Prospektverordnung – REGOLAMENT (UE) 2017/1129 TAL-PARLAMENT EWROPEW U TAL-KUNSILL tal-14 ta' Ġunju 2017 dwar il-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f'suq regolat, u li jħassar id-Direttiva 2003/71/KE (Test b’rilevanza għaż-ŻEE)

KAPITOLU I DISPOŻIZZJONIJIET ĠENERALI

KAPITOLU II IT-TFASSIL TAL-PROSPETT

KAPITOLU III KONTENUT U FORMAT TAL-PROSPETT

KAPITOLU IV ARRANĠAMENTI GĦALL-APPROVAZZJONI U L-PUBBLIKAZZJONI TAL-PROSPETT

KAPITOLU V OFFERTI U AMMISSJONIJIET TRANSKONFINALI GĦALL-KUMMERĊ F’ SUQ REGOLAT U L-UŻU TAL-LINGWI

KAPITOLU VI REGOLI SPEĊIFIĊI RIGWARD EMITTENTI STABBILITI F’PAJJIŻI TERZI

KAPITOLU VII L-ESMA U L-AWTORITAJIET KOMPETENTI

KAPITOLU VIII SANZJONIJIET AMMINISTRATTIVI U MIŻURI AMMINISTRATTIVI OĦRA

KAPITOLU IX ATTI DELEGATI U TA' IMPLIMENTAZZJONI

KAPITOLU X DISPOŻIZZJONIJIET FINALI

ANNESS I IL-PROSPETT

ANNESS I

IL-PROSPETT

I. Sommarju

II. Għan, persuni responsabbli, informazzjoni minn partijiet terzi, rapporti tal-esperti u approvazzjoni tal-awtorità kompetenti

L-iskop ta’ din it-taqsima huwa li tiġi pprovduta informazzjoni dwar il-persuni li huma responsabbli għall-kontenut tal-prospett u li jiġi pprovdut serħan il-moħħ lill-investituri dwar l-akkuratezza tal-informazzjoni żvelata fil-prospett. Barra minn hekk, din it-taqsima tipprovdi informazzjoni dwar l-interessi tal-persuni involuti fl-offerta, kif ukoll ir-raġunijiet għall-offerta, l-użu tar-rikavati u l-ispejjeż tal-offerta. Barra minn hekk, din it-taqsima tipprovdi informazzjoni dwar il-bażi ġuridika tal-prospett u l-approvazzjoni tiegħu mill-awtorità kompetenti.

III. Strateġija, prestazzjoni u ambjent tan-negozju

L-iskop ta’ din it-taqsima huwa li tiġi żvelata informazzjoni dwar l-identità tal-emittent, in-negozju, l-istrateġija u l-objettivi tiegħu. L-investituri għandu jkollhom fehim ċar tal-attivitajiet tal-emittent u tat-tendenzi prinċipali li jaffettwaw il-prestazzjoni, l-istruttura organizzazzjonali u l-investimenti materjali tiegħu. Meta applikabbli, l-emittent għandu jiżvela f’din it-taqsima stimi jew tbassir tal-prestazzjoni tiegħu fil-futur.

IV. Rapport ta’ ġestjoni, inkluż ir-rapportar dwar is-sostenibbiltà (titoli ta’ ekwità biss)

L-iskop ta’ din it-taqsima huwa li jew tinkorpora b’referenza jew tinkludi l-informazzjoni stabbilita fir-rapporti ta’ ġestjoni u r-rapporti konsolidati dwar il-ġestjoni kif imsemmi fl-Artikolu 4 tad-Direttiva 2004/109/KE, meta applikabbli, u fil-Kapitoli 5 u 6 tad-Direttiva 2013/34/UE, għall-perjodi koperti mill-informazzjoni finanzjarja storika inkluż, meta applikabbli, ir-rapportar dwar is-sostenibbiltà.

V. Dikjarazzjoni tal-kapital operatorju (titoli ta’ ekwità biss)

L-iskop ta’ din it-taqsima huwa li tipprovdi informazzjoni dwar ir-rekwiżiti tal-kapital operatorju tal-emittent.

VI. Fatturi ta’ riskju

L-iskop ta’ din it-taqsima huwa li jiġu deskritti r-riskji ewlenin li jiffaċċa l-emittent u l-impatt tagħhom fuq il-prestazzjoni futura tal-emittent, kif ukoll ir-riskji ewlenin li huma speċifiċi għat-titoli offruti lill-pubbliku jew li għandhom jiġu ammessi għan-negozjar f’suq regolat.

VII. Termini u kundizzjonijiet tat-titoli

L-iskop ta’ din it-taqsima huwa li tistabbilixxi t-termini u l-kundizzjonijiet tat-titoli u li tipprovdi deskrizzjoni dettaljata tal-karatteristiċi tagħhom.

Fejn applikabbli, din l-informazzjoni għandha tinkludi l-informazzjoni msemmija fl-Artikolu 5 tad-Direttiva (UE) 2024/2810 tal-Parlament Ewropew u tal-Kunsill ( 20 ).

VIII. Dettalji tal-offerta/ammissjoni għan-negozjar

L-iskop ta’ din it-taqsima huwa li tistabbilixxi l-informazzjoni speċifika dwar l-offerta tat-titoli, il-pjan għad-distribuzzjoni u għall-allokazzjoni tagħhom, indikazzjoni tal-ipprezzar tagħhom. Barra minn hekk, tirrappreżenta informazzjoni dwar il-pjazzament tat-titoli, kwalunkwe ftehim ta’ sottoskrizzjoni u arranġamenti relatati mal-ammissjoni għan-negozjar. Tistabbilixxi wkoll informazzjoni dwar il-persuni li jbigħu t-titoli u dilwizzjoni għall-azzjonisti eżistenti.

IX. Informazzjoni relatata mal-ESG (titoli mingħajr ekwità biss, meta applikabbli)

L-iskop ta’ din it-taqsima huwa li tistabbilixxi, meta applikabbli, informazzjoni relatata mal-ESG f’konformità mal-att delegat imsemmi fl-Artikolu 13(1), it-tieni subparagrafu, il-punt (g).

X. Governanza korporattiva

Din it-taqsima għandha tispjega l-amministrazzjoni tal-emittent u r-rwol tal-persuni involuti fil-ġestjoni tal-kumpanija. Għat-titoli ta’ ekwità, barra minn hekk ser tipprovdi informazzjoni dwar l-isfond tal-maniġment superjuri, ir-remunerazzjoni tiegħu u r-rabta potenzjali tiegħu mal-prestazzjoni tal-emittent.

XI. Informazzjoni finanzjarja

L-iskop ta’ din it-taqsima huwa li jiġi speċifikat liema rapporti finanzjarji jridu jiġu inklużi fid-dokument li jkopri l-aħħar sentejn finanzjarji (għal titoli ta’ ekwità) jew l-aħħar sena finanzjarja (għal titoli mingħajr ekwità) jew tali perjodu iqsar li matulu kien qed jopera fih l-emittent u informazzjoni oħra ta’ natura finanzjarja. Il-prinċipji kontabilistiċi u tal-awditjar li jridu jiġu aċċettati sabiex jintużaw fit-tħejjija u fl-awditjar tar-rapporti finanzjarji jiġu stabbiliti f’konformità mal-istandards internazzjonali tal-kontabilità u tal-awditjar.

A.

Rapporti konsolidati u informazzjoni finanzjarja oħra.

B.

Bidliet sinifikanti.

XII. Informazzjoni dwar l-azzjonisti u d-detenturi tat-titoli

Din it-taqsima għandha tipprovdi informazzjoni dwar l-azzjonisti maġġuri tal-emittent, l-eżistenza ta’ kunflitti ta’ interess potenzjali bejn il-maniġment superjuri u l-emittent, il-kapital azzjonarju tal-emittent kif ukoll informazzjoni dwar tranżazzjonijiet ta’ partijiet relatati, proċedimenti ġudizzjarji u ta’ arbitraġġ u kuntratti materjali.

XIII. Politika tad-dividendi (titoli ta’ ekwità biss)

Deskrizzjoni tal-politika tal-emittent dwar id-distribuzzjonijiet tad-dividendi u kwalunkwe restrizzjoni attwali fuqhom, kif ukoll dwar ir-riakkwisti ta’ ishma.

XIV. Informazzjoni dwar il-garanti (titoli mingħajr ekwità biss, meta applikabbli)

L-iskop ta’ din it-taqsima huwa li, meta applikabbli, tiġi pprovduta informazzjoni dwar il-garanti tat-titoli, inkluż informazzjoni essenzjali dwar il-garanti marbuta mat-titoli, il-fatturi ta’ riskju u informazzjoni finanzjarja speċifika għall-garanti.

XV. Informazzjoni dwar it-titoli sottostanti u l-emittent tat-titoli sottostanti (meta applikabbli)

L-iskop ta’ din it-taqsima huwa li tiġi pprovduta, meta applikabbli, informazzjoni dwar it-titoli sottostanti u, meta applikabbli, dwar l-emittent tat-titoli sottostanti.

XVI. Informazzjoni dwar il-kunsens (meta applikabbli)

L-iskop ta’ din it-taqsima huwa li tiġi pprovduta informazzjoni dwar il-kunsens meta l-emittent jew il-persuna responsabbli għat-tfassil ta’ prospett tagħti l-kunsens għall-użu tiegħu f’konformità mal-Artikolu 5(1).

XVII. Dokumenti disponibbli

L-iskop ta’ din it-taqsima huwa li tiġi pprovduta informazzjoni dwar id-dokumenti li għandhom jitqiegħdu għad-dispożizzjoni għall-ispezzjoni u s-sit web fejn jistgħu jiġu spezzjonati.

ANNESS II DOKUMENT TAR-REĠISTRAZZJONI

ANNESS II

DOKUMENT TAR-REĠISTRAZZJONI

I. Skop, persuni responsabbli, informazzjoni minn partijiet terzi, rapporti tal-esperti u approvazzjoni tal-awtorità kompetenti

L-iskop ta’ din it-taqsima huwa li tipprovdi informazzjoni dwar il-persuni li huma responsabbli għall-kontenut tad-dokument tar-reġistrazzjoni u li tipprovdi serħan il-moħħ għall-investituri dwar l-akkuratezza tal-informazzjoni żvelata fil-prospett. Barra minn hekk, din it-taqsima tipprovdi informazzjoni dwar il-bażi ġuridika tal-prospett u l-approvazzjoni tiegħu mill-awtorità kompetenti.

II. Strateġija, prestazzjoni u ambjent tan-negozju

L-iskop ta’ din it-taqsima huwa li tiżvela informazzjoni dwar l-identità tal-emittent, in-negozju tiegħu, l-istrateġija tiegħu u l-objettivi tiegħu. Billi jaqraw din it-taqsima, l-investituri għandu jkollhom fehim ċar tal-attivitajiet tal-emittent u tat-tendenzi prinċipali li jaffettwaw il-prestazzjoni, l-istruttura organizzazzjonali u l-investimenti materjali tiegħu. Meta applikabbli, l-emittent għandu jiżvela f’din it-taqsima stimi jew tbassir tal-prestazzjoni tiegħu fil-futur.

III. Rapport ta’ ġestjoni, inkluż ir-rapportar dwar is-sostenibbiltà (titoli ta’ ekwità biss)

L-iskop ta’ din it-taqsima huwa li jew tinkorpora b’referenza jew tinkludi l-informazzjoni stabbilita fir-rapporti ta’ ġestjoni u r-rapporti konsolidati dwar il-ġestjoni kif imsemmi fl-Artikolu 4 tad-Direttiva 2004/109/KE, meta applikabbli, u fil-Kapitoli 5 u 6 tad-Direttiva 2013/34/UE, għall-perjodi koperti mill-informazzjoni finanzjarja storika inkluż, meta applikabbli, ir-rapportar dwar is-sostenibbiltà.

IV. Fatturi ta’ riskju

L-iskop ta’ din it-taqsima huwa li tiddeskrivi r-riskji ewlenin iffaċċati mill-emittent u l-impatt tagħhom fuq il-prestazzjoni futura tal-emittent.

V. Governanza korporattiva

Din it-taqsima għandha tispjega l-amministrazzjoni tal-emittent u r-rwol tal-persuni involuti fil-ġestjoni tal-kumpanija. Għat-titoli ta’ ekwità, barra minn hekk ser tipprovdi informazzjoni dwar l-isfond tal-maniġment superjuri, ir-remunerazzjoni tiegħu u r-rabta potenzjali tiegħu mal-prestazzjoni tal-emittent.

VI. Informazzjoni finanzjarja

L-iskop ta’ din it-taqsima huwa li jiġi speċifikat liema rapporti finanzjarji jridu jiġu inklużi fid-dokument li jkopri l-aħħar sentejn finanzjarji (għal titoli ta’ ekwità) jew l-aħħar sena finanzjarja (għal titoli mingħajr ekwità) jew tali perjodu iqsar li matulu kien qed jopera fih l-emittent u informazzjoni oħra ta’ natura finanzjarja. Il-prinċipji kontabilistiċi u tal-awditjar li jridu jiġu aċċettati sabiex jintużaw fit-tħejjija u fl-awditjar tar-rapporti finanzjarji jiġu stabbiliti f’konformità mal-istandards internazzjonali tal-kontabilità u tal-awditjar.

A.

Rapporti konsolidati u informazzjoni finanzjarja oħra.

B.

Bidliet sinifikanti.

VII. Informazzjoni dwar l-azzjonisti u d-detenturi tat-titoli

Din it-taqsima għandha tipprovdi informazzjoni dwar l-azzjonisti maġġuri tal-emittent, l-eżistenza ta’ kunflitti ta’ interess potenzjali bejn il-maniġment superjuri u l-emittent, il-kapital azzjonarju tal-emittent kif ukoll informazzjoni dwar tranżazzjonijiet ta’ partijiet relatati, proċedimenti ġudizzjarji u ta’ arbitraġġ u kuntratti materjali.

VIII. Politika tad-dividendi (titoli ta’ ekwità biss)

Deskrizzjoni tal-politika tal-emittent dwar id-distribuzzjonijiet tad-dividendi u kwalunkwe restrizzjoni attwali fuqhom, kif ukoll dwar ir-riakkwisti ta’ ishma.

IX. Dokumenti disponibbli

L-iskop ta’ din it-taqsima huwa li tiġi pprovduta informazzjoni dwar id-dokumenti li għandhom jitqiegħdu għad-dispożizzjoni għall-ispezzjoni u s-sit web fejn jistgħu jiġu spezzjonati.

ANNESS III NOTA DWAR IT-TITOLI

ANNESS III

NOTA DWAR IT-TITOLI

I. Skop, persuni responsabbli, informazzjoni minn partijiet terzi, rapporti tal-esperti u approvazzjoni tal-awtorità kompetenti

L-iskop ta’ din it-taqsima huwa li tipprovdi informazzjoni dwar il-persuni li huma responsabbli għall-kontenut tan-nota dwar it-titoli u li tipprovdi serħan il-moħħ għall-investituri dwar l-akkuratezza tal-informazzjoni żvelata fil-prospett. Barra minn hekk, din it-taqsima tipprovdi informazzjoni dwar l-interessi tal-persuni involuti fl-offerta, kif ukoll ir-raġunijiet għall-offerta, l-użu tar-rikavati u l-ispejjeż tal-offerta. Barra minn hekk, din it-taqsima tipprovdi informazzjoni dwar il-bażi ġuridika tal-prospett u l-approvazzjoni tiegħu mill-awtorità kompetenti.

II. Dikjarazzjoni tal-kapital operatorju (titoli ta’ ekwità biss)

L-iskop ta’ din it-taqsima huwa li tipprovdi informazzjoni dwar ir-rekwiżiti tal-kapital operatorju tal-emittent.

III. Fatturi ta’ riskju

L-iskop ta’ din it-taqsima huwa li tiddeskrivi r-riskji ewlenin li huma speċifiċi għat-titoli offruti lill-pubbliku jew li għandhom jiġu ammessi għan-negozju f’suq regolat.

IV. Termini u kundizzjonijiet tat-titoli

L-iskop ta’ din it-taqsima huwa li tistabbilixxi t-termini u l-kundizzjonijiet tat-titoli u tipprovdi deskrizzjoni ddettaljata tal-karatteristiċi tagħhom.

Fejn applikabbli, din l-informazzjoni għandha tinkludi l-informazzjoni msemmija fl-Artikolu 5 tad-Direttiva (UE) 2024/2810.

V. Dettalji tal-offerta/ammissjoni għan-negozjar

L-iskop ta’ din it-taqsima huwa li tiġi pprovduta informazzjoni dwar l-offerta jew l-ammissjoni għan-negozjar f’suq regolat jew f’MTF, inkluż il-prezz finali tal-offerta u l-ammont ta’ titoli (f’għadd ta’ titoli jew f’ammont nominali aggregat) li ser jiġu offruti, ir-raġunijiet għall-offerta, il-pjan għad-distribuzzjoni tat-titoli, l-użu tar-rikavati mill-offerta, l-ispejjeż tal-ħruġ u tal-offerta, u d-dilwizzjoni (għal titoli ta’ ekwità biss).

VI. Informazzjoni relatata mal-ESG (titoli mingħajr ekwità biss, meta applikabbli)

L-iskop ta’ din it-taqsima huwa li tistabbilixxi, meta applikabbli, informazzjoni relatata mal-ESG f’konformità mal-att delegat imsemmi fl-Artikolu 13(1), it-tieni subparagrafu, il-punt (g).

VII. Informazzjoni dwar il-garanti (titoli mingħajr ekwità biss, meta applikabbli)

L-iskop ta’ din it-taqsima huwa li tiġi pprovduta informazzjoni dwar il-garanti tat-titoli, meta applikabbli, inkluż informazzjoni essenzjali dwar il-garanti marbuta mat-titoli, il-fatturi ta’ riskju u l-informazzjoni finanzjarja speċifika għall-garanti.

VIII. Informazzjoni dwar it-titoli sottostanti u l-emittent tat-titoli sottostanti (meta applikabbli)

L-iskop ta’ din it-taqsima huwa li tiġi pprovduta, meta applikabbli, informazzjoni dwar it-titoli sottostanti u, meta applikabbli, dwar l-emittent tat-titoli sottostanti.

IX. Informazzjoni dwar il-kunsens (meta applikabbli)

L-iskop ta’ din it-taqsima huwa li tiġi pprovduta informazzjoni dwar il-kunsens meta l-emittent jew il-persuna responsabbli għat-tfassil ta’ prospett tagħti l-kunsens għall-użu tiegħu f’konformità mal-Artikolu 5(1).

ANNESS IV INFORMAZZJONI LI GĦANDHA TIĠI INKLUŻA FIL-PROSPETT TA’ SEGWITU TAL-UE GĦAL ISHMA U GĦAL TITOLI TRASFERIBBLI OĦRAJN EKWIVALENTI GĦAL ISHMA FIL-KUMPANIJI

ANNESS IV

INFORMAZZJONI LI GĦANDHA TIĠI INKLUŻA FIL-PROSPETT TA’ SEGWITU TAL-UE GĦAL ISHMA U GĦAL TITOLI TRASFERIBBLI OĦRAJN EKWIVALENTI GĦAL ISHMA FIL-KUMPANIJI

I. Sommarju

Il-Prospett ta’ Segwitu tal-UE jrid jinkludi sommarju mfassal f’konformità mal-Artikolu 7(12a).

II. Informazzjoni dwar l-emittent

Tiġi identifikata l-kumpanija li toħroġ l-ishma, inkluż l-identifikatur ta’ entità ġuridika tagħha (LEI), l-isem legali u kummerċjali tagħha, il-pajjiż tal-inkorporazzjoni tagħha u s-sit web fejn l-investituri jistgħu jsibu informazzjoni dwar l-operazzjonijiet tan-negozju tal-kumpanija, il-prodotti li tagħmel jew is-servizzi li tipprovdi, is-swieq prinċipali fejn tikkompeti, l-azzjonisti prinċipali tagħha, il-kompożizzjoni tal-korpi amministrattivi, maniġerjali u superviżorji u l-maniġment superjuri tagħha u, meta applikabbli, l-informazzjoni inkorporata b’referenza (b’dikjarazzjoni ta’ ċaħda ta’ responsabbiltà li l-informazzjoni fuq is-sit web ma tifformax parti mill-prospett sakemm dik l-informazzjoni ma tkunx inkorporata b’referenza fil-prospett ta’ Segwitu tal-UE).

III. Dikjarazzjoni ta’ responsabbiltà u dikjarazzjoni dwar l-awtorità kompetenti

A. Dikjarazzjoni ta’ responsabbiltà

Jiġu identifikati l-persuni responsabbli għat-tfassil tal-Prospett ta’ Segwitu tal-UE u tiġi inkluża dikjarazzjoni minn dawk il-persuni li, sa fejn jafu huma, l-informazzjoni li tinsab fil-Prospett ta’ Segwitu tal-UE tkun f’konformità mal-fatti u li l-Prospett ta’ Segwitu tal-UE ma jagħmel l-ebda ommissjoni li x’aktarx taffettwa t-tifsira tiegħu.

Meta applikabbli, id-dikjarazzjoni trid tinkludi informazzjoni li toriġina minn partijiet terzi, inkluż is-sors(i) ta’ dik l-informazzjoni, u dikjarazzjonijiet jew rapporti attribwiti lil persuna bħala espert u d-dettalji li ġejjin ta’ dik il-persuna:

(i)

l-isem;

(ii)

l-indirizz tan-negozju;

(iii)

il-kwalifiki; u

(iv)

l-interess materjali fl-emittent (jekk ikun hemm).

B. Dikjarazzjoni dwar l-awtorità kompetenti

Id-dikjarazzjoni għandha:

(i)

tindika l-awtorità kompetenti li approvat, f’konformità ma’ dan ir-Regolament, il-Prospett ta’ Segwitu tal-UE;

(ii)

tispeċifika li tali approvazzjoni ma tikkostitwix approvazzjoni tal-emittent jew tal-kwalità tal-ishma li magħhom huwa relatat il-Prospett ta’ Segwitu tal-UE;

(iii)

tispeċifika li l-awtorità kompetenti tkun approvat biss il-Prospett ta’ Segwitu tal-UE bħala li jissodisfa l-istandards ta’ kompletezza, komprensibbiltà u konsistenza imposti minn dan ir-Regolament; u

(iv)

tispeċifika li l-Prospett ta’ Segwitu tal-UE tfassal f’konformità mal-Artikolu 14a.

IV. Fatturi ta’ riskju

Deskrizzjoni tar-riskji materjali, f’għadd limitat ta’ kategoriji, li huma speċifiċi għall-emittent, u deskrizzjoni tar-riskji materjali, f’għadd limitat ta’ kategoriji, li huma speċifiċi għall-ishma li jiġu offruti lill-pubbliku u/jew ammessi għan-negozjar f’suq regolat, fit-taqsima intitolata “Fatturi ta’ Riskju”.

Ir-riskji għandhom jiġu kkorroborati mill-kontenut tal-Prospett ta’ Segwitu tal-UE.

V. Informazzjoni finanzjarja

Id-dikjarazzjonijiet finanzjarji (annwali u kull sitt xhur) ippubblikati matul perjodu ta’ 12-il xahar qabel l-approvazzjoni tal-Prospett ta’ Segwitu tal-UE. Meta jkunu ġew ippubblikati kemm id-dikjarazzjonijiet finanzjarji annwali kif ukoll dawk ta’ kull sitt xhur, id-dikjarazzjonijiet annwali biss iridu jkunu meħtieġa jekk dawn ikunu saru wara r-rapporti finanzjarji ta’ kull sitt xhur.

Id-dikjarazzjonijiet finanzjarji annwali jridu jiġu awditjati b’mod indipendenti. Ir-rapport tal-awditjar għandu jitħejja f’konformità mad-Direttiva 2006/43/KE tal-Parlament Ewropew u tal-Kunsill ( 21 ) u mar-Regolament (UE) Nru 537/2014 tal-Parlament Ewropew u tal-Kunsill ( 22 ).

Meta d-Direttiva 2006/43/KE u r-Regolament (UE) Nru 537/2014 ma japplikawx, id-dikjarazzjonijiet finanzjarji annwali jridu jiġu awditjati jew irrapportati fir-rigward ta’ jekk, għall-finijiet tal-Prospett ta’ Segwitu tal-UE, jagħtux opinjoni vera u ġusta jew le f’konformità mal-istandards tal-awditjar applikabbli fi Stat Membru jew ma’ standard ekwivalenti. Jekk dan ma jkunx il-każ, l-informazzjoni li ġejja trid tiġi inkluża fil-Prospett ta’ Segwitu tal-UE:

(i)

dikjarazzjoni prominenti li tiżvela liema standards tal-awditjar ġew applikati;

(ii)

spjegazzjoni ta’ kwalunkwe nuqqas ta’ osservanza sinifikanti mill-Istandards Internazzjonali tal-Awditjar.

Meta rapporti tal-awditjar dwar id-dikjarazzjonijiet finanzjarji annwali jkunu ġew irrifjutati mill-awdituri statutorji jew fejn ikun fihom kwalifiki, modifiki ta’ opinjoni, dikjarazzjonijiet ta’ ċaħda jew osservazzjonijiet, trid tingħata r-raġuni, u dawn il-kwalifiki, il-modifiki, id-dikjarazzjonijiet ta’ ċaħda jew l-osservazzjonijiet iridu jiġu riprodotti fl-intier tagħhom.

Deskrizzjoni ta’ kull bidla sinifikanti fil-pożizzjoni finanzjarja tal-grupp li seħħet mit-tmiem tal-aħħar perjodu finanzjarju li għalih ikunu ġew ippubblikati dikjarazzjonijiet finanzjarji awditjati jew inkella informazzjoni finanzjarja interim trid tiġi inkluża wkoll, jew trid tiġi pprovduta dikjarazzjoni negattiva xierqa.

Meta applikabbli, trid tiġi inkluża wkoll informazzjoni pro forma.

VI. Il-politika tad-dividendi

Deskrizzjoni tal-politika tal-emittent dwar id-distribuzzjonijiet tad-dividendi u kwalunkwe restrizzjoni attwali fuqhom, kif ukoll dwar ir-riakkwist ta’ ishma.

VII. Informazzjoni dwar ix-xejriet

Deskrizzjoni ta’:

(i)

xejriet reċenti l-aktar sinifikanti fil-produzzjoni, fil-bejgħ u fl-inventarju, u l-kostijiet u l-prezzijiet tal-bejgħ mit-tmiem tal-aħħar sena finanzjarja sad-data tal-Prospett ta’ Segwitu tal-UE;

(ii)

informazzjoni dwar kwalunkwe xejra, inċertezza, talba, impenn jew avveniment magħruf li raġonevolment x’aktarx li jkollu effett materjali fuq il-prospetti tal-emittent tal-anqas matul is-sena finanzjarja attwali;

(iii)

informazzjoni dwar l-istrateġija u l-objettivi tan-negozju finanzjarji u mhux finanzjarji tal-emittent fuq terminu qasir u twil.

Jekk ma jkun hemm l-ebda bidla sinifikanti f’xi waħda mix-xejriet imsemmijin fil-punt (i) jew (ii) ta’ din it-taqsima, trid issir dikjarazzjoni f’dak is-sens.

VIII. Previżjonijiet u stimi tal-profitt

Meta emittent ikun ippubblika previżjoni tal-profitt jew stima tal-profitt li tibqa’ pendenti u valida, dik il-previżjoni jew l-istima għandha tiġi inkluża fil-Prospett ta’ Segwitu tal-UE.

Jekk previżjoni tal-profitt jew stima tal-profitt tkun ġiet ippubblikata u tibqa’ pendenti, iżda ma għadhiex valida, għandha tiġi pprovduta dikjarazzjoni għal dak l-iskop flimkien ma’ spjegazzjoni dwar għaliex tali tbassir jew stima ma għadhiex valida.

IX. Dettalji tal-offerta jew tal-ammissjoni għan-negozjar

Jiġu stipulati l-prezz tal-offerta, l-għadd ta’ ishma offruti, l-ammont tal-ħruġ jew tal-offerta, il-kundizzjonijiet li għalihom hija soġġetta l-offerta, u l-proċedura għall-eżerċizzju ta’ kwalunkwe jedd ta’ prelazzjoni. Jekk l-ammont ma jkunx stabbilit, indikazzjoni tal-ammont massimu tal-ishma li għandhom jiġu offruti (jekk disponibbli) u deskrizzjoni tal-arranġamenti u l-perjodu ta’ żmien biex jinfurmaw lill-pubbliku l-ammont definittiv tal-offerta.

Tiġi pprovduta informazzjoni dwar fejn l-investituri jistgħu jissottoskrivu għall-ishma jew jeżerċitaw id-dritt tagħhom ta’ prelazzjoni, it-tul tal-perjodu tal-offerta, inkluż kwalunkwe emenda possibbli għalihom, u deskrizzjoni tal-proċess tal-applikazzjoni flimkien mad-data tal-ħruġ ta’ ishma ġodda.

Sa fejn ikun jaf l-emittent, tiġi pprovduta informazzjoni dwar jekk l-azzjonisti ewlenin jew il-membri tal-korpi tal-maniġment, superviżorji jew amministrattivi tal-emittent għandhomx l-intenzjoni li jissottoskrivu għall-offerta, jew jekk xi persuna jkollhiex l-intenzjoni li tissottoskrivi għal aktar minn 5 % tal-offerta.

Jiġi ppreżentat kwalunkwe impenn sod għas-sottoskrizzjoni għal aktar minn 5 % tal-offerta u l-karatteristiċi materjali kollha tal-ftehimiet ta’ sottoskrizzjoni u ta’ pjazzament, inkluż l-isem u l-indirizz tal-entitajiet li jaqblu li jissottoskrivu jew iqiegħdu l-ħruġ fuq il-bażi ta’ impenn sod jew skont arranġamenti tal-“aħjar sforzi” u l-kwoti.

Meta applikabbli, jiġu indikati s-swieq regolati, is-swieq ta’ tkabbir tal-SMEs jew l-MTFs, fejn it-titoli għandhom jiġu ammessi għan-negozjar, u jekk ikunu magħrufa, l-aktar dati bikrin li fihom it-titoli ser jiġu ammessi għan-negozjar.

X. Informazzjoni essenzjali dwar l-ishma

Tiġi pprovduta l-informazzjoni essenzjali li ġejja dwar l-ishma offruti lill-pubbliku jew ammessi għan-negozjar f’suq regolat:

(i)

deskrizzjoni tat-tip, il-klassi u l-ammont tal-ishma li qed jiġu offruti lill-pubbliku jew ammessi għan-negozjar fis-suq regolat;

(ii)

in-numru internazzjonali għall-identifikazzjoni tat-titoli (ISIN);

(iii)

id-drittijiet marbutin mal-ishma, il-proċedura għall-eżerċizzju ta’ dawk id-drittijiet u kwalunkwe limitu ta’ dawk id-drittijiet;

(iv)

il-prezz li bih l-ishma ser jiġu offruti jew, jekk il-prezz ma jkunx magħruf, indikazzjoni tal-prezz massimu jew ta’ deskrizzjoni tal-metodu li bih ser jiġi ddeterminat il-prezz, skont l-Artikolu 17 ta’ dan ir-Regolament u l-proċess għall-iżvelar tiegħu;

(v)

twissija li l-leġiżlazzjoni tat-taxxa tal-Istat Membru tal-investitur u tal-pajjiż tal-inkorporazzjoni tal-emittent jista’ jkollha impatt fuq l-introjtu riċevut mill-ishma; u

(vi)

meta applikabbli, informazzjoni dwar it-titoli sottostanti u, meta applikabbli, l-emittent tat-titoli sottostanti.

Fil-każ ta’ ħarġiet ġodda, tiġi pprovduta dikjarazzjoni tar-riżoluzzjonijiet, tal-awtorizzazzjonijiet u tal-approvazzjonijiet li bis-saħħa tagħhom kienu jew ser jiġu maħluqa jew maħruġa t-titoli.

XI. Raġunijiet għall-offerta u l-użu tar-rikavati

Tiġi pprovduta informazzjoni dwar ir-raġunijiet għall-offerta u, meta applikabbli, l-ammont nett stmat tar-rikavati diżaggregat f’kull użu intenzjonat prinċipali u ppreżentat skont l-ordni tal-prijorità ta’ dawn l-użi.

Meta l-emittent ikun konxju li r-rikavati antiċipati ma humiex ser ikunu biżżejjed sabiex jiffinanzjaw l-użi proposti kollha, jeħtieġlu jiddikjara l-ammont u s-sorsi tal-fondi l-oħrajn meħtieġa. Iridu jingħataw ukoll dettalji fir-rigward tal-użu tar-rikavati, b’mod partikolari meta r-rikavati jintużaw għall-akkwist tal-assi, għajr fil-perkors normali tan-negozju, sabiex jiġu ffinanzjati akkwisti mħabbrin ta’ negozju ieħor, jew sabiex jiġi rrilaxxat, jitnaqqas jew jiġi rtirat id-dejn.

XII. Ftehimiet ta’ immobbiltà

F’relazzjoni ma’ ftehimiet ta’ immobbiltà, jiġu pprovduti dettalji ta’ dawn li ġejjin:

(i)

il-partijiet involuti;

(ii)

il-kontenut u l-eċċezzjonijiet tal-ftehim; u

(iii)

indikazzjoni tal-perjodu ta’ immobbiltà.

XIII. Dikjarazzjoni tal-kapital operatorju

Dikjarazzjoni mill-emittent, li fl-opinjoni tiegħu, il-kapital operatorju huwa suffiċjenti għar-rekwiżiti preżenti tal-emittent jew, jekk le, kif l-emittent jipproponi li jipprovdi l-kapital operatorju addizzjonali meħtieġ.

XIV. Kunflitti ta’ interess

Tiġi pprovduta informazzjoni dwar kwalunkwe interess relatat mal-ħruġ, inkluż kunflitti ta’ interess, u b’dettalji tal-persuni involuti u n-natura tal-interess.

XV. Dilwizzjoni u parteċipazzjoni azzjonarja wara l-ħruġ

Jiġi ppreżentat paragun bejn il-parteċipazzjoni fil-kapital azzjonarju u tad-drittijiet tal-vot għall-azzjonisti eżistenti qabel u wara ż-żieda fil-kapital li tirriżulta mill-offerta lill-pubbliku, bis-suppożizzjoni li l-azzjonisti eżistenti ma jissottoskrivux għall-ishma l-ġodda u, separatament, bis-suppożizzjoni li l-azzjonisti eżistenti jeżerċitaw l-intitolament tagħhom.

XVI. Dokumenti disponibbli

Dikjarazzjoni li matul it-terminu tal-Prospett ta’ Segwitu tal-UE, jistgħu jiġu spezzjonati d-dokumenti li ġejjin, meta jkun applikabbli:

(i)

il-memorandum u l-istatut ta’ assoċjazzjoni aġġornati tal-emittent;

(ii)

ir-rapporti, l-ittri, u d-dokumenti l-oħrajn kollha, il-valwazzjonijiet u d-dikjarazzjonijiet imħejjija minn espert fuq talba tal-emittent, li kwalunkwe parti minnhom tkun inkluża jew imsemmija fil-Prospett ta’ Segwitu tal-UE.

Indikazzjoni fuq is-sit web dwar liema dokumenti jistgħu jiġu spezzjonati.

ANNESS V INFORMAZZJONI LI GĦANDHA TIĠI INKLUŻA FIL-PROSPETT TA’ SEGWITU TAL-UE GĦAL TITOLI GĦAJR ISHMA JEW TITOLI TRASFERIBBLI EKWIVALENTI GĦAL ISHMA FIL-KUMPANIJI

ANNESS V

INFORMAZZJONI LI GĦANDHA TIĠI INKLUŻA FIL-PROSPETT TA’ SEGWITU TAL-UE GĦAL TITOLI GĦAJR ISHMA JEW TITOLI TRASFERIBBLI EKWIVALENTI GĦAL ISHMA FIL-KUMPANIJI

I. Sommarju

Mingħajr preġudizzju għall-Artikolu 7(1), it-tieni subparagrafu, il-Prospett ta’ Segwitu tal-UE jrid jinkludi sommarju mfassal f’konformità mal-Artikolu 7(12a).

II. Informazzjoni dwar l-emittent (Dokument tar-reġistrazzjoni)

Tiġi identifikata l-kumpanija li toħroġ it-titoli, inkluż l-identifikatur ta’ entità ġuridika (LEI) tagħha, l-isem legali u kummerċjali tagħha, il-pajjiż tal-inkorporazzjoni tagħha u s-sit web fejn l-investituri jistgħu jsibu informazzjoni dwar l-operazzjonijiet tan-negozju tal-kumpanija, il-prodotti li tagħmel jew is-servizzi li tipprovdi, is-swieq prinċipali fejn tikkompeti, l-azzjonisti prinċipali tagħha, il-kompożizzjoni tal-korpi amministrattivi, maniġerjali u superviżorji u l-maniġment superjuri tagħha u, meta applikabbli, l-informazzjoni inkorporata b’referenza (b’dikjarazzjoni ta’ ċaħda ta’ responsabbiltà li l-informazzjoni fuq is-sit web ma tifformax parti mill-prospett sakemm dik l-informazzjoni ma tkunx inkorporata b’referenza fil-Prospett ta’ Segwitu tal-UE).

III. Dikjarazzjoni ta’ responsabbiltà u dikjarazzjoni dwar l-awtorità kompetenti

1. Dikjarazzjoni ta’ responsabbiltà (Dokument tar-reġistrazzjoni / Nota tat-titoli)

Jiġu identifikati l-persuni responsabbli għat-tfassil tad-(dokument tar-reġistrazzjoni / nota tat-titoli / Prospett ta’ Segwitu tal-UE) u tiġi inkluża dikjarazzjoni minn dawk il-persuni li, sa fejn jafu huma, l-informazzjoni li tinsab fid-(dokument tar-reġistrazzjoni / nota dwar it-titoli / Prospett ta’ Segwitu tal-UE) tkun f’konformità mal-fatti u li d-(dokument tar-reġistrazzjoni / nota dwar it-titoli / Prospett ta’ Segwitu tal-UE) ma jagħmel l-ebda ommissjoni li x’aktarx taffettwa t-tifsira tiegħu.

Meta applikabbli, id-dikjarazzjoni trid tinkludi informazzjoni li toriġina minn partijiet terzi, inkluż is-sors(i) ta’ dik l-informazzjoni, u dikjarazzjonijiet jew rapporti attribwiti lil persuna bħala espert u d-dettalji li ġejjin ta’ dik il-persuna:

(i)

l-isem;

(ii)

l-indirizz tan-negozju;

(iii)

il-kwalifiki; u

(iv)

l-interess materjali fl-emittent (jekk ikun hemm).

2. Dikjarazzjoni dwar l-awtorità kompetenti

Id-dikjarazzjoni għandha:

(i)

tindika l-awtorità kompetenti li approvat, f’konformità ma’ dan ir-Regolament, (id-dokument tar-reġistrazzjoni / in-nota dwar it-titoli / il-Prospett ta’ Segwitu tal-UE);

(ii)

tispeċifika li tali approvazzjoni ma tikkostitwix approvazzjoni tal-emittent jew tal-kwalità tat-titoli li magħhom huwa relatat (id-dokument tar-reġistrazzjoni / in-nota dwar it-titoli / il-Prospett ta’ Segwitu tal-UE);

(iii)

tispeċifika li l-approvazzjoni tal-awtorità kompetenti tattesta biss il-konformità tad-(dokument tar-reġistrazzjoni / in-nota dwar it-titoli / il-Prospett ta’ Segwitu tal-UE) mal-istandards ta’ kompletezza, komprensibbiltà u konsistenza meħtieġa minn dan ir-Regolament;

(iv)

tispeċifika li (d-dokument tar-reġistrazzjoni / in-nota dwar it-titoli / il-Prospett ta’ Segwitu tal-UE) tfasslu bħala (parti minn) Prospett ta’ Segwitu tal-UE f’konformità mal-Artikolu 14a.

IV. Fatturi tar-riskju (Dokument tar-reġistrazzjoni / Nota dwar it-Titoli)

Deskrizzjoni tar-riskji materjali, f’għadd limitat ta’ kategoriji, li huma speċifiċi għall-emittent (dokument tar-reġistrazzjoni / Prospett ta’ Segwitu tal-UE) u deskrizzjoni tar-riskji materjali, f’għadd limitat ta’ kategoriji, li huma speċifiċi għat-titoli li jiġu offruti lill-pubbliku u/jew ammessi għan-negozjar f’suq regolat (nota dwar it-titoli / Prospett ta’ Segwitu tal-UE), fit-taqsima intitolata “Fatturi ta’ riskju”.

Ir-riskji għandhom jiġu kkorroborati mill-kontenut (tad-dokument tar-reġistrazzjoni / nota dwar it-titoli / Prospett ta’ Segwitu tal-UE).

V. Informazzjoni finanzjarja (Dokument tar-reġistrazzjoni)

Id-dikjarazzjonijiet finanzjarji (annwali u kull sitt xhur) ippubblikati matul perjodu ta’ 12-il xahar qabel l-approvazzjoni tal-Prospett ta’ Segwitu tal-UE. Meta jkunu ġew ippubblikati kemm id-dikjarazzjonijiet finanzjarji annwali kif ukoll dawk ta’ kull sitt xhur, id-dikjarazzjonijiet annwali biss iridu jkunu meħtieġa jekk dawn ikunu saru wara r-rapporti finanzjarji ta’ kull sitt xhur.

Id-dikjarazzjonijiet finanzjarji annwali jridu jiġu awditjati b’mod indipendenti. Ir-rapport tal-awditjar għandu jitħejja f’konformità mad-Direttiva 2006/43/KE u mar-Regolament (UE) Nru 537/2014

Meta d-Direttiva 2006/43/KE u r-Regolament (UE) Nru 537/2014 ma japplikawx, id-dikjarazzjonijiet finanzjarji annwali jridu jiġu awditjati jew irrapportati fir-rigward ta’ jekk, għall-finijiet tal-Prospett ta’ Segwitu tal-UE, jagħtux opinjoni vera u ġusta jew le f’konformità mal-istandards tal-awditjar applikabbli fi Stat Membru jew ma’ standard ekwivalenti. Jekk dan ma jkunx il-każ, l-informazzjoni li ġejja trid tiġi inkluża fil-Prospett ta’ Segwitu tal-UE:

(i)

dikjarazzjoni prominenti li tiżvela liema standards tal-awditjar ġew applikati;

(ii)

spjegazzjoni ta’ kwalunkwe nuqqas ta’ osservanza sinifikanti mill-Istandards Internazzjonali tal-Awditjar.

Meta rapporti tal-awditjar dwar id-dikjarazzjonijiet finanzjarji annwali jkunu ġew irrifjutati mill-awdituri statutorji jew fejn ikun fihom kwalifiki, modifiki ta’ opinjoni, dikjarazzjonijiet ta’ ċaħda jew osservazzjonijiet, trid tingħata r-raġuni, u dawn il-kwalifiki, il-modifiki, id-dikjarazzjonijiet ta’ ċaħda jew l-osservazzjonijiet iridu jiġu riprodotti fl-intier tagħhom.

Deskrizzjoni ta’ kull bidla sinifikanti fil-pożizzjoni finanzjarja tal-grupp li seħħet mit-tmiem tal-aħħar perjodu finanzjarju li għalih ikunu ġew ippubblikati dikjarazzjonijiet finanzjarji awditjati jew inkella informazzjoni finanzjarja interim trid tiġi inkluża wkoll, jew trid tiġi pprovduta dikjarazzjoni negattiva xierqa.

VI. Informazzjoni dwar ix-xejriet (Dokument tar-reġistrazzjoni)

Deskrizzjoni ta’:

(i)

kwalunkwe bidla negattiva materjali fil-prospetti tal-emittentmid-data tal-aħħar dikjarazzjonijiet finanzjarji awditjati ppubblikati tiegħu;

(ii)

kwalunkwe bidla sinifikanti fil-prestazzjoni finanzjarja tal-grupp mit-tmiem tal-aħħar perjodu finanzjarju li għalih ġiet ippubblikata informazzjoni finanzjarja sad-data tad-dokument tar-reġistrazzjoni;

Jekk ma jkun hemm l-ebda bidla sinifikanti kif imsemmi fil-punt (i) jew (ii) ta’ din it-taqsima, trid issir dikjarazzjoni f’dak is-sens.

VII. Dettalji tal-offerta ( 23 ) jew tal-ammissjoni għan-negozjar (Nota dwar it-titoli)

Jiġu stipulati l-prezz tal-offerta, l-għadd ta’ titoli offruti, l-ammont tal-ħruġ jew tal-offerta u l-kundizzjonijiet li għalihom hija soġġetta l-offerta. Jekk l-ammont ma jkunx fiss, indikazzjoni tal-ammont massimu tat-titoli li ser jiġu offruti (jekk disponibbli) u deskrizzjoni tal-arranġamenti u tal-perjodu taż-żmien sabiex jitħabbar l-ammont definittiv tal-offerta lill-pubbliku.

Tiġi pprovduta informazzjoni dwar fejn l-investituri jistgħu jissottoskrivu għat-titoli, it-tul tal-perjodu tal-offerta, inkluż kwalunkwe emenda possibbli għalihom, u deskrizzjoni tal-proċess tal-applikazzjoni flimkien mad-data tal-ħruġ ta’ titoli ġodda.

L-isem u l-indirizz tal-entitajiet li jaqblu li jissottoskrivu l-ħruġ fuq bażi ta’ impenn sod, u l-isem u l-indirizz tal-entitajiet li jaqblu li jpoġġu l-ħruġ mingħajr impenn sod jew skont arranġamenti tal-“aħjar sforzi”. Indikazzjoni tal-karatteristiċi materjali tal-ftehimiet, inkluż il-kwoti. Meta mhux il-ħruġ kollu jkun ġie sottoskritt, dikjarazzjoni tal-porzjon li ma jkunx ġie kopert. Indikazzjoni tal-ammont globali tal-kummissjoni tas-sottoskrizzjoni u tal-kummissjoni tat-tqegħid.

Meta applikabbli, jiġu indikati s-swieq regolati, is-swieq ta’ tkabbir tal-SMEs jew l-MTFs fejn it-titoli għandhom jiġu ammessi għan-negozjar u, jekk ikunu magħrufin, l-aktar dati bikrin li fihom it-titoli ser jiġu ammessi għan-negozjar.

VIII. Informazzjoni essenzjali dwar it-titoli (Nota dwar it-titoli)

L-iskop ta’ din it-taqsima huwa li tiġi pprovduta l-informazzjoni essenzjali li ġejja dwar it-titoli offruti lill-pubbliku jew ammessi għan-negozjar f’suq regolat:

(i)

in-numru internazzjonali għall-identifikazzjoni tat-titoli (ISIN);

(ii)

id-drittijiet marbuta mat-titoli, il-proċedura għall-eżerċizzju ta’ dawk id-drittijiet u kwalunkwe limitu ta’ dawk id-drittijiet;

(iii)

il-prezz li bih ser jiġu offruti t-titoli jew, jekk il-prezz mhux magħruf, indikazzjoni tal-prezz massimu jew deskrizzjoni tal-metodu li bih ser jiġi ddeterminat il-prezz, skont l-Artikolu 17 ta’ dan ir-Regolament, u l-proċess għall-iżvelar tiegħu;

(iv)

informazzjoni dwar l-imgħax pagabbli jew deskrizzjoni tas-sottostanti, inkluż il-metodu użat sabiex issir relazzjoni bejn is-sottostanti u r-rata, u indikazzjoni ta’ fejn tista’ tinkiseb informazzjoni dwar il-prestazzjoni tal-passat u dik futura tas-sottostanti u l-volatilità tiegħu;

(v)

deskrizzjoni tat-tip, tal-klassi u l-ammont tat-titoli li qed jiġu offruti lill-pubbliku jew ammessi għan-negozjar fuq suq regolat;

(vi)

twissija li l-leġiżlazzjoni tat-taxxa tal-Istat Membru tal-investitur u tal-pajjiż tal-inkorporazzjoni tal-emittent jista’ jkollha impatt fuq l-introjtu riċevut mit-titoli; u

(vii)

meta applikabbli, informazzjoni dwar it-titoli sottostanti u, meta applikabbli, l-emittent tat-titoli sottostanti.

IX. Raġunijiet għall-offerta, użu tar-rikavati u, meta applikabbli, informazzjoni relatata mal-ESG (Nota dwar it-titoli)

Għal titoli mingħajr ekwità għajr dawk imsemmija fl-Artikolu 7(1), it-tieni subparagrafu, tiġi pprovduta informazzjoni dwar ir-raġunijiet għall-offerta u, meta applikabbli, l-ammont nett stmat tar-rikavati diżaggregat f’kull użu intenzjonat prinċipali u ppreżentat skont l-ordni tal-prijorità ta’ dawn l-użi. Meta l-emittent ikun konxju li r-rikavati antiċipati ma humiex ser ikunu biżżejjed sabiex jiffinanzjaw l-użi proposti kollha, jeħtieġlu jiddikjara l-ammont u s-sorsi tal-fondi l-oħrajn meħtieġa.

Għal titoli mingħajr ekwità msemmija fl-Artikolu 7(1), it-tieni subparagrafu, l-użu u l-ammont nett stmat tar-rikavati.

Meta applikabbli, informazzjoni relatata mal-ESG f’konformità mal-iskeda kif speċifikata aktar fl-att delegat imsemmi fl-Artikolu 13(1), l-ewwel subparagrafu, filwaqt li jitqiesu l-kundizzjonijiet stabbiliti fl-Artikolu 13(1), it-tieni subparagrafu, il-punt (g).

X. Kunflitti ta’ interess (Nota dwar it-titoli)

Tiġi pprovduta informazzjoni dwar kwalunkwe interess relatat mal-ħruġ, inkluż kunflitti ta’ interess, u b’dettalji tal-persuni involuti u n-natura tal-interess.

XI. Dokumenti disponibbli (Dokument tar-reġistrazzjoni)

Dikjarazzjoni li matul it-terminu tal-Prospett ta’ Segwitu tal-UE, jistgħu jiġu spezzjonati d-dokumenti li ġejjin, meta jkun applikabbli:

(a)

il-memorandum u l-istatut ta’ assoċjazzjoni aġġornati tal-emittent;

(b)

ir-rapporti, l-ittri, u d-dokumenti l-oħrajn kollha, il-valwazzjonijiet u d-dikjarazzjonijiet imħejjija minn espert fuq talba tal-emittent, li kwalunkwe parti minnhom tkun inkluża jew imsemmija fil-Prospett ta’ Segwitu tal-UE.

Indikazzjoni fuq is-sit web dwar liema dokumenti jistgħu jiġu spezzjonati.

ANNESS VI

TABELLA TA’ KORRELAZZJONI

(msemmija fl-Artikolu 46)

Id-Direttiva 2003/71/KE	Dan ir-Regolament
Artikolu 1(1)	Artikolu 1(1)
Artikolu 1(2)(a)	Artikolu 1(2)(a)
Artikolu 1(2)(b)	Artikolu 1(2)(b)
Artikolu 1(2)(c)	Artikolu 1(2)(c)
Artikolu 1(2)(d)	Artikolu 1(2)(d)
Artikolu 1(2)(e)	Artikolu 1(2)(e)
Artikolu 1(2)(f)	—
Artikolu 1(2)(g)	Artikolu 1(2)(f)
Artikolu 1(2)(h)	Artikolu 1(3)
Artikolu 1(2)(i)	—
Artikolu 1(2)(j)	Artikolu 1(4)(j) u Artikolu 1(5), l-ewwel subparagrafu; punt (i)
Artikolu 1(3)	Artikolu 4
Artikolu 1(4)	—
Artikolu 2(1)(a)	Artikolu 2(a)
Artikolu 2(1)(b)	Artikolu 2(b)
Artikolu 2(1)(c)	Artikolu 2(c)
Artikolu 2(1)(d)	Artikolu 2(d)
Artikolu 2(1)(e)	Artikolu 2(e)
Artikolu 2(1)(f)	Artikolu 2(f)
Artikolu 2(1)(g)	Artikolu 2(g)
Artikolu 2(1)(h)	Artikolu 2(h)
Artikolu 2(1)(i)	Artikolu 2(i)
Artikolu 2(1)(j)	Artikolu 2(j)
Artikolu 2(1)(k)	—
Artikolu 2(1)(l)	—
Artikolu 2(1)(m)	Artikolu 2(m)
Artikolu 2(1)(n)	Artikolu 2(n)
Artikolu 2(1)(o)	Artikolu 2(p)
Artikolu 2(1)(p)	Artikolu 2(q)
Artikolu 2(1)(q)	Artikolu 2(r)
Artikolu 2(1)(r)	Artikolu 2(s)
Artikolu 2(1)(s)	—
Artikolu 2(1)(t)	—
Artikolu 2(4)	—
Artikolu 3(1)	Artikolu 3(1)
Artikolu 3(2)(a)	Artikolu 1(4)(a)
Artikolu 3(2)(b)	Artikolu 1(4)(b)
Artikolu 3(2)(c)	Artikolu 1(4)(d)
Artikolu 3(2)(d)	Artikolu 1(4)(c)
Artikolu 3(2)(e)	—
Artikolu 3(2), it-tieni u t-tielet subparagrafu	Artikolu 5(1)
Artikolu 3(3)	Artikolu 3(3)
Artikolu 3(4)	—
Artikolu 4(1)(a)	Artikolu 1(4)(e)
Artikolu 4(1)(b)	Artikolu 1(4)(f)
Artikolu 4(1)(c)	Artikolu 1(4)(g)
Artikolu 4(1)(d)	Artikolu 1(4)(h)
Artikolu 4(1)(e)	Artikolu 1(4)(i)
Artikolu 4(1), it-tieni sal-ħames subparagrafu	—
Artikolu 4(2)(a)	Artikolu 1(5), l-ewwel subparagrafu, punt (a)
Artikolu 4(2)(b)	Artikolu 1(5), l-ewwel subparagrafu, punt (d)
Artikolu 4(2)(c)	Artikolu 1(5), l-ewwel subparagrafu, punt (e)
Artikolu 4(2)(d)	Artikolu 1(5), l-ewwel subparagrafu, punt (f)
Artikolu 4(2)(e)	Artikolu 1(5), l-ewwel subparagrafu, punt (g)
Artikolu 4(2)(f)	Artikolu 1(5), l-ewwel subparagrafu, punt (h)
Artikolu 4(2)(g)	Artikolu 1(5), l-ewwel subparagrafu, punti (b) u (c)
Artikolu 4(2)(h)	Artikolu 1(5), l-ewwel subparagrafu, punt (j)
Artikolu 4(3)	Artikolu 1(7)
Artikolu 5(1)	Artikolu 6(1) u (2), Artikolu 14(2)
Artikolu 5(2)	Artikolu 7
Artikolu 5(3)	Artikolu 6(3)
Artikolu 5(4), l-ewwel subparagrafu	Artikolu 8(1)
Artikolu 5(4), it-tieni subparagrafu	Artikolu 8(10)
Artikolu 5(4), it-tielet subparagrafu, l-ewwel sentenza	Artikolu 8(5) u Artikolu 25(4)
Artikolu 5(4), it-tielet subparagrafu, it-tieni sentenza	Artikolu 8(4)
Artikolu 5(5)	Artikolu 13(1) u Artikolu 7(13)
Artikolu 6(1)	Artikolu 11(1)
Artikolu 6(2)	Artikolu 11(2)
Artikolu 7(1)	Artikolu 13(1), l-ewwel subparagrafu
Artikolu 7(2)(a)	Artikolu 13(1), it-tieni subparagrafu, punt (a)
Artikolu 7(2)(b)	Artikolu 13(1), it-tieni subparagrafu, punt (b)
Artikolu 7(2)(c)	Artikolu 13(1), it-tieni subparagrafu, punt (c)
Artikolu 7(2)(d)	Artikolu 13(1), it-tieni subparagrafu, punt (c)
Artikolu 7(2)(e)	Artikolu 15(2)
Artikolu 7(2)(f)	Artikolu 13(1), it-tieni subparagrafu, punt (d)
Artikolu 7(2)(g)	Artikolu 14(3)
Artikolu 7(3)	Artikolu 13(3)
Artikolu 7(4)	—
Artikolu 8(1), l-ewwel subparagrafu, punt (a)	Artikolu 17(1), l-ewwel subparagrafu, punt (b)
Artikolu 8(1), l-ewwel subparagrafu, punt (b)	Artikolu 17(1), l-ewwel subparagrafu, punt (a)
Artikolu 8(1), it-tieni subparagrafu	Artikolu 17(2)
Artikolu 8(2)	Artikolu 18(1)
Artikolu 8(3)	Artikolu 18(2)
Artikolu 8(3a)	Artikolu 18(3)
Artikolu 8(4)	Artikolu 18(4), l-ewwel subparagrafu
Artikolu 8(5), l-ewwel subparagrafu	—
Artikolu 8(5), it-tieni subparagrafu	—
Artikolu 9(1)	Artikolu 12(1)
Artikolu 9(2)	Artikolu 12(1)
Artikolu 9(3)	Artikolu 12(1)
Artikolu 9(4)	Artikolu 12(2)
Artikolu 11(1)	Artikolu 19(1)
Artikolu 11(2)	Artikolu 19(2)
Artikolu 11(3)	Artikolu 19(4)
Artikolu 12(1)	Artikolu 10(1), l-ewwel subparagrafu
Artikolu 12(2)	Artikolu 10(1), it-tieni subparagrafu
Artikolu 12(3)	—
Artikolu 13(1)	Artikolu 20(1)
Artikolu 13(2)	Artikolu 20(2)
Artikolu 13(3)	Artikolu 20(3)
Artikolu 13(4)	Artikolu 20(4)
Artikolu 13(5)	Artikolu 20(8)
Artikolu 13(6)	Artikolu 20(9)
Artikolu 13(7)	—
Artikolu 14(1)	Artikolu 21(1)
Artikolu 14(2)	Artikolu 21(2)
Artikolu 14(3)	—
Artikolu 14(4)	Artikolu 21(5)
Artikolu 14(4a)	Artikolu 21(6)
Artikolu 14(5)	Artikolu 21(9)
Artikolu 14(6)	Artikolu 21(10)
Artikolu 14(7)	Artikolu 21(11)
Artikolu 14(8)	Artikolu 21(12)
Artikolu 15(1)	Artikolu 22(1)
Artikolu 15(2)	Artikolu 22(2)
Artikolu 15(3)	Artikolu 22(3)
Artikolu 15(4)	Artikolu 22(4)
Artikolu 15(5)	Artikolu 22(5)
Artikolu 15(6)	Artikolu 22(6)
Artikolu 15(7)	Artikolu 22(9)
Artikolu 16(1)	Artikolu 23(1)
Artikolu 16(2)	Artikolu 23(2)
Artikolu 16(3)	Artikolu 23(7)
Artikolu 17(1)	Artikolu 24(1)
Artikolu 17(2)	Artikolu 24(2)
Artikolu 18(1)	Artikolu 25(1)
Artikolu 18(2)	Artikolu 25(2)
Artikolu 18(3), l-ewwel subparagrafu	Artikolu 25(3)
Artikolu 18(3), it-tieni subparagrafu	Artikolu 21(5)
Artikolu 18(4)	Artikolu 25(8)
Artikolu 19(1)	Artikolu 27(1)
Artikolu 19(2)	Artikolu 27(2)
Artikolu 19(3)	Artikolu 27(3)
Artikolu 19(4)	Artikolu 27(5)
Artikolu 20(1)	Artikolu 29(1)
Artikolu 20(2)	Artikolu 29(2)
Artikolu 20(3)	Artikolu 29(3)
Artikolu 21(1)	Artikolu 31(1)
Artikolu 21(1a)	Artikolu 34(1)
Artikolu 21(1b)	Artikolu 34(2)
Artikolu 21(2)	Artikolu 31(2)
Artikolu 21(3)(a)	Artikolu 32(1)(a)
Artikolu 21(3)(b)	Artikolu 32(1)(b)
Artikolu 21(3)(c)	Artikolu 32(1)(c)
Artikolu 21(3)(d)	Artikolu 32(1)(d)
Artikolu 21(3)(e)	Artikolu 32(1)(e)
Artikolu 21(3)(f)	Artikolu 32(1)(f)
Artikolu 21(3)(g)	Artikolu 32(1)(g)
Artikolu 21(3)(h)	Artikolu 32(1)(h)
Artikolu 21(3)(i)	Artikolu 32(1)(i)
Artikolu 21(3), it-tieni subparagrafu	Artikolu 32(1), it-tieni subparagrafu
Artikolu 21(4)(a)	Artikolu 32(1)(l)
Artikolu 21(4)(b)	Artikolu 32(1)(m)
Artikolu 21(4)(c)	—
Artikolu 21(4)(d)	Artikolu 32(1)(n)
Artikolu 21(4), it-tieni subparagrafu	Artikolu 32(1), ir-raba' subparagrafu
Artikolu 21(5)	Artikolu 31(3) u Artikolu 32(6)
Artikolu 22(1)	Artikolu 35(2)
Artikolu 22(2), l-ewwel subparagrafu	Artikolu 33(1)
Artikolu 22(2), it-tieni subparagrafu	—
Artikolu 22(2), it-tielet subparagrafu	Artikolu 33(5)
Artikolu 22(3)	—
Artikolu 22(4)	Artikolu 33(6) u (7)
Artikolu 23(1)	Artikolu 37(1)
Artikolu 23(2)	Artikolu 37(2)
Artikolu 24(1)	Artikolu 45(1)
Artikolu 24(2)	Artikolu 45(2)
Artikolu 24(2a)	—
Artikolu 24(3)	—
Artikolu 24a	Artikolu 44
Artikolu 24b	Artikolu 44
Artikolu 24c	Artikolu 44
Artikolu 25(1)	Artikolu 38(1)
Artikolu 25(2)	Artikolu 42
Artikolu 26	Artikolu 40
Artikolu 27	—
Artikolu 28	Artikolu 46
Artikolu 29	—
Artikolu 30	—
Artikolu 31	Artikolu 48
Artikolu 31a	—
Artikolu 32	Artikolu 49
Artikolu 33	—

ANNESS VII INFORMAZZJONI LI GĦANDHA TIĠI INKLUŻA FIL-PROSPETT TAL-ĦRUĠ TAL-UE DWAR IT-TKABBIR GĦAL ISHMA U GĦAL TITOLI TRASFERIBBLI OĦRA EKWIVALENTI GĦAL ISHMA FIL-KUMPANIJI

ANNESS VII

INFORMAZZJONI LI GĦANDHA TIĠI INKLUŻA FIL-PROSPETT TAL-ĦRUĠ TAL-UE DWAR IT-TKABBIR GĦAL ISHMA U GĦAL TITOLI TRASFERIBBLI OĦRA EKWIVALENTI GĦAL ISHMA FIL-KUMPANIJI

I. Sommarju

Il-Prospett tal-Ħruġ tal-UE dwar it-Tkabbir jrid jinkludi sommarju mfassal f’konformità mal-Artikolu 7(12a).

II. Informazzjoni dwar l-emittent

Tiġi identifikata l-kumpanija li toħroġ l-ishma, inkluż il-post tar-reġistrazzjoni tal-emittent, in-numru tar-reġistrazzjoni u l-identifikatur tal-entità ġuridika (“LEI”) tiegħu, l-isem legali u kummerċjali tiegħu, il-leġiżlazzjoni li skont din jopera l-emittent, il-pajjiż tal-inkorporazzjoni tiegħu, l-indirizz, in-numru tat-telefown tal-uffiċċju reġistrat tiegħu (jew il-post prinċipali ta’ negozju jekk ikun differenti mill-uffiċċju reġistrat tiegħu) u s-sit web, jekk ikun hemm, b’dikjarazzjoni ta’ ċaħda ta’ responsabbiltà li l-informazzjoni fuq is-sit web ma tifformax parti mill- Prospett tal-Ħruġ tal-UE dwar it-Tkabbir sakemm dik l-informazzjoni ma tkunx inkorporata b’referenza fil-Prospett tal-Ħruġ tal-UE dwar it-Tkabbir.

III. Dikjarazzjoni ta’ responsabbiltà u dikjarazzjoni dwar l-awtorità kompetenti

A. Dikjarazzjoni ta’ responsabbiltà

Jiġu identifikati l-persuni responsabbli għat-tfassil tal-Prospett tal-Ħruġ tal-UE dwar it-Tkabbir u tiġi inkluża dikjarazzjoni minn dawk il-persuni li, sa fejn jafu huma, l-informazzjoni li tinsab fil-Prospett tal-Ħruġ tal-UE dwar it-Tkabbir hija f’konformità mal-fatti u li l-Prospett tal-Ħruġ tal-UE dwar it-Tkabbir ma jagħmel l-ebda ommissjoni li x’aktarx taffettwa t-tifsira tiegħu.

Meta applikabbli, id-dikjarazzjoni trid tinkludi informazzjoni li toriġina minn partijiet terzi, inkluż is-sors(i) ta’ dik l-informazzjoni, u dikjarazzjonijiet jew rapporti attribwiti lil persuna bħala espert u d-dettalji li ġejjin ta’ dik il-persuna:

(i)

l-isem;

(ii)

l-indirizz tan-negozju;

(iii)

il-kwalifiki; u

(iv)

l-interess materjali fl-emittent (jekk ikun hemm).

B. Dikjarazzjoni dwar l-awtorità kompetenti

Id-dikjarazzjoni trid tindika l-awtorità kompetenti li tkun approvat, f’konformità ma’ dan ir-Regolament, il-Prospett tal-Ħruġ tal-UE dwar it-Tkabbir, tispeċifika li tali approvazzjoni la hija approvazzjoni tal-emittent u lanqas tal-kwalità tal-ishma relatati mal-Prospett tal-Ħruġ tal-UE dwar it-Tkabbir, li l-awtorità kompetenti approvat biss il-Prospett tal-Ħruġ tal-UE dwar it-Tkabbir bħala li jissodisfa l-istandards ta’ kompletezza, ta’ komprensibbiltà u ta’ konsistenza imposti minn dan ir-Regolament, u tispeċifika li l-Prospett tal-Ħruġ tal-UE dwar it-Tkabbir tfassal f’konformità mal-Artikolu 15a.

IV. Fatturi ta’ riskju

Ir-riskji għandhom jiġu kkorroborati mill-kontenut tal- Prospett tal-Ħruġ tal-UE dwar it-Tkabbir.

Deskrizzjoni tar-riskji materjali, f’għadd limitat ta’ kategoriji, li huma speċifiċi għall-emittent, u deskrizzjoni tar-riskji materjali, f’għadd limitat ta’ kategoriji, li huma speċifiċi għall-ishma li jiġu offruti lill-pubbliku fit-taqsima intitolata “Fatturi ta’ Riskju”.

V. Strateġija ta’ tkabbir u ħarsa ġenerali lejn in-negozju

A. Strateġija u objettivi tat-tkabbir

Deskrizzjoni tal-istrateġija tan-negozju tal-emittent, inkluż il-potenzjal tat-tkabbir u l-aspettattivi għall-futur, u l-objettivi strateġiċi (kemm finanzjarji kif ukoll mhux finanzjarji, jekk ikun hemm). Din id-deskrizzjoni għandha tqis l-isfidi u l-prospetti futuri tal-emittent.

B. Attivitajiet u swieq prinċipali

Deskrizzjoni tal-attivitajiet prinċipali tal-emittent, li jinkludu: (a) il-kategoriji prinċipali ta’ prodotti mibjugħin u/jew ta’ servizzi mwettqin; (b) indikazzjoni ta’ kwalunkwe prodott, servizz jew attività ġdida sinifikanti li ġew introdotti wara l-pubblikazzjoni tal-aħħar dikjarazzjonijiet finanzjarji awditjati. Deskrizzjoni tas-swieq prinċipali li fihom jikkompeti l-emittent, inkluż it-tkabbir tas-suq, ix-xejriet u s-sitwazzjoni kompetittiva.

C. Investimenti

Sa fejn ma tkunx koperta xi mkien ieħor fil-Prospett tal-Ħruġ tal-UE dwar it-Tkabbir, deskrizzjoni (inkluż l-ammont) tal-investimenti materjali tal-emittent mit-tmiem tal-perjodu kopert mill-informazzjoni finanzjarja storika inkluża fil-Prospett tal-Ħruġ tal-UE dwar it-Tkabbir sad-data tal-Prospett tal-Ħruġ tal-UE dwar it-Tkabbir u, jekk rilevanti, deskrizzjoni ta’ kwalunkwe investimenti materjali tal-emittent li jkunu għaddejjin jew li jkunu diġà ttieħdu impenji sodi dwarhom.

D. Previżjonijiet u stimi tal-profitt

Meta emittent ikun ippubblika previżjoni tal-profitt jew stima tal-profitt li tibqa’ pendenti u valida, dik il-previżjoni jew l-istima għandha tiġi inkluża fil-Prospett tal-Ħruġ tal-UE dwar it-Tkabbir.

Jekk previżjoni tal-profitt jew stima tal-profitt tkun ġiet ippubblikata u tibqa’ pendenti, iżda ma għadhiex valida, għandha tiġi pprovduta dikjarazzjoni għal dak l-iskop flimkien ma’ spjegazzjoni dwar għaliex tali tbassir jew stima ma għadhiex valida.

VI. Struttura organizzazzjonali

Jekk l-emittent huwa parti minn grupp u meta ma jkunx kopert xi mkien ieħor fil-Prospett tal-Ħruġ tal-UE dwar it-Tkabbir u sal-punt neċessarju għal fehim tan-negozju tal-emittent fis-sħuħija tiegħu, dijagramma tal-istruttura organizzazzjonali.

VII. Governanza korporattiva

Tiġi pprovduta l-informazzjoni li ġejja għall-membri tal-korpi amministrattivi, maniġerjali u/jew superviżorji, kwalunkwe maniġer superjuri li jkun rilevanti sabiex jiġi stabbilit li l-emittent għandu l-għarfien espert u l-esperjenza xierqa għall-ġestjoni tan-negozju tal-emittent, u, fil-każ ta’ sħubija limitata b’kapital azzjonarju, sħab b’responsabbiltà illimitata:

(i)

l-ismijiet, l-indirizzi tan-negozju u l-funzjonijiet fl-emittent tal-persuni li ġejjin, id-dettalji dwar l-għarfien espert u l-esperjenza rilevanti tagħhom b’rabta mal-ġestjoni u indikazzjoni tal-attivitajiet prinċipali mwettqin minnhom, lil hinn mill-emittent meta dawk l-attivitajiet ikunu sinifikanti fir-rigward ta’ dak l-emittent;

(ii)

id-dettalji tan-natura ta’ kwalunkwe relazzjoni familjali bejn kwalunkwe waħda minn dawk il-persuni;

(iii)

id-dettalji, tal-anqas għall-aħħar ħames snin, ta’ kwalunkwe kundanna b’rabta ma’ reati frawdolenti u d-dettalji ta’ kwalunkwe inkriminazzjoni pubblika uffiċjali u/jew sanzjonijiet li jinvolvu lit-tali persuni minn awtoritajiet statutorji jew regolatorji (inkluż korpi professjonali deżinjati) u jekk qatt ġewx skwalifikati minn qorti milli jaġixxu bħala membri tal-korpi amministrattivi, maniġerjali jew superviżorji ta’ emittent jew milli jaġixxu fil-maniġment jew iwettqu xi kompitu ta’ kwalunkwe emittent. Jekk l-ebda informazzjoni bħal din ma teħtieġ li tiġi żvelata, għandha ssir dikjarazzjoni għal dak l-għan.

VIII. Informazzjoni finanzjarja

Id-dikjarazzjonijiet finanzjarji (annwali u kull sitt xhur) ippubblikati matul il-perjodu ta’ 12-il xahar qabel l-approvazzjoni tal-Prospett tal-Ħruġ tal-UE dwar it-Tkabbir. Meta jkunu ġew ippubblikati kemm id-dikjarazzjonijiet finanzjarji annwali kif ukoll dawk ta’ kull sitt xhur, id-dikjarazzjonijiet annwali biss iridu jkunu meħtieġa jekk dawn ikunu saru wara d-dikjarazzjonijiet finanzjarji ta’ kull sitt xhur.

Id-dikjarazzjonijiet finanzjarji annwali jridu jiġu awditjati b’mod indipendenti. Ir-rapport tal-awditjar irid jitħejja f’konformità mad-Direttiva 2006/43/KE u mar-Regolament (UE) Nru 537/2014.

Meta d-Direttiva 2006/43/KE u r-Regolament (UE) Nru 537/2014 ma japplikawx, id-dikjarazzjonijiet finanzjarji annwali jridu jiġu awditjati jew irrapportati fir-rigward ta’ jekk, għall-finijiet tal-Prospett tal-Ħruġ tal-UE dwar it-Tkabbir, jagħtux opinjoni vera u ġusta jew le f’konformità mal-istandards tal-awditjar applikabbli fi Stat Membru jew ma’ standard ekwivalenti. Jekk dan ma jkunx il-każ, l-informazzjoni li ġejja trid tiġi inkluża fil-Prospett tal-Ħruġ tal-UE dwar it-Tkabbir:

(i)

dikjarazzjoni prominenti li tiżvela liema standards tal-awditjar ġew applikati;

(ii)

spjegazzjoni ta’ kwalunkwe nuqqas ta’ osservanza sinifikanti mill-Istandards Internazzjonali tal-Awditjar.

Meta rapporti tal-awditjar dwar id-dikjarazzjonijiet finanzjarji annwali jkunu ġew irrifjutati mill-awdituri statutorji jew fejn ikun fihom kwalifiki, modifiki ta’ opinjoni, dikjarazzjonijiet ta’ ċaħda jew osservazzjonijiet, trid tingħata r-raġuni, u dawn il-kwalifiki, il-modifiki, id-dikjarazzjonijiet ta’ ċaħda jew l-osservazzjonijiet iridu jiġu riprodotti fl-intier tagħhom.

Deskrizzjoni ta’ kull bidla sinifikanti fil-pożizzjoni finanzjarja tal-grupp li seħħet mit-tmiem tal-aħħar perjodu finanzjarju li għalih ikunu ġew ippubblikati dikjarazzjonijiet finanzjarji awditjati jew inkella informazzjoni finanzjarja interim trid tiġi inkluża wkoll, jew trid tiġi pprovduta dikjarazzjoni negattiva xierqa.

Meta applikabbli, trid tiġi inkluża wkoll informazzjoni pro forma.

IX. Rapport ta’ ġestjoni li jinkludi, meta applikabbli, ir-rapportar dwar is-sostenibbiltà (emittenti b’kapitalizzazzjoni tas-suq ta’ aktar minn EUR 200 000 000 biss)

Ir-rapport ta’ ġestjoni kif imsemmi fil-Kapitoli 5 u 6 tad-Direttiva 2013/34/UE għall-perjodi koperti mill-informazzjoni finanzjarja storika li jinkludi, meta applikabbli, ir-rapportar dwar is-sostenibbiltà, irid jiġi alternattivament inkorporat b’referenza jew inkella l-informazzjoni li jkun fih trid tiġi inkluża fil-Prospett tal-Ħruġ tal-UE dwar it-Tkabbir.

Dan ir-rekwiżit japplika biss għall-emittenti b’kapitalizzazzjoni tas-suq ta’ aktar minn EUR 200 000 000 .

X. Il-politika tad-dividendi

Deskrizzjoni tal-politika tal-emittent dwar id-distribuzzjonijiet tad-dividendi u kwalunkwe restrizzjoni attwali fuqhom, kif ukoll dwar ir-riakkwist ta’ ishma.

XI. Dettalji tal-offerta jew tal-ammissjoni għan-negozjar

Jiġu stipulati l-prezz tal-offerta, l-għadd ta’ ishma offruti, l-ammont tal-ħruġ jew tal-offerta, il-kundizzjonijiet li għalihom hija soġġetta l-offerta, u l-proċedura għall-eżerċizzju ta’ kwalunkwe jedd ta’ prelazzjoni. Jekk l-ammont ma jkunx stabbilit, indikazzjoni tal-ammont massimu tal-ishma li għandhom jiġu offruti (jekk disponibbli) u deskrizzjoni tal-arranġamenti u l-perjodu ta’ żmien biex jinfurmaw lill-pubbliku l-ammont definittiv tal-offerta.

Tiġi pprovduta informazzjoni dwar fejn l-investituri jistgħu jissottoskrivu għall-ishma jew jeżerċitaw id-dritt tagħhom ta’ prelazzjoni, it-tul tal-perjodu tal-offerta, inkluż kwalunkwe emenda possibbli għalihom, u deskrizzjoni tal-proċess tal-applikazzjoni flimkien mad-data tal-ħruġ ta’ ishma ġodda.

Sa fejn ikun jaf l-emittent, tiġi pprovduta informazzjoni dwar jekk l-azzjonisti ewlenin jew il-membri tal-korpi tal-maniġment, superviżorji jew amministrattivi tal-emittent għandhomx l-intenzjoni li jissottoskrivu għall-offerta, jew jekk xi persuna jkollhiex l-intenzjoni li tissottoskrivi għal aktar minn 5 % tal-offerta.

Jiġi ppreżentat kwalunkwe impenn sod għas-sottoskrizzjoni għal aktar minn 5 % tal-offerta u l-karatteristiċi materjali kollha tal-ftehimiet ta’ sottoskrizzjoni u ta’ pjazzament, inkluż l-isem u l-indirizz tal-entitajiet li jaqblu li jissottoskrivu jew iqiegħdu l-ħruġ fuq il-bażi ta’ impenn sod jew skont arranġamenti tal-“aħjar sforzi” u l-kwoti.

Meta applikabbli, jiġi indikat is-suq tat-tkabbir tal-SMEs jew l-MTF fejn it-titoli għandhom jiġu ammessi għan-negozjar u, jekk ikunu magħrufin, l-aktar dati bikrin li fihom it-titoli ser jiġu ammessi għan-negozjar.

Meta applikabbli, id-dettalji ta’ kwalunkwe entità li għandha impenn sod li taġixxi bħala intermedjarja f’negozjar sekondarju, billi tipprovdi likwidità permezz ta’ rati ta’ offerta, u deskrizzjoni tat-termini ewlenin tal-impenn tagħha.

XII. Informazzjoni essenzjali dwar l-ishma

Tiġi pprovduta l-informazzjoni essenzjali li ġejja dwar l-ishma offruti lill-pubbliku:

(i)

deskrizzjoni tat-tip, il-klassi u l-ammont tal-ishma li qed jiġu offruti lill-pubbliku;

(ii)

in-numru internazzjonali għall-identifikazzjoni tat-titoli (ISIN);

(iii)

id-drittijiet marbutin mal-ishma, il-proċedura għall-eżerċizzju ta’ dawk id-drittijiet u kwalunkwe limitu ta’ dawk id-drittijiet;

(iv)

fejn applikabbli, l-informazzjoni msemmija fl-Artikolu 5 tad-Direttiva (UE) 2024/2810 tal-Parlament Ewropew u tal-Kunsill;

(v)

il-prezz li bih ser jiġu offruti t-titoli jew, jekk il-prezz mhux magħruf, indikazzjoni tal-prezz massimu jew deskrizzjoni tal-metodu li bih ser jiġi ddeterminat il-prezz, skont l-Artikolu 17 ta’ dan ir-Regolament u l-proċess għall-iżvelar tiegħu;

(vi)

twissija li l-leġiżlazzjoni tat-taxxa tal-Istat Membru tal-investitur u tal-pajjiż tal-inkorporazzjoni tal-emittent jista’ jkollha impatt fuq l-introjtu riċevut mill-ishma; u

(vii)

meta applikabbli, informazzjoni dwar it-titoli sottostanti u, meta applikabbli, l-emittent tat-titoli sottostanti.

XIII. Raġunijiet għall-offerta u l-użu tar-rikavati

Tiġi pprovduta informazzjoni dwar ir-raġunijiet għall-offerta u, meta applikabbli, l-ammont nett stmat tar-rikavati diżaggregat f’kull użu intenzjonat prinċipali u ppreżentat skont l-ordni tal-prijorità ta’ dawn l-użi.

Meta l-emittent ikun konxju li r-rikavati antiċipati ma humiex ser ikunu biżżejjed sabiex jiffinanzjaw l-użi proposti kollha, jeħtieġlu jiddikjara l-ammont u s-sorsi tal-fondi l-oħrajn meħtieġa. Iridu jingħataw ukoll dettalji fir-rigward tal-użu tar-rikavati, b’mod partikolari meta r-rikavati jintużaw għall-akkwist tal-assi, għajr fil-perkors normali tan-negozju, sabiex jiġu ffinanzjati akkwisti mħabbrin ta’ negozju ieħor, jew sabiex jiġi rrilaxxat, jitnaqqas jew jiġi rtirat id-dejn.

Tiġi pprovduta spjegazzjoni ta’ kif ir-rikavati mill-offerta jallinjaw mal-istrateġija tan-negozju u mal-objettivi strateġiċi.

XIV. Dikjarazzjoni tal-kapital operatorju

Dikjarazzjoni mill-emittent, li fl-opinjoni tiegħu, il-kapital operatorju huwa suffiċjenti għar-rekwiżiti preżenti tal-emittent jew, jekk le, kif l-emittent jipproponi li jipprovdi l-kapital operatorju addizzjonali meħtieġ.

XV. Kunflitti ta’ interess

Tiġi pprovduta informazzjoni dwar kwalunkwe interess relatat mal-ħruġ, inkluż kunflitti ta’ interess, u b’dettalji tal-persuni involuti u n-natura tal-interess.

XVI. Dilwizzjoni u parteċipazzjoni azzjonarja wara l-ħruġ

Jiġi ppreżentat paragun bejn il-parteċipazzjoni fil-kapital azzjonarju u tad-drittijiet tal-vot għall-azzjonisti eżistenti qabel u wara ż-żieda fil-kapital li tirriżulta mill-offerta lill-pubbliku, bis-suppożizzjoni li l-azzjonisti eżistenti ma jissottoskrivux għall-ishma l-ġodda u, separatament, bis-suppożizzjoni li l-azzjonisti eżistenti jeżerċitaw l-intitolament tagħhom.

XVII. Dokumenti disponibbli

Indikazzjoni fuq is-sit web dwar liema dokumenti jistgħu jiġu spezzjonati.

Dikjarazzjoni li tindika li, matul it-terminu tal-Prospett tal-Ħruġ tal-UE dwar it-Tkabbir, jistgħu jiġu spezzjonati d-dokumenti li ġejjin, meta jkun applikabbli:

(i)

il-memorandum u l-istatut ta’ assoċjazzjoni aġġornati tal-emittent;

(ii)

ir-rapporti, l-ittri, u d-dokumenti l-oħrajn kollha, il-valwazzjonijiet u d-dikjarazzjonijiet imħejjin minn espert fuq talba tal-emittent, li kwalunkwe parti minnhom tkun inkluża jew imsemmija fil-Prospett tal-Ħruġ dwar it-Tkabbir tal-UE.

ANNESS VIII INFORMAZZJONI LI GĦANDHA TIĠI INKLUŻA FIL-PROSPETT TAL-ĦRUĠ TAL-UE DWAR IT-TKABBIR GĦAL TITOLI GĦAJR ISHMA JEW TITOLI TRASFERIBBLI EKWIVALENTI GĦAL ISHMA FIL-KUMPANIJI

ANNESS VIII

INFORMAZZJONI LI GĦANDHA TIĠI INKLUŻA FIL-PROSPETT TAL-ĦRUĠ TAL-UE DWAR IT-TKABBIR GĦAL TITOLI GĦAJR ISHMA JEW TITOLI TRASFERIBBLI EKWIVALENTI GĦAL ISHMA FIL-KUMPANIJI

I. Sommarju

Il-Prospett tal-Ħruġ tal-UE dwar it-Tkabbir għandu jinkludi sommarju mfassal f’konformità mal-Artikolu 7(12a).

II. Informazzjoni dwar l-emittent

Tiġi identifikata l-kumpanija li toħroġ it-titoli, inkluż il-post tar-reġistrazzjoni tal-emittent, in-numru tar-reġistrazzjoni u l-identifikatur tal-entità ġuridika (“LEI”) tiegħu, l-isem legali u kummerċjali tiegħu, il-leġiżlazzjoni li jopera taħtha l-emittent, il-pajjiż tal-inkorporazzjoni tiegħu, l-indirizz, in-numru tat-telefown tal-uffiċċju reġistrat tiegħu (jew il-post prinċipali ta’ negozju jekk ikun differenti mill-uffiċċju reġistrat tiegħu) u s-sit web, jekk ikun hemm, b’dikjarazzjoni ta’ ċaħda ta’ responsabbiltà li l-informazzjoni fuq is-sit web ma tifformax parti mill-Prospett tal-Ħruġ tal-UE dwar it-Tkabbir dment li dik l-informazzjoni ma tkunx inkorporata b’referenza fil-Prospett tal-Ħruġ tal-UE dwar it-Tkabbir.

Kwalunkwe avveniment reċenti partikolari għall-emittent u li huwa ta’ portata materjali rilevanti għal evalwazzjoni tas-solvibbiltà tal-emittent.

Meta applikabbli, il-klassifikazzjonijiet tal-kreditu assenjati lill-emittent fuq it-talba jew bil-kooperazzjoni tal-emittent fil-proċess tal-klassifikazzjoni.

III. Dikjarazzjoni ta’ responsabbiltà u dikjarazzjoni dwar l-awtorità kompetenti

A Dikjarazzjoni ta’ responsabbiltà

Jiġu identifikati l-persuni responsabbli għat-tfassil tal-Prospett tal-Ħruġ tal-UE dwar it-Tkabbir u tiġi inkluża dikjarazzjoni minn dawk il-persuni li, sa fejn jafu huma, l-informazzjoni li tinsab fil-Prospett tal-Ħruġ tal-UE dwar it-Tkabbir hija f’konformità mal-fatti u li l-Prospett tal-Ħruġ tal-UE dwar it-Tkabbir ma jagħmel l-ebda ommissjoni li x’aktarx taffettwa t-tifsira tiegħu.

Meta applikabbli, id-dikjarazzjoni trid tinkludi informazzjoni li toriġina minn partijiet terzi, inkluż is-sors(i) ta’ dik l-informazzjoni, u dikjarazzjonijiet jew rapporti attribwiti lil persuna bħala espert u d-dettalji li ġejjin ta’ dik il-persuna:

(i)

l-isem;

(ii)

l-indirizz tan-negozju;

(iii)

il-kwalifiki; u

(iv)

l-interess materjali fl-emittent (jekk ikun hemm).

B. Dikjarazzjoni dwar l-awtorità kompetenti

Id-dikjarazzjoni trid tindika l-awtorità kompetenti li tkun approvat, f’konformità ma’ dan ir-Regolament, il-Prospett tal-Ħruġ tal-UE dwar it-Tkabbir, tispeċifika li tali approvazzjoni ma hijiex approvazzjoni tal-emittent u lanqas tal-kwalità tat-titoli relatati mal-Prospett tal-Ħruġ tal-UE dwar it-Tkabbir, li l-awtorità kompetenti approvat biss il-Prospett tal-Ħruġ tal-UE dwar it-Tkabbir bħala li jissodisfa l-istandards ta’ kompletezza, ta’ komprensibbiltà u ta’ konsistenza imposti minn dan ir-Regolament, u tispeċifika li l-Prospett tal-Ħruġ tal-UE dwar it-Tkabbir tfassal f’konformità mal-Artikolu 15a.

IV. Fatturi ta’ riskju

Deskrizzjoni tar-riskji materjali, f’għadd limitat ta’ kategoriji, li huma speċifiċi għall-emittent u deskrizzjoni tar-riskji materjali, f’għadd limitat ta’ kategoriji, li huma speċifiċi għat-titoli li jiġu offruti lill-pubbliku, fit-taqsima intitolata “Fatturi ta’ Riskju”.

Ir-riskji għandhom jiġu kkorroborati mill-kontenut tal-Prospett tal-Ħruġ tal-UE dwar it-Tkabbir.

V. Strateġija ta’ tkabbir u ħarsa ġenerali lejn in-negozju

Deskrizzjoni qasira tal-istrateġija tan-negozju tal-emittent, inkluż il-potenzjal tat-tkabbir.

Deskrizzjoni tal-attivitajiet prinċipali tal-emittent, li jinkludu:

(i)

il-kategoriji prinċipali ta’ prodotti mibjugħin u/jew ta’ servizzi mwettqin;

(ii)

indikazzjoni ta’ kwalunkwe prodott, servizz jew attività ġdida sinifikanti;

(iii)

is-swieq prinċipali li fihom jikkompeti l-emittent.

VI. Struttura organizzazzjonali

Jekk l-emittent huwa parti minn grupp u meta ma jkunx kopert xi mkien ieħor fil-Prospett tal-Ħruġ tal-UE dwar it-Tkabbir u sal-punt neċessarju għal fehim tan-negozju tal-emittent fis-sħuħija tiegħu, dijagramma tal-istruttura organizzazzjonali.

VII. Governanza korporattiva

Tiġi pprovduta deskrizzjoni qasira tal-prattiki u tal-governanza tal-bord.

Jiġu pprovduti l-ismijiet, l-indirizzi tan-negozju u l-funzjonijiet fl-emittent tal-persuni li ġejjin u indikazzjoni tal-attivitajiet prinċipali mwettqin minnhom, lil hinn minn dak l-emittent meta dawk l-attivitajiet ikunu sinifikanti fir-rigward ta’ dak l-emittent:

(i)

il-membri tal-korpi amministrattivi, maniġerjali u/jew superviżorji;

(ii)

is-sħab b’responsabbiltà illimitata, fil-każ ta’ sħubija limitata b’kapital azzjonarju.

VIII. Informazzjoni finanzjarja

Id-dikjarazzjonijiet finanzjarji (annwali u kull sitt xhur) ippubblikati matul il-perjodu ta’ 12-il xahar qabel l-approvazzjoni tal-Prospett tal-Ħruġ tal-UE dwar it-Tkabbir. Meta jkunu ġew ippubblikati kemm id-dikjarazzjonijiet finanzjarji annwali kif ukoll dawk ta’ kull sitt xhur, id-dikjarazzjonijiet annwali biss iridu jkunu meħtieġa jekk dawn ikunu saru wara d-dikjarazzjonijiet finanzjarji ta’ kull sitt xhur.

Id-dikjarazzjonijiet finanzjarji annwali jridu jiġu awditjati b’mod indipendenti. Ir-rapport tal-awditjar irid jitħejja f’konformità mad-Direttiva 2006/43/KE u mar-Regolament (UE) Nru 537/2014.

Meta d-Direttiva 2006/43/KE u r-Regolament (UE) Nru 537/2014 ma japplikawx, id-dikjarazzjonijiet finanzjarji annwali jridu jiġu awditjati jew irrapportati fir-rigward ta’ jekk, għall-finijiet tal- Prospett tal-Ħruġ tal-UE dwar it-Tkabbir, jagħtux opinjoni vera u ġusta jew le f’konformità mal-istandards tal-awditjar applikabbli fi Stat Membru jew ma’ standard ekwivalenti. Jekk dan ma jkunx il-każ, l-informazzjoni li ġejja trid tiġi inkluża fil-Prospett tal-Ħruġ tal-UE dwar it-Tkabbir:

(i)

dikjarazzjoni prominenti li tiżvela liema standards tal-awditjar ġew applikati;

(ii)

spjegazzjoni ta’ kwalunkwe nuqqas ta’ osservanza sinifikanti mill-Istandards Internazzjonali tal-Awditjar.

Meta rapporti tal-awditjar dwar id-dikjarazzjonijiet finanzjarji annwali jkunu ġew irrifjutati mill-awdituri statutorji jew fejn ikun fihom kwalifiki, modifiki ta’ opinjoni, dikjarazzjonijiet ta’ ċaħda jew osservazzjonijiet, trid tingħata r-raġuni, u dawn il-kwalifiki, il-modifiki, id-dikjarazzjonijiet ta’ ċaħda jew l-osservazzjonijiet iridu jiġu riprodotti fl-intier tagħhom.

Deskrizzjoni ta’ kull bidla sinifikanti fil-pożizzjoni finanzjarja tal-grupp li seħħet mit-tmiem tal-aħħar perjodu finanzjarju li għalih ikunu ġew ippubblikati dikjarazzjonijiet finanzjarji awditjati jew inkella informazzjoni finanzjarja interim trid tiġi inkluża wkoll, jew trid tiġi pprovduta dikjarazzjoni negattiva xierqa.

IX. Dettalji tal-offerta jew tal-ammissjoni għan-negozjar

Jiġu stipulati l-prezz tal-offerta, l-għadd ta’ titoli offruti, l-ammont tal-ħruġ jew tal-offerta u l-kundizzjonijiet li għalihom hija soġġetta l-offerta. Jekk l-ammont ma jkunx fiss, indikazzjoni tal-ammont massimu tat-titoli li ser jiġu offruti (jekk disponibbli) u deskrizzjoni tal-arranġamenti u tal-perjodu taż-żmien sabiex jitħabbar l-ammont definittiv tal-offerta lill-pubbliku.

Tiġi pprovduta informazzjoni dwar fejn l-investituri jistgħu jissottoskrivu għat-titoli, it-tul tal-perjodu tal-offerta, inkluż kwalunkwe emenda possibbli għalihom, u deskrizzjoni tal-proċess tal-applikazzjoni flimkien mad-data tal-ħruġ ta’ titoli ġodda.

L-isem u l-indirizz tal-entitajiet li jaqblu li jissottoskrivu l-ħruġ fuq bażi ta’ impenn sod, u l-isem u l-indirizz tal-entitajiet li jaqblu li jpoġġu l-ħruġ mingħajr impenn sod jew skont arranġamenti tal-“aħjar sforzi”. Indikazzjoni tal-karatteristiċi materjali tal-ftehimiet, inkluż il-kwoti. Meta mhux il-ħruġ kollu jkun ġie sottoskritt, dikjarazzjoni tal-porzjon li ma jkunx ġie kopert. Indikazzjoni tal-ammont globali tal-kummissjoni tas-sottoskrizzjoni u tal-kummissjoni tat-tqegħid.

Meta applikabbli, jiġi indikat is-suq tat-tkabbir tal-SMEs jew l-MTF fejn it-titoli għandhom jiġu ammessi għan-negozjar u, jekk ikunu magħrufin, l-aktar dati bikrin li fihom it-titoli ser jiġu ammessi għan-negozjar.

Meta applikabbli, id-dettalji tal-entitajiet li għandhom impenn sod li jaġixxu bħala intermedjarji f’negozjar sekondarju, billi jipprovdu likwidità permezz ta’ rati ta’ offerta, u deskrizzjoni tat-termini ewlenin tal-impenn tagħhom.

X. Informazzjoni essenzjali dwar it-titoli

L-iskop ta’ din it-taqsima huwa li jiġi pprovdut li l-informazzjoni essenzjali dwar it-titoli għandha tinkludi dan li ġej:

(i)

in-numru internazzjonali għall-identifikazzjoni tat-titoli (ISIN);

(ii)

id-drittijiet marbuta mat-titoli, il-proċedura għall-eżerċizzju ta’ dawk id-drittijiet u kwalunkwe limitu ta’ dawk id-drittijiet;

(iii)

il-prezz li bih ser jiġu offruti t-titoli jew, jekk il-prezz mhux magħruf, indikazzjon tal-prezz massimu jew deskrizzjoni tal-metodu li bih ser jiġi ddeterminat il-prezz, skont l-Artikolu 17 ta’ dan ir-Regolament, u l-proċess għall-iżvelar tiegħu;

(iv)

informazzjoni dwar l-imgħax pagabbli jew deskrizzjoni tas-sottostanti, inkluż il-metodu użat sabiex issir relazzjoni bejn is-sottostanti u r-rata, u indikazzjoni ta’ fejn tista’ tinkiseb informazzjoni dwar il-prestazzjoni tal-passat u dik futura tas-sottostanti u l-volatilità tiegħu;

(v)

deskrizzjoni tat-tip, tal-klassi u l-ammont ta’ titoli li qed jiġu offruti lill-pubbliku;

(vi)

twissija li l-leġiżlazzjoni tat-taxxa tal-Istat Membru tal-investitur u tal-pajjiż tal-inkorporazzjoni tal-emittent jista’ jkollha impatt fuq l-introjtu riċevut mit-titoli; u

(vii)

meta applikabbli, informazzjoni dwar it-titoli sottostanti u, meta applikabbli, l-emittent tat-titoli sottostanti.

XI. Ir-raġunijiet għall-offerta, l-użu tar-rikavati u, meta applikabbli, l-informazzjoni relatata mal-ESG

Tiġi pprovduta informazzjoni dwar ir-raġunijiet għall-offerta u, meta applikabbli, l-ammont nett stmat tar-rikavati diżaggregat f’kull użu intenzjonat prinċipali u ppreżentat skont l-ordni tal-prijorità ta’ dawn l-użi.

Meta l-emittent ikun konxju li r-rikavati antiċipati ma humiex ser ikunu biżżejjed sabiex jiffinanzjaw l-użi proposti kollha, jeħtieġlu jiddikjara l-ammont u s-sorsi tal-fondi l-oħrajn meħtieġa. Iridu jingħataw ukoll dettalji fir-rigward tal-użu tar-rikavati, b’mod partikolari meta r-rikavati jintużaw għall-akkwist tal-assi, għajr fil-perkors normali tan-negozju, sabiex jiġu ffinanzjati akkwisti mħabbrin ta’ negozju ieħor, jew sabiex jiġi rrilaxxat, jitnaqqas jew jiġi rtirat id-dejn.

Meta applikabbli, informazzjoni relatata mal-ESG f’konformità mal-iskeda kif speċifikata aktar fl-att delegat imsemmi fl-Artikolu 13(1), l-ewwel subparagrafu, filwaqt li jitqiesu l-kundizzjonijiet stabbiliti fl-Artikolu 13(1), it-tieni subparagrafu, il-punt (g).

XII. Kunflitti ta’ interess

Tiġi pprovduta informazzjoni dwar kwalunkwe interess relatat mal-ħruġ, inkluż kunflitti ta’ interess, u b’dettalji tal-persuni involuti u n-natura tal-interess.

XIII. Dokumenti disponibbli

Dikjarazzjoni li tindika li, matul it-terminu tal-Prospett tal-Ħruġ tal-UE dwar it-Tkabbir, jistgħu jiġu spezzjonati d-dokumenti li ġejjin, meta jkun applikabbli:

(i)

il-memorandum u l-istatut ta’ assoċjazzjoni aġġornati tal-emittent;

(ii)

ir-rapporti, l-ittri, u d-dokumenti l-oħrajn kollha, il-valwazzjonijiet u d-dikjarazzjonijiet imħejjija minn espert fuq talba tal-emittent, li kwalunkwe parti minnhom tkun inkluża jew imsemmija fil-Prospett tal-Ħruġ tal-UE dwar it-Tkabbir.

Indikazzjoni fuq is-sit web dwar liema dokumenti jistgħu jiġu spezzjonati.

ANNESS IX INFORMAZZJONI LI GĦANDHA TIĠI INKLUŻA FID-DOKUMENT IMSEMMI FL-ARTIKOLU 1(4), L-EWWEL SUBPARAGRAFU, IL-PUNTI (DA) U (DB), U FL-ARTIKOLU 1(5), L-EWWEL SUBPARAGRAFU, IL-PUNT (BA)

ANNESS IX

INFORMAZZJONI LI GĦANDHA TIĠI INKLUŻA FID-DOKUMENT IMSEMMI FL-ARTIKOLU 1(4), L-EWWEL SUBPARAGRAFU, IL-PUNTI (DA) U (DB), U FL-ARTIKOLU 1(5), L-EWWEL SUBPARAGRAFU, IL-PUNT (BA)

I. L-isem tal-emittent (inkluż il-LEI tiegħu), il-pajjiż ta’ inkorporazzjoni, il-link tas-sit elettroniku tal-emittent.

II. Dikjarazzjoni minn dawk responsabbli għad-dokument li, sa fejn jafu huma, l-informazzjoni li tinsab fid-dokument hija konformi mal-fatti u li d-dokument ma fih l-ebda ommissjoni li x’aktarx taffettwa t-tifsira tiegħu.

III. L-isem tal-awtorità kompetenti tal-Istat Membru ta’ domiċilju f’konformità mal-Artikolu 20. Dikjarazzjoni li d-dokument ma jikkostitwixxix prospett skont it-tifsira ta’ dan ir-Regolament u li d-dokument ma kienx soġġett għall-iskrutinju u għall-approvazzjoni mill-awtorità kompetenti tal-Istat Membru ta’ domiċilju.

IV. Dikjarazzjoni ta’ konformità kontinwa mal-obbligi ta’ rapportar u ta’ żvelar matul il-perjodu ta’ ammissjoni għan-negozjar, inkluż skont id-Direttiva 2004/109/KE, meta tkun applikabbli, ir-Regolament (UE) Nru 596/2014 u, meta jkun applikabbli, ir-Regolament Delegat (UE) 2017/565.

V. Indikazzjoni ta’ fejn tkun disponibbli l-informazzjoni regolata ppubblikata mill-emittent skont l-obbligi ta’ żvelar kontinwi u, meta applikabbli, fejn jista’ jinkiseb l-aktar prospett reċenti.

VI. Meta jkun hemm offerta ta’ titoli għall-pubbliku, dikjarazzjoni li, fiż-żmien tal-offerta, l-emittent ma jkunx qiegħed jittardja l-iżvelar ta’ informazzjoni privileġġata skont ir-Regolament (UE) Nru 596/2014.

VII. Ir-raġuni għall-ħruġ u l-użu tar-rikavati.

VIII. Il-fatturi ta’ riskju speċifiċi għall-emittent.

IX. Il-karatteristiċi tat-titoli (inkluż l-ISIN tagħhom).

X. Għall-ishma, id-dilwizzjoni u l-parteċipazzjoni azzjonarja wara l-ħruġ.

XI. Meta jkun hemm offerta ta’ titoli għall-pubbliku, it-termini u l-kundizzjonijiet tal-offerta.

XII. Meta applikabbli, kwalunkwe suq regolat jew suq ta’ tkabbir tal-SMEs fejn it-titoli funġibbli bit-titoli li għandhom jiġu offruti lill-pubbliku jew li għandhom jiġu ammessi għan-negozjar f’suq regolat diġà jkunu ammessi għan-negozjar.

REGOLAMENT (UE) 2017/1129 TAL-PARLAMENT EWROPEW U TAL-KUNSILL tal-14 ta' Ġunju 2017 dwar il-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f'suq regolat, u li jħassar id-Direttiva 2003/71/KE (Test b’rilevanza għaż-ŻEE)

1. Ħarsa ġenerali

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

3. Standards relatati