English - European Union - Environment -

DIRETTIVA (UE) 2024/1203 TAL-PARLAMENT EWROPEW U TAL-KUNSILL tal-11 ta’ April 2024 dwar il-protezzjoni tal-ambjent permezz tal-liġi kriminali u li tissostitwixxi d-Direttivi 2008/99/KE u 2009/123/KE

DIRETTIVA (UE) 2024/1203 TAL-PARLAMENT EWROPEW U TAL-KUNSILL

tal-11 ta’ April 2024

dwar il-protezzjoni tal-ambjent permezz tal-liġi kriminali u li tissostitwixxi d-Direttivi 2008/99/KE u 2009/123/KE

1. Ħarsa ġenerali

Titlu	Regolamentazzjoni
Artikolu 1 Suġġett	Artikolu 1 Suġġett Din id-Direttiva tistabbilixxi regoli minimi fir-rigward tad-definizzjoni ta’ reati u pieni kriminali sabiex l-ambjent jiġi protett b’mod aktar effettiv, kif ukoll fir-rigward ta’ miżuri li jipprevjenu u jiġġieldu r-reati ambjentali u li jinfurzaw b’mod effettiv il-liġi ambjentali tal-Unjoni.
Artikolu 2 Definizzjonijiet
Artikolu 3 Reati kriminali
Artikolu 4 Inċitament, għajnuna u kompliċità, u tentattiv
Artikolu 5 Penali għal persuni fiżiċi
Artikolu 6 Responsabbiltà ta’ persuni ġuridiċi
Artikolu 7 Penali għall-persuni ġuridiċi
Artikolu 8 Ċirkostanzi aggravanti	Artikolu 8 Ċirkostanzi aggravanti Sal-punt li ċ-ċirkostanzi li ġejjin ma jkunux jagħmlu parti mill-elementi li jikkostitwixxu r-reati kriminali msemmija fl-Artikolu 3, l-Istati Membri għandhom jieħdu l-miżuri meħtieġa biex jiżguraw li, fir-rigward tar-reati kriminali rilevanti msemmija fl-Artikoli 3 u 4, waħda jew aktar miċ-ċirkostanzi li ġejjin ikunu jistgħu, f’konformità mal-liġi nazzjonali, jitqiesu bħala ċirkostanzi aggravanti: (a) ir-reat ikun ikkawża l-qerda ta’ ekosistema jew ħsara sostanzjali irriversibbli jew fit-tul lil ekosistema; (b) ir-reat ikun twettaq fil-qafas ta’ organizzazzjoni kriminali skont it-tifsira tad-Deċiżjoni Kwadru tal-Kunsill 2008/841/ĠAI ( 23 ); (c) ir-reat kien jinvolvi l-użu min-naħa tat-trasgressur ta’ dokumenti foloz jew falsifikati; (d) ir-reat ikun twettaq minn uffiċjal pubbliku waqt it-twettiq ta’ dmirijietu; (e) it-trasgressur ikun preċedentement ġie kkundannat permezz ta’ sentenza finali għal reati tal-istess natura bħal dawk imsemmija fl-Artikolu 3 jew 4; (f) ir-reat ikun iġġenera, jew kien mistenni li jiġġenera, benefiċċji finanzjarji sostanzjali, jew ikun evita spejjeż sostanzjali, direttament jew indirettament, sal-punt li tali benefiċċji jew spejjeż ikunu jistgħu jiġu ddeterminati; (g) it-trasgressur ikun qered l-evidenza, jew intimida xhieda jew ilmentaturi; (h) ir-reat ikun twettaq f’żona kklassifikata bħala żona ta’ protezzjoni speċjali skont l-Artikolu 4(1) jew (2) tad-Direttiva 2009/147/KE, jew sit iddeżinjat bħala żona speċjali ta’ konservazzjoni skont l-Artikolu 4(4) tad-Direttiva 92/43/KEE jew sit elenkat bħala sit ta’ importanza għall-Komunità skont l-Artikolu 4(2) tad-Direttiva 92/43/KEE. Iċ-ċirkostanza aggravanti msemmija fil-punt (a) ta’ dan l-Artikolu ma għandhiex tapplika għar-reati kriminali koperti mill-Artikolu 3(3).
Artikolu 9 Ċirkostanzi mitiganti	Artikolu 9 Ċirkostanzi mitiganti L-Istati Membri għandhom jieħdu l-miżuri meħtieġa biex jiżguraw li, fir-rigward tar-reati kriminali rilevanti msemmija fl-Artikoli 3 u 4, waħda jew aktar miċ-ċirkostanzi li ġejjin ikunu jistgħu, f’konformità mal-liġi nazzjonali, jitqiesu bħala ċirkostanza mitiganti: (a) it-trasgressur jirrestawra l-ambjent għall-kundizzjoni preċedenti tiegħu, meta tali restawr ma jkunx obbligu skont id-Direttiva 2004/35/KE, jew, qabel il-bidu ta’ investigazzjoni kriminali, jieħu passi biex jimminimizza l-impatt u l-firxa tal-ħsara jew jirrimedja l-ħsara; (b) it-trasgressur jipprovdi lill-awtoritajiet amministrattivi jew ġudizzjarji informazzjoni li ma kienx jirnexxilhom jiksbu mod ieħor, u jgħinhom: (i) jidentifikaw trasgressuri oħra jew iressquhom quddiem il-ġustizzja; (ii) isibu evidenza.
Artikolu 10 Iffriżar u konfiska	Artikolu 10 Iffriżar u konfiska L-Istati Membri għandhom jieħdu l-miżuri meħtieġa biex jippermettu t-traċċar, l-identifikazzjoni, l-iffriżar u l-konfiska tal-mezzi strumentali u tar-rikavat mir-reati kriminali msemmija fl-Artikoli 3 u 4. L-Istati Membri marbuta bid-Direttiva 2014/42/UE tal-Parlament Ewropew u tal-Kunsill ( 24 ) għandhom jieħdu l-miżuri msemmija fl-ewwel paragrafu f’konformità ma’ dik id-Direttiva.
Artikolu 11 Perjodi ta’ preskrizzjoni
Artikolu 12 Ġuriżdizzjoni
Artikolu 13 Għodod investigattivi	Artikolu 13 Għodod investigattivi L-Istati Membri għandhom jieħdu l-miżuri meħtieġa biex jiżguraw li għodod investigattivi effettivi u proporjonati jkunu disponibbli għall-investigazzjoni jew il-prosekuzzjoni tar-reati kriminali msemmija fl-Artikoli 3 u 4. Meta jkun xieraq, dawk l-għodod għandhom jinkludu għodod investigattivi speċjali, bħal dawk użati fil-ġlieda kontra l-kriminalità organizzata jew f’każijiet oħra ta’ reati kriminali serji.
Artikolu 14 Protezzjoni ta’ persuni li jirrapportaw reati kriminali ambjentali jew jassistu fl-investigazzjoni tagħhom	Artikolu 14 Protezzjoni ta’ persuni li jirrapportaw reati kriminali ambjentali jew jassistu fl-investigazzjoni tagħhom Mingħajr preġudizzju għad-Direttiva (UE) 2019/1937, l-Istati Membri għandhom jieħdu l-miżuri meħtieġa biex jiżguraw li kwalunkwe persuna li tirrapporta r-reati kriminali msemmija fl-Artikoli 3 u 4 ta’ din id-Direttiva, li tipprovdi evidenza jew li b’xi mod ieħor tikkoopera mal-awtoritajiet kompetenti, ikollha aċċess għal miżuri ta’ appoġġ u assistenza fil-kuntest ta’ proċedimenti kriminali, f’konformità mal-liġi nazzjonali.
Artikolu 15 Pubblikazzjoni tal-informazzjoni fl-interess pubbliku u aċċess għall-ġustizzja għall-pubbliku kkonċernat	Artikolu 15 Pubblikazzjoni tal-informazzjoni fl-interess pubbliku u aċċess għall-ġustizzja għall-pubbliku kkonċernat L-Istati Membri għandhom jiżguraw li persuni affettwati jew li x’aktarx jiġu affettwati mir-reati kriminali msemmija fl-Artikoli 3 u 4 ta’ din id-Direttiva u l-persuni li għandhom interess suffiċjenti jew li jsostnu t-tfixkil ta’ dritt, kif ukoll l-organizzazzjonijiet mhux governattivi li jippromwovu l-protezzjoni ambjentali u jissodisfaw ir-rekwiżiti skont il-liġi nazzjonali, ikollhom drittijiet proċedurali xierqa fi proċedimenti li jikkonċernaw dawk ir-reati, meta tali drittijiet proċedurali għall-pubbliku kkonċernat jeżistu fl-Istat Membru fi proċedimenti li jikkonċernaw reati kriminali oħra, pereżempju bħala parti ċivili. F’tali każijiet, l-Istati Membri għandhom jiżguraw ukoll, f’konformità mal-liġi nazzjonali tagħhom, li l-informazzjoni dwar il-progress tal-proċedimenti tkun kondiviża mal-pubbliku kkonċernat, meta dak isir fi proċedimenti li jikkonċernaw reati kriminali oħra.
Artikolu 16 Prevenzjoni	Artikolu 16 Prevenzjoni L-Istati Membri għandhom jieħdu miżuri xierqa, bħal kampanji ta’ informazzjoni u ta’ sensibilizzazzjoni mmirati lejn partijiet ikkonċernati rilevanti mis-settur pubbliku u privat, kif ukoll programmi ta’ riċerka u edukazzjoni, li jkollhom l-għan li jnaqqsu r-reati kriminali ambjentali u r-riskju ta’ reati ambjentali. Meta jkun xieraq, l-Istati Membri għandhom jaġixxu f’kooperazzjoni ma’ tali partijiet ikkonċernati.
Artikolu 17 Riżorsi	Artikolu 17 Riżorsi L-Istati Membri għandhom jiżguraw li l-awtoritajiet nazzjonali li jindividwaw reati kriminali ambjentali, jinvestigawhom, jibdew proċedimenti fil-konfront tagħhom jew jiddeċiedu dwarhom ikollhom ammont biżżejjed ta’ persunal kwalifikat u biżżejjed riżorsi finanzjarji, tekniċi u teknoloġiċi għat-twettiq effettiv tal-funzjonijiet tagħhom relatati mal-implimentazzjoni ta’ din id-Direttiva. L-Istati Membri għandhom, filwaqt li jqisu t-tradizzjonijiet kostituzzjonali u l-istruttura tas-sistema legali tagħhom, kif ukoll ċirkostanzi nazzjonali oħra, jivvalutaw il-ħtieġa li jżidu l-livell ta’ speċjalizzazzjoni ta’ dawk l-awtoritajiet fil-qasam tal-liġi kriminali ambjentali, f’konformità mal-liġi nazzjonali.
Artikolu 18 Taħriġ	Artikolu 18 Taħriġ Mingħajr preġudizzju għall-indipendenza ġudizzjarja u d-differenzi fl-organizzazzjoni tal-ġudikatura madwar l-Unjoni, l-Istati Membri għandhom jieħdu l-miżuri meħtieġa biex jiżguraw li jingħata taħriġ regolari speċjalizzat lill-imħallfin, lill-prosekuturi, lill-pulizija u lill-persunal ġudizzjarju u lill-persunal tal-awtoritajiet kompetenti involut fi proċedimenti u investigazzjonijiet kriminali rigward l-objettivi ta’ din id-Direttiva u xieraq għall-funzjonijiet ta’ tali mħallfin, prosekuturi, pulizija u persunal ġudizzjarju u persunal tal-awtoritajiet kompetenti.
Artikolu 19 Koordinazzjoni u kooperazzjoni bejn l-awtoritajiet kompetenti fi Stat Membru	Artikolu 19 Koordinazzjoni u kooperazzjoni bejn l-awtoritajiet kompetenti fi Stat Membru L-Istati Membri għandhom jieħdu l-miżuri meħtieġa biex jistabbilixxu mekkaniżmi xierqa għall-koordinazzjoni u l-kooperazzjoni fil-livelli strateġiċi u operazzjonali fost l-awtoritajiet kompetenti kollha tagħhom involuti fil-prevenzjoni ta’ reati kriminali ambjentali u fil-ġlieda kontrihom. Tali mekkaniżmi għandhom mill-inqas ikunu mmirati lejn: (a) l-iżgurar ta’ prijoritajiet komuni u ta’ fehim komuni tar-relazzjoni bejn l-infurzar kriminali u l-infurzar amministrattiv; (b) l-iskambju ta’ informazzjoni għal finijiet strateġiċi u operazzjonali, fil-limiti stabbiliti fil-liġi tal-Unjoni u fil-liġi nazzjonali applikabbli; (c) konsultazzjoni f’investigazzjonijiet individwali, fil-limiti stabbiliti fid-dritt tal-Unjoni u l-liġi nazzjonali applikabbli; (d) l-iskambju tal-aħjar prattika; (e) l-għoti ta’ assistenza lin-networks Ewropej ta’ operaturi li jaħdmu fuq kwistjonijiet rilevanti għall-ġlieda kontra r-reati kriminali ambjentali u l-ksur relatat. Il-mekkaniżmi msemmija fl-ewwel paragrafu jistgħu jieħdu l-forma ta’ korpi ta’ koordinazzjoni speċjalizzati, memoranda ta’ qbil bejn l-awtoritajiet kompetenti, networks nazzjonali ta’ infurzar u attivitajiet konġunti ta’ taħriġ.
Artikolu 20 Kooperazzjoni bejn l-Istati Membri u l-Kummissjoni, u l-korpi, l-uffiċċji jew l-aġenziji tal-Unjoni	Artikolu 20 Kooperazzjoni bejn l-Istati Membri u l-Kummissjoni, u l-korpi, l-uffiċċji jew l-aġenziji tal-Unjoni Meta jkun hemm suspett li r-reati kriminali ambjentali jkunu ta’ natura transfruntiera, l-awtoritajiet kompetenti tal-Istati Membri kkonċernati għandhom jikkunsidraw li jirreferu l-informazzjoni relatata ma’ dawk ir-reati lill-korpi kompetenti xierqa. Mingħajr preġudizzju għar-regoli dwar il-kooperazzjoni transfruntiera u l-assistenza legali reċiproka fi kwistjonijiet kriminali, l-Istati Membri, l-Eurojust, l-Europol, l-Uffiċċju tal-Prosekutur Pubbliku Ewropew, l-Uffiċċju Ewropew ta’ Kontra l-Frodi u l-Kummissjoni għandhom, fil-kompetenzi rispettivi tagħhom, jikkooperaw flimkien fil-ġlieda kontra r-reati kriminali msemmija fl-Artikoli 3 u 4. Għal dak il-għan, l-Eurojust għandha, meta jkun xieraq, tipprovdi l-assistenza teknika u operazzjonali meħtieġa mill-awtoritajiet nazzjonali kompetenti biex tiffaċilita l-koordinazzjoni tal-investigazzjonijiet tagħhom. Il-Kummissjoni tista’, meta jkun xieraq, tipprovdi assistenza.
Artikolu 21 Strateġija nazzjonali
Artikolu 22 Data statistika
Artikolu 23 Setgħat ta’ implimentazzjoni
Artikolu 24 Proċedura ta’ kumitat
Artikolu 25 Evalwazzjoni, rapportar u rieżami
Artikolu 26 Sostituzzjoni tad-Direttiva 2008/99/KE	Artikolu 26 Sostituzzjoni tad-Direttiva 2008/99/KE Id-Direttiva 2008/99/KE hija b’dan sostitwita fir-rigward tal-Istati Membri marbuta b’din id-Direttiva, mingħajr preġudizzju għall-obbligi ta’ dawk l-Istati Membri fir-rigward tad-data għat-traspożizzjoni ta’ dik id-Direttiva fil-liġi nazzjonali. Fir-rigward tal-Istati Membri marbuta b’din id-Direttiva, referenzi għad-Direttiva 2008/99/KE għandhom jinftiehmu bħala referenzi għal din id-Direttiva. Fir-rigward tal-Istati Membri mhux marbuta b’din id-Direttiva, dawn għandhom jibqgħu marbuta bid-Direttiva 2008/99/KE.
Artikolu 27 Sostituzzjoni tad-Direttiva 2009/123/KE	Artikolu 27 Sostituzzjoni tad-Direttiva 2009/123/KE Id-Direttiva 2009/123/KE hija b’dan sostitwita fir-rigward tal-Istati Membri marbuta b’din id-Direttiva, mingħajr preġudizzju għall-obbligi ta’ dawk l-Istati Membri fir-rigward tad-data għat-traspożizzjoni ta’ dik id-Direttiva. Fir-rigward tal-Istati Membri marbuta b’din id-Direttiva, referenzi għal dawk id-dispożizzjonijiet tad-Direttiva 2005/35/KE miżjuda jew sostitwiti bid-Direttiva 2009/123/KE għandhom jinftiehmu bħala referenzi għal din id-Direttiva. L-Istati Membri mhux marbuta b’din id-Direttiva għandhom jibqgħu marbuta bid-Direttiva 2005/35/KE kif emendata bid-Direttiva 2009/123/KE.
Artikolu 28 Traspożizzjoni
Artikolu 29 Dħul fis-seħħ	Artikolu 29 Dħul fis-seħħ Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 30 Destinatarji	Artikolu 30 Destinatarji Din id-Direttiva hija indirizzata lill-Istati Membri skont it-Trattati.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti
Sors	Rekwiżit

3. Standards relatati

Standards
Sors	Rekwiżit

Builddate: 30.04.2024 00:00:00 -Doknr: CELEX:32024L1203
EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.