5. Valutazzjoni tar - rekwiżiti tal - AML/CFT applikabbli għat - TCB

Meta jivvalutaw jekk hemmx bażijiet raġonevoli biex jiġi ssuspettat li t - TCB tintuża biex twettaq jew tiffaċilita l - kmmissjoni ta' ML/TF, l- awtoritajiet kompetenti għandhom mill - inqas:

• a) iqisu d - dikjarazzjoni(jiet) tal - awtorità(jiet) kompetenti tal - pajjiż terz (skont il - punt (g) tat - Taqsima 1, il - paragrafu (2), tal - Parti I ta' dawn il - Linji Gwida) fir -rigward tar- reputazzjoni tajba tal - impriża ewlenija applikanti, l - impriża ewlenija intermedja u l - impriża ewlenija omm, tal - azzjonisti kontrollanti tagħhom, tal - propjetarji benefiċjarji finali u tal - membri tal - korp maniġerjali fil - funzjoni maniġerjali, b'mod partikolari: (i) il - pożizzjoni ġeografika tagħhom f'pajjiżi li huma meqjusa bħala ta' riskju għoli u mhux kooperattivi mill -FATF jew li ma implimentawx ir - rakkomandazzjonijiet tal -FATF f'dan il- qasam; u (ii) l - involviment tagħhom fil - ħasil tal - flus, fil - finanzjament tat - terroriżmu jew fi kwalunkwe reat finanzjarju ieħor, irrispettivament minn jekk ġewx kkundannati jew le;
• b) jivvalutaw l -adegwatezza tas - sistemi interni tat - TCB u tal - kontrolli u tar - riżorsi ddedikati lill - funzjoni ta’ konformità tal - AML/CFT tat - TCB u l - għarfien u l - ħiliet tal - persuni li se jkunu responsabbli mill - konformità tal - AML/CFT tat - TCB.

L- awtoritajiet kompetenti għandhom jikkonsultaw lill - awtorità kompetenti tal - AML/CFT f’konformità mal - Artikolu 48(c)5 tas - CRD, u sussegwentement jivvalutaw il - livell ta' impatt prudenzjali mistenni ta’ dawn li ġejjin:

• a) l- għarfien u l - ħiliet tal - persuna responsabbli mill - konformità tat- TCB mar - rekwiżiti tal - AML/CFT fl - Istat Membru fejn tkun ġiet sottomessa l - applikazzjoni għall -awtorizzazzjoni. Din il- valutazzjoni għandha tkopri l - għarfien adegwat tal - persuna tal - liġijiet u r - regolamenti lokali li jirregolaw l - AML/CFT tal - Istati Membri fejn se tiġi stabbilita t - TCB;
• b) jekk il - valutazzjoni tar - riskju ta’ ML/TF tat - TCB prevista hijiex plawżibbli fid -dawl tad- daqs, il- mudell tan - negozju u l - klijenti fil - mira tat - TCB, jekk din tinkorporax b’mod adegwat il - fatturi ta’ riskju inerenti relatati mal - klijenti fil - mira, mal - prodotti u s - servizzi offruti u l - kanali ta’ distribuzzjoni użati;
• c) jekk l - arranġamenti u r - riżorsi ddedikati għall - funzjoni ta’ konformità tal - AML/CFT tat - TCB humiex biżżejjed fid -dawl tal-livell tar- riskji ta’ ML/TF identifikati fil - valutazzjoni tar - riskju ta’ ML/TF tat- TCB;
• d) l-adegwatezza tal- politiki u l - proċeduri relatati mal - AML/CF tas - sistemi interni u l - kontrolli tat- TCB. Il - valutazzjoni għandha tiffoka wkoll fuq kif il - politiki u l - proċeduri ewlenin proposti jippermettu lit - TCB tnaqqas ir - riskji ta' ML/TF identifikati fil - valutazzjoni tar - riskju ta’ ML/TF tat- TCB hekk kif ikollha aċċess għas - suq.

Meta jivvalutaw il - politiki u l - proċeduri relatati mal - AML/CFT ta’ hawn fuq, l -awtoritajiet kompetenti għandhom jieħdu approċċ olistiku għall - valutazzjoni u jużaw l - informazzjoni kollha sottomessa bħala parti mill - awtorizzazzjoni. Għaldaqstant, l - informazzjoni sottomessa għall - valutazzjoni tal - AML/CFT għandha tiġi kkomplementata minn informazzjoni oħra, li tinkludi, iżda mhijiex limitata għall -pjan ta’ direzzjoni tan- negozju, l - informazzjoni sottomessa dwar il - governanza interna u l - ġestjoni tar - riskji.

17