REGOLAMENT (UE) 2024/1157 TAL-PARLAMENT EWROPEW U TAL-KUNSILL tal-11 ta’ April 2024 dwar vjeġġi ta’ skart, li jemenda r-Regolamenti (UE) Nru 1257/2013 u (UE) 2020/1056 u li jħassar ir-Regolament (KE) Nru 1013/2006 (Test b’rilevanza għaż-ŻEE)

In-numru tas-serje jew identifikatur ieħor aċċettat tad-dokument tan-notifika u n-numru totali previst ta’ vjeġġi.

F’każ li n-notifikatur ikun kiseb il-kunsens(i) preċedentement għall-vjeġġ tal-istess tipi ta’ skart lejn l-istess faċilità, tista’ ssir referenza għan-numru tas-serje jew identifikatur ieħor aċċettat tad-dokument ta’ notifika ta’ dawn il-vjeġġi li jkunu ingħataw il-kunsens preċedentement.

Għall-fini tal-applikazzjoni tal-Artikolu 9(2a), f’każ li n-notifikatur ikun preċedentement kiseb il-kunsens(i) għall-vjeġġ tal-istess tipi ta’ skart mill-istess post fil-pajjiż tad-dispaċċ lill-istess destinatarju u l-istess faċilità u meta l-pajjiżi tat-tranżitu, jekk ikun hemm, ikunu l-istess, in-notifikatur għandu jindika n-numru tas-serje jew identifikatur aċċettat ieħor tad-dokument ta’ notifika ta’ dawn il-vjeġġi li għalihom ikun preċedentement kiseb il-kunsens. Barra minn hekk, bidliet fid-dettalji ta’ notifika ġdida meta mqabbla ma’ tali vjeġġ li jkun preċedentement ingħata l-kunsens għandhom jiġu indikati fin-notifika.

L-isem, l-indirizz, in-numru tat-telefon, l-indirizz tal-email, in-numru tar-reġistrazzjoni u l-persuna ta’ kuntatt tan-notifikatur.

Jekk in-notifikatur mhuwiex il-produttur oriġinali tal-iskart jew il-produttur il-ġdid jew il-kollettur tal-iskart: l-isem, l-indirizz, in-numru tat-telefon, l-indirizz tal-email u l-persuna ta’ kuntatt tal-produttur(i) oriġinali tal-iskart jew tal-produttur(i) il-ġdid/ġodda jew tal-kolletturi tal-iskart jew tad-detenturi tal-iskart.

L-isem, l-indirizz, in-numru tat-telefon, l-indirizz tal-email u l-persuna ta’ kuntatt tan-negozjant(i) jew tas-sensar(a), fejn in-notifikatur ikun ta l-awtorizzazzjoni tiegħu f’konformità mal-Artikolu 3, il-punt (6).

L-indirizz tal-post li minnu jibda l-vjeġġ, l-isem tal-persuna responsabbli għal dan il-post u, jekk differenti mill-persuni msemmija fil-punti 2 sa 4, l-indirizz, in-numru tat-telefon, l-indirizz tal-email u l-persuna ta’ kuntatt tal-persuna responsabbli għal dan il-post.

L-isem, l-indirizz, in-numru tat-telefon, l-indirizz tal-email, in-numru tar-reġistrazzjoni tal-faċilità tar-rimi jew tal-irkupru, u l-persuna li tista’ tiġi kuntattjata f’ismu, it-teknoloġija użata u l-istatus eventwali skont il-kunsens mogħti minn qabel f’konformità mal-Artikolu 14.

Jekk l-iskart ikun iddestinat għal operazzjoni ta’ rkupru interim jew ta’ rimi interim, għandha tiġi indikata informazzjoni korrispondenti dwar il-faċilitajiet kollha fejn ikunu previsti operazzjonijiet sussegwenti ta’ rkupru interim jew mhux interim jew ta’ rimi interim jew mhux interim.

Evidenza tal-permess tal-faċilità f’konformità mal-Kapitolu IV tad-Direttiva 2008/98/KE, jew jekk il-faċilità ta’ rimi jew irkupru tkun elenkata fl-Anness I, Kategorija 5, tad-Direttiva 2010/75/UE, għandha tiġi pprovduta evidenza (eż. dikjarazzjoni li tiċċertifika l-eżistenza tiegħu) ta’ permess validu maħruġ f’konformità mal-Artikoli 4 u 5 ta’ dik id-Direttiva.

L-isem, l-indirizz, in-numru tat-telefon, l-indirizz tal-email, in-numru ta’ reġistrazzjoni u l-persuna ta’ kuntatt tad-destinatarju.

L-isem, l-indirizz, in-numru tat-telefon, l-indirizz tal-email, in-numru tar-reġistrazzjoni u l-persuna ta’ kuntatt tat-trasportatur(i) previst(i) u/jew tal-aġenti tagħhom.

Il-pajjiż tad-dispaċċ u l-awtorità kompetenti rilevanti.

Il-pajjiżi tat-tranżitu u l-awtoritajiet kompetenti rilevanti.

Il-pajjiż tad-destinazzjoni u l-awtorità kompetenti rilevanti.

Notifika unika jew notifika ġenerali. Jekk notifika ġenerali, il-perjodu ta’ validità mitlub.

Data/dati prevista/previsti għall-bidu tal-vjeġġ(i).

Mezzi tat-trasport previsti.

Rotot magħżula previsti u rotta prevista, meta possibbli inklużi l-alternattivi possibbli.

Evidenza tar-reġistrazzjoni tat-trasportatur(i) fir-rigward tat-trasport tal-iskart (eż. dikjarazzjoni li tiċċertifika l-eżistenza tagħha).

Indikazzjoni tat-tip tal-iskart fil-lista pertinenti, is-sors(i), deskrizzjoni, kompożizzjoni u kwalunkwe karatteristika perikoluża. Fil-każ ta’ skart minn diversi sorsi, inventarju dettaljat tal-iskart ukoll.

Kwantitajiet massimi u minimi stmati.

Tip ta’ imballaġġ previst.

Speċifikazzjoni tal-operazzjoni(jiet) ta’ rkupru jew ta’ rimi kif imsemmija fl-Annessi I u II tad-Direttiva 2008/98/KE.

Jekk l-iskart ikun iddestinat għall-irkupru:

Jekk l-iskart ikun destinat għar-rimi, evidenza li turi li l-kundizzjonijiet fl-Artikolu 11(1)(a) huma ssodisfati.

Kopja tal-kuntratt u dikjarazzjoni li tiċċertifika l-eżistenza tiegħu bejn in-notifikatur, id-destinatarju u l-operatur tal-faċilità fejn l-iskart jiġi rkuprat jew mormi, li ġie konkluż u li jkun effettiv fiż-żmien tan-notifika, kif meħtieġ fl-Artikolu 5(6) u fl-Artikolu 6.

Kopja tal-kuntratt u dikjarazzjoni li tiċċertifika l-eżistenza tiegħu bejn il-produttur tal-iskart, il-produttur il-ġdid tal-iskart jew il-kollettur u s-sensar jew in-negozjant, fil-każ li s-sensar jew in-negozjant jaġixxi bħala notifikatur.

Evidenza ta’ garanzija finanzjarja jew assigurazzjoni ekwivalenti (jew dikjarazzjoni li tiċċertifika l-eżistenza tagħha jekk l-awtorità kompetenti tippermetti hekk) li ġiet stabbilita u li tkun effettiva fiż-żmien tan-notifika jew, jekk ikun permess mill-awtorità kompetenti li tapprova l-garanzija finanzjarja jew l-assigurazzjoni ekwivalenti, mhux aktar tard minn meta jimtela d-dokument ta’ moviment skont l-Artikolu 16(2), kif meħtieġ fl-Artikolu 5(7) u fl-Artikolu 7.

Dikjarazzjoni tan-notifikatur li n-notifikatur ma ġiex ikkundannat li wettaq vjeġġ illegali jew għal kwalunkwe att illegali ieħor b’rabta mal-protezzjoni ambjentali jew tas-saħħa tal-bniedem, u ma naqasx ripetutament milli jikkonforma mal-Artikoli 15 u 16 b’rabta ma’ vjeġġi li saru, fil-5 snin qabel is-sottomissjoni tan-notifika.

Ċertifikazzjoni min-notifikatur li, sa fejn jaf huwa, l-informazzjoni hija kompleta u korretta.

Numru tas-serje u n-numru totali ta’ vjeġġi.

Data meta beda l-vjeġġ.

Mezzi tat-trasport.

L-isem, l-indirizz, in-numru tat-telefon, in-numru tal-faks u l-indirizz tal-email tat-trasportatur(i).

Rotot magħżula u rotta, meta jkun possibbli inklużi alternattivi possibbli, kif indikat fid-dokument ta’ notifika, f’każ ta’ ċirkostanzi mhux previsti.

Kwantitajiet.

Tip ta’ imballaġġ.

Numru ta’ identifikazzjoni tal-kontejner, jekk applikabbli.

Kwalunkwe prekawzjoni speċjali li għandha tittieħed mit-trasportatur(i).

Dikjarazzjoni ffirmata min-notifikatur li ġew riċevuti l-kunsensi kollha meħtieġa mill-awtoritajiet kompetenti tal-pajjiżi kkonċernati.

Il-firem li jkun hemm bżonn għal kull trasferiment tal-kustodja.

It-tip u t-tul ta’ żmien tal-awtorizzazzjoni li skontha taħdem il-faċilità ta’ rkupru jew ta’ rimi.

Kopja tal-permess maħruġ f’konformità mal-Artikoli 4 u 5 tad-Direttiva 2010/75/UE.

L-informazzjoni dwar il-miżuri li għandhom jittieħdu sabiex tkun żgurata s-sikurezza fit-trasport.

Id-distanza(i) fit-trasport bejn il-post fejn jibda l-vjeġġ u l-faċilità, inklużi rotot alternattivi.

Fil-każ ta’ trasport intermodali, il-post(ijiet) fejn se jsir it-trasferiment.

Informazzjoni dwar l-ispejjeż tat-trasport tal-iskart bejn in-notifikatur u l-faċilità.

Kopja tar-reġistrazzjoni tat-trasportatur(i) fir-rigward tat-trasport tal-iskart.

Analiżi kimika tal-kompożizzjoni tal-iskart.

Deskrizzjoni tal-proċess ta’ produzzjoni tal-iskart.

Deskrizzjoni tal-proċess ta’ trattament tal-faċilità, li tirċievi l-iskart.

Il-garanzija finanzjarja jew l-assigurazzjoni ekwivalenti jew kopja jew prova tagħha.

Informazzjoni dwar il-kalkolu tal-garanzija finanzjarja jew l-assigurazzjoni ekwivalenti kif meħtieġ fl-Artikolu 5(8) u fl-Artikolu 7.

Kopja jew evidenza tal-polza tal-assigurazzjoni fir-rigward tar-responsabbiltà għal danni lil partijiet terzi.

Dokumentazzjoni li tiċċertifika li n-notifikatur ma ġiex ikkundannat li wettaq vjeġġ illegali jew għal kwalunkwe att illegali ieħor b’rabta mal-protezzjoni ambjentali jew is-saħħa tal-bniedem, u ma naqasx ripetutament milli jikkonforma mal-Artikoli 15 u 16 b’rabta ma’ vjeġġi li saru qabel, fil-5 snin qabel is-sorromissjoni tan-notifika.

Kwalunkwe informazzjoni oħra li hija rilevanti għall-valutazzjoni tan-notifika f’konformità ma’ dan ir-Regolament u l-leġiżlazzjoni nazzjonali.

jiżdiedu r-riskji assoċjati mat-tipi ta’ skart b’mod suffiċjenti li jkun xieraq li jiġu sottoposti għall-proċedura ta’ notifika u ta’ kunsens bil-miktub minn qabel, meta jitqiesu l-lista tal-iskart imsemmija fl-Artikolu 7 tad-Direttiva 2008/98/KE kif ukoll il-proprjetajiet perikolużi elenkati fl-Anness III ta’ dik id-Direttiva jew

l-irkupru tal-iskart ma jkunx jista’ jsir b’mod li jħares l-ambjent.

Kwalunkwe referenza fl-Anness IX tal-Konvenzjoni ta’ Basilea għal-lista A għandha tinftiehem bħala referenza għall-Anness IV ta’ dan ir-Regolament;

Fl-entrata B1020 ta’ Basilea, it-terminu “forma massiċċa lesta” jinkludi l-forom kollha metalliċi li ma jinxterdux ( 17 ) tar-ruttam elenkat fiha;

L-entrata B1030 ta’ Basilea għandha taqra: “Residwi li fihom metalli rifrattorji”;

Il-parti tal-entrata B1100 ta’ Basilea li tirreferi għall-“Gagazzi mill-ipproċessar tar-ram” eċċ., ma tapplikax u minflok tapplika l-entrata GB040 (tal-OECD) fil-Parti II;

L-entrata B2050 ta’ Basilea ma tapplikax u minflok tapplika l-entrata GG040 (tal-OECD) fil-Parti II.

Fil-każ tal-iskart ittrasportat fl-Unjoni, l-entrata B3011 ta’ Basilea ma tapplikax u minflok tapplika din l-entrata li ġejja:

jiżdiedu r-riskji assoċjati mal-iskart b’mod suffiċjenti li jkun xieraq li jiġu sottoposti għall-proċedura ta’ notifika u ta’ kunsens bil-miktub minn qabel, meta jitqiesu l-lista tal-iskart imsemmija fl-Artikolu 7 tad-Direttiva 2008/98/KE kif ukoll il-proprjetajiet perikolużi elenkati fl-Anness III ta’ dik id-Direttiva; jew

l-irkupru tal-iskart ma jkunx jista’ jsir b’mod li jħares l-ambjent.

taħlitiet ta’ skart ikklassifikati taħt l-entrati B1010 u B1050 ta’ Basilea;

taħlitiet ta’ skart ikklassifikati taħt l-entrati B1010 u B1070 ta’ Basilea;

taħlitiet ta’ skart ikklassifikati taħt l-entrati B3040 u B3080 ta’ Basilea;

taħlitiet ta’ skart ikklassifikati taħt l-entrata GB040 (tal-OECD) u taħt l-entrata B1100 ta’ Basilea ristretti għal żingu mhux pur u iebes, ħmieġ tal-metalli li fih iż-żingu, xkuma tal-aluminju li teskludi gagazza tal-melħ u skart ta’ kisi ta’ rifrattarji, li jinkludi griġjoli, li joriġina minn smelting tar-ram;

taħlitiet ta’ skart ikklassifikati taħt l-entrata GB040 (tal-OECD), taħt l-entrata B1070 u B1100 ta’ Basilea ristretti għal skart ta’ kisi rifrattarju, li jinkludi griġjoli, li joriġina minn smelting tar-ram.

taħlitiet ta’ skart ikklassifikati taħt l-entrata B1010 ta’ Basilea;

taħlitiet ta’ skart ikklassifikati taħt l-entrata B2010 ta’ Basilea;

taħlitiet ta’ skart ikklassifikati taħt l-entrata B2030 ta’ Basilea;

taħlitiet ta’ skart ikklassifikati taħt l-entrata B3020 ta’ Basilea ristretti għal karta jew kartun mhux ibbliċjati jew minn karti jew kartun immewġin, karta oħra jew kartun ieħor, magħmul(a) prinċipalment minn polpa kimika bbliċjata fil-biċċa l-kbira mhux miżbugħ(a), karta jew kartun magħmulin prinċipalment minn polpa mekkanika (pereżempju gazzetti, ġurnali u materjal simili stampat);

taħlitiet ta’ skart ikklassifikati taħt l-entrata B3030 ta’ Basilea;

taħlitiet ta’ skart ikklassifikati taħt l-entrata B3040 ta’ Basilea;

taħlitiet ta’ skart ikklassifikati taħt l-entrata B3050 ta’ Basilea.

taħlitiet ta’ skart ikklassifikati fl-entrata EU3011 u elenkati fl-inċiż li jirreferi għall-polimeri mhux aloġenati;

taħlitiet ta’ skart ikklassifikati fl-entrata EU3011 u elenkati fl-inċiż li jirreferi għar-reżini mwebbsa jew prodotti tal-kondensazzjoni;

taħlitiet ta’ skart ikklassifikati fl-entrata EU3011 u elenkati bħala “alkani perfluworoalkossiċi”.

jiżdiedu r-riskji assoċjati mal-iskart b’mod suffiċjenti li jkun xieraq li jiġu sottoposti għall-proċedura ta’ notifika u ta’ kunsens bil-miktub minn qabel, meta jitqiesu l-lista tal-iskart imsemmija fl-Artikolu 7 tad-Direttiva 2008/98/KE kif ukoll il-proprjetajiet perikolużi elenkati fl-Anness III ta’ dik id-Direttiva; jew

l-irkupru tal-iskart ma jkunx jista’ jsir b’mod li jħares l-ambjent.

Kwalunkwe referenzafl-Anness VIII tal-Konvenzjoni ta’ Basilea għal-lista B għandha tinftiehem bħala referenza għall-Anness III ta’ dan ir-Regolament.

Fl-entrata A1010 ta’ Basilea, l-espressjoni “barra dak l-iskart speċifikament elenkat fil-Lista B (l-Anness IX)” hija referenza kemm għall-entrata B1020 ta’ Basilea kif ukoll għan-nota dwar l-entrata B1020 fl-Anness III ta’ dan ir-Regolament, il-Parti I(b).

l-entrata A2060 tal-klassifikazzjoni ta’ Basel ma għandhiex tapplika u minflok għandha tapplika l-entrata GG040 tal-OECD fil-Parti II tal-Anness III, fejn ikun xieraq.

L-entrata A4050 ta’ Basilea tinkludi kisjiet taċ-ċelloli użati minn smelting tal-aluminju għaliex dawn fihom ċjanuri inorganiċi Y33. Jekk iċ-ċjanuri jkunu nqerdu, il-kisjiet taċ-ċelloli użati jiġu assenjati għall-entrata AB120 tal-Parti II għaliex ikun fihom Y32, komposti tal-fluworu inorganiċi minbarra l-fluworur tal-kalċju.

L-entrata A3210 ta’ Basilea ma tapplikax u minflok tapplika l-entrata AC300 fil-Parti II.

Fil-każ tal-iskart ittrasportat fl-Unjoni, l-entrata Y48 ta’ Basilea ma tapplikax u minflok tapplika din l-entrata li ġejja:

Għall-iskart ittrasportat fl-Unjoni sal-31 ta’ Diċembru 2026, l-entrata Y49 ta’ Basel ma għandhiex tapplika u minflok għandhom japplikaw l-entrati GC010 u GC020 fil-Parti II tal-Anness III, fejn xieraq.

jiżdiedu r-riskji assoċjati mal-iskart b’mod suffiċjenti li jkun xieraq li jiġi sottopost għall-proċedura ta’ notifika u ta’ kunsens bil-miktub minn qabel, meta jitqiesu l-lista tal-iskart imsemmija fl-Artikolu 7 tad-Direttiva 2008/98/KE kif ukoll il-proprjetajiet perikolużi elenkati fl-Anness III ta’ dik id-Direttiva; jew

l-irkupru tal-iskart ma jkunx jista’ jsir b’mod li jħares l-ambjent.

Id-Direttiva tal-Kunsill 1999/31/KE tas-26 ta’ April 1999 dwar ir-rimi ta’ skart f’terraferma ( 53 ),

Id-Direttiva 2010/75/UE tal-Parlament Ewropew u tal-Kunsill tal-24 ta’ Novembru 2010 dwar l-emissjonijiet industrijali.

Id-Direttiva tal-Parlament Ewropew u tal-Kunsill 94/62/KE tal-20 ta’ Diċembru 1994 dwar l-imballaġġ u l-iskart mill-imballaġġ;

Id-Direttiva tal-Kunsill Nru 96/59/KE tas-16 ta’ Settembru 1996 dwar ir-rimi ta’ polychlorinated biphenyls u polychlorinated terphenyls;

Id-Direttiva 2000/53/KE tal-Parlament Ewropew u tal-Kunsill tat-18 ta’ Settembru 2000 dwar vetturi li m’għadhomx jintużaw;

Ir-Regolament (UE) 2023/1542 tal-Parlament Ewropew u tal-Kunsill tat-12 ta’ Lulju 2023 dwar il-batteriji u l-iskart ta’ batteriji, li jemenda d-Direttiva 2008/98/KE u r-Regolament (UE) 2019/1020 u li jħassar id-Direttiva 2006/66/KE;

Id-Direttiva 2012/19/UE tal-Parlament Ewropew u tal-Kunsill tal-4 ta’ Lulju 2012 dwar skart ta’ tagħmir elettriku u elettroniku (WEEE);

Ir-Regolament (UE) 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti.

Linji gwida tekniċi għar-rimi li jħares l-ambjent ta’ tipi ta’ skart perikoluż u ta’ skart ieħor f’landfill b’inġinerija apposta (D5) ( 54 )

Linji gwida tekniċi dwar l-inċinerazzjoni li tħares l-ambjent ta’ tipi ta’ skart perikoluż u ta’ skart ieħor kif kopert mill-operazzjonijiet dwar ir-rimi D10 u R1 ( 55 )

Linji gwida tekniċi dwar ir-riċiklaġġ/ir-riklamazzjoni li jħarsu l-ambjent ta’ metalli u ta’ komposti tal-metall (R4) ( 56 )

Linji gwida tekniċi dwar il-ġestjoni li tħares l-ambjent ta’ skart bijomediku u mill-kura tas-saħħa (Y1; Y3) ( 57 )

Linji gwida tekniċi dwar il-ġestjoni li tħares l-ambjent tal-iskart ta’ batteriji taċ-ċomb u tal-aċidu ( 58 )

Linji gwida tekniċi ġenerali għall-ġestjoni li tħares l-ambjent ta’ skart li jikkonsistu minn, li fihom jew li huma kkontaminati b’pollutanti organiċi persistenti ( 59 )

Linji gwida tekniċi dwar il-ġestjoni li tħares l-ambjent ta’ tipi ta’ skart li jikkonsistu minn, li fihom jew li huma kkontaminati bil-1,1,1 trikloro 2,2 bis (4 klorofenil) etan (DDT) ( 60 )

Linji gwida tekniċi dwar il-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bl-eżabromoċiklododekan (HBCD) ( 61 )

Linji gwida tekniċi dwar il-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bl-aċidu perfluworoottansulfoniku (PFOS), bl-imluħa tiegħu u bil-fluworur perfluworoottansulfoniku (PFOSF), bl-aċidu perfluworoottanojku (PFOA), bl-imluħa tiegħu u b’komposti relatati mal-PFOA u bl-aċidu perfluworoeżansulfoniku (PFHxS), bl-imluħa tiegħu u b’komposti relatati mal-PFHxS ( 62 )

Linji gwida tekniċi dwar il-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bil-pentaklorofenol (PCP) u bl-imluħa u bl-esteri tiegħu ( 63 )

Linji gwida tekniċi dwar il-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bil-pestiċidi aldrin, alfa eżakloroċikloeżan, beta eżakloroċikloeżan, klordan, klordekon, dikofol, dieldrin, endrin, ettakloru, eżaklorobenżen, eżaklorobutadien, lindan, mireks, pentaklorobenżen, pentaklorofenol u l-imluħa tiegħu, aċidu perfluworoottansulfoniku, l-imluħa tiegħu u fluworur tas-sulfuril tal-perfluworoottan, endosulfan tekniku u l-isomeri relatati tiegħu jew toksafen jew bl-eżaklorobenżen bħala sustanza kimika industrijali (Pestiċidi POP) ( 64 )

Linji gwida tekniċi dwar il-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bil-poliklorobifenili, bil-polikloroterfenili, bil-polikloronaftaleni jew bil-polibromobifenili inkluż l-eżabromobifenil (PCBs, PCTs, PCNs jew PBBs, inkluż l-HBB) ( 65 )

Linji gwida tekniċi dwar il-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bl-eżabromodifenil etere u bl-eptabromodifenil etere, jew bit-tetrabromodifenil etere u bil-pentabromodifenil etere jew bid-dekabromodifenil etere (POP-BDEs) ( 66 )

Linji gwida tekniċi għall-ġestjoni li tħares l-ambjent ta’ skart li fihom jew li huma kkontaminati bil-poliklorodibenżo-p-diossini, bil-poliklorodibenżofurani, bl-eżaklorobenżen, bil-poliklorobifenili, bil-pentaklorobenżen, bil-polikloronaftaleni jew bl-eżaklorobutadien mhux prodotti b’mod intenzjonat ( 67 )

Linji gwida tekniċi dwar il-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bl-eżaklorobutadien ( 68 )

Linji gwida tekniċi dwar il-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bil-paraffini klorurati b’katina qasira ( 69 )

Linji gwida tekniċi dwar il-ġestjoni li tħares l-ambjent ta’ skart tal-plastik ( 70 )

Linji gwida tekniċi għall-ġestjoni li tħares l-ambjent ta’ tajers pnewmatiċi użati u skartati ( 71 )

Linji gwida tekniċi għall-ġestjoni li tħares l-ambjent ta’ skart li jikkonsistu minn, li fihom jew li huma kkontaminati bil-merkurju jew bil-komposti tal-merkurju ( 72 )

Linji gwida tekniċi għall-koproċessar li jħares l-ambjent ta’ skart perikoluż fil-kalkari tas-siment ( 73 )

Dokument ta’ gwida dwar il-ġestjoni li tħares l-ambjent ta’ tagħmir tal-kompjuters użat u li ma għadux jintuża ( 74 )

Dokument ta’ gwida dwar il-ġestjoni li tħares l-ambjent ta’ mowbajls użati u li ma għadhomx jintużaw ( 75 )

Qafas għall-ġestjoni li tħares l-ambjent ta’ tipi ta’ skart perikolużi u ta’ tipi oħrajn ta’ skart ( 76 )

Manwali prattiċi għall-promozzjoni tal-ġestjoni li tħares l-ambjent tat-tipi ta’ skart ( 77 )

Gwida teknika għall-ġestjoni li tħares l-ambjent ta’ flussi ta’ skart speċifiċi: Kompjuters personali użati u skartati ( 78 )

ma tkunx parti minn jew taħt il-kontroll ta’ dawn l-entitajiet;

tkun stabbiliet u topera proċeduri li jiggarantixxu l-imparzjalità tagħha, inklużi:

tkun strutturata u ġestita b’mod li jiżgura l-indipendenza u l-imparzjalità tagħha, inkluż:

it-twettiq ta’ awditi ta’ faċilitajiet li jittrattaw l-iskart;

l-operazzjonijiet ta’ trattament tal-iskart;

is-sistemi ta’ mmaniġġjar tas-saħħa u s-sikurezza ambjentali u okkupazzjonali.

hija awtorizzata mill-awtoritajiet kompetenti tagħha li timporta u tittratta dan l-iskart (għandha tiġi pprovduta evidenza b’mod partikolari permezz tal-produzzjoni ta’ permessi jew liċenzji korrispondenti) u qed twettaq l-attivitajiet tagħha f’konformità mal-leġiżlazzjoni domestika applikabbli rilevanti dwar il-protezzjoni ambjentali;

hija ddisinjata, mibnija u mħaddma b’mod sikur u li jħares l-ambjent u, b’mod partikolari, għandha l-proċessi, it-teknoloġija xierqa ta’ mmaniġġjar tal-iskart, l-organizzazzjoni u l-infrastruttura meħtieġa fis-seħħ biex tittratta l-iskart inkwistjoni, u assigurazzjonijiet li jkopru r-riskji u l-obbligazzjonijiet potenzjali. Għal dan l-għan, bħala minimu, trid tiġi kkontrollata l-informazzjoni dwar il-metodi tat-trattament tal-iskart, inkluż kif l-iskart residwu jiġi ttrattat, b’mod partikolari permezz tat-traċċabbiltà downstream;

tistabbilixxi u topera sistemi ta’ mmaniġġjar u ta’ monitoraġġ, proċeduri u tekniki li jkollhom l-iskop li jipprevjenu, inaqqsu, jimminimizzaw u sal-limitu prattikabbli jeliminaw:

tiżgura t-traċċabbiltà tal-iskart kollu riċevut u ttrattat fil-faċilità, inkluż l-iżgurar li l-iskart residwu kollu ġġenerat mill-attivitajiet tagħha jiġi ddokumentat u jiġi ttrasferit biss lejn faċilitajiet tal-immaniġġjar tal-iskart li jkunu awtorizzati jittrattaw tali skart residwu. Għal dan l-għan, bħala minimu, għandha tiġi kkontrollata l-informazzjoni dwar:

ħadet miżuri maħsuba biex jiffrankaw l-enerġija u jillimitaw l-emissjonijiet ta’ gassijiet serra marbuta mal-attivitajiet tagħha;

tistabbilixxi u hija kapaċi tipprovdi rekords tal-attivitajiet tagħha ta’ mmaniġġjar tal-iskart u ta’ importazzjoni u esportazzjoni tal-iskart għall-aħħar ħames snin; jekk faċilità tkun ilha topera għal inqas minn ħames snin, tistabbilixxi u hija kapaċi tipprovdi rekords tal-attivitajiet tiegħu ta’ mmaniġġjar tal-iskart u ta’ vjeġġi tal-iskart għall-perjodu ta’ operazzjoni;

ma nstabitx ħatja li wettqet attivitajiet illegali marbuta mal-importazzjoni u l-esportazzjoni tal-iskart jew mal-immaniġġjar tal-iskart fl-aħħar ħames snin;

tkun stabbiliet kanali ta’ rapportar interni u proċeduri għar-rapportar intern u għas-segwitu, li jippermettu lill-ħaddiema tal-faċilità jirrapportaw informazzjoni dwar ksur tar-regoli relatati mal-effetti negattivi fuq l-ambjent jekk dan ikun meħtieġ mil-leġiżlazzjoni tal-pajjiż tad-destinazzjoni.

rekwiżiti speċifiċi għat-trattament ta’ ċertu skart, inkluż kif imsemmi fil-Parti 1 tal-Anness IX, u dwar il-kalkolu tal-kwantità ta’ skart ittrattat, li huma obbligatorji skont il-leġiżlazzjoni tal-Unjoni;

il-konklużjonijiet dwar l-Aqwa Tekniki Disponibbli adottati għal ċerti attivitajiet skont ir-reġim tad-Direttiva 2010/75/UE tal-Parlament Ewropew u tal-Kunsill tal-24 ta’ Novembru 2010 dwar l-emissjonijiet industrijali ( 79 ).