TITOLU III QAFAS TAĊ-ĊERTIFIKAZZJONI TAĊ-ĊIBERSIGURTÀ

il-protezzjoni tad-data maħżuna, trasmessa jew ipproċessata b’xi mod ieħor, minn ħżin, ipproċessar, aċċess jew divulgazzjoni aċċidentali jew mhux awtorizzata tul iċ-ċiklu tal-ħajja kollu tal-prodott ICT, tas-servizz ICT jew tal-proċess ICT;

il-protezzjoni tad-data maħżuna, trasmessa jew ipproċessata b’xi mod ieħor milli tinqered, tintilef jew tiġi mmodifikata b’mod aċċidentali jew mhux awtorizzat jew minn nuqqas ta’ disponibbiltà tul iċ-ċiklu tal-ħajja kollu tal-prodott ICT, tas-servizz ICT jew tal-proċess ICT;

li persuni, programmi jew magni awtorizzati jkunu jistgħu biss jaċċessaw id-data, is-servizzi jew il-funzjonijiet li għalihom jirreferu d-drittijiet tagħhom ta’ aċċess;

l-identifikazzjoni u d-dokumentazzjoni ta’ dipendenzi u vulnerabbiltajiet magħrufa;

ir-reġistrazzjoni ta’ liema data, servizzi jew funzjonijiet ikunu ġew aċċessati, użati jew ipproċessati b’xi mod ieħor, il-ħinijiet ta’ meta sar dan u minn min;

ikun possibbli li jiġi vverifikat liema data, servizzi jew funzjonijiet ikunu ġew aċċessati, użati jew ipproċessati b’xi mod ieħor, il-ħinijiet ta’ meta sar dan u minn min;

il-verifikazzjoni li l-prodotti ICT, is-servizzi ICT u proċessi tal-ICT ma jkunx fihom vulnerabbiltajiet magħrufa;

l-istabbiliment mill-ġdid tad-disponibbiltà u l-aċċess għad-data, is-servizzi u l-funzjonijiet mingħajr dewmien fil-każ ta’ inċident fiżiku jew tekniku;

li l-prodotti ICT, is-servizzi ICT u l-proċessi tal-ICT ikunu siguri b’mod awtomatiku u mid-disinn;

li l-prodotti ICT, servizzi ICT u l-proċessi tal-ICT jiġu pprovduti b’software u hardware aġġornati li ma jkunx fihom vulnerabbiltajiet magħrufa pubblikament, u jiġu pprovduti b’mekkaniżmi għal aġġornamenti sikuri.

li s-servizzi tas-sigurtà ġestiti jingħataw il-kompetenza, l-għarfien espert u l-esperjenza meħtieġa, inkluż li l-persunal inkarigat mill-forniment ta’ dawk is-servizzi jkollu livell suffiċjenti u xieraq ta’ għarfien tekniku u kompetenza fil-qasam speċifiku, esperjenza suffiċjenti u xierqa, u l-ogħla livell ta’ integrità professjonali;

li l-fornitur ikollu fis-seħħ proċeduri interni xierqa biex jiżgura li s-servizzi tas-sigurtà ġestiti jingħataw b’livell suffiċjenti u xieraq ta’ kwalità f’kull ħin;

li d-data aċċessata, maħżuna, trażmessa jew ipproċessata b’xi mod ieħor fir-rigward tal-forniment tas-servizzi tas-sigurtà ġestiti jkunu protetti kontra aċċess aċċidentali jew mhux awtorizzat, ħżin, żvelar, qerda, ipproċessar ieħor, jew telf jew alterazzjoni jew nuqqas ta’ disponibbiltà;

li d-disponibbiltà ta’, u l-aċċess għad-data, is-servizzi u l-funzjonijiet jitreġġgħu lura fil-ħin fil-każ ta’ inċident fiżiku jew tekniku;

li l-persuni, il-programmi jew il-magni awtorizzati jkunu jistgħu jaċċessaw biss id-data, is-servizzi jew il-funzjonijiet li jirreferu għalihom id-drittijiet tal-aċċess tagħhom;

li reġistru jinżamm u jkun disponibbli għal valutazzjoni tad-data, servizzi jew funzjonijiet li jkunu ġew aċċessati, użati jew ipproċessati b’xi mod ieħor, f’liema ħinijiet u minn min;

li l-prodotti tal-ICT, is-servizzi tal-ICT u l-proċessi tal-ICT użati waqt il-forniment tas-servizzi tas-sigurtà ġestiti jkunu siguri mid-disinn u b’mod awtomatiku, u, fejn applikabbli, jinkludu l-aħħar aġġornamenti tas-sigurtà u ma jkollhomx vulnerabbiltajiet magħrufa pubblikament.