+REGOLAMENT (UE) 2023/1542 TAL-PARLAMENT EWROPEW U TAL-KUNSILL tat-12 ta’ Lulju 2023 dwar il-batteriji u l-iskart ta’ batteriji, li jemenda d-Direttiva 2008/98/KE u r-Regolament (UE) 2019/1020 u li jħassar id-Direttiva 2006/66/KE (Test b’rilevanza għaż-ŻEE)
---+KAPITOLU I Dispożizzjonijiet ġenerali
------+Artikolu 1 Suġġett u kamp ta’ applikazzjoni
---------+Artikolu 1 1.
---------+Artikolu 1 2.
---------+Artikolu 1 3.
---------+Artikolu 1 4.
---------+Artikolu 1 5.
---------+Artikolu 1 6.
------+Artikolu 2 Objettivi
------+Artikolu 3 Definizzjonijiet
---------+Artikolu 3 1.
---------+Artikolu 3 2.
------+Artikolu 4 Moviment liberu
---------+Artikolu 4 1.
---------+Artikolu 4 2.
------+Artikolu 5 Rekwiżiti ta’ sostenibbiltà, sikurezza, tikkettar u informazzjoni għall-batteriji
---------+Artikolu 5 1.
---------+Artikolu 5 2.
---+KAPITOLU II Rekwiżiti ta’ sostenibbiltà u sikurezza
------+Artikolu 6 Restrizzjonijiet fuq sustanzi
---------+Artikolu 6 1.
---------+Artikolu 6 2.
---------+Artikolu 6 3.
---------+Artikolu 6 4.
---------+Artikolu 6 5.
------+Artikolu 7 L-impronta tal-karbonju tal-batteriji tal-vetturi elettriċi, il-batteriji industrijali rikarikabbli u l-batteriji LMT
---------+Artikolu 7 1.
---------+Artikolu 7 2.
---------+Artikolu 7 3.
---------+Artikolu 7 4.
---------+Artikolu 7 5.
------+Artikolu 8 Kontenut riċiklat f’batteriji industrijali, batteriji tal-vetturi elettriċi, batteriji LMT u batteriji SLI
---------+Artikolu 8 1.
---------+Artikolu 8 2.
---------+Artikolu 8 3.
---------+Artikolu 8 4.
---------+Artikolu 8 5.
---------+Artikolu 8 6.
------+Artikolu 9 Ir-rekwiżiti ta’ prestazzjoni u durabbiltà għall-batteriji portabbli ta’ użu ġenerali
---------+Artikolu 9 1.
---------+Artikolu 9 2.
---------+Artikolu 9 3.
------+Artikolu 10 Ir-rekwiżiti ta’ prestazzjoni u ta’ durabbiltà għall-batteriji industrijali rikarikabbli, batteriji LMT u l-batteriji tal-vetturi elettriċi
---------+Artikolu 10 1.
---------+Artikolu 10 2.
---------+Artikolu 10 3.
---------+Artikolu 10 4.
---------+Artikolu 10 5.
---------+Artikolu 10 6.
------+Artikolu 11 Il-possibbiltà li l-batteriji portabbli u l-batteriji LMT jinqalgħu u jiġu sostitwiti
---------+Artikolu 11 1.
---------+Artikolu 11 2.
---------+Artikolu 11 3.
---------+Artikolu 11 4.
---------+Artikolu 11 5.
---------+Artikolu 11 6.
---------+Artikolu 11 7.
---------+Artikolu 11 8.
---------+Artikolu 11 9.
------+Artikolu 12 Is-sikurezza tas-sistemi għall-ħżin tal-enerġija f’batteriji stazzjonarji
---------+Artikolu 12 1.
---------+Artikolu 12 2.
---------+Artikolu 12 3.
---+KAPITOLU III Rekwiżiti ta’ tikkettar, immarkar u informazzjoni
------+Artikolu 13 Tikkettar u mmarkar tal-batteriji
---------+Artikolu 13 1.
---------+Artikolu 13 2.
---------+Artikolu 13 3.
---------+Artikolu 13 4.
---------+Artikolu 13 5.
---------+Artikolu 13 6.
---------+Artikolu 13 7.
---------+Artikolu 13 8.
---------+Artikolu 13 9.
---------+Artikolu 13 10.
------+Artikolu 14 Informazzjoni dwar l-istat tas-saħħa u tul tal-ħajja mistenni tal-batteriji
---------+Artikolu 14 1.
---------+Artikolu 14 2.
---------+Artikolu 14 3.
---------+Artikolu 14 4.
---------+Artikolu 14 5.
---+KAPITOLU IV Konformità tal-batteriji
------+Artikolu 15 Preżunzjoni tal-konformità tal-batteriji
---------+Artikolu 15 1.
---------+Artikolu 15 2.
---------+Artikolu 15 3.
------+Artikolu 16 Speċifikazzjonijiet komuni
---------+Artikolu 16 1.
---------+Artikolu 16 2.
---------+Artikolu 16 3.
------+Artikolu 17 Proċeduri ta’ valutazzjoni tal-konformità
---------+Artikolu 17 1.
---------+Artikolu 17 2.
---------+Artikolu 17 3.
---------+Artikolu 17 4.
------+Artikolu 18 Dikjarazzjoni ta’ konformità tal-UE
---------+Artikolu 18 1.
---------+Artikolu 18 2.
---------+Artikolu 18 3.
---------+Artikolu 18 4.
---------+Artikolu 18 5.
------+Artikolu 19 Prinċipji ġenerali tal-markatura CE
------+Artikolu 20 Ir-regoli u l-kondizzjonijiet għat-twaħħil tal-markatura CE
---------+Artikolu 20 1.
---------+Artikolu 20 2.
---------+Artikolu 20 3.
---------+Artikolu 20 4.
---------+Artikolu 20 5.
---+KAPITOLU V Notifika ta’ korpi ta’ valutazzjoni tal-konformità
------+Artikolu 21 Notifika
------+Artikolu 22 Awtoritajiet tan-notifika
---------+Artikolu 22 1.
---------+Artikolu 22 2.
---------+Artikolu 22 3.
---------+Artikolu 22 4.
------+Artikolu 23 Rekwiżiti relatati mal-awtoritajiet tan-notifika
---------+Artikolu 23 1.
---------+Artikolu 23 2.
---------+Artikolu 23 3.
---------+Artikolu 23 4.
---------+Artikolu 23 5.
---------+Artikolu 23 6.
------+Artikolu 24 Obbligu ta’ informazzjoni dwar l-awtoritajiet tan-notifika
------+Artikolu 25 Rekwiżiti marbuta mal-korpi nnotifikati
---------+Artikolu 25 1.
---------+Artikolu 25 2.
---------+Artikolu 25 3.
---------+Artikolu 25 4.
---------+Artikolu 25 5.
---------+Artikolu 25 6.
---------+Artikolu 25 7.
---------+Artikolu 25 8.
---------+Artikolu 25 9.
---------+Artikolu 25 10.
---------+Artikolu 25 11.
------+Artikolu 26 Preżunzjoni ta’ konformità tal-korpi nnotifikati
------+Artikolu 27 Sussidjarji ta’ korpi nnotifikati u sottokuntrattar minnhom
---------+Artikolu 27 1.
---------+Artikolu 27 2.
---------+Artikolu 27 3.
---------+Artikolu 27 4.
------+Artikolu 28 Applikazzjoni għal notifika
---------+Artikolu 28 1.
---------+Artikolu 28 2.
---------+Artikolu 28 3.
------+Artikolu 29 Proċedura ta’ notifika
---------+Artikolu 29 1.
---------+Artikolu 29 2.
---------+Artikolu 29 3.
---------+Artikolu 29 4.
---------+Artikolu 29 5.
---------+Artikolu 29 6.
------+Artikolu 30 Numri ta’ identifikazzjoni u listi ta’ korpi nnotifikati
---------+Artikolu 30 1.
---------+Artikolu 30 2.
------+Artikoli 31 Tibdil fin-notifiki
---------+Artikoli 31 1.
---------+Artikoli 31 2.
------+Artikolu 32 Kontestazzjoni għall-kompetenza ta’ korpi nnotifikati
---------+Artikolu 32 1.
---------+Artikolu 32 2.
---------+Artikolu 32 3.
---------+Artikolu 32 4.
------+Artikolu 33 Obbligi operazzjonali tal-korpi nnotifikati
---------+Artikolu 33 1.
---------+Artikolu 33 2.
---------+Artikolu 33 3.
---------+Artikolu 33 4.
---------+Artikolu 33 5.
------+Artikolu 34 Appell kontra deċiżjonijiet tal-korpi nnotifikati
------+Artikolu 35 Obbligu ta’ informazzjoni dwar korpi nnotifikati
---------+Artikolu 35 1.
---------+Artikolu 35 2.
------+Artikolu 36 Skambju ta’ esperjenza u prattika tajba
------+Artikolu 37 Koordinazzjoni ta’ korpi nnotifikati
---+KAPITOLU VI Obbligi tal-operaturi ekonomiċi minbarra l-obbligi fil-Kapitoli VII u VIII
------+Artikolu 38 Obbligi tal-manifatturi
---------+Artikolu 38 1.
---------+Artikolu 38 2.
---------+Artikolu 38 3.
---------+Artikolu 38 4.
---------+Artikolu 38 5.
---------+Artikolu 38 6.
---------+Artikolu 38 7.
---------+Artikolu 38 8.
---------+Artikolu 38 9.
---------+Artikolu 38 10.
---------+Artikolu 38 11.
------+Artikolu 39 Obbligi tal-fornituri ta’ ċelluli tal-batteriji u moduli ta’ batteriji
------+Artikolu 40 Obbligi tar-rappreżentanti awtorizzati
---------+Artikolu 40 1.
---------+Artikolu 40 2.
---------+Artikolu 40 3.
---------+Artikolu 40 4.
------+Artikolu 41 Obbligi tal-importaturi
---------+Artikolu 41 1.
---------+Artikolu 41 2.
---------+Artikolu 41 3.
---------+Artikolu 41 4.
---------+Artikolu 41 5.
---------+Artikolu 41 6.
---------+Artikolu 41 7.
---------+Artikolu 41 8.
------+Artikolu 42 Obbligi tad-distributuri
---------+Artikolu 42 1.
---------+Artikolu 42 2.
---------+Artikolu 42 3.
---------+Artikolu 42 4.
---------+Artikolu 42 5.
---------+Artikolu 42 6.
------+Artikolu 43 Obbligi tal-fornituri tas-servizzi ta’ ġestjoni
------+Artikolu 44 Każ fejn l-obbligi tal-manifatturi japplikaw għall-importaturi u d-distributuri
------+Artikolu 45 Obbligi tal-operaturi ekonomiċi li jqiegħdu fis-suq jew li jqiegħdu fis-servizz batteriji li kienu soġġetti għall-preparazzjoni għal użu mill-ġdid, preparazzjoni għall-adattament għal skop differenti, adattament għal skop differenti jew manifattura mill-ġdid
---------+Artikolu 45 1.
---------+Artikolu 45 2.
------+Artikolu 46 Identifikazzjoni tal-operaturi ekonomiċi
---------+Artikolu 46 1.
---------+Artikolu 46 2.
---+KAPITOLU VII Obbligi tal-operaturi ekonomiċi fir-rigward tal-politiki ta’ diliġenza dovuta tal-batteriji
------+Artikolu 47 Il-kamp ta’ applikazzjoni ta’ dan il-Kapitolu
------+Artikolu 48 Politiki ta’ diliġenza dovuta tal-batteriji
---------+Artikolu 48 1.
---------+Artikolu 48 2.
---------+Artikolu 48 3.
---------+Artikolu 48 4.
---------+Artikolu 48 5.
---------+Artikolu 48 6.
---------+Artikolu 48 7.
---------+Artikolu 48 8.
------+Artikolu 49 Sistema ta’ ġestjoni tal-operatur ekonomiku
---------+Artikolu 49 1.
---------+Artikolu 49 2.
------+Artikolu 50 Obbligi tal-ġestjoni f’każ ta’ riskju
---------+Artikolu 50 1.
---------+Artikolu 50 2.
---------+Artikolu 50 3.
---------+Artikolu 50 4.
------+Artikolu 51 Verifika minn parti terza ta’ politiki ta’ diliġenza dovuta għall-batteriji
---------+Artikolu 51 1.
---------+Artikolu 51 2.
------+Artikolu 52 Divulgazzjoni ta’ informazzjoni dwar politiki ta’ diliġenza dovuta tal-batteriji
---------+Artikolu 52 1.
---------+Artikolu 52 2.
---------+Artikolu 52 3.
---------+Artikolu 52 4.
------+Artikolu 53 Rikonoxximent ta’ skemi ta’ diliġenza dovuta
---------+Artikolu 53 1.
---------+Artikolu 53 2.
---------+Artikolu 53 3.
---------+Artikolu 53 4.
---------+Artikolu 53 5.
---------+Artikolu 53 6.
---------+Artikolu 53 7.
---------+Artikolu 53 8.
---+KAPITOLU VIII Immaniġġar tal-iskart ta’ batteriji
------+Artikolu 54 Awtorità kompetenti
---------+Artikolu 54 1.
---------+Artikolu 54 2.
---------+Artikolu 54 3.
---------+Artikolu 54 4.
------+Artikolu 55 Reġistru tal-produtturi
---------+Artikolu 55 1.
---------+Artikolu 55 2.
---------+Artikolu 55 3.
---------+Artikolu 55 4.
---------+Artikolu 55 5.
---------+Artikolu 55 6.
---------+Artikolu 55 7.
---------+Artikolu 55 8.
---------+Artikolu 55 9.
---------+Artikolu 55 10.
---------+Artikolu 55 11.
---------+Artikolu 55 12.
---------+Artikolu 55 13.
------+Artikolu 56 Responsabbiltà Estiża tal-Produttur
---------+Artikolu 56 1.
---------+Artikolu 56 2.
---------+Artikolu 56 3.
---------+Artikolu 56 4.
---------+Artikolu 56 5.
------+Artikolu 57 Organizzazzjoni b’Kompetenza fil-Qasam tar-Responsabbiltà tal-Produtturi
---------+Artikolu 57 1.
---------+Artikolu 57 2.
---------+Artikolu 57 3.
---------+Artikolu 57 4.
---------+Artikolu 57 5.
---------+Artikolu 57 6.
---------+Artikolu 57 7.
---------+Artikolu 57 8.
------+Artikolu 58 Awtorizzazzjoni dwar l-issodisfar ta’ responsabbiltà estiża tal-produtturi
---------+Artikolu 58 1.
---------+Artikolu 58 2.
---------+Artikolu 58 3.
---------+Artikolu 58 4.
---------+Artikolu 58 5.
---------+Artikolu 58 6.
---------+Artikolu 58 7.
------+Artikolu 59 Ġbir tal-iskart ta’ batteriji portabbli
---------+Artikolu 59 1.
---------+Artikolu 59 2.
---------+Artikolu 59 3.
---------+Artikolu 59 4.
---------+Artikolu 59 5.
---------+Artikolu 59 6.
---------+Artikolu 59 7.
------+Artikolu 60 Ġbir tal-iskart ta’ batteriji LMT
---------+Artikolu 60 1.
---------+Artikolu 60 2.
---------+Artikolu 60 3.
---------+Artikolu 60 4.
---------+Artikolu 60 5.
---------+Artikolu 60 6.
---------+Artikolu 60 7.
---------+Artikolu 60 8.
------+Artikolu 61 Ġbir tal-iskart ta’ batteriji SLI, l-iskart ta’ batteriji industrijali u l-iskart ta’ batteriji tal-vetturi elettriċi
---------+Artikolu 61 1.
---------+Artikolu 61 2.
---------+Artikolu 61 3.
---------+Artikolu 61 4.
------+Artikolu 62 Obbligi tad-distributuri
---------+Artikolu 62 1.
---------+Artikolu 62 2.
---------+Artikolu 62 3.
---------+Artikolu 62 4.
---------+Artikolu 62 5.
---------+Artikolu 62 6.
------+Artikolu 63 Sistemi ta’ depożitu għar-ritorn ta’ batteriji
------+Artikolu 64 Obbligi tal-utenti finali
---------+Artikolu 64 1.
---------+Artikolu 64 2.
------+Artikolu 65 Obbligi tal-operaturi ta’ faċilitajiet ta’ trattament
---------+Artikolu 65 1.
---------+Artikolu 65 2.
------+Artikolu 66 Parteċipazzjoni tal-awtoritajiet tal-immaniġġar tal-iskart pubbliku
---------+Artikolu 66 1.
---------+Artikolu 66 2.
------+Artikolu 67 Parteċipazzjoni tal-punti tal-ġbir volontarji
---------+Artikolu 67 1.
---------+Artikolu 67 2.
------+Artikolu 68 Restrizzjonijiet dwar it-trasferiment tal-iskart ta’ batteriji portabbli u skart ta’ batteriji LMT
---------+Artikolu 68 1.
---------+Artikolu 68 2.
------+Artikolu 69 Obbligi għall-Istati Membri rigward il-miri ta’ ġbir għall-iskart ta’ batteriji portabbli u l-iskart ta’ batteriji LMT
---------+Artikolu 69 1.
---------+Artikolu 69 2.
---------+Artikolu 69 3.
---------+Artikolu 69 4.
---------+Artikolu 69 5.
------+Artikolu 70 Trattament
---------+Artikolu 70 1.
---------+Artikolu 70 2.
---------+Artikolu 70 3.
---------+Artikolu 70 4.
---------+Artikolu 70 5.
------+Artikolu 71 Miri għall-effiċjenza tar-riċiklaġġ u l-irkupru ta’ materjali
---------+Artikolu 71 1.
---------+Artikolu 71 2.
---------+Artikolu 71 3.
---------+Artikolu 71 4.
---------+Artikolu 71 5.
---------+Artikolu 71 6.
------+Artikolu 72 Vjeġġi tal-iskart ta’ batteriji
---------+Artikolu 72 1.
---------+Artikolu 72 2.
---------+Artikolu 72 3.
---------+Artikolu 72 4.
------+Artikolu 73 Preparazzjoni għal użu mill-ġdid jew preparazzjoni għall-adattament għal skop differenti tal-iskart ta’ batteriji LMT, skart ta’ batteriji industrijali u skart ta’ batteriji tal-vetturi elettriċi
---------+Artikolu 73 1.
---------+Artikolu 73 2.
---------+Artikolu 73 3.
---------+Artikolu 73 4.
------+Artikolu 74 Informazzjoni dwar il-prevenzjoni u l-immaniġġar tal-iskart ta’ batteriji
---------+Artikolu 74 1.
---------+Artikolu 74 2.
---------+Artikolu 74 3.
---------+Artikolu 74 4.
---------+Artikolu 74 5.
---------+Artikolu 74 6.
---------+Artikolu 74 7.
------+Artikolu 75 Rekwiżiti minimi għar-rapportar lill-awtoritajiet kompetenti
---------+Artikolu 75 1.
---------+Artikolu 75 2.
---------+Artikolu 75 3.
---------+Artikolu 75 4.
---------+Artikolu 75 5.
---------+Artikolu 75 6.
---------+Artikolu 75 7.
---------+Artikolu 75 8.
---------+Artikolu 75 9.
------+Artikolu 76 Rapportar lill-Kummissjoni
---------+Artikolu 76 1.
---------+Artikolu 76 2.
---------+Artikolu 76 3.
---------+Artikolu 76 4.
---------+Artikolu 76 5.
---+KAPITOLU IX Passaport diġitali tal-batteriji
------+Artikolu 77 Passaport tal-batteriji
---------+Artikolu 77 1.
---------+Artikolu 77 2.
---------+Artikolu 77 3.
---------+Artikolu 77 4.
---------+Artikolu 77 5.
---------+Artikolu 77 6.
---------+Artikolu 77 7.
---------+Artikolu 77 8.
---------+Artikolu 77 9.
---------+Artikolu 77 10.
------+Artikolu 78 Disinn tekniku u t-tħaddim tal-passaport tal-batteriji
---+KAPITOLU X Sorveljanza tas-suq tal-Unjoni u proċeduri ta’ salvagwardja tal-Unjoni
------+Artikolu 79 Proċedura fil-livell nazzjonali għat-trattament tal-batteriji li jippreżentaw riskju
---------+Artikolu 79 1.
---------+Artikolu 79 2.
---------+Artikolu 79 3.
---------+Artikolu 79 4.
---------+Artikolu 79 5.
---------+Artikolu 79 6.
---------+Artikolu 79 7.
---------+Artikolu 79 8.
------+Artikolu 80 Proċedura ta’ salvagwardja tal-Unjoni
---------+Artikolu 80 1.
---------+Artikolu 80 2.
---------+Artikolu 80 3.
---------+Artikolu 80 4.
------+Artikolu 81 Batteriji konformi li jippreżentaw riskju
---------+Artikolu 81 1.
---------+Artikolu 81 2.
---------+Artikolu 81 3.
---------+Artikolu 81 4.
---------+Artikolu 81 5.
---------+Artikolu 81 6.
------+Artikolu 82 Azzjonijiet konġunti
------+Artikolu 83 Nuqqas ta’ konformità formali
---------+Artikolu 83 1.
---------+Artikolu 83 2.
------+Artikolu 84 Nuqqas ta’ konformità mal-obbligi tad-diliġenza dovuta
---------+Artikolu 84 1.
---------+Artikolu 84 2.
---+KAPITOLU XI Akkwist pubbliku ekoloġiku u proċedura biex jiġu emendati r-restrizzjonijiet fuq sustanzi
------+Artikolu 85 Akkwist pubbliku ekoloġiku
---------+Artikolu 85 1.
---------+Artikolu 85 2.
---------+Artikolu 85 3.
------+Artikolu 86 Proċedura ta’ restrizzjoni għas-sustanzi
---------+Artikolu 86 1.
---------+Artikolu 86 2.
---------+Artikolu 86 3.
---------+Artikolu 86 4.
---------+Artikolu 86 5.
---------+Artikolu 86 6.
---------+Artikolu 86 7.
---------+Artikolu 86 8.
---------+Artikolu 86 9.
---------+Artikolu 86 10.
---------+Artikolu 86 11.
------+Artikolu 87 Opinjoni tal-Kumitati tal-Aġenzija
---------+Artikolu 87 1.
---------+Artikolu 87 2.
---------+Artikolu 87 3.
---------+Artikolu 87 4.
---------+Artikolu 87 5.
---------+Artikolu 87 6.
------+Artikolu 88 Preżentazzjoni ta’ opinjoni lill-Kummissjoni
---------+Artikolu 88 1.
---------+Artikolu 88 2.
---------+Artikolu 88 3.
---+KAPITOLU XII Setgħat delegati u proċedura tal-kumitat
------+Artikolu 89 Eżerċizzju tad-delega
---------+Artikolu 89 1.
---------+Artikolu 89 2.
---------+Artikolu 89 3.
---------+Artikolu 89 4.
---------+Artikolu 89 5.
---------+Artikolu 89 6.
------+Artikolu 90 Proċedura tal-kumitat
---------+Artikolu 90 1.
---------+Artikolu 90 2.
---------+Artikolu 90 3.
---------+Artikolu 90 4.
---+KAPITOLU XIII Emendi
------+Artikolu 91 Emendi għar-Regolament (UE) 2019/1020
------+Artikolu 92 Emenda għad-Direttiva 2008/98/KE
---+KAPITOLU XIV Dispożizzjonijiet finali
------+Artikolu 93 Penali
------+Artikolu 94 Rieżami
---------+Artikolu 94 1.
---------+Artikolu 94 2.
---------+Artikolu 94 3.
---------+Artikolu 94 4.
---------+Artikolu 94 5.
---------+Artikolu 94 6.
------+Artikolu 95 Tħassir u regoli tranżizzjonali
------+Artikolu 96 Dħul fis-seħħ u applikazzjoni
---------+Artikolu 96 1.
---------+Artikolu 96 2.
---+ANNESS I
---+ANNESS II
---+ANNESS III
---+ANNESS IV
---+ANNESS V
---+ANNESS VI
---+ANNESS VII
---+ANNESS VIII
---+ANNESS IX
---+ANNESS X
---+ANNESS XI
---+ANNESS XII
---+ANNESS XIII
---+ANNESS XIV
---+ANNESS XV
 English - European Union - Environment -

REGOLAMENT (UE) 2023/1542 TAL-PARLAMENT EWROPEW U TAL-KUNSILL tat-12 ta’ Lulju 2023 dwar il-batteriji u l-iskart ta’ batteriji, li jemenda d-Direttiva 2008/98/KE u r-Regolament (UE) 2019/1020 u li jħassar id-Direttiva 2006/66/KE (Test b’rilevanza għaż-ŻEE)

REGOLAMENT (UE) 2023/1542 TAL-PARLAMENT EWROPEW U TAL-KUNSILL

tat-12 ta’ Lulju 2023

dwar il-batteriji u l-iskart ta’ batteriji, li jemenda d-Direttiva 2008/98/KE u r-Regolament (UE) 2019/1020 u li jħassar id-Direttiva 2006/66/KE

(Test b’rilevanza għaż-ŻEE)

Dan ir-Regolament għandu jorbot fl-intier tiegħu u japplika direttament fl-Istati Membri kollha.

1. Ħarsa ġenerali

,
KAPITOLU I Dispożizzjonijiet ġenerali KAPITOLU I Dispożizzjonijiet ġenerali
KAPITOLU II Rekwiżiti ta’ sostenibbiltà u sikurezza KAPITOLU II Rekwiżiti ta’ sostenibbiltà u sikurezza
KAPITOLU III Rekwiżiti ta’ tikkettar, immarkar u informazzjoni KAPITOLU III Rekwiżiti ta’ tikkettar, immarkar u informazzjoni
KAPITOLU IV Konformità tal-batteriji KAPITOLU IV Konformità tal-batteriji
KAPITOLU V Notifika ta’ korpi ta’ valutazzjoni tal-konformità KAPITOLU V Notifika ta’ korpi ta’ valutazzjoni tal-konformità
KAPITOLU VI Obbligi tal-operaturi ekonomiċi minbarra l-obbligi fil-Kapitoli VII u VIII KAPITOLU VI Obbligi tal-operaturi ekonomiċi minbarra l-obbligi fil-Kapitoli VII u VIII
KAPITOLU VII Obbligi tal-operaturi ekonomiċi fir-rigward tal-politiki ta’ diliġenza dovuta tal-batteriji KAPITOLU VII Obbligi tal-operaturi ekonomiċi fir-rigward tal-politiki ta’ diliġenza dovuta tal-batteriji
KAPITOLU VIII Immaniġġar tal-iskart ta’ batteriji KAPITOLU VIII Immaniġġar tal-iskart ta’ batteriji
KAPITOLU IX Passaport diġitali tal-batteriji KAPITOLU IX Passaport diġitali tal-batteriji
KAPITOLU X Sorveljanza tas-suq tal-Unjoni u proċeduri ta’ salvagwardja tal-Unjoni KAPITOLU X Sorveljanza tas-suq tal-Unjoni u proċeduri ta’ salvagwardja tal-Unjoni
KAPITOLU XI Akkwist pubbliku ekoloġiku u proċedura biex jiġu emendati r-restrizzjonijiet fuq sustanzi KAPITOLU XI Akkwist pubbliku ekoloġiku u proċedura biex jiġu emendati r-restrizzjonijiet fuq sustanzi
KAPITOLU XII Setgħat delegati u proċedura tal-kumitat KAPITOLU XII Setgħat delegati u proċedura tal-kumitat
KAPITOLU XIII Emendi KAPITOLU XIII Emendi
KAPITOLU XIV Dispożizzjonijiet finali KAPITOLU XIV Dispożizzjonijiet finali
ANNESS I



ANNESS I

▼M3



Kolonna 1

Deżinjazzjoni tas-sustanza jew tal-grupp ta’ sustanzi

Kolonna 2

Kondizzjonijiet tar-restrizzjoni

1.  Merkurju CAS Nru 7439-97-6 KE Nru 231-106-7 u l-komposti tiegħu

Il-batteriji, kemm jekk preżenti fi u inkorporati f’apparati, mezzi tat-trasport ħfief jew vetturi oħra kif ukoll jekk le, ma għandux ikun fihom aktar minn 0,0005  % ta’ merkurju (espress bħala metall tal-merkurju) skont il-piż.

2.  Kadmju CAS Nru 7440-43-9 KE Nru 231-152-8 u l-komposti tiegħu

1.  Il-batteriji portabbli, kemm jekk preżenti fi u inkorporati f’apparati, mezzi tat-trasport ħfief jew vetturi oħra kif ukoll jekk le, ma għandux ikun fihom aktar minn 0,002  % ta’ kadmju (espress bħala metall tal-kadmju) skont il-piż.

2.  Il-batteriji tal-vetturi elettriċi u dawk SLI, inkorporati fil-vetturi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858, ma għandux ikun fihom aktar minn 0,01  % ta’ kadmju (espress bħala metall tal-kadmju) skont il-piż f’materjal omoġenju.

3.  Il-punt 2 ma għandux japplika għall-batteriji tal-vetturi elettriċi użati bħala spare parts għall-vetturi elettriċi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858 imqiegħda fis-suq qabel il-31 ta’ Diċembru 2008.

3.  Ċomb CAS Nru 7439-92-1 KE Nru 231-100-4 u l-komposti tiegħu

1.  Mit-18 ta’ Awwissu 2024, il-batteriji portabbli, kemm jekk preżenti fi u inkorporati f’apparati kif ukoll jekk le, ma għandux ikun fihom aktar minn 0,01  % ta’ ċomb (espress bħala metall taċ-ċomb) skont il-piż.

2.  Ir-restrizzjoni stabbilita fil-punt 1 ma għandhiex tapplika għal ċelluli buttuna taż-żingu-arja portabbli sat-18 ta’ Awwissu 2028.

3.  Il-batteriji portabbli inkorporati f’vetturi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858, ma għandux ikun fihom aktar minn 0,1  % ta’ ċomb (espress bħala metall taċ-ċomb) skont il-piż f’materjal omoġenju.

4.  Il-punt 3 ma għandux japplika għall-batteriji portabbli inkorporati fi, jew użati bħala spare parts għal, vetturi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858, b’approvazzjoni tat-tip qabel l-1 ta’ Jannar 2024.

5.  Il-batteriji tal-vetturi elettriċi inkorporati f’vetturi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858, ma għandux ikun fihom aktar minn 0,1  % ta’ ċomb (espress bħala metall taċ-ċomb) skont il-piż f’materjal omoġenju.

 

6.  Il-punt 5 ma għandux japplika għal:

(a)  Batteriji tal-vetturi elettriċi użati f’sistemi ta’ voltaġġ għoli (2) inkorporati fi, jew użati bħala spare parts għal, vetturi tal-kategoriji M1 u N1, kif definiti fir-Regolament (UE) 2018/858 u b’approvazzjoni tat-tip qabel l-1 ta’ Jannar 2019;

(b)  Batteriji tal-vetturi elettriċi mhux koperti mill-punt (a) ta’ dan il-punt inkorporati fi, jew użati bħala spare parts għal vetturi, inklużi vetturi bi skop speċjali, tal-kategoriji M1 u N1, kif definiti fir-Regolament (UE) 2018/858 u b’approvazzjoni tat-tip qabel l-1 ta’ Jannar 2024.

7.  Il-batteriji SLI inkorporati f’vetturi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858, ma għandux ikun fihom aktar minn 0,1  % ta’ ċomb (espress bħala metall taċ-ċomb) skont il-piż f’materjal omoġenju.

 

8.  Il-punt 7 ma għandux japplika għal:

(a)  Batteriji SLI użati f’applikazzjonijiet 12 V f’vetturi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858 (3).

(b)  Batteriji SLI użati f’applikazzjonijiet 24 V f’vetturi bi skop speċjali tal-kategoriji M1 u N1 kif definiti fir-Regolament (UE) 2018/858. (4)

(c)  Batteriji SLI użati f’applikazzjonijiet oħra għajr dawk koperti mill-punti (a) u (b) ta’ dan il-punt f’vetturi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858 u b’approvazzjoni tat-tip qabel l-1 ta’ Jannar 2024.

4.  Kromu eżavalenti CAS Nru 18540-29-9 KE Nru 606-053-1 u l-komposti tiegħu

Il-batteriji inkorporati f’vetturi, inklużi vetturi bi skop speċjali, tal-kategoriji M1 u N1 kif definiti fir-Regolament (UE) 2018/858, ma għandux ikun fihom aktar minn 0,1  % ta’ kromu eżavalenti, espress bħala metall tal-kromu eżavalenti, skont il-piż f’materjal omoġenju.
(1)   

Id-Direttiva 2014/35/UE tal-Parlament Ewropew u tal-Kunsill tas-26 ta’ Frar 2014 dwar l-armonizzazzjoni tal-liġijiet tal-Istati Membri relattivament għat-tqegħid fis-suq ta’ tagħmir elettriku ddisinjat għall-użu fi ħdan ċerti limiti tal-voltaġġ (ĠU L 96, 29.3.2014, p. 357, ELI: http://data.europa.eu/eli/dir/2014/35/oj).

(2)   

Sistemi li għandhom voltaġġ ta’ > 75 V DC kif provdut fl-Artikolu 1 tad-Direttiva 2014/35/UE tal-Parlament Ewropew u tal-Kunsill (1).

(3)   

Din l-eżenzjoni għandha tiġi rieżaminata fl-2030.

(4)   

Din l-eżenzjoni għandha tiġi rieżaminata fl-2030.

▼B

ANNESS II



ANNESS II

IMPRONTA TAL-KARBONJU

1.   Kamp ta’ applikazzjoni

Dan l-Anness jipprovdi elementi essenzjali dwar kif tiġi kkalkulata l-impronta tal-karbonju.

Il-metodoloġija għall-kalkolu u l-verifika tal-impronta tal-karbonju li għandha tiġi pprovduta permezz tal-att delegat adottat skont l-Artikolu 7 għandha tibni fuq l-elementi essenzjali inklużi f’dan l-Anness, tkun konformi mal-aħħar verżjoni tal-metodu tal-Kummissjoni dwar l-Impronta Ambjentali tal-Prodotti (il-PEF) u mar-Regoli tal-Kategorija rilevanti marbutin mal-Impronta Ambjentali tal-Prodott (PEFCRs) u tirrifletti l-ftehimiet internazzjonali u l-progress tekniku/xjentifiku fil-qasam tal-valutazzjoni taċ-ċiklu tal-ħajja.

Il-kalkolu tal-impronta tal-karbonju taċ-ċiklu tal-ħajja għandu jkun ibbażat fuq il-lista ta’ materjali, l-enerġija u l-materjali awżiljarji użati f’impjant tal-manifattura speċifiku għall-produzzjoni ta’ mudell speċifiku ta’ batterija. B’mod partikolari, il-komponenti elettroniċi, pereżempju l-unitajiet tal-ġestjoni tal-batteriji u l-unitajiet tas-sikurezza, u l-materjali tal-katodu għandhom jiġu identifikati b’mod preċiż, peress li jistgħu jsiru l-kontributur ewlieni għall-impronta tal-karbonju tal-batteriji.

2.   Definizzjonijiet

Għall-finijiet ta’ dan l-Anness, japplikaw id-definizzjonijiet li ġejjin:

(a) 

“data dwar l-attivitajiet” tfisser l-informazzjoni assoċjata mal-proċessi waqt il-ħolqien ta’ mudelli tal-Inventarji taċ-Ċiklu tal-Ħajja (LCI), fejn kull wieħed mir-riżultati aggregati tal-LCI tal-katini tal-proċessi li jirrappreżentaw l-attivitajiet ta’ proċess jiġi mmultiplikat bid-data dwar l-attivitajiet korrispondenti u mbagħad ikkombinat sabiex tinkiseb l-impronta tal-karbonju assoċjata ma’ dak il-proċess;

(b) 

“lista ta’ materjali” tfisser lista tal-materja prima, is-subassemblaġġi, l-assemblaġġi intermedji, is-subkomponenti u l-partijiet, u l-kwantitajiet ta’ kull wieħed meħtieġa għall-manifattura tal-batterija;

(c) 

“data speċifika għall-kumpanija” tfisser data li hija mkejla jew miġbura direttament minn faċilità waħda jew aktar (data speċifika għas-sit) li hija rappreżentattiva tal-attivitajiet tal-kumpanija, tali data hija magħrufa wkoll bħala “data primarja”;

(d) 

“unità funzjonali” tfisser l-aspetti kwalitattivi u kwantitattivi tal-funzjonijiet, is-servizzi, jew it-tnejn, ipprovduti mill-batterija;

(e) 

“ċiklu tal-ħajja” tfisser l-istadji konsekuttivi u interkonnessi ta’ sistema ta’ prodotti, mill-akkwist tal-materja prima jew il-ġenerazzjoni minn riżorsi naturali sar-rimi finali (ISO 14040:2006 jew standard ekwivalenti);

(f) 

“inventarju taċ-ċiklu tal-ħajja (LCI)” tfisser is-sett ikkombinat ta’ skambji ta’ flussi elementari, tal-iskart u ta’ prodotti f’sett ta’ data tal-LCI;

(g) 

“sett ta’ data tal-inventarju taċ-ċiklu tal-ħajja (LCI)” tfisser dokument jew fajl b’informazzjoni dwar iċ-ċiklu tal-ħajja ta’ prodott speċifikat jew referenza oħra, bħas-sit jew il-proċess, li jkopri metadata deskrittiva u inventarju kwantitattiv taċ-ċiklu tal-ħajja, li jista’ jinkludi sett ta’ data ta’ proċess tal-unità, sett ta’ data parzjalment aggregat jew aggregat;

(h) 

“fluss ta’ referenza” tfisser il-kejl tal-outputs minn proċessi f’sistema partikolari tal-prodotti li jkunu meħtieġa biex tiġi ssodisfata l-funzjoni espressa mill-unità funzjonali (abbażi tal-ISO 14040:2006 jew standard ekwivalenti);

(i) 

“data sekondarja” tfisser data li ma hijiex miġbura jew mitkejla direttament minn proċess speċifiku fil-katina tal-provvista tal-kumpanija jew stmata minn dik il-kumpanija jew stmata direttament minn dik il-kumpanija, iżda li tinkiseb minn bażi tad-data tal-LCI ta’ parti terza jew minn sorsi oħra; tali data tinkludi data medja tal-industrija, pereżempju minn data ppubblikata dwar il-produzzjoni, statistika tal-gvern, u assoċjazzjonijiet tal-industrija, kif ukoll studji tal-letteratura, studji tal-inġinerija u privattivi, u li tista’ tkun ibbażata wkoll fuq data finanzjarja, u tinkludi data proxy u data ġenerika oħra; u tinkludi wkoll data primarja li tgħaddi minn pass orizzontali ta’ aggregazzjoni;

(j) 

“limitu tas-sistema” tfisser l-aspetti inklużi jew esklużi mill-istadji taċ-ċiklu tal-ħajja.

Barra minn hekk, ir-regoli armonizzati għall-kalkolu tal-impronta tal-karbonju tal-batteriji għandhom jinkludu kwalunkwe definizzjoni ulterjuri meħtieġa għall-interpretazzjoni tagħhom.

3.   Unità funzjonali u fluss ta’ referenza

L-unità funzjonali hija ddefinita bħala kWh (kilowatt-siegħa) waħda tal-enerġija totali pprovduta mis-sistema tal-batterija matul il-ħajja operattiva tal-batterija, imkejla f’kWh. L-enerġija totali tinkiseb min-numru ta’ ċikli mmultiplikat bl-ammont ta’ enerġija fornuta matul kull ċiklu.

Il-fluss ta’ referenza huwa l-piż ta’ batterija meħtieġ biex tiġi ssodisfata funzjoni speċifika u għandu jitkejjel f’kg ta’ batterija għal kull kWh tal-enerġija totali mwassla mill-batterija matul il-ħajja operattiva tagħha. Id-data kwantitattiva kollha dwar l-input u l-output miġbura mill-manifattur biex tiġi kwantifikata l-impronta tal-karbonju għandha tiġi kkalkulata b’rabta mal-fluss ta’ referenza.

B’eċċezzjoni għall-ewwel paragrafu, għal batteriji ta’ riżerva li għandhom bħala l-funzjoni primarja tagħhom li jiżguraw il-kontinwità ta’ sors ta’ enerġija, l-unità funzjonali hija definita bħala l-kapaċità li jiġi pprovdut kWmin (kilowatt-minuti) wieħed ta’ kapaċità ta’ potenza ta’ riżerva fi kwalunkwe mument matul il-ħajja tal-batterija. Għaldaqstant, il-fluss ta’ referenza għall-batteriji ta’ riżerva huwa l-piż ta’ batterija meħtieġ biex tiġi ssodisfata l-funzjoni definita u għandu jitkejjel f’kg ta’ batterija għal kull kWmin ta’ kapaċità ta’ potenza ta’ riżerva diviża bil-ħajja operattiva tal-batterija fi snin. Id-data kwantitattiva kollha dwar l-input u l-output miġbura minn manifatturi ta’ batteriji ta’ riżerva biex tiġi kwantifikata l-impronta tal-karbonju għandha tiġi kkalkulata b’rabta ma’ dak il-fluss ta’ referenza.

F’każijiet eċċezzjonali, bħal fil-każ ta’ batteriji għal vetturi ibridi mhux plug-in, il-metodoloġija tista’ tiddefinixxi unità funzjonali differenti.

4.   Limitu tas-sistema

L-istadji li ġejjin taċ-ċiklu tal-ħajja u l-proċessi involuti fihom għandhom jiġu inklużi fil-limitu tas-sistema:



Stadju taċ-ċiklu tal-ħajja

Proċessi involuti

L-akkwist u l-ipproċessar minn qabel tal-materja prima

Jinkludi l-estrazzjoni u akkwist ieħor rilevanti, l-ipproċessar minn qabel u t-trasport ta’ materjali attivi, sal-manifattura ta’ ċelluli u komponenti ta’ batterija (materjali attivi, separatur, elettrolit, kejsings, komponenti attivi u passivi tal-batteriji), u komponenti elettriċi jew elettroniċi.

Il-produzzjoni tal-prodott ewlieni

Assemblaġġ ta’ ċelluli tal-batteriji u assemblaġġ ta’ batteriji biċ-ċelluli tal-batteriji u l-komponenti elettriċi jew elettroniċi

Id-distribuzzjoni

Trasport lejn il-post tal-bejgħ

Tmiem il-ħajja u r-riċiklaġġ

Il-ġbir, iż-żarmar u r-riċiklaġġ

Il-proċessi li ġejjin involuti fl-istadji taċ-ċiklu tal-ħajja għandhom jiġu esklużi mil-limitu tas-sistema:

— 
il-manifattura tat-tagħmir għall-assemblaġġ u r-riċiklaġġ tal-batteriji, billi l-impatti tal-impronta tal-karbonju ġew ikkalkulati bħala negliġibbli fil-PEFCRs għall-batteriji rikarikabbli ta’ enerġija speċifika għolja għall-applikazzjonijiet mobbli;
— 
il-proċess tal-assemblaġġ tal-batterija bl-użu tal-komponenti tas-sistema tal-fabbrikant tat-tagħmir oriġinali (OEM); dan il-proċess jikkorrispondi fil-parti l-kbira għall-assemblaġġ mekkaniku u huwa inkluż ġewwa t-tagħmir OEM jew il-linja tal-assemblaġġ tal-vettura; il-konsum tal-enerġija u tal-materjal għal dan il-proċess speċifiku huwa negliġibbli meta mqabbel mal-proċess tal-manifattura tal-komponenti OEM.

Il-fażi tal-użu għandha tiġi eskluża mill-kalkoli tal-impronta tal-karbonju taċ-ċiklu tal-ħajja, minħabba li ma hijiex taħt l-influwenza diretta tal-manifatturi, ħlief fejn jintwera li l-għażliet li jsiru mill-manifatturi tal-batteriji fl-istadju tad-disinn jistgħu jagħtu kontribut mhux negliġibbli għal dak l-impatt.

5.   L-użu ta’ settijiet ta’ data speċifiċi u sekondarji għall-kumpaniji

Minħabba l-għadd kbir ta’ komponenti tal-batterija u l-kumplessità ta’ proċessi tal-manifattura, l-operatur ekonomiku għandu jillimita, fejn ġustifikat, l-użu ta’ data speċifika għall-kumpanija għall-ipproċessar u l-analiżi tal-komponenti tal-partijiet speċifiċi għall-batterija.

B’mod partikolari, id-data kollha dwar l-attivitajiet relatata mal-anodu, il-katodu, l-elettrolit, is-separatur u l-kejsing taċ-ċelluli tal-batterija għandha tirreferi għal mudell speċifiku ta’ batterija prodott f’impjant speċifiku tal-produzzjoni. Għaldaqstant, ma għandha tintuża l-ebda data awtomatika dwar l-attività. Id-data tal-attività speċifika għall-batterija għandha tintuża flimkien mas-settijiet ta’ data sekondarji rilevanti konformi mal-PEF.

Billi d-dikjarazzjoni dwar l-impronta tal-karbonju hija speċifika għal mudell ta’ batterija prodott f’sit ta’ produzzjoni definit, it-teħid ta’ kampjuni tad-data miġbura minn impjanti differenti li jipproduċu l-istess mudell ta’ batterija ma għandux ikun permess.

Fejn hemm bidla fil-lista ta’ materjali jew fit-taħlita tal-enerġija użati biex tiġi prodotta mudell ta’ batterija, l-impronta tal-karbonju għal dak il-mudell tal-batterija għandha tiġi kkalkulata mill-ġdid.

Ir-regoli armonizzati li għandhom jiġu pprovduti permezz ta’ att delegat kif imsemmi fl-Artikolu 7(1) għandhom jinkludu mmudellar dettaljat tal-istadji taċ-ċiklu tal-ħajja li ġejjin:

— 
l-akkwist u l-ipproċessar minn qabel tal-materja prima,
— 
il-produzzjoni,
— 
id-distribuzzjoni,
— 
il-produzzjoni proprja tal-elettriku,
— 
tmiem il-ħajja.

6.   Valutazzjoni tal-impatt tal-impronta tal-karbonju

L-impronta tal-karbonju tal-batterija għandha tiġi kkalkulata billi jintuża l-metodu tal-valutazzjoni tal-impatt taċ-ċiklu tal-ħajja tat-“tibdil fil-klima” rrakkomandat fir-rapport taċ-Ċentru Konġunt tar-Riċerka tal-2019 intitolat “Suġġerimenti għall-aġġornament tal-metodu tal-Impronta Ambjentali tal-Prodott (PEF)”.

Ir-riżultati għandhom jingħataw bħala riżultati kkaratterizzati mingħajr normalizzazzjoni u ponderazzjoni. Il-lista tal-fatturi ta’ karatterizzazzjoni li għandhom jintużaw tinsab fuq il-Pjattaforma Ewropea dwar il-Valutazzjoni taċ-Ċiklu tal-Ħajja (LCA).

7.   Kumpens

Il-kumpens jiġi kkalkulat skont xenarju ta’ referenza li jirrappreżenta xenarju ipotetiku ta’ x’emissjonijiet kien ikun hemm fin-nuqqas tal-proġett ta’ mitigazzjoni li jiġġenera l-kumpens.

Il-kumpens ma għandux jiġi inkluż fid-dikjarazzjoni dwar l-impronta tal-karbonju, iżda jista’ jiġi rrappurtat b’mod separat bħala tagħrif ambjentali addizzjonali u jintuża għal skopijiet ta’ komunikazzjoni.

8.   Klassijiet ta’ prestazzjoni tal-impronta tal-karbonju

Skont id-distribuzzjoni tal-valuri fid-dikjarazzjonijiet tal-impronta tal-karbonju ta’batteriji mqiegħda fis-suq, għandhom jiġu identifikati għadd sinifikanti ta’ klassijiet tal-prestazzjoni, bil-kategorija A li hija l-aħjar klassi bl-inqas impatt tal-impronta tal-karbonju taċ-ċiklu tal-ħajja, sabiex ikun hemm lok għal differenzjazzjoni fis-suq tal-kategoriji ta’ batteriji msemmija fl-Artikolu 7(1).

L-istabbiliment tal-limitu għal kull klassi tal-prestazzjoni, kif ukoll il-wisa’ ta’ dik il-klassi, għandhom ikunu bbażati fuq id-distribuzzjoni tal-prestazzjonijiet tal-kategoriji ta’ batteriji msemmija fl-Artikolu 7(1) imqiegħda fis-suq fit-tliet snin preċedenti, it-titjib teknoloġiku mistenni, u fatturi tekniċi oħra.

9.   Limiti massimi tal-karbonju

Abbażi tal-informazzjoni miġbura permezz tad-dikjarazzjonijiet dwar l-impronta tal-karbonju u d-distribuzzjoni relattiva tal-klassijiet tal-prestazzjoni tal-impronta tal-karbonju tal-mudelli tal-batteriji mqiegħda fis-suq, u filwaqt li jitqies il-progress xjentifiku u tekniku f’dan il-qasam, il-Kummissjoni għandha tidentifika l-limiti massimi tal-impronta tal-karbonju taċ-ċiklu tal-ħajja għall-kategoriji ta’ batteriji msemmija fl-Artikolu 7(1), wara li tkun wettqet valutazzjoni tal-impatt dedikata li tiddetermina il-valuri għal-limiti massimi.

Meta tistabbilixxi l-limiti massimi tal-impronta tal-karbonju taċ-ċiklu tal-ħajja msemmija fl-ewwel subparagrafu, il-Kummissjoni għandha tqis id-distribuzzjoni relattiva tal-valuri tal-impronta tal-karbonju għal batteriji fis-suq, l-ammont ta’ progress fit-tnaqqis tal-impronta tal-karbonju tal-batteriji mqiegħda fis-suq u l-kontribut attwali u potenzjali ta’ dawk il-limiti massimi tal-impronta tal-karbonarju taċ-ċiklu tal-ħajja għall-objettivi tal-Unjoni dwar il-mobbiltà sostenibbli u n-newtralità klimatika sal-2050.
ANNESS III



ANNESS III

PARAMETRI TAL-PRESTAZZJONI ELETTROKIMIKA U TAD-DURABBILTÀ GĦAL BATTERIJI PORTABBLI TA’ UŻU ĠENERALI

Parti A

Parametri għal batteriji mhux rikarikabbli

1. Id-durata medja minima: il-ħin minimu medju li ntlaħaq minn kampjun ta’ batteriji mal-iskarika meta jintużaw taħt kondizzjonijiet speċifiċi, bħat-temperatura u l-umdità relattiva.

2. Prestazzjoni ta’ skarika mdewma:, it-tnaqqis relattiv tad-durata medja minima, bid-durata medja minima mkejla fil-bidu bħala l-punt ta’ referenza, wara perjodu definit u taħt kondizzjonijiet speċifiċi, bħat-temperatura u l-umdità relattiva.

3. Ir-reżistenza għat-tnixxija: ir-reżistenza għall-ħruġ mhux ippjanat ta’ elettroliti, gass jew materjal ieħor.

Parti B

Parametri għal batteriji rikarikabbli

1. Il-kapaċità attribwita: il-valur tal-kapaċità ta’ batterija, taħt kundizzjonijiet speċifiċi, bħat-temperatura u l-umdità relattiva, u ddikjarat mill-manifattur.

2. Iż-żamma (kapaċità) ( 7 ) taċ-ċarġ: il-kapaċità li batterija tista’ taħdem wara l-ħżin, taħt kundizzjonijiet speċifiċi, bħat-temperatura u l-umdità relattiva, għal żmien speċifiku, mingħajr iċċarġjar mill-ġdid sussegwenti u espressa bħala perċentwal tal-kapaċità attribwita.

3. L-irkupru (kapaċità) taċ-ċarġ: il-kapaċità li batterija tista’ taħdem b’iċċarġjar mill-ġdid sussegwenti wara l-ħżin, taħt kundizzjonijiet speċifiċi bħat-temperatura u l-umdità, għal żmien speċifiku u espressa bħala perċentwal tal-kapaċità attribwita.

4. Reżistenza f’ċikli: l-għadd ta’ ċikli ta’ ċarġ u ta’ skarika li batterija tista’ twettaq taħt kundizzjonijiet speċifiċi, bħat-temperatura u l-umdità relattiva, qabel ma l-kapaċità taqa’ taħt frazzjoni speċifikata tal-kapaċità attribwita.

5. Ir-reżistenza għat-tnixxija: ir-reżistenza għall-ħruġ mhux ippjanat ta’ elettroliti, gass jew materjal ieħor.
ANNESS IV



ANNESS IV

REKWIŻITI TA’ PRESTAZZJONI ELETTROKIMIKA U TA’ DURABBILTÀ GĦAL BATTERIJI LMT, BATTERIJI INDUSTRIJALI B’KAPAĊITÀ AKBAR MINN 2 KWH U BATTERIJI TAL-VETTURI ELETTRIĊI

Għall-finijiet ta’ dan l-Anness, japplikaw id-definizzjonijiet li ġejjin:

(1) 

“Kapaċità attribwita” tfisser l-għadd totali ta’ sigħat ampere (Ah) li jistgħu jittieħdu minn batterija kompletament iċċarġjata taħt kundizzjonijiet ta’ referenza.

(2) 

“Tbaxxija tal-kapaċità” tfisser it-tnaqqis matul iż-żmien u mal-użu tal-ammont ta’ ċarġ li batterija tista’ tforni bil-vultaġġ attribwit, fir-rigward tal-kapaċità attribwita oriġinali.

(3) 

“Potenza” tfisser l-ammont ta’ enerġija li batterija hija kapaċi tipprovdi matul perjodu speċifikat taħt kundizzjonijiet ta’ referenza.

(4) 

“Tbaxxija tal-potenza” tfisser it-tnaqqis tul iż-żmien u mal-użu fl-ammont ta’ potenza li batterija tista’ tforni bil-vultaġġ attribwit.

(5) 

“Reżistenza interna” tfisser l-oppożizzjoni għall-fluss tal-kurrent ġewwa ċellula jew batterija taħt ċerti kundizzjonijiet, jiġifieri, it-total tar-reżistenza elettronika u r-reżistenza jonika għall-kontribut għar-reżistenza effettiva totali inkluż il-proprjetajiet induttivi/kapaċitattivi.

(6) 

“Effiċjenza enerġetika taċ-ċiklu sħiħ” tfisser il-proporzjon tal-enerġija netta fornuta minn batterija waqt test ta’ skarika mal-enerġija totali meħtieġa biex l-istat taċ-ċarġ inizjali jiġi rrestawrat permezz ta’ ċarġ standard.

Parti A

Parametri relatati mal-prestazzjoni elettrokimika u d-durabbiltà

1. Il-kapaċità attribwita (f’Ah) u t-tbaxxija tal-kapaċità (f’%).

2. Il-potenza (f’W) u t-tbaxxija tal-potenza (f’%).

3. Ir-reżistenza interna (f’Ω) u ż-żieda fir-reżistenza interna (f’%).

4. Fejn applikabbli, l-effiċjenza enerġetika taċ-ċiklu sħiħ u t-tbaxxija tagħha (f’%).

5. It-tul tal-ħajja mistenni tal-batterija taħt il-kundizzjonijiet ta’ referenza li tkun ġiet iddisinjata għalihom f’termini ta’ ċikli, ħlief għal applikazzjonijiet mhux ċikliċi, u snin kalendarji.

Parti B

Elementi biex jiġi spjegat il-kejl għall-parametri elenkati fil-Parti A

1. Ir-rata tal-iskarika u r-rata taċ-ċarġ applikati.

2. Il-proporzjon bejn il-potenza nominali tal-batterija (W) u l-enerġija tal-batterija (Wh).

3. Il-profondità tal-iskarika fit-test tal-ħajja taċ-ċiklu.

4. Il-kapaċità f’termini ta’ potenza fi stat ta’ ċarġ ta’ 80 % u 20 %.

5. Kwalunkwe kalkolu mwettaq bil-parametri mkejla, jekk applikabbli.
ANNESS V



ANNESS V

PARAMETRI TAS-SIKUREZZA

1.   Xokk termali u ċiklar

Dan it-test għandu jitfassal biex jevalwa l-bidliet fl-integrità tal-batterija li jirriżultaw mill-espansjoni u mill-kontrazzjoni tal-komponenti taċ-ċelluli mal-espożizzjoni għal bidliet estremi u f’daqqa fit-temperatura, u l-konsegwenzi potenzjali ta’ tali bidliet. Waqt xokk termali, l-batterija għandha tiġi esposta għal żewġ limiti tat-temperatura u tinżamm f’kull limitu tat-temperatura għal perjodu speċifikat.

2.   Protezzjoni kontra xort fiċ-ċirkwit estern

Dan it-test għandu jevalwa l-prestazzjoni tas-sikurezza ta’ batterija meta jiġi applikat xort fiċ-ċirkwit estern. It-test jista’ jevalwa l-attivazzjoni tal-apparat tal-protezzjoni kontra l-kurrent żejjed jew il-kapaċità taċ-ċelluli li jifilħu l-kurrent mingħajr ma tintlaħaq sitwazzjoni perikoluża (eż. runaway termali, splużjoni, nar). Il-fatturi ta’ riskju ewlenin huma l-ġenerazzjoni tas-sħana fil-livell taċ-ċelluli u l-arki elettriċi, li jistgħu jagħmlu ħsara liċ-ċirkwiti jew iwasslu għal tnaqqis fir-reżistenza tal-iżolament.

3.   Protezzjoni minn ċarġ eċċessiv

Dan it-test għandu jevalwa l-prestazzjoni tas-sikurezza ta’ batterija f’sitwazzjonijiet ta’ ċarġ eċċessiv. Ir-riskji ta’ sikurezza ewlenin matul ċarġ eċċessiv huma d-dekompożizzjoni tal-elettrolit, tal-katodu u tal-anodu, id-dekompożizzjoni eżotermika tas-saff tal-interfażi ta’ elettrolit solidu (SEI), id-degradazzjoni tas-separatur, u l-ipplejtjar bil-litju, li jistgħu jwasslu biex il-batterija tisħon waħedha u għal runaway termali. Il-fatturi li jaffettwaw l-eżitu tat-test għandhom, bħala minimu, jinkludu, ir-rata tal-iċċarġjar u l-istat ta’ ċarġ li finalment jintlaħaq. Il-protezzjoni tista’ tiġi żgurata jew permezz tal-kontroll tal-vultaġġ (interruzzjoni wara li jintlaħaq il-limitu tal-vultaġġ tal-iċċarġjar) jew bil-kontroll tal-kurrent (interruzzjoni wara li jinqabeż il-kurrent massimu tal-iċċarġjar).

4.   Protezzjoni minn skarika eċċessiva

Dan it-test għandu jevalwa l-prestazzjoni tas-sikurezza ta’ batterija f’sitwazzjonijiet ta’ skarika eċċessiva. Ir-riskji tas-sikurezza matul skarika eċċessiva jinkludu t-treġġigħ lura tal-polarità li jwassal għall-ossidazzjoni tal-kollettur tal-kurrent anodiku (Ram) u għal ipplejtjar fuq in-naħa tal-katodu. Anki skarika eċċessiva minuri tista’ tikkawża l-formazzjoni ta’ dendrite u fl-aħħar mill-aħħar tikkawża xort fiċ-ċirkwit.

5.   Protezzjoni minn temperatura eċċessiva

Dan it-test għandu jevalwa l-effett tal-falliment tal-kontroll tat-temperatura jew il-falliment ta’ karatteristiċi oħra għal protezzjoni kontra s-sħana eċċessiva interna waqt it-tħaddim.

6.   Protezzjoni minn propagazzjoni termali

Dan it-test għandu jevalwa l-prestazzjoni tas-sikurezza ta’ batterija f’sitwazzjonijiet ta’ propagazzjoni termali. Runaway termali f’ċellula waħda tista’ tikkawża reazzjoni kaskata fil-batterija kollha li tista’ tkun magħmula minn bosta ċelluli. Dan jista’ jwassal għal konsegwenzi severi inkluż rilaxx sinifikanti ta’ gass. Dan it-test għandu jqis it-testijiet li qed jiġu żviluppati għall-applikazzjonijiet tat-trasport mill-ISO u r-Regolament Tekniku Globali tan-NU.

7.   Ħsara mekkanika minn forzi esterni

Dawn it-testijiet għandhom jissimulaw sitwazzjoni waħda jew aktar li fihom batterija tiġi esposta aċċidentalment għal stress mekkaniku u tibqa’ operattiva għall-iskop li għalih tkun ġiet iddisinjata. Il-kriterji għas-simulazzjoni ta’ dawn is-sitwazzjonijiet jenħtieġ li jirriflettu l-użi tal-ħajja reali.

8.   Xort fiċ-ċirkwit intern

Dan it-test għandu jevalwa l-prestazzjoni tas-sikurezza ta’ batterija f’sitwazzjonijiet ta’ xort fiċ-ċirkwit intern. L-okkorrenza ta’ xortijiet fiċ-ċirkwit intern, waħda mill-preokkupazzjonijiet ewlenin għall-manifatturi tal-batteriji, potenzjalment twassal għal ivventjar, runaway termali u sparking li jista’ jqabbad il-fwar tal-elettroliti li joħorġu miċ-ċellula. Il-ġenerazzjoni ta’ tali xort fiċ-ċirkwiti interni tista’ tiġi attivata mill-imperfezzjonijiet tal-manifattura, il-preżenza ta’ impuritajiet fiċ-ċelluli jew it-tkabbir dendritiku tal-litju, u hija l-kawża tal-parti l-kbira tal-inċidenti tas-sikurezza. Huma possibbli xenarji ta’ xortijiet interni fiċ-ċirkwit (eż. il-kuntatt elettriku tal-katodu/anodu, il-kollettur tal-kurrent tal-aluminju/il-kollettur tal-kurrent tar-ram, il-kollettur tal-kurrent tal-aluminju/anodu) kull wieħed b’reżistenza għall-kuntatt differenti.

9.   Abbuż termali

Matul dan it-test, il-batterija għandha tkun esposta għal temperaturi elevati (f’IEC 62619 it-temperatura hija 85 °C) li jistgħu jikkawżaw reazzjonijiet ta’ dekompożizzjoni eżotermika u jwasslu għal runaway termali fiċ-ċellula.

10.   Test tan-nar

Ir-riskju ta’ splużjoni għandu jiġi vvalutat billi l-batterija tiġi esposta għan-nar.

11.   Emissjonijiet ta’ gassijiet

Il-batteriji jista’ jkun fihom ammonti sinifikanti ta’ materjal potenzjalment perikoluż, pereżempju elettroliti li jieħdu n-nar malajr ħafna, komponenti korrużivi u tossiċi. Jekk tkun esposta għal ċerti kundizzjonijiet, l-integrità tal-batterija tista’ tiġi kompromessa li tirriżulta fir-rilaxx ta’ gassijiet perikolużi. Għalhekk, huwa importanti li jiġu identifikati l-emissjonijiet ta’ gassijiet minn sustanzi rilaxxati mill-batterija matul it-testijiet: ir-riskju ta’ gassijiet tossiċi emessi minn elettroliti mhux milwiema għandhom jitqiesu sew għall-parametri kollha tas-sikurezza elenkati fil-punti 1 sa 10.
ANNESS VI



ANNESS VI

REKWIŻITI TA’ TIKKETTAR, IMMARKAR U INFORMAZZJONI

Parti A: Informazzjoni ġenerali dwar il-batteriji

L-informazzjoni fuq it-tikketta ta’ batterija għandha tinkludi l-informazzjoni li ġejja rigward il-batterija:

1. 

l-informazzjoni li tidentifika l-manifattur f’konformità mal-Artikolu 38(7);

2. 

il-kategorija ta’ batterija u l-informazzjoni li tidentifika l-batterijaf’konformità mal-Artikolu 38(6);

3. 

il-post tal-manifattura (il-pożizzjoni ġeografika tal-impjant tal-manifattura tal-batteriji);

4. 

id-data tal-manifattura (ix-xahar u s-sena);

5. 

il-piż;

6. 

il-kapaċità;

7. 

il-kimika;

8. 

is-sustanzi perikolużi preżenti fil-batterija, għajr il-merkurju, il-kadmju jew iċ-ċomb;

9. 

aġent tat-tifi tan-nar li jista’ jintuża;

10. 

il-materja prima kritika preżenti fil-batterija f’konċentrazzjoni ta’ aktar minn 0,1 % piż skont il-piż.

Parti B: Simbolu għal ġbir separat ta’ batteriji

image

Parti C: Kodiċi QR

Il-kodiċi QR għandu jkun f’kuntrast għoli mal-kulur tal-isfond u ta’ daqs li jista’ jinqara faċilment minn qarrej QR li jkun ġeneralment disponibbli, bħalma huma dawk integrati f’apparat ta’ komunikazzjoni li jinżamm fl-idejn.
ANNESS VII



ANNESS VII

PARAMETRI GĦAD-DETERMINAZZJONI TAL-ISTAT TAS-SAĦĦA U T-TUL TAL-ĦAJJA MISTENNI TAL-BATTERIJI

Parti A

Il-parametri għad-determinazzjoni tal-istat tas-saħħa ta’ batteriji ta’ vetturi elettriċi, sistemi tal-ħżin tal-enerġija f’batteriji stazzjonarji u batteriji LMT:

Għall-batteriji tal-vetturi elettriċi:

l-istat tal-enerġija ċċertifikata (SOCE).

Għal sistemi tal-ħżin tal-enerġija f’batteriji stazzjonarji u batteriji LMT:

1. 

il-kapaċità li jifdal;

2. 

fejn possibbli, il-kapaċità tal-potenza li jifdal;

3. 

fejn possibbli, l-effiċjenza taċ-ċiklu sħiħ li jifdal;

4. 

l-evoluzzjoni tar-rati ta’ awtoskarika;

5. 

fejn possibbli, ir-reżistenza ohmika.

Parti B

Il-parametri għad-determinazzjoni tat-tul tal-ħajja mistenni tas-sistemi għall-ħżin tal-enerġija f’batteriji stazzjonarji u batteriji LMT:

1. 

id-data tal-manifattura tal-batterija u, fejn xieraq, id-data tat-tqegħid fis-servizz;

2. 

it-throughput tal-enerġija;

3. 

it-throughput tal-kapaċità;

4. 

it-traċċar ta’ avvenimenti ta’ ħsara, bħall-għadd ta’ avvenimenti ta’ skarika profonda, il-ħin imqatta’ f’temperaturi estremi, il-ħin tal-iċċarġjar f’temperaturi estremi;

5. 

l-għadd ta’ ċikli sħaħ ekwivalenti ta’ ċarġ u skarika.
ANNESS VIII



ANNESS VIII

PROĊEDURI TA’ VALUTAZZJONI TAL-KONFORMITÀ

Parti A

MODULU A – KONTROLL INTERN TAL-PRODUZZJONI

1.   Deskrizzjoni tal-modulu

Il-kontroll intern tal-produzzjoni huwa l-proċedura ta’ valutazzjoni tal-konformità, li permezz tagħha l-manifattur jissodisfa l-obbligi stabbiliti fil-punti 2, 3, u 4, u jiżgura u jiddikjara fuq ir-responsabbiltà unika tiegħu li l-batteriji kkonċernati jissodisfaw ir-rekwiżiti stipulati fl-Artikoli 6, 9, 10, 12, 13 u 14 applikabbli għalihom.

2.   Dokumentazzjoni teknika

Il-manifattur għandu jfassal id-dokumentazzjoni teknika. Id-dokumentazzjoni għandha tippermetti l-valutazzjoni tal-konformità tal-batterija mar-rekwiżiti rilevanti msemmija fil-punt 1 u għandha tinkludi analiżi u valutazzjoni adegwati tar-riskji.

Id-dokumentazzjoni teknika għandha tispeċifika r-rekwiżiti applikabbli u tkopri, sa fejn ikun rilevanti għall-valutazzjoni, id-disinn, il-manifattura u t-tħaddim tal-batterija. Fejn applikabbli, id-dokumentazzjoni teknika għandha tinkludi tal-inqas l-elementi li ġejjin:

(a) 

deskrizzjoni ġenerali tal-batterija u l-użu maħsub tagħha;

(b) 

id-disinn kunċettwali u tpinġijiet tal-manifattura u skemi tal-komponenti, tas-subassemblaġġi u taċ-ċirkwiti;

(c) 

id-deskrizzjonijiet u l-ispjegazzjonijiet meħtieġa għall-fehim tat-tpinġijiet u l-iskemi msemmija fil-punt (b) u għat-tħaddim tal-batterija;

(d) 

eżemplari tat-tikketta meħtieġa f’konformità mal-Artikolu 13;

(e) 

lista tal-istandards armonizzati msemmija fl-Artikolu 15, applikati b’mod sħiħ jew parzjali, li tinkludi indikazzjoni ta’ liema partijiet ġew applikati, lista tal-ispeċifikazzjonijiet komuni msemmija fl-Artikolu 16, applikati b’mod sħiħ jew parzjali, li tinkludi indikazzjoni ta’ liema partijiet ġew applikati, u lista tal-ispeċifikazzjonijiet tekniċi oħra rilevanti użati għal skopijiet ta’ kejl jew kalkolu;

(f) 

fejn l-istandards armonizzati u l-ispeċifikazzjonijiet komuni msemmija fil-punt (e) ma jkunux ġew applikati jew ma jkunux disponibbli, deskrizzjoni tas-soluzzjonijiet adottati biex jiġu ssodisfati r-rekwiżiti applikabbli stabbiliti fl-Artikoli 6, 9, 10, 12, 13 u 14 jew biex tiġi vverifikata l-konformità tal-batteriji ma’ dawk ir-rekwiżiti;

(g) 

ir-riżultati tal-kalkoli tad-disinn magħmula u l-eżamijiet imwettqa, u l-evidenza teknika jew dokumentarja użata; u

(h) 

ir-rapporti tat-testijiet.

3.   Il-manifattura

Il-manifattur għandu jieħu l-miżuri kollha meħtieġa sabiex il-proċess ta’ manifattura u l-monitoraġġ tiegħu jiżguraw li l-batteriji jikkonformaw mad-dokumentazzjoni teknika msemmija fil-punt 2 u mar-rekwiżiti applikabbli msemmija fil-punt 1.

4.   Il-markatura CE u d-dikjarazzjoni ta’ konformità tal-UE

Il-manifattur għandu jwaħħal il-markatura CE ma’ kull batterija individwali li tissodisfa r-rekwiżiti applikabbli msemmija fil-punt 1, jew, fejn dak ma jkunx possibbli jew mhux ġustifikat minħabba n-natura tal-batterija, mal-imballaġġ u mad-dokumenti li jakkumpanjaw il-batterija.

Il-manifattur għandu jħejji dikjarazzjoni ta’ konformità tal-UE għal kull mudell ta’ batterija f’konformità mal-Artikolu 18 u jżommha flimkien mad-dokumentazzjoni teknika, għad-dispożizzjoni tal-awtoritajiet nazzjonali, għal perjodu ta’ 10 snin wara t-tqegħid fis-suq tal-aħħar batterija li tappartjeni għall-mudell tal-batterija rispettiv. Id-dikjarazzjoni ta’ konformità tal-UE għandha tidentifika l-mudell tal-batterija li għalih tkun tħejjiet.

Kopja tad-dikjarazzjoni ta’ konformità tal-UE għandha tingħata lill-awtoritajiet nazzjonali meta tintalab.

5.   Ir-rappreżentant awtorizzat tal-manifattur

L-obbligi tal-manifattur stipulati fil-punti 4 jistgħu jiġu ssodisfati mir-rappreżentant awtorizzat tal-manifattur, f’ismu u taħt ir-responsabbiltà tal-manifattur, sakemm dawn ikunu speċifikati fil-mandat.

Parti B

MODULU D1 - ASSIGURAZZJONI TAL-KWALITÀ TAL-PROĊESS TA’ PRODUZZJONI

1.   Deskrizzjoni tal-modulu

L-assigurazzjoni tal-kwalità tal-proċess ta’ produzzjoni hija l-proċedura ta’ valutazzjoni tal-konformità li permezz tagħha l-manifattur jissodisfa l-obbligi stabbiliti fil-punti 2, 4 u 7, u jiżgura u jiddikjara fuq ir-responsabbiltà unika tiegħu, mingħajr preġudizzju għall-obbligi ta’ operaturi ekonomiċi oħra f’konformità ma’ dan ir-Regolament, li l-batteriji kkonċernati jissodisfaw ir-rekwiżiti applikabbli stipulati fl-Artikoli 7 u 8, jew, skont l-għażla tal-manifattur, ir-rekwiżiti applikabbli kollha stipulati fl-Artikoli 6 sa 10 u l-Artikoli 12, 13 u 14.

2.   Dokumentazzjoni teknika

Il-manifattur għandu jfassal id-dokumentazzjoni teknika. Id-dokumentazzjoni teknika għandha tippermetti l-valutazzjoni tal-konformità tal-batterija mar-rekwiżiti rilevanti msemmija fil-punt 1, u għandha tinkludi analiżi u valutazzjoni adegwati tar-riskji.

Id-dokumentazzjoni teknika għandha tispeċifika r-rekwiżiti applikabbli u tkopri, sa fejn ikun rilevanti għall-valutazzjoni, id-disinn, il-manifattura u t-tħaddim tal-batterija. Id-dokumentazzjoni teknika għandu jkun fiha, fejn applikabbli, mill-anqas l-elementi li ġejjin:

(a) 

deskrizzjoni ġenerali tal-batterija u l-użu maħsub tagħha;

(b) 

id-disinn kunċettwali u t-tpinġijiet tal-manifattura u l-iskemi tal-komponenti, tas-subassemblaġġi u taċ-ċirkwiti;

(c) 

id-deskrizzjonijiet u l-ispjegazzjonijiet meħtieġa għall-fehim tat-tpinġijiet u l-iskemi msemmija fil-punt (b) u għat-tħaddim tal-batterija;

(d) 

eżemplari tat-tikketta meħtieġa f’konformità mal-Artikolu 13;

(e) 

lista tal-istandards armonizzati msemmija fl-Artikolu 15, l-ispeċifikazzjonijiet komuni msemmija fl-Artikolu 16, jew tat-tnejn li huma, li ġew applikati, u, fil-każ ta’ standards armonizzati, speċifikazzjonijiet komuni, jew it-tnejn li huma, applikati parzjalment, indikazzjoni ta’ liema partijiet ġew applikati;

(f) 

lista ta’ speċifikazzjonijiet tekniċi rilevanti oħra użati għall-finijiet ta’ kejl jew ta’ kalkolu u deskrizzjonijiet tas-soluzzjonijiet adottati biex jiġu ssodisfati r-rekwiżiti applikabbli stabbiliti fl-Artikoli 6 sa 10 u l-Artikoli 12, 13 u 14 jew biex tiġi vverifikata l-konformità tal-batteriji ma’ dawk ir-rekwiżiti, meta l-istandards armonizzati, l-ispeċifikazzjonijiet komuni, jew it-tnejn li huma, ma jkunux ġew applikati jew ma jkunux disponibbli;

(g) 

ir-riżultati tal-kalkoli tad-disinn magħmula, u l-eżamijiet imwettqa, u l-evidenza teknika jew dokumentarja użata;

(h) 

studju li jappoġġa l-valuri tal-impronta tal-karbonju msemmija fl-Artikolu 7(1) u l-klassi tal-impronta tal-karbonju msemmija fl-Artikolu 7(2), li jkun fih il-kalkoli magħmula f’konformità mal-metodoloġija stipulata fl-att delegat adottat skont l-Artikolu 7(1), ir-raba’ subparagrafu, il-punt (a), u l-evidenza u l-informazzjoni li jiddeterminaw id-data tal-input għal dawk il-kalkoli;

(i) 

studju li jappoġġa s-sehem tal-kontenut riċiklat imsemmi fl-Artikolu 8, li jkun fih il-kalkoli magħmula f’konformità mal-metodoloġija stipulata fl-att delegat adottat skont l-Artikolu 8(1), it-tieni subparagrafu, u l-evidenza u l-informazzjoni li jiddeterminaw id-data tal-input għal dawk il-kalkoli; u

(j) 

ir-rapporti tat-testijiet.

3.   Disponibbiltà tad-dokumentazzjoni teknika

Il-manifattur għandu jżomm id-dokumentazzjoni teknika għad-dispożizzjoni tal-awtoritajiet nazzjonali għal 10 snin wara t-tqegħid fis-suq tal-batterija.

4.   Il-manifattura

Il-manifattur għandu jopera sistema approvata tal-kwalità għall-produzzjoni, għall-ispezzjoni tal-prodott finali u għall-ittestjar tal-batteriji kkonċernati kif speċifikat fil-punt 5 u għandu jkun soġġett għal sorveljanza kif speċifikat fil-punt 6.

5.   Sistema tal-kwalità

1. Il-manifattur għandu jiddepożita applikazzjoni għall-valutazzjoni tas-sistema tiegħu tal-kwalità mal-korp innotifikat tal-għażla tiegħu għall-batterji kkonċernati.

L-applikazzjoni għandha tinkludi:

(a) 

l-isem u l-indirizz tal-manifattur u, jekk l-applikazzjoni ssir mir-rappreżentant awtorizzat tal-manifattur, l-isem u l-indirizz ta’ dan ukoll;

(b) 

dikjarazzjoni bil-miktub li l-istess applikazzjoni ma tressqet għand ebda korp innotifikat ieħor;

(c) 

l-informazzjoni kollha rilevanti għall-kategorija tal-batterija maħsuba;

(d) 

id-dokumentazzjoni li tirrigwarda s-sistema tal-kwalità msemmija fil-punt 5.2;

(e) 

id-dokumentazzjoni teknika msemmija fil-punt 2.

2. Is-sistema tal-kwalità għandha tiżgura li l-batteriji jikkonformaw mar-rekwiżiti applikabbli stipulati fl-Artikoli 6 sa 10 u l-Artikoli 12, 13 u 14.

L-elementi, ir-rekwiżiti u d-dispożizzjonijiet kollha adottati mill-manifattur għandhom jiġu dokumentati b’mod sistematiku u b’mod ordnat fl-għamla ta’ politiki, proċeduri u struzzjonijiet miktuba. Id-dokumentazzjoni tas-sistema tal-kwalità għandha tagħmilha possibbli li jkun hemm interpretazzjoni konsistenti tal-programmi, pjanijiet, manwali u reġistri tal-kwalità.

Id-dokumentazzjoni tas-sistema tal-kwalità għandha, b’mod partikolari, ikun fiha deskrizzjoni xierqa ta’ dawn li ġejjin:

(a) 

l-għanijiet ta’ kwalità u l-istruttura, ir-responsabbiltajiet u l-poteri organizzattivi tal-ġestjoni f’dak li jkollu x’jaqsam mal-kwalità tal-prodott;

(b) 

il-proċeduri għad-dokumentazzjoni u l-monitoraġġ tal-parametri u d-data meħtieġa għall-kalkolu u l-aġġornament tas-sehem tal-kontenut riċiklat imsemmi fl-Artikolu 8 u, fejn applikabbli, il-valuri u l-klassi tal-impronta tal-karbonju msemmija fl-Artikolu 7;

(c) 

it-tekniki, il-proċessi u l-azzjonijiet sistematiċi korrispondenti tal-manifattura, tal-kontroll tal-kwalità u tal-assigurazzjoni tal-kwalità li ser jintużaw;

(d) 

l-eżamijiet, il-kalkoli, il-kejl u t-testijiet li ser jitwettqu qabel, matul u wara l-manifattura, u l-frekwenza li biha ser isiru;

(e) 

ir-reġistri tal-kwalità, bħalma huma rapporti ta’ spezzjonijiet, u data tal-kalkoli, il-kejl u t-testijiet, data dwar il-kalibrazzjoni, rapporti dwar il-kwalifiki dwar il-persunal ikkonċernat;

(f) 

il-mezzi ta’ monitoraġġ tal-ksib tal-kwalità meħtieġa tal-prodott u tal-funzjonament effettiv tas-sistema tal-kwalità.

3. Il-korp innotifikat għandu jivvaluta s-sistema tal-kwalità biex jiddetermina jekk tissodisfax ir-rekwiżiti msemmija fil-punt 5.2.

Huwa għandu jassumi l-konformità ma’ dawk ir-rekwiżiti fir-rigward tal-elementi tas-sistema tal-kwalità li jikkonformaw mal-ispeċifikazzjonijiet korrispondenti tal-istandard armonizzat rilevanti.

Minbarra esperjenza fis-sistemi ta’ ġestjoni tal-kwalità, it-tim tal-awditjar għandu jkollu tal-anqas membru wieħed b’esperjenza ta’ evalwazzjoni fil-qasam tal-prodott rilevanti u t-teknoloġija tal-prodott ikkonċernat, u għarfien tar-rekwiżiti applikabbli stipulati fl-Artikoli 6 sa 10 u l-Artikoli 12, 13 u 14.

L-awditu għandu jinkludi żjara ta’ valutazzjoni fil-bini tal-manifattur.

It-tim tal-awditjar għandu jeżamina d-dokumentazzjoni teknika msemmija fil-punt 2 sabiex jivverifika l-abbiltà tal-manifattur li jidentifika r-rekwiżiti applikabbli stipulati fl-Artikoli 6 sa 10 u l-Artikoli 12, 13 u 14 u jwettaq l-eżamijiet, il-kalkoli, il-kejl u t-testijiet neċessarji bil-ħsieb li jiżgura l-konformità tal-batterija ma’ dawk ir-rekwiżiti. It-tim tal-awditjar għandu jivverifika l-affidabbiltà tad-data użata għall-kalkolu tas-sehem tal-kontenut riċiklat imsemmi fl-Artikolu 8 u, fejn applikabbli, il-valuri u l-klassi tal-impronta tal-karbonju msemmija fl-Artikolu 7 kif ukoll l-implimentazzjoni xierqa tal-metodoloġija rilevanti tal-kalkolu.

Wara li jkun ivvaluta s-sistema ta’ kwalità, il-korp innotifikat għandu jjinnotifikata d-deċiżjoni tiegħu lill-manifattur. In-notifika għandu jkun fiha l-konklużjonijiet tal-awditu u r-raġunijiet għal dik id-deċiżjoni.

4. Il-manifattur għandu jimpenja ruħu li jissodisfa l-obbligi li jirriżultaw mis-sistema tal-kwalità kif approvata u li jżommha hekk sabiex tibqa’ adegwata u effiċjenti.

5. Il-manifattur għandu jżomm informat lill-korp innotifikat li jkun approva s-sistema tal-kwalità dwar kull tibdil maħsub għas-sistema tal-kwalità.

Il-korp innotifikat għandu jevalwa kwalunkwe bidla proposta u jiddeċiedi jekk is-sistema tal-kwalità modifikata hix ser tkompli tissodisfa r-rekwiżiti msemmija fil-punt 5.2 jew jekk hemmx bżonn ta’ valutazzjoni mill-ġdid.

Il-korp innotifikat għandu jinnotifika lill-manifattur bid-deċiżjoni tiegħu. In-notifika għandu jkun fiha l-konklużjonijiet tal-eżami u d-deċiżjoni motivata tal-valutazzjoni.

6. Sorveljanza taħt ir-responsabbiltà tal-korp innotifikat

1. 

L-għan tas-sorveljanza hu li jkun aċċertat li l-manifattur iwettaq kif dovut l-obbligi li jirriżultaw mis-sistema tal-kwalità approvata.

2. 

Il-manifattur għandu, għal finijiet ta’ valutazzjoni, jagħti aċċess lill-korp innotifikat għas-siti tal-manifattura, tal-ispezzjoni, tal-ittestjar u tal-ħżin u għandu jagħtih l-informazzjoni kollha rilevanti meħtieġa, b’mod partikolari:

(a) 

id-dokumentazzjoni tas-sistema tal-kwalità msemmija fil-punt 5.2;

(b) 

id-dokumentazzjoni teknika msemmija fil-punt 2;

(c) 

ir-reġistri tal-kwalità, bħalma huma rapporti ta’ spezzjonijiet, u data tal-kalkoli, il-kejl u t-testijiet, data dwar il-kalibrazzjoni u rapporti dwar il-kwalifiki dwar il-persunal ikkonċernat.

3. 

Il-korp innotifikat għandu jwettaq awditi perjodiċi biex jiżgura li l-manifattur iżomm u japplika s-sistema tal-kwalità, u għandu jipprovdi lill-manifattur rapport tal-awditu. Matul tali awditi, il-korp innotifikat għandu jivverifika mill-inqas l-affidabbiltà tad-data użata għall-kalkolu tas-sehem tal-kontenut riċiklat imsemmi fl-Artikolu 8 u, fejn applikabbli, il-valuri u l-klassi tal-impronta tal-karbonju msemmija fl-Artikolu 7, kif ukoll l-implimentazzjoni xierqa tal-metodoloġija rilevanti tal-kalkolu.

4. 

Barra minn hekk, il-korp innotifikat jista’ jagħmel żjarat mhux mistennija lill-manifattur. Waqt tali żjarat, il-korp innotifikat, jekk ikun neċessarju, jista’ jwettaq eżamijiet, kalkoli, kejl u testijiet, jew iqabbad lil min jagħmilhom, sabiex jivverifika li s-sistema tal-kwalità tkun qed taħdem sewwa. Il-korp innotifikat għandu jipprovdi lill-manifattur rapport taż-żjara u, jekk ikunu twettqu xi testijiet, rapport tat-testijiet.

7. Il-markatura CE u d-dikjarazzjoni ta’ konformità tal-UE

1. 

Il-manifattur għandu jwaħħal il-markatura CE, u, taħt ir-responsabbiltà tal-korp innotifikat imsemmi fil-punt 5.1, in-numru ta’ identifikazzjoni ta’ dan tal-aħħar ma’ kull batterija individwali li tissodisfa r-rekwiżiti applikabbli msemmija fil-punt 1, jew, fejn dan ma jkunx possibbli jew mhux ġustifikat minħabba n-natura tal-batterija, mal-imballaġġ u mad-dokumenti li jakkumpanjaw il-batterija.

2. 

Il-manifattur għandu jħejji dikjarazzjoni ta’ konformità tal-UE għal kull mudell ta’ batterija f’konformità mal-Artikolu 18 u jżommha għad-dispożizzjoni tal-awtoritajiet nazzjonali għal 10 snin wara t-tqegħid fis-suq tal-aħħar batterija li tappartjeni għall-mudell tal-batterija rispettiv. Id-dikjarazzjoni ta’ konformità tal-UE għandha tidentifika l-mudell tal-batterija li għalih tkun tħejjiet.

Kopja tad-dikjarazzjoni ta’ konformità tal-UE għandha tingħata lill-awtoritajiet nazzjonali meta tintalab.

8. Disponibbiltà tad-dokumentazzjoni tas-sistema tal-kwalità

Il-manifattur għandu, għal perjodu ta’ 10 snin wara t-tqegħid fis-suq tal-batterija, iżomm għad-dispożizzjoni tal-awtoritajiet nazzjonali:

(a) 

id-dokumentazzjoni tas-sistema tal-kwalità msemmija fil-punt 5.2;

(b) 

il-bidla msemmija fil-punt 5.5, kif approvata;

(c) 

id-deċiżjonijiet u r-rapporti mill-korp innotifikat imsemmija fil-punti 5.5, 6.3 u 6.4.

9. Obbligi ta’ informazzjoni tal-korp innotifikat

Kull korp innotifikat għandu jinforma lill-awtorità tan-notifika tiegħu bl-approvazzjonijiet tas-sistema tal-kwalità maħruġa jew irtirati u għandu, perjodikament jew fuq talba, jagħmel disponibbli lill-awtorità tan-notifika l-lista tal-approvazzjonijiet tas-sistema tal-kwalità rifjutati, sospiżi jew inkella limitati.

Kull korp innotifikat għandu jinforma lill-korpi nnotifikati l-oħrajn bl-approvazzjonijiet tas-sistema tal-kwalità li rrifjuta, irtira, issospenda jew b’xi mod ieħor illimita, u, fuq talba, bl-approvazzjonijiet tas-sistema tal-kwalità maħruġa minnu.

10. Ir-rappreżentant awtorizzat tal-manifattur

L-obbligi tal-manifattur stipulati fil-punti 3, 5.1, 5.5, 7 u 8 jistgħu jiġu ssodisfati mir-rappreżentant awtorizzat tal-manifattur, f’isem il-manifattur u taħt ir-responsabbiltà tal-manifattur, dment li dawn ikunu speċifikati fil-mandat.

Parti C

MODULU G - KONFORMITÀ ABBAŻI TAL-VERIFIKA TAL-UNITÀ

1.   Deskrizzjoni tal-modulu

Il-konformità abbażi tal-verifika tal-unità hija l-proċedura ta’ valutazzjoni tal-konformità li permezz tagħha l-manifattur jissodisfa l-obbligi stabbiliti fil-punti 2, 3 u 5, u jiżgura u jiddikjara fuq ir-responsabbiltà unika tiegħu, mingħajr preġudizzju għall-obbligi ta’ operaturi ekonomiċi oħra f’konformità ma’ dan ir-Regolament, li l-batterija kkonċernata, li tkun soġġetta għad-dispożizzjonijiet tal-punt 4, tkun konformi mar-rekwiżiti applikabli stipulati fl-Artikoli 7 u 8, jew, skont l-għażla tal-manifattur, ir-rekwiżiti applikabbli kollha stipulati fl-Artikoli 6 sa 10 u l-Artikoli 12, 13 u 14.

2.   Dokumentazzjoni teknika

1. Il-manifattur għandu jħejji d-dokumentazzjoni teknika u jqegħidha għad-dispożizzjoni tal-korp innotifikat imsemmi fil-punt 4. Id-dokumentazzjoni teknika għandha tippermetti l-valutazzjoni tal-konformità tal-batterija mar-rekwiżiti rilevanti msemmija fil-punt 1 u għandha tinkludi analiżi u valutazzjoni adegwati tar-riskji.

Id-dokumentazzjoni teknika għandha tispeċifika r-rekwiżiti applikabbli u tkopri, sa fejn ikun rilevanti għall-valutazzjoni, id-disinn, il-manifattura u t-tħaddim tal-batterija.

Id-dokumentazzjoni teknika għandu jkun fiha, fejn applikabbli, mill-anqas l-elementi li ġejjin:

(a) 

deskrizzjoni ġenerali tal-batterija u l-użu maħsub tagħha;

(b) 

id-disinn kunċettwali u tpinġijiet tal-manifattura u skemi tal-komponenti, tas-subassemblaġġi u taċ-ċirkwiti;

(c) 

id-deskrizzjonijiet u l-ispjegazzjonijiet meħtieġa għall-fehim tat-tpinġijiet u l-iskemi msemmija fil-punt (b) u għat-tħaddim tal-batterija;

(d) 

eżemplari tat-tikketta meħtieġa f’konformità mal-Artikolu 13;

(e) 

lista tal-istandards armonizzati msemmija fl-Artikolu 15, l-ispeċifikazzjonijiet komuni msemmija fl-Artikolu 16, jew fit-tnejn li huma, li ġew applikati, u, fil-każ ta’ standards armonizzati, speċifikazzjonijiet komuni applikati parzjalment, jew fit-tnejn li huma, indikazzjoni ta’ liema partijiet ġew applikati;

(f) 

lista ta’ speċifikazzjonijiet tekniċi rilevanti oħra użati għall-finijiet ta’ kejl jew ta’ kalkolu u deskrizzjonijiet tas-soluzzjonijiet adottati biex jiġu ssodisfati r-rekwiżiti applikabbli msemmija fil-punt 1 jew biex tiġi vverifikata l-konformità tal-batteriji ma’ dawk ir-rekwiżiti, meta l-istandards armonizzati, l-ispeċifikazzjonijiet komuni, jew it-tnejn li huma, ma jkunux ġew applikati jew ma jkunux disponibbli;

(g) 

ir-riżultati tal-kalkoli tad-disinn magħmula u tal-eżamijiet imwettqa, u l-evidenza teknika jew dokumentarja użata;

(h) 

studju li jappoġġa l-valuri u l-klassi tal-impronta tal-karbonju msemmija fl-Artikolu 7, li jkun fih il-kalkoli magħmula f’konformità mal-metodoloġija stipulata fl-att delegat adottat skont l-Artikolu 7(1), ir-raba’ subparagrafu, il-punt (a), u l-evidenza u l-informazzjoni li jiddeterminaw id-data tal-input għal dawk il-kalkoli;

(i) 

studju li jappoġġa s-sehem tal-kontenut riċiklat imsemmi fl-Artikolu 8, li jkun fih il-kalkoli magħmula f’konformità mal-metodoloġija stipulata fl-att delegat adottat skont l-Artikolu 8(1), it-tieni subparagrafu, u l-evidenza u l-informazzjoni li jiddeterminaw id-data tal-input għal dawk il-kalkoli; u

(j) 

ir-rapporti tat-testijiet.

2. Il-manifattur għandu jżomm id-dokumentazzjoni teknika għad-dispożizzjoni tal-awtoritajiet nazzjonali għal 10 snin wara t-tqegħid fis-suq tal-batterija.

3. Il-manifattura

Il-manifattur għandu jieħu l-miżuri kollha meħtieġa sabiex il-proċess ta’ manifattura u l-monitoraġġ tiegħu jiżguraw li l-batterija manifatturata hija konformi mar-rekwiżiti applikabbli msemmija fil-punt 1.

4. Verifika

1. 

Korp innotifikat magħżul mill-manifattur għandu jwettaq eżamijiet, kalkoli, kejl u testijiet xierqa, kif stipulati fl-istandards armonizzati rilevanti msemmija fl-Artikolu 15, fl-ispeċifikazzjonijiet komuni msemmija fl-Artikolu 16, jew it-tnejn li huma, jew testijiet ekwivalenti, biex jivverifika l-konformità tal-batterija mar-rekwiżiti applikabbli msemmija fil-punt 1, jew iqabbad lil min jagħmilhom. Fin-nuqqas ta’ tali standard armonizzat jew speċifikazzjoni komuni, il-korp innotifikat ikkonċernat għandu jiddeċiedi dwar l-eżamijiet, il-kalkoli, il-kejl u t-testijiet xierqa li għandhom jitwettqu.

Il-korp innotifikat għandu joħroġ ċertifikat ta’ konformità fir-rigward tal-eżamijiet, il-kalkoli, il-kejl u t-testijiet li jkunu twettqu u għandu jwaħħal in-numru ta’ identifikazzjoni tiegħu mal-batterija approvata, jew iqabbad lil min iwaħħlu taħt ir-responsabbiltà tiegħu.

2. 

Il-manifattur għandu jżomm iċ-ċertifikati ta’ konformità għad-dispożizzjoni tal-awtoritajiet nazzjonali għal 10 snin wara t-tqegħid fis-suq tal-batterija.

5. Il-markatura CE u d-dikjarazzjoni ta’ konformità tal-UE

Il-manifattur għandu jwaħħal il-markatura CE, u, taħt ir-responsabbiltà tal-korp innotifikat imsemmi fil-punt 4, in-numru ta’ identifikazzjoni ta’ dan tal-aħħar ma’ kull batterija li tissodisfa r-rekwiżiti applikabbli msemmija fil-punt 1, jew, fejn dan ma jkunx possibbli jew mhux ġustifikat minħabba n-natura tal-batterija, mal-imballaġġ u mad-dokumenti li jakkumpanjaw il-batterija.

Il-manifattur għandu jħejji dikjarazzjoni ta’ konformità tal-UE f’konformità mal-Artikolu 18 għal kull batterija u jżommha għad-dispożizzjoni tal-awtoritajiet nazzjonali għal 10 snin wara t-tqegħid fis-suq tal-batterija. Id-dikjarazzjoni ta’ konformità tal-UE għandha tidentifika l-batterija li għaliha tkun tħejjiet.

Kopja tad-dikjarazzjoni ta’ konformità tal-UE għandha tingħata lill-awtoritajiet nazzjonali meta tintalab.

6. Rappreżentant awtorizzat tal-manifattur

L-obbligi tal-manifattur stipulati fil-punti 2.2., 4.2. u 5 jistgħu jiġu ssodisfati mir-rappreżentant awtorizzat tal-manifattur, f’isem il-manifattur u taħt ir-responsabbiltà tal-manifattur, dment li dawn ikunu speċifikati fil-mandat.
ANNESS IX



ANNESS IX

DIKJARAZZJONI TA’ KONFORMITÀ TAL-UE Nru* …

* (numru ta’ identifikazzjoni tad-dikjarazzjoni)

1. Il-mudell tal-batterija (prodott, kategorija, u lott jew numru tas-serje):

2. L-isem u l-indirizz tal-manifattur u, fejn ikun applikabbli, tar-rappreżentant awtorizzat tiegħu:

3. Din id-dikjarazzjoni tal-konformità tinħareġ taħt ir-responsabbiltà unika tal-manifattur.

4. L-għan tad-dikjarazzjoni (deskrizzjoni tal-batterija u identifikazzjoni li tippermetti t-traċċabbiltà, u li tista’, fejn xieraq, tinkludi stampa tal-batterija):

5. L-għan tad-dikjarazzjoni deskritta fil-punt 4 huwa konformi mal-leġiżlazzjoni rilevanti tal-Unjoni dwar l-armonizzazzjoni: … (referenza għall-atti l-oħra tal-Unjoni applikati).

6. Referenzi għall-istandards armonizzati rilevanti jew għall-ispeċifikazzjonijiet komuni użati jew referenzi għall-ispeċifikazzjonijiet tekniċi l-oħrajn li fir-rigward tagħhom tiġi ddikjarata l-konformità:

7. Il-korp innotifikat … (isem, indirizz, numru) … wettaq … (deskrizzjoni tal-intervent) … u ħareġ iċ-ċertifikat(i): … (dettalji, inkluż id-data tagħha, u, fejn xieraq, informazzjoni dwar it-tul ta’ u l-kondizzjonijiet għall-validità tagħha).

8. Informazzjoni addizzjonali

Iffirmata għal u f’isem:

(post u data tal-ħruġ):

(isem, funzjoni) (firma)
ANNESS X



ANNESS X

LISTA TAL-MATERJA PRIMA U L-KATEGORIJI TA’ RISKJU

1. Materja prima:

(a) 

kobalt;

(b) 

grafit naturali;

(c) 

litju;

(d) 

nikil;

(e) 

komposti kimiċi bbażati fuq il-materja prima elenkata fil-punti (a) sa (d), li huma meħtieġa għall-manifattura tal-materjali attivi tal-batteriji.

2. Kategoriji ta’ riskju soċjali u ambjentali:

(a) 

l-ambjent, il-klima u s-saħħa tal-bniedem, meta jitqiesu l-effetti diretti, indotti, indiretti u kumulattivi, inklużi:

(i) 

l-arja, inkluż it-tniġġis tal-arja, bħall-emissjonijiet ta’ gassijiet serra,

(ii) 

l-ilma, inkluż qiegħ il-baħar u l-ambjent tal-baħar, u inkluż it-tniġġis tal-ilma, l-użu tal-ilma, il-kwantitajiet tal-ilma (għargħar jew pixkiet) u l-aċċess għall-ilma,

(iii) 

il-ħamrija, inkluż it-tniġġis tal-ħamrija, l-erożjoni tal-ħamrija, l-użu tal-art u d-degradazzjoni tal-art,

(iv) 

il-bijodiversità, inkluż il-ħsara lill-ħabitats, il-fawna selvaġġa, il-flora u l-ekosistemi, inkluż is-servizzi tal-ekosistema,

(v) 

sustanzi perikolużi,

(vi) 

ħsejjes u vibrazzjonijiet,

(vii) 

is-sikurezza tal-pjanti,

(viii) 

l-użu tal-enerġija,

(ix) 

l-iskart u r-residwi;

(b) 

id-drittijiet tal-bniedem, id-drittijiet tal-ħaddiema u r-relazzjonijiet industrijali, inklużi:

(i) 

is-saħħa u s-sigurtà fuq il-post tax-xogħol,

(ii) 

it-tħaddim tat-tfal,

(iii) 

ix-xogħol furzat,

(iv) 

id-diskriminazzjoni,

(v) 

il-libertajiet tat-trade unions;

(c) 

il-ħajja komunitarja, inkluża dik tal-popli indiġeni.

3. L-istrumenti internazzjonali li jkopru r-riskji msemmija fil-punt 2 jinkludu:

(a) 

l-Għaxar Prinċipji tal-Patt Globali tan-Nazzjonijiet Uniti;

(b) 

il-Linji gwida tal-UNEP għall-Valutazzjoni taċ-Ċiklu tal-Ħajja tal-Prodotti;

(c) 

il-Konvenzjoni dwar id-Diversità Bijoloġika, b’mod partikolari d-Deċiżjoni COP VIII/28 - Linji gwida volontarji dwar l-inklużjoni tal-kwistjonijiet relatati mal-Bijodiversità fil-valutazzjoni tal-impatt;

(d) 

il-Ftehim ta’ Pariġi tan-NU;

(e) 

it-tmien Konvenzjonijiet fundamentali tal-ILO kif definiti fid-Dikjarazzjoni tal-ILO dwar il-Prinċipji u d-Drittijiet Fundamentali fuq ix-Xogħol;

(f) 

kwalunkwe konvenzjoni ambjentali internazzjonali oħra li torbot lill-Unjoni jew lill-Istati Membri tagħha;

(g) 

id-Dikjarazzjoni tal-ILO dwar il-Prinċipji u d-Drittijiet Fundamentali fuq ix-Xogħol;

(h) 

il-Karta Internazzjonali tad-Drittijiet tal-Bniedem, inkluż il-Patt Internazzjonali dwar id-Drittijiet Ċivili u Politiċi u l-Patt Internazzjonali dwar id-Drittijiet Ekonomiċi, Soċjali u Kulturali.

4. L-istrumenti ta’ diliġenza dovuta rikonoxxuti internazzjonalment u applikabbli għar-rekwiżiti ta’ diliġenza dovuta stipulati fil-Kapitolu VII ta’ dan ir-Regolament:

(a) 

il-Karta Internazzjonali tad-Drittijiet tal-Bniedem, inkluż il-Patt Internazzjonali dwar id-Drittijiet Ċivili u Politiċi u l-Patt Internazzjonali dwar id-Drittijiet Ekonomiċi, Soċjali u Kulturali;

(b) 

il-Prinċipji Gwida tan-NU dwar in-Negozju u d-Drittijiet tal-Bniedem;

(c) 

il-Linji gwida tal-OECD għall-Intrapriżi Multinazzjonali;

(d) 

id-Dikjarazzjoni Tripartitika tal-ILO dwar il-Prinċipji li Jikkonċernaw l-Intrapriżi Multinazzjonali u l-Politika Soċjali;

(e) 

il-Gwida tal-OECD dwar id-Diliġenza Dovuta għal Imġiba Responsabbli fin-Negozju;

(f) 

il-Gwida tal-OECD dwar id-Diliġenza Dovuta għal Ktajjen ta’ Provvista Responsabbli tal-Minerali minn Żoni Affettwati mill-Kunflitti u ta’ Riskju Għoli.
ANNESS XI



ANNESS XI

KALKOLU TAR-RATI TA’ ĠBIR GĦALL-ISKART TA’ BATTERIJI PORTABBLI U L-ISKART TA’ BATTERIJI LMT

1. Il-produtturi tal-kategorija rilevanti ta’ batteriji jew, fejn maħtura f’konformità mal-Artikolu 57(1), l-organizzazzjonijiet b’kompetenza fil-qasam tar-responsabbiltà tal-produtturi, u l-Istati Membri għandhom jikkalkulaw ir-rata ta’ ġbir bħala l-perċentwal miksub bid-diviżjoni tal-piż tal-iskart tal-batteriji, miġbur f’konformità mal-Artikoli 59, 60 u 69, rispettivament, f’sena kalendarja partikolari fi Stat Membru bil-piż medju ta’ tali batteriji li l-produtturi jqiegħdu direttament fis-suq għad-dispożizzjoni tal-utenti finali jew inkella jikkonsenjaw lil partijiet terzi sabiex iqegħduhom fis-suq għad-dispożizzjoni tal-utenti finali f’dak l-Istat Membru matul it-tliet snin kalendarji preċedenti. Ir-rata ta’ ġbir għandha tiġi kkalkulata għall-batteriji portabbli f’konformità mal-Artikolu 59, u għall-batteriji LMT f’konformità mal-Artikolu 60 rispettivament.



Sena

Ġbir ta’ data

Kalkolu

Rekwiżit ta’ rapportar

Sena 1

Bejgħ fis-sena 1 (S1)

 

 

 

Sena 2

Bejgħ fis-sena 2 (S2)

 

 

 

Sena 3

Bejgħ fis-sena 3 (S3)

 

 

 

Sena 4

Bejgħ fis-sena 4 (S4)

Ġbir fis-sena 4 (C4)

Rata ta’ ġbir (CR4) = 3*C4/(S1+S2+S3)

CR4

Sena 5

Bejgħ fis-sena 5 (S5)

Ġbir fis-sena 5 (C5)

Rata ta’ ġbir (CR5) = 3*C5/(S2+S3+S4)

CR5

Eċċ.

Eċċ.

Eċċ.

Eċċ.

 

2. Il-produtturi tal-kategorija rilevanti ta’ batteriji jew, fejn maħtura f’konformità mal-Artikolu 57(1), l-organizzazzjonijiet b’kompetenza fil-qasam tar-responsabbiltà tal-produtturi, u l-Istati Membri għandhom jikkalkulaw il-bejgħ annwali tal-batteriji lil utenti finali f’sena partikolari, bħala l-piż ta’ tali batteriji mqiegħda fis-suq għall-ewwel darba fit-territorju tal-Istat Membru fis-sena kkonċernata, bl-esklużjoni ta’ kwalunkwe batterija li tkun telqet mit-territorju ta’ dak l-Istat Membru f’dik is-sena, qabel ma nbiegħet lill-utenti finali. Dak il-bejgħ għandu jiġi kkalkulat separatament għall-batteriji portabbli u għall-batteriji LMT.

3. Għal kull batterija, għandha tingħadd biss l-ewwel darba li din issir disponibbli fis-suq ta’ Stat Membru.

4. Il-kalkolu previst fil-punti 1 u 2 għandu jkun ibbażat fuq data miġbura jew fuq stimi statistikament sinifikanti bbażati fuq data miġbura.
ANNESS XII



ANNESS XII

REKWIŻITI TA’ ĦŻIN U TA’ TRATTAMENT, INKLUŻ TAR-RIĊIKLAĠĠ

Parti A: Rekwiżiti ta’ ħżin u ta’ trattament

1. It-trattament għandu, bħala minimu, jinkludi t-tneħħija tal-fluwidi u l-aċidi kollha.

2. It-trattament u kwalunkwe ħżin, inkluż ħżin temporanju, f’faċilitajiet ta’ trattament, inkluż f’faċilitajiet ta’ riċiklaġġ, għandu jsir f’postijiet b’uċuħ impermeabbli u b’għata adatta kontra l-elementi tat-temp jew f’kontenituri xierqa.

3. L-iskart ta’ batteriji f’faċilitajiet ta’ trattament, inkluż f’faċilitajiet ta’ riċiklaġġ, għandu jinħażen b’tali mod li dan ma jitħallatx ma’ skart minn materjal konduttiv jew kombustibbli.

4. Għandhom ikunu fis-seħħ prekawzjonijiet speċjali u miżuri ta’ sikurezza għat-trattament tal-iskart ta’ batteriji abbażi tal-litju matul l-immaniġġar, is-separazzjoni u l-ħżin. Miżuri bħal dawn għandhom jinkludu protezzjoni mill-esponiment għal:

(a) 

sħana eċċessiva, bħal temperaturi għoljin, nar jew dawl tax-xemx dirett;

(b) 

ilma, bħal preċipitazzjoni u għargħar;

(c) 

kwalunkwe tgħaffiġ jew ħsara fiżika.

Skart ta’ batteriji abbażi tal-litju għandhom jinħażnu fl-orjentazzjoni tagħhom normalment installata, jiġifieri qatt rashom ’l isfel, u f’żoni ventilati tajjeb u għandhom ikunu mgħottija b’iżolament tal-gomma kontra vultaġġ għoli. Il-faċilitajiet tal-ħżin tal-iskart għal batteriji abbażi tal-litju għandhom jiġu mmarkati b’sinjal ta’ twissija.

5. Il-merkurju għandu jiġi sseparat waqt it-trattament fi fluss identifikabbli, li għandu jiġi immobilizzat u mormi b’mod sikur u ma jistax jikkawża effetti negattivi fuq is-saħħa tal-bniedem jew l-ambjent.

6. Il-kadmju għandu jiġi sseparat waqt it-trattament fi fluss identifikabbli, li għandu jingħata destinazzjoni sikura u ma jistax jikkawża effetti negattivi fuq is-saħħa tal-bniedem jew l-ambjent.

Parti B: Miri għall-effiċjenzi ta’ riċiklaġġ

1. Sa mhux aktar tard mill-31 ta’ Diċembru 2025, ir-riċiklaġġ għandu jikseb mill-anqas il-miri li ġejjin għall-effiċjenzi ta’ riċiklaġġ:

(a) 

riċiklaġġ ta’ 75 % skont il-piż medju ta’ batteriji taċ-ċomb u l-aċidu;

(b) 

riċiklaġġ ta’ 65 % skont il-piż medju ta’ batteriji abbażi tal-litju;

(c) 

riċiklaġġ ta’ 80 % skont il-piż medju ta’ batteriji tan-nikil u tal-kadmju;

(d) 

riċiklaġġ ta’ 50 % skont il-piż medju tal-iskart ta’ batteriji oħrajn.

2. Sa mhux aktar tard mill-31 ta’ Diċembru 2030, ir-riċiklaġġ għandu jikseb mill-anqas il-miri li ġejjin għall-effiċjenzi ta’ riċiklaġġ:

(a) 

riċiklaġġ ta’ 80 % skont il-piż medju ta’ batteriji taċ-ċomb u l-aċidu;

(b) 

riċiklaġġ ta’ 70 % skont il-piż medju ta’ batteriji abbażi tal-litju.

Parti C: Miri għall-irkupru ta’ materjali

1. Sa mhux aktar tard mill-31 ta’ Diċembru 2027, ir-riċiklaġġ kollu għandu jikseb mill-anqas il-miri li ġejjin għall-irkupru ta’ materjali:

(a) 

90 % għall-kobalt;

(b) 

90 % għar-ram;

(c) 

90 % għaċ-ċomb;

(d) 

50 % għal-litju;

(e) 

90 % għan-nikil.

2. Sa mhux aktar tard mill-31 ta’ Diċembru 2031, ir-riċiklaġġ kollu għandu jikseb mill-anqas il-miri li ġejjin għall-irkupru ta’ materjali:

(a) 

95 % għall-kobalt;

(b) 

95 % għar-ram;

(c) 

95 % għaċ-ċomb;

(d) 

80 % għal-litju;

(e) 

95 % għan-nikil.
ANNESS XIII



ANNESS XIII

TAGĦRIF LI GĦANDU JIĠI INKLUŻ FIL-PASSAPORT TAL-BATTERIJI

1.   INFORMAZZJONI AĊĊESSIBBLI GĦALL-PUBBLIKU RELATATA MAL-MUDELL TAL-BATTERIJA

Passaport tal-batteriji għandu jinkludi l-informazzjoni li ġejja relatata mal-mudell tal-batterija li għandha tkun aċċessibbli għall-pubbliku:

(a) 

l-informazzjoni speċifikata fil-Parti A tal-Anness VI;

(b) 

il-kompożizzjoni tal-materjal tal-batterija, inkluż il-kimika tagħha, is-sustanzi perikolużi preżenti fil-batterija, għajr il-merkurju, il-kadmju jew iċ-ċomb, u l-materja prima kritika preżenti fil-batterija;

(c) 

l-informazzjoni dwar l-impronta tal-karbonju msemmija fl-Artikolu 7(1) u (2);

(d) 

informazzjoni dwar l-akkwist responsabbli kif indikat fir-rapport dwar il-politika tad-diliġenza dovuta tal-batteriji msemmija fl-Artikolu 52(3);

(e) 

informazzjoni dwar il-kontenut irriċiklat kif jinsab fid-dokumentazzjoni msemmija fl-Artikolu 8(1);

(f) 

is-sehem tal-kontenut rinnovabbli;

(g) 

il-kapaċità attribwita (f’Ah);

(h) 

il-vultaġġ minimu, nominali u massimu, bil-meded tat-temperatura meta jkunu rilevanti;

(i) 

il-kapaċità f’termini ta’ potenza oriġinali (f’Watts) u l-limiti, b’medda ta’ temperaturi meta rilevanti;

(j) 

it-tul tal-ħajja mistenni tal-batterija espress f’ċikli, u t-test ta’ referenza użat;

(k) 

il-limitu tal-kapaċità għall-eżawriment (għall-batteriji tal-vetturi elettriċi biss);

(l) 

il-medda tat-temperaturi li l-batterija tista’ tiflaħ meta ma tkunx qed tintuża (test ta’ referenza);

(m) 

il-perjodu li għalih tapplika l-garanzija kummerċjali għall-ħajja kalendarja;

(n) 

l-effiċjenza inizjali taċ-ċiklu sħiħ tal-enerġija u b’50 % tal-ħajja taċ-ċiklu;

(o) 

ir-reżistenza interna taċ-ċellola u tal-pakkett tal-batterija;

(p) 

ir-rata C tat-test rilevanti tal-ħajja taċ-ċiklu.

▼C4

(q) 

ir-rekwiżiti dwar l-immarkar stipulati fl-Artikolu 13(4) u (5);

▼B

(r) 

id-dikjarazzjoni ta’ konformità tal-UE msemmija fl-Artikolu 18;

(s) 

l-informazzjoni dwar il-prevenzjoni u l-immaniġġar tal-iskart ta’ batteriji stipulata fl-Artikolu 74(1), il-punti (a) sa (f).

2.   INFORMAZZJONI RELATATA MAL-MUDELL TAL-BATTERIJA AĊĊESSIBBLI BISS LIL PERSUNI B’INTERESS LEĠITTIMU U L-KUMMISSJONI

Passaport tal-batteriji għandu jinkludi l-informazzjoni li ġejja relatata mal-mudell tal-batterija, li għandha tkun aċċessibbli biss lil persuni b’interess leġittimu u l-Kummissjoni:

(a) 

il-kompożizzjoni, inkluż il-materjali użati fil-katodu, l-anodu u l-elettrolit;

(b) 

in-numri tal-partijiet għall-komponenti u d-dettalji ta’ kuntatt tas-sorsi għall-partijiet tal-bdil;

(c) 

informazzjoni dwar iż-żarmar, inkluż mill-inqas:

— 
dijagrammi li jagħtu dettalji tas-sistema/pakkett tal-batterija li juru fejn jinsabu ċ-ċelluli tal-batterija,
— 
sekwenzi taż-żarmar,
— 
it-tip u n-numru tat-tekniki ta’ twaħħil għall-ftuħ,
— 
l-għodod meħtieġa għaż-żarmar,
— 
twissijiet jekk jeżisti riskju ta’ ħsara lil partijiet,
— 
l-ammont ta’ ċelluli użati u t-tqassim tagħhom;
(d) 

il-miżuri tas-sikurezza.

3.   INFORMAZZJONI AĊĊESSIBBLI BISS LILL-KORPI NNOTIFIKATI, L-AWTORITAJIET TAS-SORVELJANZA TAS-SUQ U L-KUMMISSJONI

Passaport tal-batteriji għandu jinkludi l-informazzjoni li ġejja relatata mal-mudell tal-batterija, li għandha tkun aċċessibbli biss lill-korpi nnotifikati, l-awtoritajiet tas-sorveljanza tas-suq u l-Kummissjoni:

— 
ir-riżultati tar-rapporti tat-testijiet li jagħtu prova tal-konformità mar-rekwiżiti stipulati f’dan ir-Regolament jew kwalunkwe att delegat jew ta’ implimentazzjoni adottat skont dan ir-Regolament.

4.   INFORMAZZJONI U DATA RELATATI MA’ BATTERIJA INDIVIDWALI AĊĊESSIBBLI BISS LIL PERSUNI B’INTERESS LEĠITTIMU

Passaport tal-batteriji għandu jinkludi l-informazzjoni u data speċifiċi li ġejjin relatata ma’ batterija individwali, li għandha tkun aċċessibbli biss lil persuni b’interess leġittimu:

(a) 

il-valuri għall-parametri tal-prestazzjoni u tad-durabbiltà msemmija fl-Artikolu 10(1), meta l-batterija titqiegħed fis-suq u meta tkun soġġetta għal bidliet fl-istatus tagħha;

(b) 

informazzjoni dwar l-istat tas-saħħa tal-batterija skont l-Artikolu 14;

(c) 

informazzjoni dwar l-istatus tal-batterija, definita bħala “oriġinali”, “adattata għal skop differenti”, “użata mill-ġdid”, “manifatturata mill-ġdid” jew “skart”;

(d) 

informazzjoni u data li jirriżultaw mill-użu tagħha, inkluż l-għadd ta’ ċikli tal-iċċarġjar u tal-iskarika u avvenimenti negattivi, bħal aċċidenti, kif ukoll informazzjoni rreġistrata perjodikament dwar il-kondizzjonijiet ambjentali tat-tħaddim, inkluż it-temperatura, u dwar l-istat ta’ ċarġ.
ANNESS XIV



ANNESS XIV

REKWIŻITI MINIMI GĦAL VJEĠĠI TA’ BATTERIJI UŻATI

1. Sabiex issir distinzjoni bejn il-batteriji użati u l-iskart ta’ batteriji, fejn id-detentur, jiġifieri l-persuna fiżika jew ġuridika fil-pussess tal-batteriji użati jew tal-iskart ta’ batteriji, jiddikjara li għandu l-intenzjoni li jittrasporta jew li qiegħed jittrasporta batteriji użati u mhux skart ta’ batteriji, dak id-detentur għandu jkun meħtieġ li jkollu disponibbli dan li ġej biex jissostanzja dik id-dikjarazzjoni:

(a) 

kopja tal-fattura u tal-kuntratt relatati mal-bejgħ jew mat-trasferiment tas-sjieda tal-batteriji li jiddikjaraw li l-batteriji huma maħsuba għal użu mill-ġdid dirett u li huma kompletament funzjonali;

(b) 

evidenza tal-evalwazzjoni jew l-ittestjar f’forma ta’ kopja tar-reġistri, bħaċ-ċertifikat tal-ittestjar, prova tal-funzjonalità għal kull batterija jew frazzjoni tagħha fil-konsenja, u l-protokoll li jkun fih l-informazzjoni kollu dwar ir-reġistri f’konformità mal-punt 3;

(c) 

dikjarazzjoni li tkun saret mid-detentur li ebda materjal jew tagħmir fil-konsenja mhuwa skart kif definit bl-Artikolu 3, il-punt (1), tad-Direttiva 2008/98/KE; u

(d) 

protezzjoni adatta kontra ħsara waqt it-trasportazzjoni, it-tagħbija u l-ħatt, b’mod partikolari permezz ta’ imballaġġ suffiċjenti u arranġament adatt tat-tagħbija.

2. Il-punt 1(a) u (b) u l-punt 3 ma għandux japplika meta jintwera permezz ta’ provi dokumentati li l-vjeġġ ikun qiegħed isir fil-qafas ta’ ftehim ta’ trasferiment minn negozju għal ieħor u li:

(a) 

il-batterija użata tintbagħat lura lill-produttur jew lil parti terza li taġixxi f’ismu għat-tiswija taħt garanzija bl-intenzjoni tal-użu mill-ġdid; jew

(b) 

jekk il-batterija użata hija għal użu professjonali, tintbagħat lill-produttur jew lil parti terza li taġixxi f’ismu jew faċilità ta’ parti terza f’pajjiżi li għalihom tapplika d-Deċiżjoni C(2001)107/Final tal-Kunsill OECD dwar il-Kontroll ta’ Movimenti Transkonfinali tal-Iskart Destinat għal Operazzjonijiet ta’ Rkupru, għall-manutenzjoni jew it-tiswija skont kuntratt validu bl-intenzjoni tal-użu mill-ġdid; jew

(c) 

jekk il-batterija użata hija għal użu professjonali u hija difettuża, tintbagħat lill-produttur jew lil parti terza li taġixxi f’ismu għall-analiżi tal-kawża prinċipali skont kuntratt validu, f’każijiet fejn tali analiżi tista’ titwettaq biss mill-produttur jew minn partijiet terzi li jaġixxu f’ismu.

3. Sabiex jintwera li l-batteriji li jkunu qed jiġu ttrasportati jikkostitwixxu batteriji użati, u mhux skart ta’ batteriji, id-detentur tagħhom għandu jwettaq il-passi li jmiss għall-ittestjar u ż-żamma ta’ reġistri:

Pass 1: Ittestjar
(a) 

il-batterija għandha tiġi ttestjata għall-istat tas-saħħa tagħha u l-preżenza ta’ sustanzi perikolużi għandha tiġi evalwata;

(b) 

ir-riżultati tal-evalwazzjoni u l-ittestjar imsemmija fil-punt (a) għandhom jiġu rreġistrati.

Pass 2: Reġistru
(a) 

ir-reġistru għandu jitwaħħal b’mod sigur iżda mhux permanenti fuq il-batterija użata stess, jekk il-batterija użata ma tkunx ġiet ippakkjata, jew inkella fuq l-imballaġġ, sabiex ikun jista’ jinqara mingħajr ma jitneħħa l-imballaġġ;

(b) 

ir-reġistru għandu jinkludi l-informazzjoni li ġejja:

— 
l-isem tal-batterija jew il-frazzjoni tagħha,
— 
in-numru tal-identifikazzjoni tal-batterija jew il-frazzjoni tagħha, fejn applikabbli,
— 
is-sena tal-produzzjoni, jekk disponibbli,
— 
l-isem u l-indirizz tal-kumpanija responsabbli għall-ittestjar tal-istat tas-saħħa,
— 
it-tipi ta’ testijiet imwettqa fl-istadju 1,
— 
ir-riżultati tat-testijiet kif imwettqa għall-istadju 1, inkluż id-data tat-testijiet.

4. Minbarra d-dokumentazzjoni meħtieġa fil-punti 1, 2 u 3, kull tagħbija (per eżempju kontejner tat-trasport jew trakk, ta’ batteriji użati għandha tkun akkumpanjata minn:

(a) 

dokument tat-trasport rilevanti; u

(b) 

dikjarazzjoni ta’ responsabbiltà mill-persuna responsabbli għaliha.

5. Fin-nuqqas ta’ prova li oġġett huwa batterija użata u mhux skart ta’ batterija, fil-forma tad-dokumentazzjoni xierqa meħtieġa skont il-punti 1, 2, 3 u 4, u fin-nuqqas ta’ protezzjoni xierqa kontra ħsara matul it-trasportazzjoni, it-tagħbija u l-ħatt, b’mod partikolari permezz tal-imballaġġ suffiċjenti u l-arranġament adatt tat-tagħbija, li huma l-obbligi tad-detentur li jorganizza t-trasport, l-oġġett għandu jitqies skart u għandu jkun preżunt li t-tagħbija hija konsenja illegali. F’tali każijiet, it-tagħbija għandha tiġi ttrattata f’konformità mal-Artikoli 24 u 25 tar-Regolament (KE) Nru 1013/2006.
ANNESS XV



ANNESS XV

TABELLA TA’ KORRELAZZJONI



Direttiva 2006/66/KE

Dan ir-Regolament

Artikolu 1

Artikolu 1

Artikolu 1, l-ewwel paragrafu, punt 1

Artikolu 1(1)

Artikolu 1, l-ewwel paragrafu, punt 2

Artikolu 1(1)

Artikolu 1 it-tieni paragrafu

—

Artikolu 2

Artikolu 1(3), (4) u (5)

Artikolu 2(1)

Artikolu 1(3) u (4)

Artikolu 2(2)

Artikolu 1(5)

Artikolu 2(2), punt (a)

Artikolu 1(5), punt (a)

Artikolu 2(2), punt (b)

Artikolu 1(5), punt (a)

Artikolu 3

Artikolu 3

Artikolu 3, punt 1

Artikolu 3(1), punt 1

Artikolu 3, punt 2

Artikolu 3(1), punt 2

Artikolu 3, punt 3

Artikolu 3(1), punt 9

Artikolu 3, punt 4

—

Artikolu 3, punt 5

Artikolu 3(1), punt 12

Artikolu 3, punt 6

Artikolu 3(1), punt 13

Artikolu 3, punt 7

Artikolu 3(1), punt 50

Artikolu 3, punt 8

Artikolu 3(2), punt (a)

Artikolu 3, punt 9

—

Artikolu 3, punt 10

Artikolu 3(1), punt 53

Artikolu 3, punt 11

Artikolu 3(1), punt 26

Artikolu 3, punt 12

Artikolu 3(1), punt 47

Artikolu 3, punt 13

Artikolu 3(1), punt 65

Artikolu 3, punt 14

Artikolu 3(1), punt 16

Artikolu 3, punt 15

Artikolu 3(1), punt 22

Artikolu 3, punt 16

—

Artikolu 3, punt 17

—

Artikolu 4

Artikolu 6

Artikolu 4(1)

Anness I

Artikolu 4(1), punt (a)

Anness I, entrata 1

Artikolu 4(1), punt (b)

Anness I, entrata 2

Artikolu 4(2)

—

Artikolu 4(3)

—

Artikolu 4(3), punt (a)

—

Artikolu 4(3), punt (b)

—

Artikolu 4(3), punt (c)

—

Artikolu 4(4)

—

Artikolu 5

—

Artikolu 6

Artikolu 4

Artikolu 6(1)

Artikolu 4(1)

Artikolu 6(2)

—

Artikolu 7

Artikolu 2

Artikolu 8

Artikoli 59, 62 u 64 sa 67

Artikolu 8(1)

Artikolu 59

Artikolu 8(1), l-ewwel subparagrafu, punt (a)

Artikolu 59(1), punt (a) Artikolu 59(1), punt (b)

Artikolu 8(1), l-ewwel subparagrafu, punt (b)

Artikolu 62

Artikolu 8(1), l-ewwel subparagrafu, punt (c)

Artikolu 61(1) Artikolu 62(1)

Artikolu 8(1), l-ewwel subparagrafu, punt (d)

Artikolu 59(2), punt (a)(ii) Artikolu 60(1), punt (c)

Artikolu 8(1), it-tieni subparagrafu

Artikolu 59(5)

Artikolu 8(2)

Artikolu 59(1) u Artikolu 59(2)

Artikolu 8(2), punt (a)

Artikolu 59(1) u Artikolu 59(2)

Artikolu 8(2), punt (b)

Artikolu 59(2)

Artikolu 8(2), punt (c)

—

Artikolu 8(3)

Artikolu 61

Artikolu 8(4)

Artikolu 61

Artikolu 9

—

Artikolu 10

Artikoli 59, 60 u 69

Artikolu 10(1)

—

Artikolu 10(1) it-tieni subparagrafu

Artikolu 75(4)

Artikolu 10(2)

Artikoli 59 u 60

Artikolu 10(2), punt (a)

—

Artikolu 10(2), punt (b)

Artikolu 59(3) u Artikolu 60(3)

Artikolu 10(3)

Artikolu 69(2) u Artikolu 76(1), it-tieni subparagrafu

Artikolu 10(4)

—

Artikolu 11

Artikolu 11

Artikolu 11, l-ewwel paragrafu

Artikolu 11(1)

Artikolu 11, it-tieni paragrafu

Artikolu 11(3)

Artikolu 12

Artikolu 70

Artikolu 12(1)

Artikolu 70(2)

Artikolu 12(1), l-ewwel subparagrafu, punt (a)

Artikolu 59(1), il-punt (f), Artikolu 60(1), punt (f), u Artikolu 60(3), punt (c)

Artikolu 12(1), l-ewwel subparagrafu, punt (b)

Artikolu 71(1)

Artikolu 12(1), it-tieni subparagrafu

—

Artikolu 12(1), it-tielet subparagrafu

—

Artikolu 12(2)

Artikolu 71(4)

Artikolu 12(3)

Artikolu 70(3)

Artikolu 12(4)

Artikolu 71(2) u (3)

Artikolu 12(5)

Artikolu 75(5), punt (c), u Artikolu 76(1), punt (d)

Artikolu 12(6)

Artikolu 71(4)

Artikolu 13

—

Artikolu 13(1)

—

Artikolu 13(2)

—

Artikolu 14

Artikolu 70(1)

Artikolu 15

Artikolu 72

Artikolu 15(1)

Artikolu 72(1)

Artikolu 15(2)

Artikolu 72(3)

Artikolu 15(3)

Artikolu 72(4)

Artikolu 16

Artikolu 56

Artikolu 16(1)

Artikolu 56(1) u (4)

Artikolu 16(1), punt (a)

Artikolu 56(4), punt (a)

Artikolu 16(1), punt (b)

Artikolu 56(4), punt (a)

Artikolu 16(2)

—

Artikolu 16(3)

Artikolu 56(1), punt (c)

Artikolu 16(4)

Artikolu 74(5)

Artikolu 16(5)

—

Artikolu 16(6)

—

Artikolu 17

Artikolu 55

Artikolu 18

Artikolu 57(2), punt (c)

Artikolu 18(1)

—

Artikolu 18(2)

—

Artikolu 18(3)

—

Artikolu 19

Artikolu 59(1), Artikolu 60(1), Artikolu 61(1), Artikolu 62 u Artikoli 64 sa 67

Artikolu 19(1)

Artikolu 59(2), Artikolu 60(2), Artikolu 61(1) u Artikoli 62, 65, 66 u 67

Artikolu 19(2)

Artikolu 57(2), punt (c)

Artikolu 20

Artikolu 74

Artikolu 20(1)

Artikolu 74(1)

Artikolu 20(1), punt (a)

Artikolu 74(1), punt (f)

Artikolu 20(1), punt (b)

Artikolu 74(1), punt (b)

Artikolu 20(1), punt (c)

Artikolu 74(1), punt (c)

Artikolu 20(1), punt (d)

Artikolu 74(1), punt (b)

Artikolu 20(1), punt (e)

Artikolu 74(1), punt (e)

Artikolu 20(2)

Artikolu 74

Artikolu 20(3)

Artikolu 74(4)

Artikolu 21

Artikolu 20 Artikolu 13, Anness VI, Parti A, B u C

Artikolu 21(1)

Artikolu 13(4)

Artikolu 21(2)

Artikolu 13(2)

Artikolu 21(3)

Artikolu 13(5)

Artikolu 21(4)

Artikolu 13(4)

Artikolu 21(5)

Artikolu 13(4)

Artikolu 21(6)

—

Artikolu 21(7)

—

Artikolu 22a

—

Artikolu 23

Artikolu 94

Artikolu 23(1)

Artikolu 94(1)

Artikolu 23(2)

Artikolu 94(2)

Artikolu 23(2), punt (a)

—

Artikolu 23(2), punt (b)

Artikolu 94(2), l-ewwel subparagrafu, punt (e)

Artikolu 23(2), punt (c)

Artikolu 71(5) u (6)

Artikolu 23(3)

Artikolu 94(2), it-tieni subparagrafu

Artikolu 23a

Artikolu 89

Artikolu 23a(1)

Artikolu 89(1)

Artikolu 23a(2)

Artikolu 89(2)

Artikolu 23a(3)

Artikolu 89(3)

Artikolu 23a(4)

Artikolu 89(5)

Artikolu 23a(5)

Artikolu 89(6)

Artikolu 24

Artikolu 90

Artikolu 24(1)

Artikolu 90(1)

Artikolu 24(2)

Artikolu 90(3)

Artikolu 24(2), it-tieni subparagrafu

Artikolu 90(3), it-tieni subparagrafu

Artikolu 25

Artikolu 93

Artikolu 26

—

Artikolu 27

—

Artikolu 28

Artikolu 95

Artikolu 29

Artikolu 96

Artikolu 30

—

Anness I

Anness XI

Anness II

Anness VI, Parti B

Anness III

Anness XII

Anness III, Parti A

Anness XII, Parti A

Anness III, Parti B

Anness XII, Parti B

Anness IV

Artikolu 55

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 13.08.2026 00:00:00 -Doknr: CELEX:32023R1542
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.