-rekwiżiti ta' leġiżlazzjoni ambjentali rilevanti;

(5) 

il-fehmiet tal-partijiet interessati, inklużi l-impjegati tal-organizzazzjoni

Jistgħu jiġu kkunsidrati elementi rilevanti oħra skont it-tip ta' attivitajiet, prodotti u servizzi tal-organizzazzjoni.

Abbażi tal-kriterji stabbiliti, l-organizzazzjoni għandha tivvaluta s-sinifikat tal-aspetti u l-impatti ambjentali tagħha. Biex tagħmel dan, l-organizzazzjoni għandha tqis kunsiderazzjonijiet li jistgħu jinkludu iżda li mhumiex limitati għal:

(1) 

id-dejta eżistenti tal-organizzazzjoni dwar l-inputs ta' materjal u enerġija, l-iskariki, l-iskart u l-emissjonijiet f'termini ta' riskju;

(2) 

l-attivitajiet tal-organizzazzjoni li huma regolati b'leġiżlazzjoni ambjentali

(3) 

l-attivitajiet ta' akkwist;

(4) 

id-disinn, l-iżvilupp, il-fabbrikazzjoni, id-distribuzzjoni, il-manutenzjoni, l-użu, l-użu mill-ġdid, ir-riċiklaġġ u r-rimi tal-prodotti tal-organizzazzjoni;

(5) 

dawk l-attivitajiet tal-organizzazzjoni li għandhom l-aktar spejjeż ambjentali u benefiċċji ambjentali sinifikattivi.

Meta tkun qiegħda tivvaluta s-sinifikat tal-impatti ambjentali tal-attivitajiet tal-organizzazzjoni, l-organizzazzjoni għandha tikkunsidra l-kundizzjonijiet normali tal-ħidma, il-kundizzjonijiet tal-bidu u tal-għeluq u l-kundizzjonijiet ta' emerġenza li jistgħu jiġu previsti b'mod raġonevoli. Għandhom jiġu kkunsidrati l-attivitajiet tal-passat, tal-preżent u dawk ippjanati.

6.    Evalwazzjoni tal-feedback mill-investigazzjoni ta' inċidenti preċedenti.

L-organizzazzjoni għandha tqis il-feedback mill-investigazzjoni ta' inċidenti preċedenti li jista' jinfluwenza l-ħila tagħha li tikseb ir-riżultati mistennija tas-sistema ta' ġestjoni ambjentali tagħha.

7.    Stabbiliment u dokumentazzjoni tar-riskji u l-opportunitajiet.

L-organizzazzjoni għandha tistabbilixxi u tiddokumenta r-riskji u l-opportunitajiet assoċjati mal-aspetti ambjentali tagħha, l-obbligi ta' konformità u kwistjonijiet u rekwiżiti oħra identifikati fil-punti 1 sa 4.

L-organizzazzjoni għandha tiffoka fuq dawk ir-riskji u l-opportunitajiet li jenħtieġ li jiġu indirizzati sabiex ikun assigurat li s-sistema ta' ġestjoni ambjentali tkun tista' tikseb l-objettivi tagħha, biex jiġu evitati effetti mhux mixtieqa jew inċidenti u biex jinkiseb titjib kontinwu tal-prestazzjonijiet ambjentali tal-organizzazzjoni.

8.    Eżami tal-proċessi, prattiċi u proċeduri eżistenti.

L-organizzazzjoni għandha teżamina l-proċessi, il-prattiċi u l-proċeduri eżistenti u tistabbilixxi liema jkunu meħtieġa sabiex jiġi assigurat il-manteniment fit-tul tal-ġestjoni ambjentali.
ANNESS II

ANNESS II

REKWIŻITI TAS-SISTEMA TA' ĠESTJONI AMBJENTALI U KWISTJONIJIET ADDIZZJONALI LI GĦANDHOM JIĠU INDIRIZZATI MILL-ORGANIZZAZZJONIJIET LI JIMPLIMENTAW L-EMAS

Ir-rekwiżiti tas-sistema ta' ġestjoni ambjentali tal-EMAS huma dawk stabbiliti fit-Taqsima 4 sa 10 tal-istandard EN ISO 14001:2015. Dawn ir-rekwiżiti huma riprodotti fil-Parti A.

Ir-referenzi magħmula fl-Artikolu 4 għal punti speċifiċi ta' dan l-Anness għandhom jinftiehmu kif ġej:

Ir-referenza għall-punt A.3.1 għandha tinftiehem bħala referenza għall-Parti A 6.1
Ir-referenza għall-punt A 5.5 għandha tinftiehem bħala referenza għall-Parti A 9.2.

Barra minn hekk, l-organizzazzjonijiet li jimplimentaw l-EMAS huma meħtieġa jindirizzaw għadd ta' kwistjonijiet addizzjonali li għandhom rabta diretta ma' għadd ta' elementi tat-Taqsima 4 tal-istandard EN ISO 14001:2015. Dawn ir-rekwiżiti addizzjonali huma elenkati fil-Parti B ta' dan l-Anness.


PARTI A

rekwiżiti tas-sistema ta' ġestjoni ambjentali skont l-EN ISO 14001:2015

PARTI B

rekwiżiti addizzjonali għall-organizzazzjonijiet li jimplimentaw l-EMAS

L-organizzazzjonijiet li jipparteċipaw fl-iskema ta' ġestjoni u verifika ambjentali (EMAS) għandhom jimplimentaw ir-rekwiżiti tal-EN ISO 14001:2015 (1) li qed jiġu riprodotti hawn taħt.

A.4  Kuntest tal-organizzazzjoni

A.4.1  Fehim tal-organizzazzjoni u l-kuntest tagħha

L-organizzazzjoni għandha tiddetermina l-kwistjonijiet esterni u interni li huma rilevanti għall-iskop tagħha u li jaffettwaw il-ħila tagħha li tikseb ir-riżultati mistennija tas-sistema ta' ġestjoni ambjentali tagħha. Kwistjonijiet bħal dawn għandhom jinkludu kundizzjonijiet ambjentali li huma affettwati mill-organizzazzjoni jew li jistgħu jaffettwawha.

A.4.2  Komprensjoni tal-ħtiġijiet u l-aspettattivi tal-partijiet interessati

L-organizzazzjoni għandha tistabbilixxi:

(a)  il-partijiet interessati li huma rilevanti għas-sistema ta' ġestjoni ambjentali;

(b)  il-ħtiġijiet u l-aspettattivi rilevanti (jiġifieri r-rekwiżiti) ta' dawn il-partijiet interessati;

(c)  liema minn dawn il-ħtiġijiet u l-aspettattivi jsiru l-obbligi ta' konformità tagħha.

A.4.3  Stabbiliment tal-kamp ta' applikazzjoni tas-sistema ta' ġestjoni ambjentali

L-organizzazzjoni għandha tistabbilixxi l-konfini u l-applikabbiltà tas-sistema ta' ġestjoni ambjentali sabiex tistabbilixxi l-kamp ta' applikazzjoni tagħha.

Fl-istabbiliment ta' dan il-kamp ta' applikazzjoni, l-organizzazzjoni għandha tikkunsidra:

(a)  il-kwistjonijiet esterni u interni msemmija fil-punt A.4.1;

(b)  l-obbligi ta' konformità msemmija fil-punt A.4.2;

(c)  l-unità(jiet) organizzattiva/i, il-funzjoni(jiet), u l-konfini fiżiċi tagħha;

(d)  l-attivitajiet, il-prodotti u s-servizzi tagħha;

(e)  l-awtorità u l-ħila tagħha li teżerċita kontroll u influwenza.

Ladarba jiġi definit il-kamp ta' applikazzjoni, l-attivitajiet, il-prodotti u s-servizzi kollha tal-organizzazzjoni fi ħdan dak il-kamp ta' applikazzjoni jridu jiġu inklużi fis-sistema ta' ġestjoni ambjentali.

Il-kamp ta' applikazzjoni għandu jinżamm bħala informazzjoni dokumentata u jkun disponibbli għall-partijiet interessati.

A.4.4  Sistema ta' ġestjoni ambjentali

Biex tikseb ir-riżultati mistennija, inkluż it-titjib tal-prestazzjoni ambjentali, l-organizzazzjoni għandha tistabbilixxi, timplimenta, iżżomm u kontinwament ittejjeb sistema ta' ġestjoni ambjentali, inklużi l-proċessi meħtieġa u l-interazzjonijiet tagħhom, skont ir-rekwiżiti ta' dan l-Istandard Internazzjonali.

L-organizzazzjoni għandha tqis l-għarfien miksub fil-punti 4.1 u 4.2 meta tistabbilixxi u żżomm is-sistema ta' ġestjoni ambjentali.

 

A.5  Tmexxija

A.5.1  Tmexxija u impenn

Il-maniġment superjuri għandu juri sens ta' tmexxija u impenn fir-rigward tas-sistema ta' ġestjoni ambjentali billi:

(a)  jieħu r-responsabbiltà għall-effettività tas-sistema ta' ġestjoni ambjentali;

(b)  jassigura li jiġu stabbiliti l-politika ambjentali u l-objettivi ambjentali u li dawn ikunu kompatibbli mad-direzzjoni strateġika u l-kuntest tal-organizzazzjoni;

(c)  jassigura l-integrazzjoni tar-rekwiżiti tas-sistema ta' ġestjoni ambjentali fil-proċessi tan-negozju tal-organizzazzjoni;

(d)  jassigura li r-riżorsi meħtieġa għas-sistema ta' ġestjoni ambjentali jkunu disponibbli;

(e)  jikkomunika l-importanza ta' ġestjoni ambjentali effettiva u tal-konformità mar-rekwiżiti tas-sistema ta' ġestjoni ambjentali;

(f)  jassigura li s-sistema ta' ġestjoni ambjentali tikseb ir-riżultati mistennija tagħha;

(g)  imexxi u jappoġġa persuni sabiex jikkontribwixxu għall-effettività tas-sistema ta' ġestjoni ambjentali;

(h)  jippromwovi t-titjib kontinwu;

(i)  jappoġġa rwoli ta' ġestjoni rilevanti oħra biex juru s-sens ta' tmexxija tagħhom kif japplika għall-oqsma ta' responsabbiltà tagħhom.

Nota:  Ir-referenza għan-“negozju” f'dan l-Istandard Internazzjonali tista' tiġi interpretata b'mod ġenerali biex tfisser dawk l-attivitajiet li huma ċentrali għall-finijiet tal-eżistenza tal-organizzazzjoni.

 

A.5.2  Politika Ambjentali

Il-maniġment superjuri għandu jistabbilixxi, jimplimenta u jżomm politika ambjentali li, fi ħdan il-kamp ta' applikazzjoni definit tas-sistema ta' ġestjoni ambjentali tiegħu, din:

(a)  tkun xierqa għall-iskop u l-kuntest tal-organizzazzjoni, inklużi n-natura, l-iskala u l-impatti ambjentali tal-attivitajiet, il-prodotti u s-servizzi tagħha;

(b)  tipprovdi qafas għall-iffissar tal-objettivi ambjentali;

(c)  tinkludi impenn għall-protezzjoni tal-ambjent, inkluża l-prevenzjoni tat-tniġġis u impenji speċifiċi oħra rilevanti għall-kuntest tal-organizzazzjoni;

Nota:  Impenji speċifiċi oħra għall-protezzjoni tal-ambjent jistgħu jinkludu l-użu sostenibbli tar-riżorsi, il-mitigazzjoni tat-tibdil fil-klima u l-addattament għaliha, u l-protezzjoni tal-bijodiversità u tal-ekosistemi.

(d)  tinkludi impenn li tissodisfa l-obbligi ta' konformità tagħha;

(e)  tinkludi impenn għat-titjib kontinwu tas-sistema ta' ġestjoni ambjentali sabiex ittejjeb il-prestazzjoni ambjentali.

Il-politika ambjentali għandha:

— tinżamm bħala informazzjoni dokumentata;

— tiġi komunikata fi ħdan l-organizzazzjoni;

— tkun disponibbli għall-partijiet interessati.

B.1.  Titjib kontinwu tal-prestazzjoni ambjentali

L-organizzazzjonijiet għandhom jimpenjaw ruħhom li jtejbu kontinwament il-prestazzjoni ambjentali tagħhom.

Jekk organizzazzjoni tikkonsisti f'sit wieħed jew aktar, kull wieħed mis-siti li għalih tapplika l-EMAS għandu jikkonforma mar-rekwiżiti kollha tal-EMAS inkluż it-titjib kontinwu tal-prestazzjoni ambjentali kif definit fl-Artikolu 2(2).

A.5.3  Rwoli, responsabbiltajiet u awtoritajiet tal-organizzazzjoni

Il-maniġment superjuri għandu jassigura li r-responsabbiltajiet u l-awtoritajiet għar-rwoli rilevanti jiġu assenjati u kkomunikati fi ħdan l-organizzazzjoni.

Il-maniġment superjuri għandu jassenja r-responsabbiltà u l-awtorità:

(a)  sabiex ikun assigurat li s-sistema ta' ġestjoni ambjentali tikkonforma mar-rekwiżiti ta' dan l-Istandard Internazzjonali;

(b)  sabiex tiġi rappurtata l-prestazzjoni tas-sistema ta' ġestjoni ambjentali, inkluża l-prestazzjoni ambjentali, lill-maniġment superjuri.

B.2.  Rappreżentant(i) tal-maniġment

Il-maniġment superjuri għandu jaħtar rappreżentant(i) speċifiku/ċi tal-maniġment li, irrispettivament minn responsabbiltajiet oħra, għandu jkollu/ikollhom rwoli, responsabbiltajiet u awtorità definiti sabiex jassigura(w) sistema ta' ġestjoni ambjentali f'konformità ma' dan ir-Regolament u jirrappurta(w) lill-maniġment superjuri dwar il-prestazzjoni tas-sistema ta' ġestjoni ambjentali.

Ir-rappreżentant tal-maniġment superjuri jista' jkun membru tal-maniġment superjuri tal-organizzazzjoni.

A.6  Ippjanar

A.6.1  Azzjonijiet sabiex jiġu indirizzati r-riskji u l-opportunitajiet

A.6.1.1  Ġenerali

L-organizzazzjoni għandha tistabbilixxi, timplimenta u żżomm il-proċessi meħtieġa sabiex tissodisfa r-rekwiżiti fil-punti 6.1.1 sa 6.1.4.

Meta tkun qiegħda tippjana għas-sistema ta' ġestjoni ambjentali, l-organizzazzjoni għandha tikkunsidra:

— il-kwistjonijiet imsemmija fil-punt 4.1;

— ir-rekwiżiti msemmija fil-punt 4.2;

— il-kamp ta' applikazzjoni tas-sistema ta' ġestjoni ambjentali tagħha; u tistabbilixxi r-riskji u l-opportunitajiet, relatati ma':

— 

— l-aspetti ambjentali tagħha (ara l-punt 6.1.2);

— l-obbligi ta' konformità tagħha (ara l-punt 6.1.3);

— kwistjonijiet u rekwiżiti oħra, identifikati fil-punti 4.1 u 4.2; li jridu jiġu indirizzati sabiex:

— 

— tingħata assigurazzjoni li s-sistema ta' ġestjoni ambjentali tkun tista' tikseb ir-riżultati mistennija tagħha;

— jiġu evitati, jew imnaqqsa, l-effetti mhux mixtieqa, inkluż il-potenzjal ta' kundizzjonijiet ambjentali esterni li jaffettwaw lill-organizzazzjoni;

— jinkiseb titjib kontinwu.

Fi ħdan il-kamp ta' applikazzjoni tas-sistema ta' ġestjoni ambjentali, l-organizzazzjoni għandha tiddetermina s-sitwazzjonijiet potenzjali ta' emerġenza, inklużi dawk li jista' jkollhom impatt ambjentali.

L-organizzazzjoni għandha żżomm informazzjoni dokumentata dwar:

— ir-riskji u l-opportunitajiet li jridu jiġu indirizzati;

— il-proċessi meħtieġa fil-punti 6.1.1 sa 6.1.4, safejn ikun meħtieġ sabiex ikun hemm kunfidenza li dawn ikunu qegħdin jitwettqu kif ippjanat.

A.6.1.2  Aspetti ambjentali

Fi ħdan il-kamp ta' applikazzjoni definit tas-sistema ta' ġestjoni ambjentali, l-organizzazzjoni għandha tistabbilixxi l-aspetti ambjentali tal-attivitajiet, il-prodotti u s-servizzi tagħha li hija tista' tikkontrolla u dawk li hija tista' tinfluwenza, u l-impatti ambjentali assoċjati tagħhom, billi tikkunsidra perspettiva taċ-ċiklu tal-ħajja.

Meta tkun qiegħda tiddetermina l-aspetti ambjentali, l-organizzazzjoni għandha tikkunsidra:

(a)  il-bidla, inklużi l-iżviluppi ppjanati jew ġodda, u l-attivitajiet, prodotti u servizzi ġodda jew modifikati;

(b)  kundizzjonijiet abnormali u sitwazzjonijiet ta' emerġenza li jistgħu jiġu previsti b'mod raġonevoli.

L-organizzazzjoni għandha tistabbilixxi dawk l-aspetti li għandhom jew li jista' jkollhom impatt ambjentali sinifikanti billi tuża kriterji stabbiliti.

L-organizzazzjoni għandha tikkomunika l-aspetti ambjentali sinifikanti tagħha fost id-diversi livelli u funzjonijiet tal-organizzazzjoni, kif ikun xieraq.

L-organizzazzjoni għandha żżomm informazzjoni dokumentata dwar:

— l-aspetti ambjentali tagħha u l-impatti ambjentali assoċjati;

— il-kriterji użati sabiex tiddetermina l-aspetti ambjentali sinifikanti tagħha;

— l-aspetti ambjentali sinifikanti tagħha;

Nota:  Aspetti ambjentali sinifikanti jistgħu jirriżultaw f'riskji u opportunitajiet assoċjati jew ma' impatti ambjentali ta' ħsara (theddidiet) jew ma' impatti ambjentali ta' benefiċċju (opportunitajiet).

B.3  Analiżi ambjentali

L-organizzazzjonijiet għandhom iwettqu u jiddokumentaw analiżi ambjentali inizjali kif stabbilit fl-Anness I.

L-organizzazzjonijiet barra l-Unjoni għandhom jirreferu wkoll għar-rekwiżiti ġuridiċi relatati mal-ambjent, li jkunu applikabbli għal organizzazzjonijiet simili fl-Istati Membri fejn ikun beħsiebhom jissottomettu applikazzjoni.

A.6.1.3  Obbligi ta' konformità

L-organizzazzjoni għandha:

(a)  tistabbilixxi u jkollha aċċess għall-obbligi ta' konformità relatati mal-aspetti ambjentali tagħha;

(b)  tistabbilixxi kif dawn l-obbligi ta' konformità japplikaw għall-organizzazzjoni;

(c)  tqis dawn l-obbligi ta' konformità meta tistabbilixxi, timplimenta, iżżomm u kontinwament ittejjeb is-sistema ta' ġestjoni ambjentali tagħha.

L-organizzazzjoni għandha żżomm informazzjoni dokumentata tal-obbligi ta' konformità tagħha.

Nota:  L-obbligi ta' konformità jistgħu jirriżultaw f'riskji u opportunitajiet għall-organizzazzjoni.

A.6.1.4  Ippjanar tal-azzjoni

L-organizzazzjoni għandha tippjana:

(a)  biex tieħu azzjonijiet sabiex tindirizza:

(1)  l-aspetti ambjentali sinifikanti tagħha;

(2)  l-obbligi ta' konformità tagħha;

(3)  ir-riskji u l-opportunitajiet identifikati fil-punt 6.1.1;

(b)  kif:

(1)  tintegra u timplimenta l-azzjonijiet fil-proċessi tas-sistema ta' ġestjoni ambjentali tagħha (ara l-punt 6.2, il-Klawżola 7, il-Klawżola 8 u l-punt 9.1), jew fi proċessi oħra tan-negozju;

(2)  tevalwa l-effettività ta' dawn l-azzjonijiet (ara l-punt 9.1).

Meta tkun qiegħda tippjana dawn l-azzjonijiet, l-organizzazzjoni għandha tikkunsidra l-opzjonijiet teknoloġiċi tagħha u r-rekwiżiti finanzjarji, operattivi u kummerċjali tagħha.

B.4.  Konformità legali

L-organizzazzjonijiet irreġistrati mal-EMAS jew li jkunu jixtiequ jirreġistraw għandhom juru li ssodisfaw il-kundizzjonijiet kollha li ġejjin:

(1)  ikunu identifikaw, u jafu l-implikazzjonijiet għall-organizzazzjoni, tar-rekwiżiti ġuridiċi applikabbli kollha relatati mal-ambjent;

(2)  jassiguraw il-konformità legali mal-leġiżlazzjoni ambjentali, inklużi l-permessi u l-limiti tal-permessi u jipprovdu l-evidenza xierqa;

(3)  ikollhom fis-seħħ proċeduri li jippermettu lill-organizzazzjoni li tassigura konformità legali kontinwa mal-leġiżlazzjoni ambjentali.

A.6.2  L-objettivi ambjentali u l-ippjanar sabiex jintlaħqu

 

A.6.2.1  Objettivi ambjentali

L-organizzazzjoni għandha tistabbilixxi objettivi ambjentali fil-funzjonijiet u l-livelli rilevanti, billi tqis l-aspetti ambjentali sinifikanti u l-obbligi ta' konformità assoċjati tal-organizzazzjoni, u billi tqis ir-riskji u l-opportunitajiet tagħha.

L-objettivi ambjentali għandhom ikunu:

(a)  konsistenti mal-politika ambjentali;

(b)  miżurabbli (jekk ikun prattikabbli);

(c)  immonitorjati;

(d)  ikkomunikati;

(e)  aġġornati kif xieraq.

L-organizzazzjoni għandha żżomm informazzjoni dokumentata dwar l-objettivi ambjentali.

A.6.2.2  Ippjanar tal-azzjonijiet sabiex jintlaħqu l-objettivi ambjentali

Meta tkun qiegħda tippjana kif tilħaq l-objettivi ambjentali tagħha, l-organizzazzjoni għandha tistabbilixxi:

(a)  x'se jsir;

(b)  x'riżorsi se jkunu meħtieġa;

(c)  min se jkun responsabbli;

(d)  meta se jitlesta;

(e)  kif se jiġu evalwati r-riżultati, inklużi l-indikaturi sabiex jiġi mmonitorjat il-progress lejn il-kisba tal-objettivi ambjentali miżurabbli tagħha (ara l-punt 9.1.1).

L-organizzazzjoni għandha tikkunsidra kif l-azzjonijiet sabiex jintlaħqu l-objettivi ambjentali tagħha jistgħu jiġu integrati fil-proċessi tan-negozju tal-organizzazzjoni.

B.5.  Objettivi ambjentali

L-organizzazzjonijiet għandhom ikunu kapaċi juru illi s-sistema ta' ġestjoni u l-proċeduri ta' verifika jindirizzaw il-prestazzjoni ambjentali attwali tal-organizzazzjoni fir-rigward tal-aspetti diretti u indiretti.

Il-mezzi sabiex jintlaħqu l-għanijiet u l-miri ma jistgħux ikunu objettivi ambjentali.

A.7  Appoġġ

A.7.1  Riżorsi

L-organizzazzjoni għandha tistabbilixxi u tipprovdi r-riżorsi meħtieġa għall-istabbiliment, l-implimentazzjoni, iż-żamma u t-titjib kontinwu tas-sistema ta' ġestjoni ambjentali.

 

A.7.2  Kompetenza

L-organizzazzjoni għandha:

(a)  tistabbilixxi l-kompetenza neċessarja tal-persuni li jkunu qegħdin iwettqu xogħol taħt il-kontroll tagħha li jaffettwa l-prestazzjoni ambjentali tagħha u l-ħila tagħha li tissodisfa l-obbligi ta' konformità tagħha;

(b)  tassigura li dawn il-persuni jkunu kompetenti abbażi ta' edukazzjoni, taħriġ jew esperjenza xierqa;

(c)  tistabbilixxi l-ħtiġijiet ta' taħriġ assoċjati mal-aspetti ambjentali u mas-sistema ta' ġestjoni ambjentali tagħha;

(d)  fejn ikun applikabbli, tieħu azzjonijiet biex tikseb il-kompetenza neċessarja, u tevalwa l-effettività tal-azzjonijiet meħuda.

Nota:  L-azzjonijiet applikabbli jistgħu jinkludu, pereżempju, l-għoti ta' taħriġ lil, il-mentoraġġ ta', jew ir-riassenjazzjoni tal-persuni attwalment impjegati; jew ir-reklutaġġ jew il-kuntrattar ta' persuni kompetenti.

L-organizzazzjoni għandha żżomm informazzjoni dokumentata xierqa bħala evidenza tal-kompetenza.

B.6.  Involviment tal-impjegati

(1)  L-organizzazzjoni għandha tirrikonoxxi li l-involviment attiv tal-impjegati huwa prerekwiżit u jixpruna t-titjib ambjentali kontinwu u ta' suċċess minbarra li huwa riżorsa ewlenija għat-titjib tal-prestazzjoni ambjentali kif ukoll il-metodu xieraq li bih is-sistema ta' ġestjoni u verifika ambjentali tiġi stabbilita b'suċċess fl-organizzazzjoni.

(2)  L-“involviment tal-impjegati” għandu jinftiehem bħala li jinkludi kemm il-parteċipazzjoni diretta tal-impjegati kif ukoll l-għoti ta' informazzjoni lill-impjegati u lir-rappreżentanti tagħhom. Għalhekk, għandu jkun hemm skema ta' parteċipazzjoni tal-impjegati fil-livelli kollha. L-organizzazzjoni għandha tirrikonoxxi li t-turija ta' impenn, sensibilità u appoġġ attiv mill-maniġment hija prerekwiżit għas-suċċess ta' dawk il-proċessi. F'dan il-kuntest, il-maniġment għandu jipprovdi feedback xieraq lill-impjegati.

(3)  Minbarra dawn ir-rekwiżiti, l-impjegati jew ir-rappreżentanti tagħhom għandhom ikunu involuti fil-proċess immirat sabiex itejjeb kontinwament il-prestazzjoni ambjentali tal-organizzazzjoni permezz ta':

(a)  l-analiżi ambjentali inizjali

(b)  l-istabbiliment u l-implimentazzjoni ta' sistema ta' ġestjoni u verifika ambjentali li ttejjeb il-prestazzjoni ambjentali,

(c)  kumitati jew gruppi ta' ħidma ambjentali li jiġbru l-informazzjoni u jassiguraw il-parteċipazzjoni tal-uffiċjal għall-ambjent/rappreżentanti tal-maniġment flimkien mal-impjegati u r-rappreżentanti tagħhom,

(d)  gruppi ta' ħidma konġunti għall-programm ta' azzjoni ambjentali u l-verifika ambjentali,

(e)  il-preparazzjoni tad-dikjarazzjonijiet ambjentali.

(4)  Għal dan il-għan għandhom jintużaw forom xierqa ta' parteċipazzjoni bħalma hi s-sistema tal-ktieb tas-suġġerimenti jew ħidma fi gruppi bbażata fuq proġett jew il-kumitati ambjentali. L-organizzazzjonijiet għandhom jieħdu nota tal-gwida tal-Kummissjoni dwar l-aqwa prassi f'dan il-qasam. Meta jitolbu dan, għandu jiġi involut ukoll kwalunkwe rappreżentant tal-impjegati.

A.7.3  Għarfien

L-organizzazzjoni għandha tassigura li l-persuni li jkunu qegħdin jaħdmu taħt il-kontroll tal-organizzazzjoni jkunu konxji ta':

(a)  il-politika ambjentali;

(b)  l-aspetti ambjentali sinifikanti u l-impatti ambjentali reali jew potenzjali relatati assoċjati mal-ħidma tagħhom;

(c)  il-kontribut tagħhom għall-effettività tas-sistema ta' ġestjoni ambjentali, inklużi l-benefiċċji ta' titjib fil-prestazzjoni ambjentali;

(d)  l-implikazzjonijiet tan-nuqqas ta' konformità mar-rekwiżiti tas-sistema ta' ġestjoni ambjentali, inkluż li ma jiġux issodisfati l-obbligi ta' konformità tal-organizzazzjoni.

 

A.7.4  Komunikazzjoni

A.7.4.1  Ġenerali

L-organizzazzjoni għandha tistabbilixxi, timplimenta u żżomm il-proċessi meħtieġa għall-komunikazzjonijiet interni u esterni rilevanti għas-sistema ta' ġestjoni ambjentali, fosthom:

(a)  dak li se tikkomunika;

(b)  meta għandha tikkomunika;

(c)  ma' min għandha tikkomunika;

(d)  kif għandha tikkomunika.

Meta tkun qiegħda tistabbilixxi l-proċess(i) ta' komunikazzjoni tagħha, l-organizzazzjoni għandha:

— tikkunsidra l-obbligi ta' konformità tagħha;

— tassigura li l-informazzjoni ambjentali kkomunikata tkun konsistenti mal-informazzjoni ġġenerata fi ħdan is-sistema ta' ġestjoni ambjentali, u tkun affidabbli.

L-organizzazzjoni għandha tirrispondi għall-komunikazzjonijiet rilevanti dwar is-sistema ta' ġestjoni ambjentali tagħha.

L-organizzazzjoni għandha żżomm informazzjoni dokumentata bħala evidenza tal-komunikazzjonijiet tagħha, kif ikun xieraq.

A.7.4.2  Komunikazzjoni interna

L-organizzazzjoni għandha:

(a)  tikkomunika internament fost id-diversi livelli u funzjonijiet tal-organizzazzjoni informazzjoni rilevanti għas-sistema ta' ġestjoni ambjentali, inklużi bidliet fis-sistema ta' ġestjoni ambjentali, kif ikun xieraq;

(b)  tassigura li l-proċessi ta' komunikazzjoni tagħha jippermettu lill-persuni li jaħdmu taħt il-kontroll tal-organizzazzjoni li jikkontribwixxu għal titjib kontinwu.

 

A.7.4.3  Komunikazzjoni esterna

L-organizzazzjoni għandha tikkomunika esternament informazzjoni rilevanti għas-sistema ta' ġestjoni ambjentali, kif stabbilit mill-proċessi ta' komunikazzjoni tal-organizzazzjoni u kif meħtieġ mill-obbligi ta' konformità tagħha.

B.7.  Komunikazzjoni

(1)  L-organizzazzjonijiet għandhom ikunu kapaċi juru li jwettqu djalogu miftuħ mal-pubbliku, mal-awtoritajiet u ma' partijiet interessati oħra inklużi l-komunitajiet u l-konsumaturi lokali rigward l-impatt ambjentali tal-attivitajiet, il-prodotti u s-servizzi tagħhom.

(2)  Sabiex jassiguraw livell għoli ta' trasparenza u biex jibnu l-kunfidenza mal-partijiet interessati, l-organizzazzjonijiet irreġistrati fl-EMAS għandhom jiddivulgaw informazzjoni ambjentali speċifika kif definit mill-Anness IV Rappurtar Ambjentali.

A.7.5  Informazzjoni dokumentata

A.7.5.1  Ġenerali

Is-sistema ta' ġestjoni ambjentali tal-organizzazzjoni għandha tinkludi:

(a)  l-informazzjoni dokumentata mitluba minn dan l-Istandard Internazzjonali;

(b)  l-informazzjoni dokumentata stabbilita mill-organizzazzjoni bħala neċessarja għall-effettività tas-sistema ta' ġestjoni ambjentali.

Nota:  Il-firxa tal-informazzjoni dokumentata għal sistema ta' ġestjoni ambjentali tista' tvarja minn organizzazzjoni għall-oħra minħabba:

— id-daqs tal-organizzazzjoni u t-tip ta' attivitajiet, proċessi, prodotti u servizzi tagħha;

— il-ħtieġa li jintwera l-issodisfar tal-obbligi ta' konformità tagħha;

— il-kumplessità tal-proċessi u l-interazzjonijiet tagħhom;

— il-kompetenza tal-persuni li jaħdmu taħt il-kontroll tal-organizzazzjoni.

A.7.5.2  Tfassil u aġġornament

Meta tfassal u taġġorna informazzjoni dokumentata, l-organizzazzjoni għandha tassigura:

(a)  identifikazzjoni u deskrizzjoni xierqa (eż. titlu, data, awtur, jew numru ta' referenza);

(b)  format (eż. lingwa, verżjoni tas-softwer, grafika) u mezzi (eż. karta, elettronika) xierqa;

(c)  eżami u approvazzjoni xierqa għall-idoneità u l-adegwatezza.

A.7.5.3  Kontroll tal-informazzjoni dokumentata

L-informazzjoni dokumentata mitluba mis-sistema ta' ġestjoni ambjentali u minn dan l-Istandard Internazzjonali għandha tiġi kkontrollata sabiex ikun assigurat li:

(a)  tkun disponibbli u adatta għall-użu, fejn u meta tkun meħtieġa;

(b)  tkun protetta adegwatament (eż. kontra t-telf tal-kunfidenzjalità, l-użu mhux xieraq, jew it-telf tal-integrità).

Għall-kontroll tal-informazzjoni dokumentata, l-organizzazzjoni għandha tindirizza l-attivitajiet li ġejjin kif applikabbli:

— id-distribuzzjoni, l-aċċess, l-irkupru u l-użu;

— il-ħażna u l-preservazzjoni, inkluża l-preservazzjoni tal-leġġibbiltà;

— il-kontroll tal-bidliet (eż. il-kontroll tal-verżjoni);

— iż-żamma u r-rimi.

L-informazzjoni dokumentata ta' oriġni esterna meqjusa bħala meħtieġa mill-organizzazzjoni għall-ippjanar u t-tħaddim tas-sistema ta' ġestjoni ambjentali għandha tiġi identifikata, kif xieraq, u kkontrollata.

Nota  L-aċċess jista' jimplika deċiżjoni rigward il-permess biex wieħed jara l-informazzjoni dokumentata biss, jew il-permess u l-awtorità biex wieħed jara u jbiddel l-informazzjoni dokumentata.

A.8  Operat

A.8.1  Ippjanar u kontroll operattiv

L-organizzazzjoni għandha tistabbilixxi, timplimenta, tikkontrolla u żżomm il-proċessi meħtieġa sabiex tissodisfa r-rekwiżiti tas-sistema ta' ġestjoni ambjentali, u biex timplimenta l-azzjonijiet identifikati fil-punti 6.1 u 6.2, billi:

— tistabbilixxi kriterji tal-operat għall-proċess(i);

— timplimenta kontroll tal-proċess(i), skont il-kriterji tal-operat.

Nota:  Il-kontrolli jistgħu jinkludu kontrolli u proċeduri tal-inġinerija. Il-kontrolli jistgħu jiġu implimentati skont ġerarkija (eż. eliminazzjoni, sostituzzjoni, amministrattivi) u jistgħu jintużaw individwalment jew f'kombinazzjoni.

L-organizzazzjoni għandha tikkontrolla l-bidliet ippjanati u tanalizza l-konsegwenzi ta' bidliet mhux intenzjonati, filwaqt li tieħu azzjoni sabiex ittaffi kwalunkwe effett negattiv, kif ikun meħtieġ.

L-organizzazzjoni għandha tassigura li proċess(i) esternalizzat(i) jiġi/jiġu kkontrollat(i) jew influwenzat(i). It-tip u l-firxa tal-kontroll jew tal-influwenza li għandhom jiġu applikati għall-proċess(i) għandhom jiġu definiti fi ħdan is-sistema ta' ġestjoni ambjentali.

B'mod konsistenti ma' perspettiva taċ-ċiklu tal-ħajja, l-organizzazzjoni għandha:

(a)  tistabbilixxi kontrolli, kif ikun xieraq, sabiex tassigura li r-rekwiżit(i) ambjentali tagħha jiġu indirizzati fil-proċess tat-tfassil u l-iżvilupp għall-prodott jew servizz, billi jitqies kull stadju taċ-ċiklu tal-ħajja tiegħu;

(b)  tistabbilixxi r-rekwiżit(i) ambjentali tagħha għall-akkwist ta' prodotti u servizzi, kif ikun xieraq;

(c)  tikkomunika r-rekwiżit(i) ambjentali rilevanti tagħha lill-fornituri esterni, inklużi l-kuntratturi;

(d)  tikkunsidra l-ħtieġa li tipprovdi informazzjoni dwar impatti ambjentali sinifikanti potenzjali

assoċjati mat-trasport jew il-kunsinna, l-użu, it-trattament fi tmiem il-ħajja u r-rimi finali tal-prodotti u s-servizzi tagħha.

L-organizzazzjoni għandha żżomm informazzjoni dokumentata sa fejn ikun meħtieġ sabiex ikollha l-kunfidenza li l-proċess(i) twettqu kif ippjanat.

A.8.2  Stat ta' tħejjija u rispons għal emerġenzi

L-organizzazzjoni għandha tistabbilixxi, timplimenta u żżomm il-proċessi meħtieġa sabiex tipprepara għal u tirrispondi għas-sitwazzjonijiet potenzjali ta' emerġenza identifikati fil-punt 6.1.1.

L-organizzazzjoni għandha:

(a)  tipprepara biex tirrispondi billi tippjana azzjonijiet biex tipprevjeni jew ittaffi l-impatti ambjentali ħżiena minn sitwazzjonijiet ta' emerġenza;

(b)  tirrispondi għal sitwazzjonijiet reali ta' emerġenza;

(c)  tieħu azzjoni biex tipprevjeni jew ittaffi l-konsegwenzi ta' sitwazzjonijiet ta' emerġenza, xierqa għad-daqs tal-emerġenza u l-impatt ambjentali potenzjali;

(d)  tittestja perjodikament l-azzjonijiet ta' rispons ippjanati, fejn ikun prattikabbli;

(e)  teżamina u tirrevedi perjodikament il-proċessi u l-azzjonijiet ta' rispons ippjanati, b'mod partikolari wara li jseħħu sitwazzjonijiet ta' emerġenza jew testijiet;

(f)  tipprovdi informazzjoni u taħriġ rilevanti relatati mal-istat ta' tħejjija u r-rispons għal emerġenzi, kif ikun xieraq, lil partijiet interessati rilevanti, inklużi persuni li jaħdmu taħt il-kontroll tagħha.

L-organizzazzjoni għandha żżomm informazzjoni dokumentata sal-punt meħtieġ sabiex ikollha l-kunfidenza li l-proċess(i) ikunu qegħdin jitwettqu kif ippjanat.

A.9  Evalwazzjoni tal-prestazzjoni

A.9.1  Monitoraġġ, kejl, analiżi u evalwazzjoni

A.9.1.1  Ġenerali

L-organizzazzjoni għandha timmonitorja, tkejjel, tanalizza u tevalwa l-prestazzjoni ambjentali tagħha.

L-organizzazzjoni għandha tistabbilixxi:

(a)  liema ħtiġijiet iridu jiġu mmonitorjati u mkejla;

(b)  il-metodi għall-monitoraġġ, il-kejl, l-analiżi u l-evalwazzjoni, kif applikabbli, biex tassigura riżultati validi;

(c)  il-kriterji li magħhom l-organizzazzjoni se tevalwa l-prestazzjoni ambjentali tagħha, u indikaturi xierqa;

(d)  meta għandu jitwettaq il-monitoraġġ u l-kejl;

(e)  meta għandhom jiġu analizzati u evalwati r-riżultati mill-monitoraġġ u l-kejl.

L-organizzazzjoni għandha tiżgura li jintuża u jinżamm tagħmir għall-monitoraġġ u l-kejl li jkun kalibrat jew verifikat, kif ikun xieraq.

L-organizzazzjoni għandha tevalwa l-prestazzjoni ambjentali tagħha u l-effettività tas-sistema ta' ġestjoni ambjentali.

L-organizzazzjoni għandha tikkomunika informazzjoni rilevanti dwar il-prestazzjoni ambjentali kemm internament kif ukoll esternament, kif identifikat fil-proċess(i) ta' komunikazzjoni tagħha u kif meħtieġ mill-obbligi ta' konformità tagħha.

L-organizzazzjoni għandha żżomm informazzjoni dokumentata xierqa bħala evidenza tar-riżultati tal-monitoraġġ, il-kejl, l-analiżi u l-evalwazzjoni.

A.9.1.2  Evalwazzjoni tal-konformità

L-organizzazzjoni għandha tistabbilixxi, timplimenta u żżomm il-proċessi meħtieġa sabiex tevalwa t-twettiq tal-obbligi ta' konformità tagħha.

L-organizzazzjoni għandha:

(a)  tistabbilixxi l-frekwenza li biha se tiġi evalwata l-konformità;

(b)  tevalwa l-konformità u tieħu azzjoni jekk ikun meħtieġ;

(c)  iżżomm għarfien u fehim tal-istat ta' konformità tagħha.

L-organizzazzjoni għandha żżomm informazzjoni dokumentata bħala evidenza tar-riżultat(i) tal-evalwazzjoni tal-konformità.

A.9.2  Verifika interna

A.9.2.1  Ġenerali

L-organizzazzjoni għandha twettaq verifiki interni f'intervalli ppjanati sabiex tipprovdi informazzjoni dwar jekk is-sistema ta' ġestjoni ambjentali:

(a)  tikkonformax ma':

(1)  ir-rekwiżiti proprji tal-organizzazzjoni għas-sistema ta' ġestjoni ambjentali tagħha;

(2)  ir-rekwiżiti ta' dan l-Istandard Internazzjonali;

(b)  tkunx implimentata u miżmuma b'mod effettiv.

A.9.2.2  Programm ta' verifika interna

L-organizzazzjoni għandha tistabbilixxi, timplimenta u żżomm programmi ta' verifika interna, li jinkludu l-frekwenza, il-metodi, ir-responsabbiltajiet, ir-rekwiżiti ta' ppjanar u r-rappurtar tal-verifiki interni tagħha.

Fl-istabbiliment tal-programm ta' verifika interna, l-organizzazzjoni għandha tqis l-importanza ambjentali tal-proċessi kkonċernati, il-bidliet li jaffettwaw lill-organizzazzjoni u r-riżultati ta' verifiki preċedenti.

L-organizzazzjoni għandha:

(a)  tiddefinixxi l-kriterji tal-verifika u l-kamp ta' applikazzjoni għal kull verifika;

(b)  tagħżel l-awdituri u twettaq verifiki sabiex tassigura l-oġġettività u l-imparzjalità tal-proċess ta' verifika;

(c)  tassigura li r-riżultati tal-verifiki jiġu rrappurtati lill-maniġment rilevanti.

L-organizzazzjoni għandha żżomm informazzjoni dokumentata bħala evidenza tal-implimentazzjoni tal-programm ta' verifika u tar-riżultati tal-verifiki.

A.9.3  Reviżjoni tal-ġestjoni

Il-maniġment superjuri għandu jeżamina s-sistema ta' ġestjoni ambjentali tal-organizzazzjoni, f'intervalli ppjanati, sabiex jassigura l-idoneità, l-adegwatezza u l-effettività kontinwa tagħha.

Ir-reviżjoni tal-ġestjoni għandha tinkludi kunsiderazzjoni ta':

(a)  l-istatus ta' azzjonijiet minn eżamijiet preċedenti mill-maniġment;

(b)  bidliet fi:

(1)  il-kwistjonijiet esterni u interni li jkunu rilevanti għas-sistema ta' ġestjoni ambjentali;

(2)  il-ħtiġijiet u l-aspettattivi tal-partijiet interessati, inklużi l-obbligi ta' konformità;

(3)  l-aspetti ambjentali sinifikanti tagħha;

(4)  ir-riskji u l-opportunitajiet;

(c)  sa fejn intlaħqu l-objettivi ambjentali;

(d)  l-informazzjoni dwar il-prestazzjoni ambjentali tal-organizzazzjoni, inklużi x-xejriet fi:

(1)  in-nuqqasijiet ta' konformità u l-azzjonijiet korrettivi;

(2)  ir-riżultati tal-monitoraġġ u tal-kejl;

(3)  l-issodisfar tal-obbligi ta' konformità tagħha;

(4)  ir-riżultati tal-verifiki;

(e)  l-adegwatezza tar-riżorsi;

(f)  il-komunikazzjoni(jiet) rilevanti mill-partijiet interessati, inklużi l-ilmenti;

(g)  l-opportunitajiet għal titjib kontinwu.

Ir-riżultati tal-eżami mill-maniġment għandhom jinkludu:

— konklużjonijiet dwar l-idoneità, l-adegwatezza u l-effettività kontinwa tas-sistema ta' ġestjoni ambjentali;

— deċiżjonijiet relatati mal-opportunitajiet għal titjib kontinwu;

— deċiżjonijiet relatati ma' kwalunkwe ħtieġa ta' tibdil fis-sistema ta' ġestjoni ambjentali, inklużi r-riżorsi;

— l-azzjonijiet, jekk ikun meħtieġa, meta l-objettivi ambjentali ma jkunux intlaħqu;

— l-opportunitajiet sabiex tittejjeb l-integrazzjoni tas-sistema ta' ġestjoni ambjentali ma' proċessi oħra tan-negozju, jekk ikun meħtieġ;

— kwalunkwe implikazzjoni għad-direzzjoni strateġika tal-organizzazzjoni.

L-organizzazzjoni għandha żżomm informazzjoni dokumentata bħala evidenza tar-riżultati tal-eżamijiet mill-maniġment.

A.10  Titjib

A.10.1  Ġenerali

L-organizzazzjoni għandha tistabbilixxi l-opportunitajiet għal titjib (ara l-punti 9.1, 9.2 u 9.3) u timplimenta l-azzjonijiet neċessarji biex tikseb ir-riżultati mistennija tas-sistema ta' ġestjoni ambjentali tagħha.

A.10.2  Nuqqas ta' konformità u azzjoni korrettiva

Meta jseħħ nuqqas ta' konformità, l-organizzazzjoni għandha:

(a)  tirreaġixxi għan-nuqqas ta' konformità u, kif ikun applikabbli:

(1)  tieħu azzjoni sabiex tikkontrollah u tikkoreġih;

(2)  tindirizza l-konsegwenzi, inkluż billi ttaffi l-impatti ambjentali ħżiena;

(b)  tevalwa l-ħtieġa ta' azzjoni sabiex telimina l-kawżi tan-nuqqas ta' konformità, sabiex dan ma jerġax iseħħ jew iseħħ post ieħor, billi:

(1)  tirrevedi n-nuqqas ta' konformità;

(2)  tistabbilixxi l-kawżi tan-nuqqas ta' konformità;

(3)  tistabbilixxi jekk jeżistux, jew jistgħux potenzjalment iseħħu, nuqqasijiet ta' konformità simili;

(c)  timplimenta kwalunkwe azzjoni meħtieġa;

(d)  tirrevedi l-effettività ta' kwalunkwe azzjoni korrettiva li tittieħed;

(e)  jekk ikun meħtieġ, tagħmel bidliet fis-sistema ta' ġestjoni ambjentali.

L-azzjonijiet korrettivi għandhom ikunu xierqa għas-sinifikat tal-effetti tan-nuqqasijiet ta' konformità li jkun hemm, inkluż l-impatt(i) ambjentali.

L-organizzazzjoni għandha żżomm informazzjoni dokumentata bħala evidenza ta':

— in-natura tan-nuqqasijiet ta' konformità u kwalunkwe azzjoni suċċessiva li tittieħed;

— ir-riżultati ta' kwalunkwe azzjoni korrettiva.

A.10.3  Titjib kontinwu

L-organizzazzjoni għandha ttejjeb kontinwament l-idoneità, l-adegwatezza u l-effettività tas-sistema ta' ġestjoni ambjentali sabiex ittejjeb il-prestazzjoni ambjentali.

 
(1)   

L-użu tat-test tal-istandard nazzjonali riprodott f'dan l-Anness qed isir bil-permess tas-CEN. It-test sħiħ tal-istandard nazzjonali jista' jinxtara mill-Korpi Nazzjonali tal-Istandardizzazzjoni, li l-lista tagħhom tinsab fuq is-sit web tas-CEN. L-ebda tip ta' riproduzzjoni ta' dan l-Anness għal raġunijiet kummerċjali ma hija permessa.

ANNESS III

ANNESS III

VERIFIKA AMBJENTALI INTERNA

1.    Il-programm ta' verifika u l-frekwenza tal-verifiki

1.1.    Programm ta' verifika

Il-programm ta' verifika għandu jiggarantixxi li l-maniġment tal-organizzazzjoni jingħata l-informazzjoni li jeħtieġ sabiex janalizza l-prestazzjoni ambjentali tal-organizzazzjoni u l-effettività tas-sistema ta' ġestjoni ambjentali, u li jkun jista' juri li dawn jinsabu taħt kontroll.

1.2.    Objettivi tal-programm ta' verifika

L-objettivi għandhom jinkludu, b'mod partikolari, il-valutazzjoni tas-sistemi ta' ġestjoni li jkun hemm fis-seħħ u l-istabbiliment tal-konformità mal-politika u l-programm tal-organizzazzjoni, li għandhom jinkludu l-konformità mar-rekwiżiti legali u rekwiżiti oħra relatati mal-ambjent.

1.3.    Kamp ta' applikazzjoni tal-programm ta' verifika

Il-kamp ta' applikazzjoni ġenerali tal-verifiki individwali, jew ta' kull stadju ta' ċiklu ta' verifika fejn ikun xieraq, għandu jiġi definit b'mod ċar u għandu jispeċifika b'mod espliċitu:

(1) 

l-oqsma tas-suġġetti koperti;

(2) 

l-attivitajiet li għandhom jiġu vverifikati;

(3) 

il-kriterji ambjentali li għandhom jitqiesu;

(4) 

il-perjodu kopert mill-verifika.

Il-verifika ambjentali tinkludi valutazzjoni tad-dejta fattwali meħtieġa sabiex tigi evalwata l-prestazzjoni ambjentali.

1.4.    Frekwenza tal-verifiki

Il-verifika jew iċ-ċiklu ta' verifika li jkopri l-attivitajiet kollha tal-organizzazzjoni għandhom jitlestew, kif ikun xieraq, f'intervalli ta' mhux aktar minn tliet snin jew ta' erba' snin jekk tapplika d-deroga prevista fl-Artikolu 7. Il-frekwenza li biha tiġi vverifikata kwalunkwe attività se tvarja skont:

(1) 

in-natura, l-iskala u l-kumplessità tal-attivitajiet;

(2) 

is-sinifikat tal-impatti ambjentali assoċjati;

(3) 

l-importanza u l-urġenza tal-problemi misjuba minn verifiki preċedenti;

(4) 

il-problemi ambjentali tal-imgħoddi.

Attivitajiet aktar kumplessi b'impatt ambjentali aktar sinifikanti għandhom jiġu vverifikati aktar ta' spiss.

L-organizzazzjoni għandha twettaq verifiki tal-anqas fuq bażi annwali, peress li dan se jgħin biex juri lill-maniġment tal-organizzazzjoni u lill-verifikatur ambjentali li hija għandha l-kontroll fuq l-aspetti ambjentali sinifikanti tagħha.

L-organizzazzjoni għandha twettaq verifiki dwar:

(1) 

il-prestazzjoni ambjentali tal-organizzazzjoni; u

(2) 

il-konformità tal-organizzazzjoni mar-rekwiżiti legali applikabbli u rekwiżiti oħra relatati mal-ambjent.

2.    Attivitajiet ta' verifika

L-attivitajiet ta' verifika għandhom jinkludu diskussjonijiet mal-persunal dwar il-prestazzjoni ambjentali, spezzjoni tal-kundizzjonijiet ta' ħidma u t-tagħmir u eżami tar-rekords, il-proċeduri bil-miktub u dokumentazzjoni rilevanti oħra. Dawk l-attivitajiet għandhom jitwettqu bil-għan li tiġi evalwata l-prestazzjoni ambjentali tal-attività li tkun qed tiġi verifikata sabiex jiġi determinat jekk tissodisfax l-istandards, ir-regolamenti jew l-objettivi u l-miri ambjentali applikabbli. Hija għandha tistabbilixxi wkoll jekk is-sistema li tkun fis-seħħ għall-ġestjoni tar-responsabbiltajiet u l-prestazzjoni ambjentali tkunx effettiva u xierqa u għalhekk, fost l-oħrajn, se tinkludi kontrolli fuq il-post tal-konformità ma' dawn il-kriterji biex tiddetermina l-effettività tas-sistema ta' ġestjoni sħiħa.

Il-passi li ġejjin għandhom, b'mod partikolari, jiġu inklużi fil-proċess tal-verifika:

(1) 

il-komprensjoni tas-sistemi ta' ġestjoni;

(2) 

il-valutazzjoni tal-punti qawwija u dawk dgħajfa tas-sistemi ta' ġestjoni;

(3) 

il-ġbir tal-evidenza sabiex jintwera fejn is-sistema ta' ġestjoni tkun jew ma tkunx qiegħda tagħti r-riżultati;

(4) 

il-valutazzjoni tas-sejbiet tal-verifika;

(5) 

it-tħejjija tal-konklużjonijiet tal-verifika;

(6) 

ir-rappurtar tas-sejbiet u tal-konklużjonijiet tal-verifika.

3.    Rappurtar tas-sejbiet u tal-konklużjonijiet tal-verifika

L-għanijiet fundamentali ta' rapport bil-miktub tal-verifika huma:

(1) 

li jiddokumenta l-kamp ta' applikazzjoni tal-verifika;

(2) 

li jinforma lill-maniġment dwar l-istat ta' konformità mal-politika ambjentali tal-organizzazzjoni u dwar il-progress ambjentali tal-organizzazzjoni

(3) 

li jinforma lill-maniġment dwar l-istat ta' konformità mar-rekwiżiti legali u ma' rekwiżiti oħra relatati mal-ambjent u dwar il-miżuri meħuda sabiex ikun assigurat li tkun tista' tintwera l-konformità;

(4) 

li jinforma lill-maniġment dwar l-effettività u l-affidabbiltà tal-miżuri meħuda sabiex jiġu mmonitorjati u mnaqqsa l-impatti ambjentali tal-organizzazzjoni;

(5) 

li juri l-ħtieġa ta' azzjonijiet korrettivi, meta jkun xieraq.

Ir-rapport bil-miktub tal-verifika għandu jinkludi l-informazzjoni neċessarja sabiex jikkonforma ma' dawn l-għanijiet.

▼M3

ANNESS IV

ANNESS IV

RAPPURTAR AMBJENTALI

A.    Introduzzjoni

L-informazzjoni ambjentali għandha tiġi ppreżentata b'mod ċar u koerenti u preferibbilment tkun disponibbli f'forma elettronika. L-organizzazzjoni għandha tiddetermina l-aħjar format biex din l-informazzjoni ssir disponibbli lill-partijiet interessati b'mod faċli għall-utent.

B.    Dikjarazzjoni ambjentali

Id-dikjarazzjoni ambjentali għandu jkun fiha mill-inqas l-elementi li ġejjin u għandha tissodisfa r-rekwiżiti minimi mniżżlin hawn taħt:

(a) 

sommarju tal-attivitajiet u tal-prodotti u tas-servizzi tal-organizzazzjoni, u tar-relazzjoni tagħha ma' kull organizzazzjoni prinċipali kif xieraq u deskrizzjoni ċara u mhux ambigwa tal-ambitu tar-reġistrazzjoni fl-EMAS li tinkludi lista tas-siti inklużi f'din ir-reġistrazzjoni

(b) 

il-politika ambjentali u deskrizzjoni fil-qosor tal-istruttura ta' governanza li tappoġġa s-sistema ta' ġestjoni ambjentali tal-organizzazzjoni;

(c) 

deskrizzjoni tal-aspetti ambjentali diretti u indiretti sinifikanti kollha li jirriżultaw f'impatti ambjentali sinifikanti tal-organizzazzjoni u deskrizzjoni qasira tal-approċċ li jintuża biex jiġi determinat is-sinifikat tagħhom flimkien ma' spjega tan-natura tal-impatti kif relatati ma' dawn l-aspetti;

(d) 

deskrizzjoni tal-għanijiet u l-miri ambjentali fir-rigward tal-aspetti u l-impatti ambjentali sinifikanti;

(e) 

deskrizzjoni tal-azzjonijiet implimentati u ppjanati biex tittejjeb il-prestazzjoni ambjentali, jinkisbu l-għanijiet u jintlaħqu l-miri u tiġi żgurata l-konformità mar-rekwiżiti ġuridiċi marbuta mal-ambjent.

Fejn tkun disponibbli, għandha ssir referenza għall-aqwa prattiki ta' ġestjoni ambjentali ppreżentati fid-dokumenti ta' referenza settorjali msemmija fl-Artikolu 46;

(f) 

sommarju tad-dejta disponibbli dwar il-prestazzjoni tal-organizzazzjoni fir-rigward tal-aspetti ambjentali sinifikanti.

Għandu jsir rapputar dwar l-indikaturi ta' prestazzjoni ambjentali ċentrali u l-indikaturi ta' prestazzjoni ambjentali speċifiċi kif jissemmew fit-Taqsima C. Fejn jeżistu għanijiet u miri ambjentali, id-dejta rispettiva għandha tiġi rrappurtata;

(g) 

referenza għad-dispożizzjonijiet legali ewlenin li għandhom jitqiesu mill-organizzazzjoni biex tiġi żgurata l-konformità mar-rekwiżiti ġuridiċi marbuta mal-ambjent u stqarrija dwar il-konformità legali;

(h) 

konferma dwar ir-rekwiżiti tal-paragrafu 8 tal-Artikolu 25 u l-isem u l-akkreditazzjoni jew in-numru tal-liċenzja tal-verifikatur ambjentali u d-data tal-validazzjoni tagħhom. Minflok tista' tintuża d-dikjarazzjoni kif tissemma fl-Anness VII ffirmata mill-verifikatur ambjentali.

Id-dikjarazzjoni ambjentali aġġornata għandu jkun fiha mill-inqas l-elementi li ġejjin u għandha tissodisfa r-rekwiżiti minimi mniżżlin fil-punti (e) sa (h).

L-organizzazzjonijiet jistgħu jiddeċiedu jintegraw fid-dikjarazzjoni ambjentali tagħhom tagħrif fattwali ieħor, marbut mal-attivitajiet, il-prodotti u s-servizzi tal-organizzazzjoni jew mal-konformità tagħhoma ma' rekwiżiti speċifiċi. L-informazzjoni kollha li tinsab fid-dikjarazzjoni ambjentali għandha tiġi vvalidata mill-verifikatur ambjentali.

Id-dikjarazzjoni ambjentali tista' tiġi integrata f'dokumenti oħra ta' rappurtar tal-organizzazzjoni (eż. ir-rapporti tal-management, tas-sostenibbiltà jew dwar ir-responsabbiltà soċjali korporattiva) Meta sseħħ din l-integrazzjoni fid-dokumenti tar-rappurtar, għandha ssir distinzjoni ċara bejn informazzjoni validata u oħra mhux validata. Id-dikjarazzjoni ambjentali għandha tiġi identifikata b'mod ċar (pereżempju billi jintuża l-logo tal-EMAS) u d-dokument għandu jinkludi spjega qasira tal-proċess ta' validazzjoni fil-kuntest tal-EMAS.

C.    Rappurtar abbażi ta' indikaturi tal-prestazzjoni ambjentali u informazzjoni kwalitattiva

1.    Introduzzjoni

L-organizzazzjonijiet għandhom jirrappurtaw, kemm fid-dikjarazzjoni ambjentali, kif ukoll fid-dikjarazzjoni ambjentali aġġornata, dwar l-aspetti ambjentali diretti u indiretti sinifikanti permezz tal-indikaturi tal-prestazzjoni ambjentali ċentrali u l-indikaturi tal-prestazzjoni ambjentali speċifiċi kif imniżżel hawn taħt. Fil-każ li ma tkun disponibbli l-ebda dejta kwantitattiva, l-organizzazzjonijiet għandhom jirrappurtaw dwar informazzjoni kwalitattiva kif deskritt fil-punt 4.

Ir-rappurtar għandu jipprovdi dejta dwar l-input u l-output attwali. Jekk l-iżvelar jaffettwa b'mod negattiv il-kunfidenzjalità ta' informazzjoni kummerċjali jew industrijali tal-organizzazzjoni, meta kunfidenzjalità bħal din hija stipulata fil-liġi nazzjonali jew Komunitarja biex ikun protett interess ekonomiku leġittimu, l-organizzazzjoni jista' jkollha permess biex telenka din l-informazzjoni fir-rappurtar tagħha, pereżempju billi tiġi stabbilita sena ta' bażi (bin-numru tal-indiċi 100) li minnu jidher l-iżvilupp tal-input/l-output.

L-indikaturi għandhom:

(a) 

jagħtu stima preċiża tal-prestazzjoni ambjentali tal-organizzazzjoni;

(b) 

ikunu faċli biex jinftiehmu u ma jkunux ambigwi;

(c) 

jippermettu li jsir paragun kull sena sabiex jiġi vvalutat jekk tkunx tjiebet il-prestazzjoni ambjentali tal-organizzazzjoni. biex ikun jista' jsir dan it-tqabbil, ir-rappurtar għandu jkopri tal-anqas tliet (3) snin ta' attività, bil-kundizzjoni li d-dejta tkun disponibbli;

(d) 

jippermettu li jsir paragun mal-punti ta' riferiment settorjali, nazzjonali jew reġjonali kif xieraq;

(e) 

jippermettu li jsir paragun mar-rekwiżiti regolatorji kif xieraq.

B'appoġġ għal dan, l-organizzazzjoni għandha tiddefinixi fil-qosor il-kamp ta' applikazzjoni (inkluż il-limiti organizzattivi u materjali, l-applikabbiltà u l-metodoloġija tal-kalkolu) koperti minn kull indikatur.

2.    L-indikaturi tal-prestazzjoni ambjentali ċentrali

(a) 

L-indikaturi ċentrali jiffokaw fuq prestazzjoni fl-oqsma ambjentali ewlenin li ġejjin:

(i) 

L-enerġija;

(ii) 

Il-materjal

(iii) 

L-ilma;

(iv) 

L-iskart;

(v) 

L-użu tal-art f'dak li għandu x'jaqsam mal-bijodiversità; u

(vi) 

L-emissjonijiet.

Ir-rappurtar dwar l-indikaturi tal-prestazzjoni ambjentali ċentrali huwa obbligu. Madankollu, organizzazzjoni tista' tevalwa r-rilevanza ta' dawk l-indikaturi fil-kuntest tal-aspetti u l-impatti ambjentali sinifikanti tagħha. Meta organizzazzjoni tikkonkludi li indikatur ċentrali wieħed jew aktar mhumiex relevanti għall-aspetti u l-impatti ambjentali sinifikanti tagħha, dik l-organizzazzjoni tista ma tirrappurtax dwar dawk l-indikaturi ċentrali. F'dak il-każ, l-organizzazzjoni għandha tinkludi fid-dikjarazzjoni ambjentali spjega ċara u rraġunata għalfejn ma tkunx għamlet dan.

(b) 

Kull indikatur ċentrali huwa magħmul minn:

(i) 

iċ-ċifra A li tindika l-input/output annwali totali f'qasam partikolari;

(ii) 

iċ-ċifra B li tindika l-valur referenzjarju annwali li jirrappreżenta l-attività tal-organizzazzjoni; u

(iii) 

iċ-ċifra R li tindika l-proporzjon A/B;

Kull organizzazzjoni għandha tirrapporta fuq it-3 elementi kollha għal kull indikatur.

(c) 

L-indikazzjoni tal-input/output annwali totali f'qasam partikolari, iċ-ċifra A, għandha tiġi rappurtata kif ġej:

(i) 

dwar l-Enerġija

— 
il-“konsum dirett totali tal-enerġija”, li jikkorrispondi għall-ammont annwali totali ta' enerġija kkunsmat mill-organizzazzjoni,
— 
il-“konsum totali tal-enerġija rinnovabbli”, li jikkorrispondi għall-ammont annwali totali ta' enerġija kkunsmat mill-organizzazzjoni li jkun ġie ġġenerat mis-sorsi ta' enerġija rinnovabbli,
— 
il-“ġenerazzjoni totali tal-enerġija rinnovabbli”, li tikkorrispondi għall-ammont annwali totali ta' enerġija ġġenerat mill-organizzazzjoni mis-sorsi ta' enerġija rinnovabbli,

L-aħħar element għandu jiġi rrappurtat biss jekk l-ammont totali ta' enerġija ġġenerat mis-sorsi ta' enerġija rinnovabbli jkun jeċċedi ferm l-ammont totali ta' enerġija rinnovabbli kkunsmat mill-organizzazzjoni, inkella jekk l-enerġija rinnovabbli ġġenerata mill-organizzazzjoni ma ġietx ikkunsmata minnha stess.

Jekk jiġu kkunsmati tipi differenti ta' enerġija, inkella fil-każ tal-enerġija rinnovabbli, jekk jiġu ġġenerati (bħal elettriku, sħana, fjuwils jew oħrajn), il-konsum jew il-produzzjoni annwali tagħhom għandhom jiġu rrappurtati b'mod separat kif xieraq.

L-enerġija għandha preferibbilment tiġi espressa f'kWh, Mwh, GJ jew metriċi oħra użati ta' spiss għar-rappurtar dwar it-tip ta' enerġija kkunsmata jew iġġenerata.

(ii) 

dwar il-Materjali

— 
il-“fluss tal-massa annwali tal-materjali ewlenin li jintużaw” (minbarra t-trasportaturi tal-enerġija u l-ilma), preferibbilment espress f'unitajiet ta' piż (eż. kilogrammi jew tunnellati) inkella volum (eż. m3) jew metriċi oħra li jintużaw ta' spiss fis-settur.

Meta jintużaw tipi differenti ta' materjali, il-fluss tal-massa annwali tagħhom jenħtieġ li jiġi rrappurtat separatament kif xieraq.

(iii) 

dwar l-Ilma

— 
l-“użu totali annwali tal-ilma”, espress f'unitajiet ta' volum (eż. litri jew m3),
(iv) 

dwar l-Iskart

— 
il-“ġenerazzjoni totali annwali tal-iskart” imqassma skont it-tip, preferibbilment espressa f'unitajiet ta' piż (eż. kilogrammi jew tunnellati) inkella volum (eż. m3), jew metriċi oħra li jintużaw ta' spiss fis-settur.
— 
il-“ġenerazzjoni totali annwali tal-iskart perikoluż” preferibbilment espressa f'unitajiet ta' piż (eż. kilogrammi jew tunnellati) jew m3 jew metriċi oħra li jintużaw ta' spiss fis-settur.
(v) 

dwar l-Użu tal-art f'dak li għandu x'jaqsam mal-bijodiversità

— 
it-tipi ta' użu tal-art fir-rigward tal-bijodiversità espressi f'unitajiet tal-erja (eż m2 jew ha):
— 
l-użu totali tal-art
— 
l-erja totali ssiġillata
— 
l-erja totali taż-żoni orjentati lejn in-natura fis-sit
— 
l-erja totali taż-żoni orjentati lejn in-natura barra mis-sit

“Żona orjentata lejn in-natura” hija żona ddedikata primarjament għall-preżervazzjoni jew ir-restawr tan-natura. Iż-żoni orjentati lejn in-natura jistgħu jkunu jinsabu fis-sit u jinkludu saqaf, faċċata, sistemi għall-iskular tal-ilma jew elementi oħra li jkunu ġew iddisinjati, adattati jew li huma ġestiti sabiex jippromwovu l-bijodiversità. Iż-żoni orjentati lejn in-natura jistgħu jkunu jinsabu wkoll barra mis-sit tal-organizzazzjoni bil-kundizzjoni li ż-żona tkun il-proprjetà jew titmexxa mill-organizzazzjoni u tkun iddedikata primarjament għall-promozzjoni tal-bijodiversità. Żoni ta' ġestjoni konġunta ddedikati għall-promozzjoni tal-bijodiversità jistgħu wkoll jiġu deskritti bil-kundizzjoni li l-ambitu tal-ġestjoni konġunta jkun deskritt b'mod ċar.

“Żona ssiġillata” tfisser kwalunkwe żona fejn il-ħamrija oriġinali tkun ġiet mgħottija (pereżempju bit-toroq) biex tkun saret impermeabbli. Din in-nonpermeabbiltà tista' tħalli impatti ambjentali.

(vi) 

dwar l-Emissjonijiet

— 
l-“emissjonijiet totali annwali ta' gassijiet b'effett ta' serra” inklużi għall-inqas l-emissjonijiet tas-CO2, tas-CH4, tal-N2O, tal-HFCs, tal-PFCs, tal-NF3 u tal-SF6 espressi f'tunnellati ekwivalenti ta' CO2;

L-organizzazzjoni jenħtieġ tikkonsidra tirrapporta dwar l-emissjonijiet tal-gassijiet serra skont metodoloġija stabbilita, bħalma hu l-Protokoll tal-Gassijiet Serra.

— 
“it-total annwali ta' emissjonijiet tal-arja”, inklużi għall-inqas l-emissjonijiet tal-SO2, tal-NOx u tal-PM, espress f'kilogrammi jew tunnellati;
(d) 

L-indikazzjoni tal-valur referenzjarju annwali li jirrappreżenta l-attività tal-organizzazzjoni, iċ-ċifra B, għandha tintgħażel u għandu jsir rappurtar dwarha abbażi tar-rekwiżiti li ġejjin:

Iċ-ċifra B għandha:

(i) 

tkun tinftiehem;

(ii) 

tkun ċifra li tirrappreżenta bl-aħjar mod l-attività annwali globali tal-organizzazzjoni;

(iii) 

tippermetti deskrizzjoni korretta tal-prestazzjoni ambjentali tal-organizzazzjoni, fid-dawl tal-ispeċifiċitajiet u l-attivitajiet tal-organizzazzjoni;

(iv) 

tkun valur referenzjarju komuni għas-settur li l-organizzazzjoni qiegħda taħdem fih, bħal pereżempju:

— 
l-output fiżiku annwali totali
— 
l-għadd totali ta' impjegati
— 
l-iljieli totali maħduma
— 
l-għadd totali ta' abitanti f'żona (fil-każ ta' amministrazzjoni pubblika)
— 
it-tunnellati ta' skart ipproċessati (għal organizzazzjonijiet attivi fis-settur tal-ġestjoni tal-iskart)
— 
l-enerġija totali prodotta (għal organizzazzjonijiet attivi fis-settur tal-produzzjoni tal-enerġija)
(v) 

l-iżgurar tal-komparabbiltà tal-indikaturi inklużi fir-rapport maż-żmien. Ladarba tiġi definita, iċ-Ċifra B għandha tintuża f'dikjarazzjonijietambjentali li jmiss.

Bidla fiċ-Ċifra B għandha tiġi spjegata fid-dikjarazzjoni ambjentali. Fil-każ ta' bidla fiċ-Ċifra B, l-organizzazzjoni għandha tiżgura li ċ-ċifra tkun tista' titqabbel fuq perjodu ta' mhux inqas minn 3 snin billi jerġgħu jiġu kkalkulati l-indikaturi għas-snin preċedenti skont iċ-Ċifra B definita mill-ġdid.

3.    L-indikaturi speċifiċi tal-prestazzjoni ambjentali

Kull organizzazzjoni għandha tirrapporta wkoll fuq bażi annwali dwar il-prestazzjoni tagħha rigward l-aspetti u l-impatti ambjentali diretti u indiretti sinifikanti li jkunu relatati mal-attivitajiet kummerċjali ewlenin tagħha, li jkunu jistgħu jitkejlu u jiġu vverifikati, u li mhumiex diġà koperti mill-indikaturi ċentrali.

Ir-rappurtar dwar dawk l-indikaturi għandu jsir skont ir-rekwiżiti stabbiliti fl-introduzzjoni għal din it-taqsima.

Fejn ikunu disponibbli, l-organizzazzjoni għandha tqis id-dokumenti ta' referenza settorjali kif jissemmew fl-Artikolu 46 sabiex tiġi ffaċilitata l-identifikazzjoni ta' indikaturi rilevanti speċifiċi għas-settur.

4.    Rappurtar dwar aspetti ambjentali sinifikanti abbażi ta' informazzjoni kwalitattiva

F'każ li ma tkun disponibbli l-ebda dejta kwantitattiva għar-rappurtar dwar l-aspetti ambjentali diretti u indiretti sinifikanti, l-organizzazzjonijiet għandhom jirrappurtaw dwar il-prestazzjoni tagħhom abbażi ta' informazzjoni kwalitattiva

D.    Kontabbiltà lokali

L-organizzazzjonijiet li jirreġistraw fl-EMAS jistgħu jkunu jixtiequ jipproduċu dikjarazzjoni ambjentali korporattiva waħda, li tkopri numru ta' lokazzjonijiet geografiċi differenti.

Billi l-intenzjoni tal-EMAS hija li tiżgura kontabbiltà lokali, l-organizzazzjonijiet għandhom jiżguraw li l-impatti ambjentali sinifikanti ta' kull sit jiġu identifikati b'mod ċar u rappurtati fid-dikjarazzjoni ambjentali korporattiva.

E.    Disponibbiltà għall-pubbliku

L-organizzazzjoni għandha tiżgura li hija kapaċi turi lill-verifikatur ambjentali li kull min hu interessat fil-prestazzjoni ambjentali tal-organizzazzjoni jista' faċilment u liberament jikseb aċċess għall-informazzjoni meħtieġa skont it-taqsima B u C. Għall-finijiet ta' din it-trasparenza, id-dikjarazzjoni ambjentali jenħtieġ preferibbilment tkun disponibbli għall-pubbliku fuq is-sit elettroniku tal-organizzazzjoni.

L-organizzazzjoni għandha tiżgura li din l-informazzjoni fuq sit individwali jew organizzazzjoni tkun disponibbli f'waħda mil-lingwi uffiċjali tal-Istat Membru jew pajjiż terz li fih jinsab is-sit jew tinsab l-organizzazzjoni.

Barra minn hekk, fil-każ ta' dikjarazzjoni ambjentali korporattiva, l-organizzazzjoni għandha tiżgura li (għal skopijiet ta' reġistrazzjoni), din l-informazzjoni tkun disponibbli f'waħda mil-lingwi uffiċjali tal-Istat Membri li fih hija rreġistrata l-organizzazzjoni inkella f'waħda mil-lingwi uffiċjali tal-Unjoni, bi qbil mal-Korp Kompetenti responsabbli għar-reġistrazzjoni.

Id-dikjarazzjoni ambjentali tista' wkoll tkun disponibbli f'lingwi addizzjonali, bil-kundizzjoni li l-kontenut tad-dokument tradott ikun konsistenti mal-kontenut tad-dikjarazzjoni ambjentali oriġinali vvalidata mill-verifikatur ambjentali u li tgħid biċ-ċar li hija traduzzjoni tad-dokument validat.

▼B

ANNESS V LOGO TAL-EMAS

ANNESS V

LOGO TAL-EMAS

image

▼M1

1.

Il-logo jista’ jintuża fi kwalunkwe lingwa mill-24 lingwa bil-kundizzjoni li jintuża l-kliem li ġej:



Bulgaru:

“Проверено управление по околна среда”

Ċek:

“Ověřený systém environmentálního řízení”

Kroat:

“Verificirani sustav upravljanja okolišem”

Daniż:

“Verificeret miljøledelse”

Olandiż:

“Geverifieerd milieuzorgsysteem”

Ingliż:

“Verified environmental management”

Estonjan:

“Tõendatud keskkonnajuhtimine”

Finlandiż:

“Todennettu ympäristöasioiden hallinta”

Franċiż:

“Management environnemental vérifié”

Ġermaniż:

“Geprüftes Umweltmanagement”

Grieg:

“επιθεωρημένη περιβαλλοντική διαχείριση”

Ungeriż:

“Hitelesített környezetvédelmi vezetési rendszer”

Taljan:

“Gestione ambientale verificata”

Irlandiż:

“Bainistíocht comhshaoil fíoraithe”

Latvjan:

“Verificēta vides pārvaldība”

Litwan:

“Įvertinta aplinkosaugos vadyba”

Malti:

“Immaniġġjar Ambjentali Verifikat”

Pollakk:

“Zweryfikowany system zarządzania środowiskowego”

Portugiż:

“Gestão ambiental verificada”

Rumen:

“Management de mediu verificat”

Slovakk:

“Overené environmentálne manažérstvo”

Sloven:

“Preverjen sistem ravnanja z okoljem”

Spanjol:

“Gestión medioambiental verificada”

Svediż:

“Verifierat miljöledningssystem”

▼B

2.

Il-logo għandu jintuża jew:

— 
bi tliet kuluri (Pantone Nru 355 Aħdar; Pantone Nru 109 Isfar; Pantone Nru 286 Ikħal);
— 
bl-iswed
— 
bl-abjad jew
— 
fuq skala griża.
ANNESS VI REKWIŻITI TA’ INFORMAZZJONI GĦAR-REĠISTRAZZJONI

ANNESS VI

REKWIŻITI TA’ INFORMAZZJONI GĦAR-REĠISTRAZZJONI

(informazzjoni li għandha tingħata fejn applikabbli)


1.  ORGANIZZAZZJONI

 

Isem

…

Indirizz

…

Belt

…

Kodiċi Postali

…

Pajjiż/Stat/Reġjun/Komunità Awtonoma

…

Persuna ta’ kuntatt

…

Telefon

…

FAX

…

Posta elettronika

…

Websajt

…

Aċċess pubbliku għad-dikjarazzjoni ambjentali jew stqarrija ambjentali aġġornata

 

(a)  forma stampata

…

(b)  forma elettronika

…

Numru tar-reġistrazzjoni

…

Data tar-reġistrazzjoni

…

Data tas-sospensjoni tar-reġistrazzjoni

…

Tħassir tad-data tar-reġistrazzjoni

…

Data tad-dikjarazzjoni ambjentali li jmiss

…

Data tad-dikjarazzjoni ambjentali li jmiss aġġornata

…

Talba għal deroga skont l-Artikolu 7

IVA - LE

…

Kodiċi tan-NACE tal-attivitajiet

…

Numru ta’ impjegati

…

Fatturat jew karta tal-bilanċ annwali

…

2.  SIT

 

Isem

…

Indirizz

…

Kodiċi Postali

…

Belt

…

Pajjiż/Stat/Reġjun/Komunità Awtonoma

…

Persuna ta’ kuntatt

…

Telefon

…

FAX

…

Posta elettronika

…

Websajt

…

Aċċess pubbliku għad-dikjarazzjoni ambjentali jew stqarrija ambjentali aġġornata

 

(a)  forma stampata

…

(b)  forma elettronika

…

Numru tar-reġistrazzjoni

…

Data tar-reġistrazzjoni

…

Data tas-sospensjoni tar-reġistrazzjoni

…

Tħassir tad-data tar-reġistrazzjoni

…

Data tad-dikjarazzjoni ambjentali li jmiss

…

Data tad-dikjarazzjoni ambjentali li jmiss aġġornata

…

Talba għal deroga skont l-Artikolu 7

IVA - LE

…

Kodiċi tan-NACE tal-attivitajiet

…

Numru ta’ impjegati

…

Fatturat/jew karta tal-bilanċ annwali

…

3.  VERIFIKATUR AMBJENTALI

 

Isem il-verifikatur ambjentali

…

Indirizz

…

Kodiċi Postali

…

Belt

…

Pajjiż/Stat/Reġjun/Komunità Awtonoma

…

Telefon

…

FAX

…

Posta elettronika

…

Numru tar-reġistrazzjoni tal-akkreditazzjoni jew tal-liċenzja

…

Ambitu tal-akkreditazzjoni jew tal-liċenzja (Kodiċi tan-NACE)

…

Korpi ta’ Akkreditazzjoni jew Liċenzjar

…

Magħmul fi … fi …/…/20

…

Firma tar-rappreżentant tal-organizzazzjoni

…
ANNESS VII DIKJARAZZJONI TAL-VERIFIKATUR AMBJENTALI DWAR L-ATTIVITAJIET TA’ VERIFIKA U TA’ VALIDAZZJONI

ANNESS VII

DIKJARAZZJONI TAL-VERIFIKATUR AMBJENTALI DWAR L-ATTIVITAJIET TA’ VERIFIKA U TA’ VALIDAZZJONI

… (isem).

bin-numru tar-reġistrazzjoni tal-verifikatur ambjentali tal-EMAS …

Akkreditat jew liċenzjat għall-ambitu … (Kodiċi tan-NACE)

niddikjara li vverifikajt jekk is-sit(i) jew l-organizzazzjoni kollha kif indikat fid-dikjarazzjoni ambjentali/dikjarazzjoni ambjentali aġġornata ( *1 ) tal-organizzazzjoni … (isem)

bin-numru tar-reġistrazzjoni (jekk disponibbli) …

tissodisfa r-rekwiżiti kollha tar-Regolament (KE) Nru 1221/2009 tal-Parlament Ewropew u tal-Kunsill tal-25 ta’ Novembru 2009 dwar il-parteċipazzjoni volontarja ta’ organizzazzjonijiet fi skema Komunitarja ta’ ġestjoni u verifika ambjentali (EMAS).

Bil-firma ta’ din id-dikjarazzjoni, qed niddikjara li:

— 
il-verifika u l-validazzjoni twettqu f’konformità sħiħa mar-rekwiżiti ta’ dan ir-Regolament (KE) Nru 1221/2009;
— 
ir-riżultat tal-verifika u l-validazzjoni jikkonferma illi m’hemm l-ebda evidenza ta’ nuqqas ta’ konformità ma’ rekwiżiti ġuridiċi applikabbli relatati mal-ambjent;
— 
id-data u l-informazzjoni tad-dikjarazzjoni ambjentali/id-dikjarazzjoni ambjentali aġġornata (*1)  tal-organizzazzjoni/tas-sit (*1)  jirriflettu immaġni affidabbli, kredibbli u korretta tal-attivitajiet kollha tal-organizzazzjoni/tas-sit (*1) , fl-ambitu msemmi fid-dikjarazzjoni ambjentali.

Dan id-dokument mhuwiex ekwivalenti għal reġistrazzjoni fl-EMAS. Reġistrazzjoni fl-EMAS tista’ tingħata biss minn Korp Kompetenti skont ir-Regolament (KE) Nru 1221/2009. Dan id-dokument m’għandux jintuża bħala dokument għalih-waħdu fil-komunikazzjoni pubblika.

Magħmul fi … fil-…/…/20..

Firma
ANNESS VIII TABELLA TA’ KORRELAZZJONI

ANNESS VIII

TABELLA TA’ KORRELAZZJONI


Regolament (KE) Nru 761/2001

Dan ir-Regolament

Artikolu 1 (1)

Artikolu 1

Artikolu 1 (2) (a)

—

Artikolu 1 (2) (b)

—

Artikolu 1 (2) (c)

—

Artikolu 1 (2) (d)

—

Artikolu 2 (a)

Artikolu 2 (1)

Artikolu 2 (b)

—

Artikolu 2 (c)

Artikolu 2 (2)

Artikolu 2 (d)

—

Artikolu 2 (e)

Artikolu 2 (9)

Artikolu 2 (f)

Artikolu 2 (4)

Artikolu 2 (g)

Artikolu 2 (8)

Artikolu 2 (h)

Artikolu 2 (10)

Artikolu 2 (i)

Artikolu 2 (11)

Artikolu 2 (j)

Artikolu 2 (12)

Artikolu 2 (k)

Artikolu 2 (13)

Artikolu 2 (l)

Artikolu 2 (16)

Artikolu 2 (l) (i)

—

Artikolu 2 (l) (ii)

—

Artikolu 2 (m)

—

Artikolu 2 (n)

Artikolu 2 (17)

Artikolu 2 (o)

Artikolu 2 (18)

Artikolu 2 (p)

—

Artikolu 2 (q)

Artikolu 2 (20)

Artikolu 2 (r)

—

Artikolu 2 (s) l-ewwel subparagrafu

Artikolu 2 (21)

Artikolu 2 (s) it-tieni subparagrafu

—

Artikolu 2 (t)

Artikolu 2 (22)

Artikolu 2 (u)

—

Artikolu 3 (1)

—

Artikolu 3(2) (a) l-ewwel subparagrafu

Artikolu 4 (1)(a) u (b)

Artikolu 3(2) (a) it-tieni subparagrafu

Artikolu 4 (3)

Artikolu 3 (2) (b)

Artikolu 4 (1)(c)

Artikolu 3 (2) (c)

Artikolu 4 (1)(d)

Artikolu 3 (2) (d)

Artikolu 4 (5)

Artikolu 3 (2) (e)

Artikolu 5 (2) l-ewwel subparagrafu; Artikolu 6 (3)

Artikolu 3 (3) (a)

Artikolu 6 (1) (a)

Artikolu 3(3) (b) l-ewwel sentenza

Artikolu 6(1) (b) u (c)

Artikolu 3 (3) (b) it-tieni sentenza

Artikolu 7 (1)

Artikolu 4 (1)

—

Artikolu 4 (2)

Artikolu 51 (2)

Artikolu 4 (3)

—

Artikolu 4 (4)

—

Artikolu 4 (5) l-ewwel sentenza

Artikolu 25 (10) l-ewwel subparagrafu

Artikolu 4 (5) it-tieni sentenza

Artikolu 25 (10) it-tieni subparagrafu, it-tieni sentenza

Artikolu 4 (6)

Artikolu 41

Artikolu 4 (7)

—

Artikolu 4 (8) l-ewwel subparagrafu

Artikolu 30 (1)

Artikolu 4 (8) it-tieni subparagrafu

Artikolu 30 (3) u (5)

Artikolu 4 (8), it-tielet subparagrafu, l-ewwel u t-tieni sentenza

Artikolu 31 (1)

Artikolu 4 (8) it-tielet subparagrafu, l-aħħar sentenza

Artikolu 31 (2)

Artikolu 5 (1)

Artikolu 11 (1) l-ewwel subparagrafu

Artikolu 5 (2)

Artikolu 11 (3)

Artikolu 5 (3) l-ewwel sentenza

Artikolu 12 (1)

Artikolu 5 (3), it-tieni sentenza, l-ewwel inċiż

Artikolu 12 (1) (a)

Artikolu 5 (3), it-tieni sentenza, it-tieni inċiż

Artikolu 12 (1) (b)

Artikolu 5 (4)

Artikolu 11 (1) it-tieni u t-tielet subparagrafu

Artikolu 5 (5) l-ewwel sentenza

Artikolu 16 (1)

Artikolu 5 (5) it-tieni sentenza

Artikolu 16 (3) l-ewwel sentenza

Artikolu 5 (5) it-tielet sentenza

Artikolu 17 (1)

Artikolu 5 (5) ir-raba’ sentenza

Artikolu 16 (3) it-tieni subparagrafu u l-Artikolu 16(4) it-tieni subparagrafu

Artikolu 6 (1)

Artikolu 13 (1)

Artikolu 6 (1), l-ewwel inċiż

Artikolu 13 (2) (a) u Artikolu 5 (2) (a)

Artikolu 6 (1), it-tieni inċiż

Artikolu 13 (2) (a) u Artikolu 5 (2) (c)

Artikolu 6 (1), it-tielet inċiż

Artikolu 13 (2) (a) u Artikolu 5 (2) (d)

Artikolu 6 (1), ir-raba’ inċiż

Artikolu 13 (2) (c)

Artikolu 6 (1), it-tieni subparagrafu

Artikolu 13 (2) l-ewwel sentenza

Artikolu 6 (2)

Artikolu 15 (3)

Artikolu 6 (3), l-ewwel inċiż

Artikolu 15 (3) (a)

Artikolu 6 (3), it-tieni inċiż

Artikolu 15 (3) (b)

Artikolu 6 (3), it-tielet inċiż

—

Artikolu 6 (3), l-aħħar sentenza

Artikolu 15 (8)

Artikolu 6 (4), l-ewwel paragrafu

Artikolu 15 (2)

Artikolu 6 (4), it-tieni subparagrafu

Artikolu 15 (4)

Artikolu 6 (5), l-ewwel sentenza

Artikolu 15 (6)

Artikolu 6 (5), it-tieni sentenza

Artikolu 15 (8) u (9)

Artikolu 6 (6)

Artikolu 15 (10)

Artikolu 7 (1)

Artikolu 28 (8)

Artikolu 7 (2), l-ewwel sentenza

Artikolu 12 (2)

Artikolu 7 (2), it-tieni sentenza

Artikolu 12 (3)

Artikolu 7 (3)

Artikolu 42 (2) (a)

Artikolu 8 (1), l-ewwel sentenza

Artikolu 10 (1)

Artikolu 8 (1), it-tieni sentenza

Artikolu 10 (2)

Artikolu 8 (2)

—

Artikolu 8(3) l-ewwel subparagrafu

Artikolu 10 (4)

Artikolu 8 (3) it-tieni subparagrafu

—

Artikolu 9 (1) sentenza ta’ introduzzjoni

Artikolu 4 (3)

Artikolu 9 (1) (a)

Artikolu 45 (4)

Artikolu 9 (1) (b)

Artikolu 45 (4)

Artikolu 9 (1) it-tieni subparagrafu

Artikolu 45 (5)

Artikolu 9 (2)

—

Artikolu 10 (1)

—

Artikolu 10 (2), l-ewwel subparagrafu

Artikolu 38 (1) u (2)

Artikolu 10 (2), it-tieni subparagrafu, l-ewwel sentenza

Artikolu 41

Artikolu 10 (2), it-tieni subparagrafu, it-tieni sentenza

Artikolu 47

Artikolu 11 (1), l-ewwel subparagrafu

Artikolu 36

Artikolu 11 (1), l-ewwel inċiż

Artikolu 36 (a)

Artikolu 11 (1), it-tieni inċiż

Artikolu 36 (c)

Artikolu 11 (1), it-tielet inċiż

Artikolu 36 (b)

Artikolu 11 (1), it-tieni subparagrafu, l-ewwel sentenza

Artikolu 37 (1)

Artikolu 11 (1), it-tieni subparagrafu, it-tieni sentenza

—

Artikolu 11 (1), it-tieni subparagrafu, it-tielet sentenza

Artikolu 37 (2)

Artikolu 11 (1), it-tieni subparagrafu, ir-raba’ sentenza

Artikolu 37 (3)

Artikolu 11 (2)

Artikolu 43(2)

Artikolu 11 (3), l-ewwel sentenza

Artikolu 41 (2),

Artikolu 11 (3), it-tieni sentenza

Artikolu 47

Artikolu 12 (1) (a)

—

Artikolu 12 (1) (b)

Artikolu 35 (1)

Artikolu 12 (1) it-tieni subparagrafu

—

Artikolu 12 (2)

Artikolu 41 (2)

Artikolu 12 (3)

—

Artikolu 13

Artikolu 40 (1)

Artikolu 14 (1)

Artikolu 49 (1)

Artikolu 14 (2)

—

Artikolu 14 (3)

—

Artikolu 15 (1)

Artikolu 50

Artikolu 15 (2)

Artikolu 48

Artikolu 15 (3)

—

Artikolu 16 (1)

Artikolu 39 (1)

Artikolu 16 (2)

Artikolu 42 (2)

Artikolu 17 (1)

—

Artikolu 17 (2), (3) u (4)

Artikolu 51 (2)

Artikolu 17 (5)

—

Artikolu 18

Artikolu 52

( 1 ) ĠU L 124, 20.5.2003, p. 36.

( 2 ) Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 (ĠU L 393, 30.12.2006, p. 1).

( 3 ) ĠU L 149, 11.6.2005, p. 22.

( 4 ) ĠU L 247, 17.9.2001, p. 24.

( 5 ) ĠU L 70, 9.3.2006, p. 63.

( *1 ) ħassar fejn mhux applikabbli.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 12.07.2023 00:00:00 -Doknr: CELEX:32009R1221
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.