KAPITOLU IV TRASPARENZA DWAR IS-SJIEDA BENEFIĊJARJA

Artikolu 55

Meta l-entitajiet ġuridiċi msemmija fl-Artikolu 57 jew arranġamenti ġuridiċi jkollhom interess proprjetarju fl-entità korporattiva, kemm jekk individwalment jew b’mod kumulattiv, jew jikkontrollaw, direttament jew indirettament, l-entità korporattiva, permezz ta’ interess proprjetarju jew permezz ta’ mezzi oħra, is-sidien benefiċjarju/i għandu/għandhom ikunu l-persuni fiżiċi li jkunu s-sidien benefiċjarji tal-entitajiet ġuridiċi msemmija fl-Artikolu 57 jew tal-arranġamenti ġuridiċi.

Artikolu 56

Kull Stat Membru għandu jinnotifika lill-Kummissjoni sal-10 ta’ Ottubru 2027 lista tat-tipi ta’ entitajiet ġuridiċi li jeżistu skont il-liġi nazzjonali tiegħu bis-sidien benefiċjarji identifikati f’konformità mal-Artikolu 51 u l-Artikolu 52(4),. Dik in-notifika għandha tinkludi l-kategoriji speċifiċi ta’ entitajiet, id-deskrizzjoni tal-karatteristiċi u, fejn applikabbli, il-bażi ġuridika skont il-liġi nazzjonali tal-Istati Membri kkonċernat . Għandha tinkludi wkoll indikazzjoni ta’ jekk, minħabba l-forma u l-istrutturi speċifiċi tal-entitajiet ġuridiċi għajr entitajiet korporattivi, japplikax il-mekkaniżmu skont l-Artikolu 63(4), akkumpanjat minn ġustifikazzjoni dettaljata tar-raġunijiet għal dak.

Il-Kummissjoni għandha tikkomunika n-notifika msemmija fl-ewwel paragrafu lill-Istati Membri l-oħra.

Artikolu 60

Fil-każ ta’ trusts diskrezzjonarji, fejn il-benefiċjarji għad iridu jintgħażlu, għandhom jiġu identifikati l-oġġetti ta’ setgħa u r-riċevituri awtomatiċi. Il-benefiċjarji fost l-oġġetti ta’ setgħa għandhom ikunu s-sidienbenefiċjarji malli jintgħażlu. Ir-riċevituri awtomatiċi għandhom ikunu sidien benefiċjarji meta t-trustees jonqsu milli jeżerċitaw id-diskrezzjoni tagħhom.

Meta trusts diskrezzjonarji jissodisfaw il-kundizzjonijiet stabbiliti fl-Artikolu 59(2), għandha tiġi identifikata biss il-klassi ta’ oġġetti ta’ setgħa u riċevituri awtomatiċi. Dawk il-kategoriji ta’ trusts diskrezzjonarji għandhom jiġu nnotifikati lill-Kummissjoni f’konformità mal-paragrafu 3 ta’ dak l-Artikolu.

Artikolu 66

L-azzjonisti nominati u d-diretturi nominati ta’ entità ġuridika għandhom iżommu informazzjoni adegwata, preċiża u aġġornata dwar l-identità tan-nominatur tagħhom u tas-sidien benefiċjarji tan-nominatur u għandhom jiddivulgawha, flimkien mal-istatus tagħhom, lill-entità ġuridika. Entitajiet ġuridiċi għandhom jirrapportaw dik l-informazzjoni lir-reġistru ċentrali .

Entitajiet ġuridiċi għandhom jirrapportaw ukoll l-informazzjoni msemmija fl-ewwel paragrafu lill-entitajiet marbutin b’obbligu meta l-entitajiet marbutin b’obbligu jkunu qegħdin japplikaw miżuri ta’ diliġenza dovuta fir-rigward tal-klijenti f’konformità mal-Kapitolu III.